الناس الراصه على البيزة والآنه والريال ..لين متى ..؟!

[ام ناصر1]

السلام عليكم
تستوقفني هالظاهرة الناس الي الله منعم عليهم وارصدتهم اما بمئات الآف
أو المليون وما تشوف فيه تغير بمظهرهم أو تبديل لأحوالهم وكله راصين
على الريال ...وبعدين يعني ..اذا الإنسان ما دلع نفسه وشبب عمره الحين
متى ناوي يدلع ويضبط نفسه إذا صار في القبر مثلا ...
شاركونا بارك الله فيكم في فهمكم لطبع الادخار المبالغ فيه ..وتعتقد هالصنف
من الناس فيه عقد نفسية ..والا تعود خلاص يمسك يده ..ثم اليس الكرم
صفة عربية حاتمية وإلا راح زمن الطيبين ؟!

[مشاكل]

قال تعالى :
( ولا تجعل يدك مغلولة إلى عنقك ولا تبسطها كل البسط فتقعد ملوما محسورا )
صدق الله العظيم

[روز باريس]

اذا ب دلع عمرة ويشبب عمرة شلون تتجمع لفلوس ،لفلوس ياحبيبتي تتجمع برص عليها

[خليفـة]

قال تعالى :
( ولا تجعل يدك مغلولة إلى عنقك ولا تبسطها كل البسط فتقعد ملوما محسورا )
صدق الله العظيم


احسنت اخوي مشاكل

صدق الله العظيم

خليفــة

[MAZEN37]

سؤال وحيرة كل الحريم ههه
انتوا حسبالكم الفلوس تجي بالراحه ههه
اكيد الحين بطلع بخيل
في وجهة نظر بالموضوع احترمها

[حسن]

المال عديل الروح

[بوغانم995]

كلامج صح وندعوا للراجحي الذي وزع كل ثروته على أولاده ....وقال خلاص أبي بيت يظمني مع زوجتي .....وراتب يسد حاجتي ......هل تعلمون انه في كل مره قبل عيد الفطر ...يفرج كربات ...الغارمين ....ويسدد كل الين عنهم ....ويخرجهم من السجن . جزاه الله خير الدنيا ورحمة الآخرة ، يوم لا ينفع إلا من أتى بقلبآ سليم ....وسمحو لي أن اسرد عليكم ..قصة تاجر ....وجاره الفغير : كما تعلمون انه في الزمن الجميل كانت المنازل متغاربه ومتلا صقه ، فكان التاجر عندما يذهب إلى النوم ....تقوله زوجته .....اسمع زوجة جارنا الفغير تضحك معاه وهو سيؤلف معها مستأنسين .....وانته قاعدلي ....إلى الصبح ....الزرع العود دخل اليوم ٧٠٠٠٠ اليوم بس و الدكاكين مدخولهم اليوم ....أبو حمود ماجاب السلف ....الخ. ...امحق افلوس التي لاتسعد صاحبها .....استمع لجارنا ....يضحك ويسولف مع مرته مستأنسين ....عصب التاجر وقال إمرته ...زين الراويج فيه ....قالت له التوجه حرام عليك ....خل الريال في حاله ....رد عليها التاجر قال من بكره في الليل مش حتسمعين لهم ضحكه .....
قي الصبح طر ش التاجر على جاره وقاله انته معزوم عندي على العشاء يابوفلان .....الجار الفغير مصادق الخبر ......قال حق زوجته تصدقني أن جارنا التاجر ....طرش علي عازمي على العشاء ....أفرحت الزوجه وقالت للزوج ....حوش خبر ...وفي المساء تزين الزوج ...وبخرته زوجته ....وذهب اللعزيمه .
عندما وصل لبيت التاجر .....لم يجد احد معزوم .....فقال له التاجر هذه عزيملك انته بس ... فرح الجار بالعزيمه ....وظرب على الأكل .....وشبع بطنه : وبعد الشبيه ناداه التاجر وقل له اجلس جنبي .....جلس جنب التاجر وهو مو مصدق ....نعم طال عمرك .....آمر ....رد عليه التاجر وقال له انته إنسان فغير وأنا أبي أساعدك ....وتصير غني مثلي ....تشقق الجار وقال للتاجر ...أشلون طال عمرك ...... رد عليه التاجر وقال أنا باعطيك ألف دجاجه من عندي
...فرد عليه الجار ....ب ب ب ااااا ل ألف دجاجه ..... فقال له التاجر من بكره هم عندك ....بس اجلس شوي عندي انسولف .......وقبل منتصف الليل .....ذهب الجار ....إلى بيته .....وذهب التاجر إلى زوجته ......فقال لها اسمعي اليوم ضحكات جارتج .....وعند دخول الجار بيته ....استقبلته الزوجه فقال لها اصبري شوي خليني افصخ إثيابي ......وان طريني با يايج .....جاء التاجر وباله مشغول ويفكر ...ولم يعطي الزوجه أي اهتمام ....فقال لها عن سالفة الدجاج ألالف .....وأخذ الجار وزوجته .....يحسبون .....الزوجه ألف دجاجه أذا باظو ألف بيضه ....كم فرخ .....يطلع ...رد عليها زوجها ....أكيد ألف ..وهذا الألف يصير ألفين و ضربيهم في ثلاث سنين كم دجاجه وكم بيضه ......بن بيع والأكل مالهم كم يكلف ....ونيب عزبه لهم .....وطلع الصبح عليهم وهم يعدون ......فقال التاجر أشوف ماسمع ظحك .....أيش السالفة ....فردت عليه الزوجه حرام عليك جنتهم ......وسمحولي على الاطاله .....وبس....

[الكنترول]

خير الأمور الوسط

[فرهود]

ارفض فكرة ان يشبب الانسان نفسه ويدلع عمره بالمطلق وفي نفس الوقت البخل ممقوت . فيه ناس سبحان الله عندهم اوموال ويقدر يشتري بدال الفله قصر وبدال الاندكروز روزريز . لكن هو راضي بعيشته الوسطيه وفي نفس الوقت مش مقصر في اعمال الخير . وهذا هو الاهم عندما يموت ويروح القبر . ربنا ماراح يقوله ليش مادلعت عمرك وشببت نفسك لكن راح يسئله عن زكاته وراح يرفعه درجات بصداقت امواله وتبرعاته هذا هو الي بيتم للانسان بعد موته. اما الدنيا فماتسوى

[ام ناصر1]

قال تعالى :
( ولا تجعل يدك مغلولة إلى عنقك ولا تبسطها كل البسط فتقعد ملوما محسورا )
صدق الله العظيم
بارك الله فيك الوسطية ما في احسن منها

[ام ناصر1]

اذا ب دلع عمرة ويشبب عمرة شلون تتجمع لفلوس ،لفلوس ياحبيبتي تتجمع برص عليها

يعني يات على فقيرن بيدلع نفسه ..قللوا السفرات هاي يقلل المصاريف



احسنت اخوي مشاكل

صدق الله العظيم

خليفــة
فعلا التوسط بالامور احسن شي






سؤال وحيرة كل الحريم ههه
انتوا حسبالكم الفلوس تجي بالراحه ههه
اكيد الحين بطلع بخيل
في وجهة نظر بالموضوع احترمها
منطق الرص شالحكمه منه لدى البعض ..كم مره الواحد بيعيش..

[الأصيلة]

نعم ناس ساكنه في بيوت أجار وعندهم عمارات مأجرة
وفلل كبيرة ...
أثاث بيوتهم قديم وسيارات قديمة والأرصدة تارسة البنوك...
يتهاوشون مع اخوانهم وخواتهم وأمهاتهم ويحجرون على أبائهم
ويرفعون قضايا على عيالهم وأخوانهم بسبب الفلوس وفي نفس الوقت
أرصدتهم مليانه مب ناقصة...
صادقة يا أم ناصر هذولا أمرهم غريب صراحة

[فراغ]

أم ناصر واحد
الي اعرفه عن هذي الدنيا
اني دخلت لها عريان(مفصخ)
وبطلع منها عريان (بعد مفصخ)
الا من العمل الطيب والصالح
فيه واحد يقولي عندي عماره وعندي وعندي
وانا بيني وبينتش من كثر ما عدد سال لعابي
لكني تمالكت نفسي وقلتله مثل مايت عريان بتطلع منها عريان
قالي هذي لعيالي وعيال عيالي
هذا انتوا يالفقاره لما متقدرون على العنب تقولون حامض
هو عاد يدري ان سيارتي مديل 90 ومخباي فاضي

[وطن]

"الكفن ما فصلّوا له جيوووب"

هذه المقولة وايد تعجبني

:)

[WhiteBeard]

الفلوس فلوسه وهو يملك حرية التصرف فيها...
وهو الي يحدد كيف ينعم على نفسه... وبأي طريقة يرتاح لها...
وكثير من الناس العمليين توافه الأمور والكماليات الشكلية ما تهمهم أبداً... في النهاية ثوب عادي وسيارة عادية ومنزل عادي ... وكلن بيأدي الغرض المطلوب منه...
لكن تبين الصراحة، العقد النفسية الي ذكرتيها في الموضوع ليست في هؤلاء، في من يتدخل في شؤون من لا يعنونهم.

[راشد محمد]

يجمع الفلوس للزمن

[راشد محمد]

"الكفن ما فصلّوا له جيوووب"

هذه المقولة وايد تعجبني

:)

:nice: محد ماخذ معاه شي للقبر..
في ناس مقتدرة وارصدتهم بالملايين ويعيشون في بيوت قديمه؟؟
في اباء مرتاحين ماديا ويعلمون عيالهم شلون يجمعون البيزات ويكونون انفسهم ويزوجون انفسهم من تعبهم,,:secret:

[qatara]

السلام عليكم
تستوقفني هالظاهرة الناس الي الله منعم عليهم وارصدتهم اما بمئات الآف
أو المليون وما تشوف فيه تغير بمظهرهم أو تبديل لأحوالهم وكله راصين
على الريال ...وبعدين يعني ..اذا الإنسان ما دلع نفسه وشبب عمره الحين
متى ناوي يدلع ويضبط نفسه إذا صار في القبر مثلا ...
شاركونا بارك الله فيكم في فهمكم لطبع الادخار المبالغ فيه ..وتعتقد هالصنف
من الناس فيه عقد نفسية ..والا تعود خلاص يمسك يده ..ثم اليس الكرم
صفة عربية حاتمية وإلا راح زمن الطيبين ؟!

الله لايعاقبنا
الماده تحولت عند صغار العقول من نعمه الي نقمه
لدرجه انه هناك من يلهث لهث
و يرمي كل مبادئه لاجلها

[MAZEN37]

أم ناصر واحد
الي اعرفه عن هذي الدنيا
اني دخلت لها عريان(مفصخ)
وبطلع منها عريان (بعد مفصخ)
الا من العمل الطيب والصالح
فيه واحد يقولي عندي عماره وعندي وعندي
وانا بيني وبينتش من كثر ما عدد سال لعابي
لكني تمالكت نفسي وقلتله مثل مايت عريان بتطلع منها عريان
قالي هذي لعيالي وعيال عيالي
هذا انتوا يالفقاره لما متقدرون على العنب تقولون حامض
هو عاد يدري ان سيارتي مديل 90 ومخباي فاضي

هههه ضحكتني الله يهديك
واقعي فراغ

[ahmed jasim]

الله يعين بوناصر1
النسوان تفكيرهم دايما فى الماركات
شنطة أكبر من ...
وساعة متروسة ألماس
وفستان لكل عزومة فرح

[أسد الجزيرة]

يمكن بعض الناس الي حالته عادية سباق في الخير و يبدي فعل الخير على نفسه

[ريم 28]

موضوعك مهم لاناس يخافون من الصرف حتئ علئ انفسهم

من خلاله اوضح اختي ام ناصر بان اغلب من يفعل ذلك يموت ولم يستمتع بماله بل كان لغيره واحيانا يحرمهم ويحرم نفسه من الاستمتاع بهذه النعمه للمستقبل

اي مستقبل يجعلك لا تعيش يومك وحاضرك وانت لا تضمن ان عشت المستقبل او استفدت منا تتدخر

الا تعلم بان هناك قيمه نقديه تتغير مع مرور الزمن

الا تعلم بان مالك بالامس يسوئ اكثر من الغد وقد ترتفع فيه الاسعار باستمرار وبشكل مفاجئ ولاسباب اقتصاديه وتجاريه


ان لم يكن هناك عقلا يدبر ويستفيد من المال فان تجميعها وتقصيرك في نفسك واهلك لن يفيدك حاضرا ومستقبلا


وجهة نظر


شكرا اختي ام ناصر

[حفيد الأنصار]

قال تعالى :
( ولا تجعل يدك مغلولة إلى عنقك ولا تبسطها كل البسط فتقعد ملوما محسورا )
صدق الله العظيم


صدق الله العظيم

[R 7 A L]

"الكفن ما فصلّوا له جيوووب"

هذه المقولة وايد تعجبني

:)

ومازال البعض في بعض الدول يوصون بأن تدفن معهم ثروتهم :rolleyes2:

[نور الحور]

أعتقد إن موضوع ومقصد الأخت أم ناصر واضح ..وبالفعل هناك ناس أستغرب منهم ..وانا ما أتكلم عن الناس اللي سماهم أحد الأعضاء بـ (العمليين) اللي ما يهتمون للمظاهر ..
أنا أتكلم عن ناس اللي يشوف بيوتهم يقول هذولا ناس فقراااااء .. كأنهم عايشين في قبور وهم احياء ..حتى أبسط شروط السلامة غير متوفرة .. شفت بعيني بيت كبير معروف أصحابه بغناهم ما شاء الله .. لكن حتى صبغ مو مصبوغ ..أشجار حوشهم ميتة ، ما على سورهم أي ليت.. وايرات الكهربا طالعة برا في وضع خطر.. الطوف مشلخة ومكسرة ، النوافذ قدييييييمة ومنهم مكسور كأنه بيت مهجور بدون مبالغة .. واستغرب في نفسي وأسال نفس سؤال أم ناصر.. ليش؟
دينا حثنا على عدم الإسراف وعلى التوسط .. ونهى في نفس الوقت عن التقتير على النفس أو التضييق على الأبناء ..طبعاً بتقولون هذا شأن خاص فيهم ..وأنا برد أقول صح.. لكن من الطبيعي إن هذا الشي يلفت انتباه الناس ويثير تساؤلهم .. احنا ما نعيب ولا نتشمت لكن نتساءل ..لأنه أمر ضد الفطرة السليمة إنك تعيش في (خرابة) وأنت مليونير .. يعني الموضوع موضوع تامل وتحليل واستفادة مو فضول ..

[بـــــدوي]

هذا اللي فلوسه مافيها بركه ، يعني شغله الشاغل انه يقعد يجمع من ذا الفلوس ولا تبين عليه ولا على عياله امحق فلووس :nea:

[برشلوني قطر]

سبحان الله ..بعض الناس الله يرزقهم خير ويحرمهم يستمتعون فيه..

فما تشوف نعمة الله باينه عليه...

[حلم الطفولة]

راص على فلوسه خايف عليها ما يدري بكره بيلعبون فيها ورثته يقال (البخيل حارس نعمته وخادم ورثته)

قال سقراط: الأغنياء البخلاء، بمنزلة البغال والحمير، تحمل الذهب والفضة، وتعتلف

التبن والشعير.

[حسن]

راص على فلوسه خايف عليها ما يدري بكره بيلعبون فيها ورثته يقال (البخيل حارس نعمته وخادم ورثته)

قال سقراط: الأغنياء البخلاء، بمنزلة البغال والحمير، تحمل الذهب والفضة، وتعتلف

التبن والشعير.

انا شفت من هل الاشكال قامو يلعبون في فلوسه العيال وهو حي عاده مامات

يامكثرهم مملينين اعرفهم والله حتى الطرار مايعطيه ريال