وين احصل كباب ولحم متبل وجاهز ؟؟؟؟

[الواعد]

السلام عليكم

وين احسن محل يبيع دجاج ولحم وكباب ( متبل جاهز ) بالكيلو

نفس ماكان موجود عند محل الثمار القطرية اللبنانية

غير كارفور والمخازن

[نوار قطر]

ملحمة لبنان اعتقد اسمها ممم الي في النصر قبل مجمع التموين تتبيلتهم حلوه

[طيف عابر]

ملحمة لبنان اعتقد اسمها ممم الي في النصر قبل مجمع التموين تتبيلتهم حلوه

:nice::nice::nice::nice::nice:

[الواعد]

الف شكر على الرد

[qatarshark]

اللمزاني فرع مدينه خليفة كباب إيراني على الكيف

[الإكسير]

انصحك تاخذ من مواشي الكيلو على 24 ريال مقطع وتبله فالبيت ماي بي له شي

[غير البشر]

اخوي الواعد جرب مطعم تركيا المركزي

اعتقد تقدر تشتري منهم

شيش طاوق ولحم ومسحب

وبالتوفيق :victory:

[وطن]

القطرية اللبنانية عندهم

[راشد محمد]

احسن شي البيت

[محمد إبراهيم]

مافي بعد شغل البيت

بس اختار البهارات السنعه

وغمسها بالروب عشان تون طريه

وهنأ وعافيه ..

[jassim_007]

احسن تتبيله عند خوش كباب

لهم فرعين في شارع غرافه التجاري
و خلف عالم الجديد بعد مطعم اللمزاني

و الي يجربه ما بيندم p:

[للصبر اخر]

اللمزاني شي خطير صراحه وعن تجربه



اللي خلف نابينا

[لاجل QT]

احسن تتبيله عند خوش كباب

لهم فرعين في شارع غرافه التجاري
و خلف عالم الجديد بعد مطعم اللمزاني

و الي يجربه ما بيندم p:


اللمزاني شي خطير صراحه وعن تجربه



اللي خلف نابينا

اللمزانى عندهم قعدة عائلية هل المكان مناسب

[بونووف]

اللمزاني فرع مدينه خليفة كباب إيراني على الكيف

اي صوب في مدينة خليفه..؟ وهل يعطيك كباب متبل وجاهز للشوي؟

[الدوحي7]

اليوم يوم الشوي العالمي،،

[Khaled Qatar]

مشاعل الخليج ، ألذ كباب وريش وكفته

مكانه في ام غويلينا عند مطعم اليازي

رقمهم 44416363

[باراكودا]

اللمزانى عندهم قعدة عائلية هل المكان مناسب

اللمزانى ماعندهم قعدة عائلية

[للصبر اخر]

لاجل
احنا ناخذ منه الدجاج واللحم المتبل جاهز ونشوي في العنه

[بونووف]

لاجل
احنا ناخذ منه الدجاج واللحم المتبل جاهز ونشوي في العنه

وين مكانه بالظبط .. هل في منه فرع ثاني غغير اللي في نابينا..؟

[الزلزال]

البيت افضل

[ام رويشد]

زين اللي يعرف طريقة تتبيلة مضبوطه يحطها لنا :)

[الأصيلة]

اللولو

تتبيلتهم مافيها ثوم وخفيفة

[الصغيره]

اشتوره بجانب الخضار اللبنانيه شمالي سوق العلي كان اصلا بالخضار اللبنانيه ولكن انفصل وصار اسمه اشتوره حتى الغزلان عندهم وكل اللي تبين من اللحوم ومتبله وجاهزه ودجاج وربيان
كله على الشوي على طول مايبي تعب اتعامل معهم من سنوات ولا شفت الا العدل والزين

[القطرية1]

اللمزاني شي خطير صراحه وعن تجربه



اللي خلف نابينا

هل نفس الملحمة في مدينة خليفة. وين بالضبط في خليفة

[كازانوفا]

بالنسبه لي اجيب البهارات من سفاري مول بما ان المحل كله هنود وصاحبه هندي فكثير مهتمين بتوافر التوابل الهنديه عشان الشعب الهندي ما يطفش ههههه
اجيب من عندهم يكون مشكل واخلطه بالدجاج او باللحمه ولازم احط زبادي عشان يعطي طعم ونكهه طيبه وامس كانت حفلة الشوي الكل ولله الحمد يمدح فيهاااا

واللحمه كذلك الباكستاني مع البهارات جدا لذيذه بس جاهز ما عمري فكرت اني اجازف غير بالمطاعم

[بونووف]

الويك اند اللي راح رحنا عنة الشباب في زكريت ومرينا على السوبرماركت اللي ف دخان وفي ملحمة داخل تابعه للتركي المركزي .. كل شي موجود عندهم وقلنا حق الريال نبيه متبل وبس قعد يتبله الصراحه تتبيلتهم مالها حل .. فنان الصراحه

[mE mYself & i]

مشاعل الخليج ، ألذ كباب وريش وكفته

مكانه في ام غويلينا عند مطعم اليازي

رقمهم 44416363

:nice::nice::nice:

[بصمة قطرية]

صدقوني أحلى من تتبيلة البيت مافي
ما يبي لها شي ..:victory:

[thelord007]

ساعلمكم خلطة شيش طااووق /السرية /
بعملها بالبيت وكل مين يذوقها تعجبه
ويسالني عن المقادير :shy:

المقادير :
كمية من صدور الدجاج منزوع الجلد حسب الحاجة ولنقل 3 كيلو
ونقوم بتقطيعها قطع متوسطة اكبر بشوي من قطع الكباب
ونغسلها جيدا وبعدها نخلطها مع شوية ملح وكمون وليمونة مقطعة شرائح مع شوية خل وماء ونتركها منقوعة بحدود الساعة
حتى تروح اي زنخة للحم وبعدها نغسلها بالماء ونصفيها جيدا
ونقوم بعدها بنقعها بالخلطة التالية ويفضل تركها بهذه الخلطة لثاني يوم حتى تتشربها

والخلطة مؤلفة مما يلي :

1- ملح + فلفل اسود + راس ثوم مقشر + 2 فنجان صغير زيت زيتون + 1 فنجان صغير خل
+ 300 ملي روب / زبادي / ما يعادل كوب ونص / + ملعقة ص هيل مطحون + ملعقة ص قرفة + ملعقة ص جوزة الطيب + ملعقة ك فلفل احمر معجون يباع / بمحلات المخللات في الجمعيات / + ملعقة ك معجون طماطم + ربع حبة ليمون بقشرها دون بذور + رشة زعتر + حبة بصل صغيرة مقشرة ..

والآن : نقوم بوضع كل هذه المكونات بالخلاط ونخلطها لمدة دقيقة

ونصبها على قطع الدجاج ونخلطها جيدا مع بعض في قدر واسع ونغطيه بالنايلون ونضعه بالبراد لثاني يوم
وتشك باسياخ ونشويها على الفحم مع قطع فلفل رومي وممكن قطع بصل وممكن حبات فطر او طماطم ...حسب الرغبة
وان شاء الله تجربوها وتعجبكم :)
وافضلكم من احسن مطعم

[يوسف0]

في فالميجا مارت الي فمحطة البترول قريب مستشفى حمد نسيت شسمها

تتبيل ولا اروع وتنقي التتبيله الي تبيها

جرب ولن تندم