خطر العنن

[من الواقع]

هل يمكن أن تكون الدولة يسرت مكان مشجع للمنحرفين من الشباب بمنح تصاريح مكان اقامه خارج السيطره الاجتماعية - بحيث يجتمع الشباب حسب مواعيدهم بعيدا عن الاعين .
هل توجد رقابة مجتمعية على هذه العنن
( سيتم شرح ذلك بعد تعليقاتكم )

[غايه الطواش]

لكل شي استخدام صالح وطالح
الدوله بتراقب ولكن بحدود
الى مايسوي اعتبار لرب العالمين بيعتبر من الدوله
مو من حقنا نحرم الاغلبيه من الاستمتاع بالعنن بسبب فئه شاذه
اغلب الشباب فيهم الخير والبركه .
والي بسوون الخراب فالعنن الحين تاكد كانو يسوونها على ايام العزب

وكفايه تحكير ع الشباب خلوهم يتنفسون .

[عيون الدوحة]

العنن مب شي جديد
من ستوينا والناس عندها عنن
بس الي جد في الموضوع التصريح لمكان العنة وبس

[R 7 A L]

على ما أعتقد أنك تقصد منطقة ( سيلين )
صحيح أني ولامره زرت هالمنطقة ولا اعرف مايحصل بهــا ولكني سمعت كما سمع غيري
من التجاوزات التي تحصل بهــا ، واذا أفترضنا ان هذه التجاوزات فما دخل الدولة ياعزيزي ؟

اذا كان للدولة سبب في هذه التجاوزات التي تحصل في مناطق العنن
فهي أيضاً سبب فيما يحصل في ( عزب الحلال ) الموزعة على مناطق الدولة
وهي أيضاً سبب فيما يحصل في المنطقة الصناعية من تجاوزات .


مايحدث أخي الكريم لا شأن للدولة بها


تحياتي

[حسن]

الخراب خراب سواء في عنن ولا في البيوت والشقق الخاصه والا الفنادق

مايصير نحرم العالم علشان شله فاسده

هذا راي

[BoFahed]

اتوقع في نشاطات دعوية من مشايخ كرام للعنن وتوجيه الشباب اللي يجتمعون فيها وممكن الواحد يستغل هالفرصة في نصحهم


*

[من الواقع]

اتوقع في نشاطات دعوية من مشايخ كرام للعنن وتوجيه الشباب اللي يجتمعون فيها وممكن الواحد يستغل هالفرصة في نصحهم


*

راي موفق من عقل راجح

[MAZEN37]

الي ناوي يسوي الغلط بسويه بتصريح او بدون
لكن ليش ما تقترح بالزام صاحب العنه بالسماح لدخول العنه والتفتيش المفاجئ
واللي ناوي خير بيوقع وبيبصم

[تاجر كشخة]

الصراحة استغربت من الموضوع كانه في شي يصير وانا اجهله

[شميرام]

هي الصراح خطره خاصه عل المرأهقين ،خاصه اللي الأهل مقبضينهم سياير هم يتحملون المسؤولية ولا تقولون خل يرحون يستانسون يأخذون راحتهم ول هم رايحين مع عيال فلان جنه الا منزهين عن الغلط عيال فلان لا يجئ واحد مادري من وين يعفسهم كلهم
في نفس الوقت ما يصير تمنع العنن سواء اعنن او ميلس او زروع الأهل لازم يرقبون عيالهم مافي شي اسمه صار ريال خلاص كفايه المدارس فيها بلاوي وذي مراقبه وبعضهم كيمرات شلون في بر لا رقب ولا حسيب


الأهل هم المسؤول الأول والأخير ومب اللي يعطي التصاريح اللي يسويه لهم هو المسول ،،ذي بالنسبه للشباب الصغار ،،،أما الكبار ما تقدر تعمم عليهم كل العنن مب زينه اللي يبغي يسوي الغلط عند ألف مكان عنده بيت فندق شاليه اي مكان ،،،، في ناس يسون أنشطه رياضيه ومحاضرات وتغير جو
الخير يعم والشر يخص

[hamoor4ever]

ازور الشباب في العنن ماشوف الا كل خير اللي يبي الغلط بيسويه بعنه او بدون

[ولد سالم]

السلام عليكم ،،
الموضوع موضوع خوف من الله وانا بتكلم عن اللي أشوفه
بما أني من عشاق الطلعات والمخيمات
المشكله نشوف أشياء كثيره بس ما نقدر نسوي شي
وخاصه فسيلين والغريب انه كل ويكند وبالأخص الجمعه يكون في فئه وليس الكل
من البنات الي يتأجرون دراجات ويلبسون لبس غير محتشم والشباب ورآهم
صار هالشي معروف والمشكله انه تشوف اهلهم وياهم والموضوع عااااااادي
اما بالنسبة للتفتيش المفاجئ ما ينفع
لو يدخلون وانا قاعد مع هلي راح تصير مشاكل

[حياة]

الدوله بترافب من والا من؟
بعدين اللي بيسون شي يسود الوجه،
بيسوي في اي مكان مثل بيت او مجلس،
الصالح صالح والطالح طالح واذا الواحد
ماحفظ نفسه وكرامته وهله وعزوته ماحد
يقدر يحفظه لادوله ولابشر..

[حياة]

صراحه مااحب سيلبن من كثر مااسمع عنها
ولا في حياتي رحت انا او عيالي او زوجي
احسها منطقه سفاهه وبس... الله يستر علينا
من غضب ربي لايسلط علينا عذابه.. صراحه
معاد فيه دين ولا صلاه في اغلب الشباب
والشابات .... اااالله يصلح حالهم

[MAZEN37]

السلام عليكم ،،
الموضوع موضوع خوف من الله وانا بتكلم عن اللي أشوفه
بما أني من عشاق الطلعات والمخيمات
المشكله نشوف أشياء كثيره بس ما نقدر نسوي شي
وخاصه فسيلين والغريب انه كل ويكند وبالأخص الجمعه يكون في فئه وليس الكل
من البنات الي يتأجرون دراجات ويلبسون لبس غير محتشم والشباب ورآهم
صار هالشي معروف والمشكله انه تشوف اهلهم وياهم والموضوع عااااااادي
اما بالنسبة للتفتيش المفاجئ ما ينفع
لو يدخلون وانا قاعد مع هلي راح تصير مشاكل

العنن المشبوهه سهل تعرفها. ومن اخر الدنيا تبين

[الوان]

مشكور الأخ اللي طرح الموضوع ....

اظن قصده من الموضوع ان في العنة اللي بيسوي خرابيط بيكون مجاهر بالمعصية و بالمنكر .... يعني الكل يسمع و يشوف الردحة .... و يمكن يكون فيه ازعاج للعنن المجاورة ...

[khalid525]

ياليت بالمرة تفرض الدولة على الناس تركب طوف شفافة في بيوتها عشان ما تتحول البيوت بعد الى اماكن مشجعه للمنحرفين ،

ملينا من هالكلام المثالي ، اللي ما وراه الا المنع والتضييق على الناس

[وطن]

الله يهديهم ويصلحهم

[حميداني]

الخصوصيه حق , وما يصير بعيد عن اعين الناس ما لدخل الناس فيه
اللي يصير بين اعين الناس , يكون للناس دخل فيه
واللي يبي المصخره ممكن يسويها في المجالس في البيوت في العزب في العنن وفي اي مكان
هذا مب معناته اننا نفتش كل بيت وكل مجلس وكل مكان بحجة انه ممكن يكونون مسوين شي غلط
هذا اعتداء على الخصوصيه

اللي يشوف المصخره قدام عيونه يبلغ
اما الي يسمع انه صار كذا وصار كذا يصك اذنه يخليه بحاله ويظن بالناس خير دامه ما شاف بعينه
وعن اللقافه يا فاضي

يعطيك العافي من الواقع عالموضوع

[عبدالعزيز الهتمي]

ليكون قصدك مخيمات الانجليز

[بوخالد911]

هلا

العنن والفنادق والشقق والاستراحات والشاليهات
هدفها للترويح عن النفس

والمشكلة تكمن في المستخدم

فلا يعقل تماما أن نمنع السكين ( مثلا ) لمجرد شخص قتل شخصا

[النهار]

الله يهديهم ويصلحهم

[سداوي&مدريدي]

هلا

العنن والفنادق والشقق والاستراحات والشاليهات
هدفها للترويح عن النفس

والمشكلة تكمن في المستخدم

فلا يعقل تماما أن نمنع السكين ( مثلا ) لمجرد شخص قتل شخصا

كبير يا بوخالد

لكن لابد من الرقابه

[الخزرجي قطر]

ليس من العدل ان نمنع فئه كبيره من الاستفاده من المخيمات والعنن
مقابل سلوكيات فئه قليله جدا كل واحد مسئول عن تصرفاته وسلوكياته
الدعاء لهم ان الله يهديهم والرقابه العائليه والمتابعه اهم شي .

[عاهد بن علي]

الافضل ان تكون الرخص عائليه

[بن مسلم]

الحين خليت الفنادق ورحت حق العنن يبه خلاص كل شي موجود في الدوحه مايحتاج افسر اكثر

[ام ناصر1]

المفروض يمنعون اعطاء تراخيص للعنن الي يثبت إنها محل شبهة وكذلك العزب وكذلك الفنادق والشقق

[بوخالد911]

كبير يا بوخالد

لكن لابد من الرقابه



الله أكبر
جل شأنه


وبعدين الليلة ر مدريد مهزوووم ان شاء الله:eek5::eek5::eek5: