سؤال في الماك بوك

[ذيب ازغوى]

السلام عليكم

يالربع انا عندي هذي اللبتوب ولين الحين ماعرفت له عدل

وهذي بعض الاساله اتمنى انكم تفيدوني فيها ؟
1- تنزيل الصور من الكيمرا الابتوب ونزلته وكل شي تمام بس يوم جيت ابي انزله على موقع تحميل الصوره مايحملها لي قلت الصوره كبيره وصغرتها وبعد مافي فائده واعتقد بسبب نوع الصوره كيف اغيره في الماك بوك

2- وشو البرامج الحلوه المسليه حق الماك بوك غير الانستقرام اللي نفس طختها اقصد :nice:

وبيض الله ويهكم

[Abdulla Al.F]

في مواقع وايد ممكن تغير الصيغه للصوره:

http://www.change-images.com/convert-images.htm

http://www.fixpicture.org/


بالنسبه لي ماستخدم برامج مسليه حق الماك لانه استخدامي له للدراسه فقط، ان شاء الله الاخوان يفيدونك

[airbus]

افتح الاب ستور تحصل وايد برامج

[Aaziz]

استعين في اليوتيوب فيه شروحات كثيره حول الماك و بالعربي
حاول ان تبحث عن المعلومه لترسخ في ذهنك

[ذيب ازغوى]

الله لايهينك حد يعرف طريقه ثانيه غير المواقع لتغير صيغه الصور

[airbus]

في الابل ستور برامج وايد تغير الصور وحتى في برامج يجي مع الماك تغير صيغة الصور

[Aaziz]

السلام عليكم


اخوي انت قاعد تستخدم ماك .. يعني داخل على نظام جديد مختلف عن الي تستخدمه سابقا .. ينقصك البحث مواصفات جهازك و طريقه التعامل مع الماك (اسهل بكثير من الويندوز) نصيحك حاول انت تستكشف الجهاز و البرامج الي فيه ،، لانك بتاخذ وقت طويل جدا عشان تعلم على الجهاز اذا بتوقف عند كل شي و بتسئل عنه .
بالعاميه اقعد حورف في الجهاز ترى العبثه هي الي تعلم .
اعرف البرنامج الي قدامك ايش يسوي ،، مثلا برنامج صور .. خذ اسم البرنامج و اكتبه في جوجل و اكتب كلمه شرح جمب اسم البرنامج و بتلقى كثير مواضيع شرح عليه ،، و في اليوتيوب كذلك .

تعليقي اعلاه جاي من المثل الي يقول ،، لاتطعمني طيرا ولكن علمني كيف اصتاد. شي من هالقبيل ماني حافظ المثل :)

بالنسبه لسؤالك

افتح الصوره بهذا البرنامج preview وهو من البرنامج الي تجي مع الماك من الشركه


http://www.m5zn.com/image.php?&img=75d491e61e76999.png



و روح من فوق على كلمه file و انزل بالقائمة تحت لين كلمه export (وتعني تصدير يعني تصدير الصورة)
و راح يفتح لك البوكس الي في يمين الصوره ،،، و عندك خانه format
اختار صيغة الصوره الي تحب تحفظها عليه . وخلاص

و عندك tools من هذي القائمه تقدر تغير حجم الصوره و تقصها و تغير الوانها و تعمل لها تدوير و غيره من الامور الي بتحتاجها

بالتوفيق

[almohanadi]

ماقصرتوا في الرجال