ما رأيكم في (الحريم) وموظه الشيشة

[dm styal]

الصراحه جاتني صدمه للحين مب امصدقه نفسي شفت وحده اعرفها معانا في الشغل كنت مع زوجي في احدى المطاعم في سوق واقف وشفتها اتشيش بشراهة وانا قاعدة ابقق عيني فيها اهي ولا لاء طلعت اهي مع اني اعرف انها متزوجة وعندها عيال (شالحريم آخر زمن مااتوقعت منها اتسوي جذي)جدام الناس وبكل ثقة وين زمن الرياييل راح صار زمن حريم هذا الي اقول عنه خلك اسهر مع ربعك واستانس على انك مأمن على بيتك روح شوف مرتك شسوي من وراك ولا داشين بقوة بعد
أبي رد منكم هل أنا أبالغ في دهشتي واستغرابي منها ولا الزمن صار زمن فتن؟

[بنت الاجواد]

في هالزمن ماعاد فيه شي غريب

وهذي نتيجه الديمقراطيه اللي يتكلمون عنها والانفتاااح

[ملاك]

الزمن تغير حياتي

ما عاد في شي يبهر الواحد

وظاهره الحريم يشيشون ظاهره صارت قديمه وانا شخصيا اعرف بنات يشيشون وصارت في دمهم

ومايقدرون يتخلصون منها

الله يعافينا ولا يبلانا والله يستر من الجاي

[Locale]

الله لايبلينا

[فريج النجادة]

البنت هاذي تصلح لزواج المسيار فقط

ولا تصلح لتربية الاجيال مع الاسف

[اللوز]

موضة قديمة ( قدو على الطاير )
استبدلت الآن بالشيشة

http://im28.gulfup.com/dnIC1.jpg (http://www.gulfup.com/?JIbEA0)

[فريج النجادة]

موضة قديمة ( قدو على الطاير )
استبدلت الآن بالشيشة

http://im28.gulfup.com/dnic1.jpg (http://www.gulfup.com/?jibea0)


القدو قادم من ايران

وليس من عاداتنا وتقاليدنا

[غير البشر]

اختي لاتستغربين
الحين كل شي صار عادي
الله المستعان


وعندج كتارا مطعم خان مادري شسمه
بتشوفين العجب

[حمد بن سعد]

لاحول ولا قوة الا بالله

شيشه وزقاير يركبون بوالين ونياسين وجيات ويتمشون في كتارا رايحيين جايين والزقاره في اليد .



الله يهديهم ويصلحهم



ماشفتي شي للحين

[عاشق العديد]

ماهو مشاء الله وزراتنا كل الاهتمام على الشباب فقططط شلون الشباب يظبطون سيارتهم شلون شباب يطلعون وين اماكن شباب الوناسه هاي التشديد لكن الاماكن العامه عادي وبكل ثقه ومافي اي مشـاكل لو عندنا احد يردع هالاشكال من الفعل ماكان فيهههه هالاشكال .. لكن الله كريم كل اهتمامتهم الشباب والشباب والشباب ,

وصراحه هالبنت لامستحى ولا شي ولا لاتحرش فيها احد راحت اشتكت وتقولك انا ماعندي هالسوالف وليش اهل قطر معقدينننن .. خلاص كل شي صصار فري مانقول الا الله كريم ويارب سامحنا ..

فضحونا بالقهاوي .. انا ريال ريال استحي اروح اشيش والعالم يطالعوني ويقولون هذا يشيشش هاذي بنت والامور طيبه وشيشه وحرققق

[qatara]

العيب ليس بالزمان
لاتعطى الثقه لجاهل (قاصر عقل)
فسوف يدمر نفسه ويدمرك

[غير البشر]

لاحول ولا قوة الا بالله

شيشه وزقاير يركبون بوالين ونياسين وجيات ويتمشون في كتارا رايحيين جايين والزقاره في اليد .



الله يهديهم ويصلحهم



ماشفتي شي للحين



ونسيت يزاحمون الشباب عند الكرك :eek5:

[بوحمد111]

الله يعين وش تاليها اذا الحريم وصلو لهذه المواصيل

استغفر الله ولا حول ولا قوة الا بالله

[جوال 11]

أخلاق الشخص وتربيته تظهر على تصرفاته
الشيشة سموم ومرض لكن ما يتعض الشخص الا أصيب بأضرارها وبعض الناس يفكرون بأنها عادة طيبة وهذه العادة أتت مع دخول أفواج الوافدين للبلد وهي دخيلة على الرجال قبل النساء

[دااانة قطر]

لاحول ولا قوة الا بالله

شيشه وزقاير يركبون بوالين ونياسين وجيات ويتمشون في كتارا رايحيين جايين والزقاره في اليد .
الله يهديهم ويصلحهم
ماشفتي شي للحين


:omg::omg::omg:
زقااره في اليد عندنا جداام النااس عندنا في قطر؟؟!!

[مخطط قطري]

على فكرة في نسوان يظبطون لازواجهم الشيشه انا بعيني شايف وحده مع زوجها قاعدين عند البحر وتسوي له الراس وحق راس ولايفوتكم الزوج مفرفش على الاخر انا بصراحه اشمئزيت من شوف الريال جالس وزوجته تظبط له الفحم لاسف صارالامر عادي فايا اختى لاتستغربين يمكن الريال يدري انها تشيش ومخليها براحتها

[أسد الجزيرة]

الطيبين للطيبات و الخبيثين للخبيثات

[R 7 A L]

هذه نتيجة أختلاط الثقافات
!!

مصخره

[بـــــدوي]

الصراحه جاتني صدمه للحين مب امصدقه نفسي شفت وحده اعرفها معانا في الشغل كنت مع زوجي في احدى المطاعم في سوق واقف وشفتها اتشيش بشراهة وانا قاعدة ابقق عيني فيها اهي ولا لاء طلعت اهي مع اني اعرف انها متزوجة وعندها عيال (شالحريم آخر زمن مااتوقعت منها اتسوي جذي)جدام الناس وبكل ثقة وين زمن الرياييل راح صار زمن حريم هذا الي اقول عنه خلك اسهر مع ربعك واستانس على انك مأمن على بيتك روح شوف مرتك شسوي من وراك ولا داشين بقوة بعد
أبي رد منكم هل أنا أبالغ في دهشتي واستغرابي منها ولا الزمن صار زمن فتن؟

على طاري وين الرجاجيل ، اذكر ان الحريم كانوا يطالبون بالمساواة ، بس من كثر ماتجاوزونا حتى فالجرأة صار المفروض احنا نطالب بالمساواة :nice:

[بوعبدالله11]

اختي لاتستغربين
الحين كل شي صار عادي
الله المستعان


وعندج كتارا مطعم خان مادري شسمه
بتشوفين العجب

100% صحيح تشوف العجب بهذا المطعم

[الاستثمار]

قلة أدب مختصر الكلام

[بنت مريخ]

ترى اذا ماشيشت يتعكر المزاج وتم معصبه
يارب لا تبلينا
مره في مطعم خان..... الى في كتارا وحده قعدت تشيش اكثر من ساعه
وعادي جدام الناس ولا على بالها

[هيا*]

شيشـــــــة

ياعيب الشوم

[غير البشر]

ارتفع ضغطي :anger1:

شكلي بخبط وببدل نص مكينه :rolleyes2:

[dm styal]

القدو قادم من ايران

وليس من عاداتنا وتقاليدنا

المشكلة انها اقبيلية ومن عائلة معروفة لكن ليش ماادري

[dm styal]

البنت هاذي تصلح لزواج المسيار فقط

ولا تصلح لتربية الاجيال مع الاسف

انا معاك بس مش مسيار لانه مش زواج المسيار لكن شاقول اصحا يالي نايم وماتدري وانت قاعد تمرح وتسرح مع ربعك

[المهاجر]

لمعرفة السبب

لابد ان نبحث عن

الرجل

اين هو الرجل الآن؟!!!!!

ضاعت الرجوله وضاعت ورائها الحشمه والحياء لدى المرأه

فلو كان هناك رجال لما رأينا هذا يحدث ابداً

عندما نفتح الحنفيه ونتركها مفتوحه

فماذا ننتظر؟

غير أن يغرق المكان بأكمله


نسأل الله العفو والعافيه

[حفيد الأنصار]

ما رأيكم في (الحريم) وموظه الشيشة


موظه = موضة

ــــــــــــــــــــــــــــــــــــــــــــــــ
لاتستغربين لان اكيد زوجها يدري
لان ريحتها تجلس بالملابس
وأكيد عارف ويمكن عاجبه الوضع
الله المستعان ..

[dm styal]

لمعرفة السبب

لابد ان نبحث عن

الرجل

اين هو الرجل الآن؟!!!!!

ضاعت الرجوله وضاعت ورائها الحشمه والحياء لدى المرأه

فلو كان هناك رجال لما رأينا هذا يحدث ابداً

عندما نفتح الحنفيه ونتركها مفتوحه

فماذا ننتظر؟

غير أن يغرق المكان بأكمله


نسأل الله العفو والعافيه

صج كلامك الرجولة راحت عند البعض واستوى عنده عادى يواكب العصر زمانا غير اول شعاره؟

[بنت امي]

الشيشه محرمه لذكر والانثى

ولكن البنت تفقد انوثتها وحياءها وهي تشيش

اللهم اهدي الجميع

[حسن]

في ضل الطرطور راضي وتوقعو كل شي
هي اذا جات على الشيشه بس كان زين لكن القادم ادهى وامر ورجاء لحد يقط اللوم على الحكومه ولا الانفتاح والا الديموقراطيه وغير من هل الشماعات قطو عنكم الشعب المختار والمثالي وتركو هذه النظريه الدفاع مع الباطل

في ضل ضعف شخصيه الزوج الاخ الاب سمو زي ماتسمون من الاسماء وتخليه عن غيرته ومبادئه اصبح مثل 000000000 وش تتوقعون منه

عادي اذا الجيل الجاي يترقص في الشوارع ومن الحين البنات يبون ياجرون سيارات لمسيره الضياع
بحجه خلونا نستانس

الوعد يوم المسيره اذا صارت ولا تقولون حسن ماقال

صاحبه الموضوع الوضع صار عادي لاتعورين راسك المره تسسافر بروحها وتروح بروحها فالامور سهالات تقبلو الامر بصدر رحب
اللي فيه خير عليه بنفسه ويحفض بيته وبس

[dm styal]

ونسيت يزاحمون الشباب عند الكرك :eek5:

ههههه الكرك ماقلنا شي لكن شيشة؟؟؟؟ قله حيا

[الدوحه1]

وين دور الاعلام (وخاصة التلفزيون) عن هالظواهر الشاذه؟؟؟
عشان تعرفون اهمية وجود القنوات التلفزيونيه الخاصه!!!

[dm styal]

المشكلة انهم اكثروا صاروا معديين الوحده اتخاف على بناتها من هالجيل الخايس (بعضه المعني بالفاسد) الله يحفظ عيالنا والله اقترح انصورهم ونعرضهم في المنتدي تحت عنوان اخر زمن مالها غير الفضيحه شيقولون عنا الزائرين لقطر بنات قطر وحريمهم كله في القهاوي ولا ياليت الي تروح منقبه عيني عينك وجدام الشباب

[نوار قطر]

والله حبيبتي العيب اذا طلع من اهل العيب مايعتبر عيب .... هذي وحده وقحه وقليلة ادب يعني اذا فيج بلى سويه في بيتج استري على عمرج في بيتج مب ترتزين في القهاوي وتشيشين قدام الله وخلقه ... والاهم من ذي قلتي متزوجه ليش عبالج ريلها مايدري انها تشيش اكيد عنده خبر ويمكن انها تشيش معاه ( استغفر الله العظيم) لان لو كانت خايفه ماقعدت قدام الله وخلقه وشيشت :)

[نوار قطر]

بخصوص اللي يلومون الدميقراطيه والانفتاح ترى كللش ماله خص الادب والدين ماله خص في الانفتاح مب لازم الوحده تفصخ الحيا عشان تكون منفتحه:)

[غير البشر]

ههههه الكرك ماقلنا شي لكن شيشة؟؟؟؟ قله حيا


اختي اليوم كرك بكره شيشه والي عقبه مايندرى

على قولي امي الله يعطيها العافيه

اليوم شيشه وبكره حشيشه :rolleyes2:

[غير البشر]

اممممممممممممممم


خاطري في سالفه اقولها :secret:

[حلم الطفولة]

الله المستعان .."اذا لم تستحي فافعل ماشئت"


بعض الازواج لايهش ولا ينش ولا علاقة له بالزوجة فهو مشغول في حياته الشخصية.. ماشي على نظرية (خلي القرعة ترعى)

إذا كان رب البيت بالدف ضارباً ... فشيمة أهل البيت كلهم الرقص

الخيل من خيالها ،،،. والمرأه من رجالها ,,,,,

غفلة الاهل والازواج يترتب عليها الكثير من النتائج التي لا تسر النفس ولا الخاطر

قال رسول الله صلى الله عليه وسلم:" كلكم راع وكل مسؤول عن رعيته...."

لو عرف بعض الرجال المقصرين في حق اسرهم.. معنى الحديث جيدا مانام منهم أحدا حين يعرف أنه مسؤول أمام الله عز وجل وأن الرعية سوف تحاسبه أمام الله

[بـــــدوي]

بخصوص اللي يلومون الدميقراطيه والانفتاح ترى كللش ماله خص الادب والدين ماله خص في الانفتاح مب لازم الوحده تفصخ الحيا عشان تكون منفتحه:)

نعرف ان ماله خص بس هم فاهمينها كذا:yes:

[دااانة قطر]

بصرااحه الشيشه موجوده من زماان
وفي حريم يشيشون من زماان في بيوتهم وفي الجلساات
حتى لو انكروا الأهل
النااس فهمت التطور بمفهوم خطأ
وحللت وأجاازت أمور كاانت عيب قبل 15 سنه
للأسف ماتوقعت اشوف هاليوم بسبب هالفئه

[qatara]

في ضل الطرطور راضي وتوقعو كل شي
هي اذا جات على الشيشه بس كان زين لكن القادم ادهى وامر ورجاء لحد يقط اللوم على الحكومه ولا الانفتاح والا الديموقراطيه وغير من هل الشماعات قطو عنكم الشعب المختار والمثالي وتركو هذه النظريه الدفاع مع الباطل

في ضل ضعف شخصيه الزوج الاخ الاب سمو زي ماتسمون من الاسماء وتخليه عن غيرته ومبادئه اصبح مثل 000000000 وش تتوقعون منه

عادي اذا الجيل الجاي يترقص في الشوارع ومن الحين البنات يبون ياجرون سيارات لمسيره الضياع
بحجه خلونا نستانس

الوعد يوم المسيره اذا صارت ولا تقولون حسن ماقال

صاحبه الموضوع الوضع صار عادي لاتعورين راسك المره تسسافر بروحها وتروح بروحها فالامور سهالات تقبلو الامر بصدر رحب
اللي فيه خير عليه بنفسه ويحفض بيته وبس

تهقى يا حسن
بعد نفاذ المحاولات بالحسنى
وبادر( الطرطور حسب وصفك) وسطرها ليردعها عن هذا المسلك
هل تعتقد راح كل يقف معاه ويقلون له معاك حق
ولا بيتبهدل بستين حجه
ماعندك اسلوب التفاهم احسن الطرق وووو
فمن سيقف ضد اولياء الامور من
اباء او ازواج هو السبب في تفاقم هذه المشكلات وامثالها
خلينا صادقين مع انفسنا وواقعيين شويه

[نوار قطر]

نعرف ان ماله خص بس هم فاهمينها كذا:yes:


لو كل شي غلط حطوه الناس على اساس انه انفتاح وديمقراطيه عيل رحنا فيها

[ريم 28]

اتمنى منك اختي الكريمه ان تنصحي زميلتك هذه بالاسلوب وباللين وتكسبين اجر النصيحه ولا تخجلي ابدا لان يبدو لي تاثرت وانصدمتي وضحي لها ذلك

الشيشه حرام للجنسين

وما نراه الان سببه غياب الرجل وانشغاله وعدم تحمله المسئوليه فالنتيجه ضياع شباب وبنات والان حتئ الكبار صادتهم خفه في العقل وراحت الهيبه

طالما الرجل لا دور له في اهله ستخرج كل مره موضه جديده ولا تمثل الا اصحابها

الله المستعان

[Rashid554]

هالناس الي يدخنون او يشربون شيشه مادري شلون مستحملين ريحتهم

[مساهمة بسFresh]

في هالزمن ماعاد فيه شي غريب

وهذي نتيجه الديمقراطيه اللي يتكلمون عنها والانفتاااح
:shy::shy:
اختي شلون نتيجة الديموقراطية ؟
الكل صار يردد نفس الكلام بدون معنى

تقدرين تربطين لي بين الديموقراطية وهالسوالف؟

الديموقراطية قالت للحريم شيشوا؟

الناس نفسهم تغيروا وفي ناس ماصدقت

الديموقراطية مالها خص

لان ماصدر قانون يلزم الحرمة اتشيش
ولا صدر قانون يمنعها
يعني الوضع ماتغير من زمان
شنو اللي تغير؟ الناس


:shy::shy::shy:

[غير البشر]

في بنات ثنتين تفجأنا كانو بيدخلون المجلس عندنا
افتكرو انها شيشه
ويوم شافو داخل كله شباب وشردو واركبو سيارتهم وماشفنا الا غبره


لاحول ولاقوه الابالله :(

[العـوا]

عجيب كان عجيب وغريب كان غريب
رحم الله زمان اول

[نوار قطر]

في بنات ثنتين تفجأنا كانو بيدخلون المجلس عندنا
افتكرو انها شيشه
ويوم شافو داخل كله شباب وشردو واركبو سيارتهم وماشفنا الا غبره


لاحول ولاقوه الابالله :(

جان قلطتووهم الميلس وقهويتوهم :secret:

[بوالبيض]

موضة قديمة ( قدو على الطاير )
استبدلت الآن بالشيشة

http://im28.gulfup.com/dnic1.jpg (http://www.gulfup.com/?jibea0)

ههههه والله صدقت قبل قدو والحين شيشه بس قبل قله الي يدخون وكله داخل البيت
الحين كل من هب ودب شيشه وعلني لا حسيب ولا رقيب الله لا يبلينا

[حلم الطفولة]

لان ماصدر قانون يلزم الحرمة اتشيش
ولا صدر قانون يمنعها

نعم لابد ان يكون هناك قانون رادع لمنع الشيشة سواء للنساء او الرجال:nice:


( إن الله يزع بالسلطان ما لا يزع بالقرآن)، معناه يمنع بالسلطان باقتراف المحارم، أكثر ما يمنع بالقرآن؛ لأن بعض الناس ضعيف الإيمان لا تؤثر فيه زواجر القرآن، ونهي القرآن، بل يقدم على المحارم ولا يبالي، لكن متى علم أن هناك عقوبة من السلطان، ارتدع، خاف من العقوبة


http://www.binbaz.org.sa/mat/19318

[qatara]

نعم لابد ان يكون هناك قانون رادع لمنع الشيشة سواء للنساء او الرجال:nice:


( إن الله يزع بالسلطان ما لا يزع بالقرآن)، معناه يمنع بالسلطان باقتراف المحارم، أكثر ما يمنع بالقرآن؛ لأن بعض الناس ضعيف الإيمان لا تؤثر فيه زواجر القرآن، ونهي القرآن، بل يقدم على المحارم ولا يبالي، لكن متى علم أن هناك عقوبة من السلطان، ارتدع، خاف من العقوبة


http://www.binbaz.org.sa/mat/19318

:nice:
راح يشيشون بالخش لاكن فلتطلق يد اولاياء
الامور لحسم ذالك مهب 18 لها الحريه

[..الاميرة..]

ناس خربانه جايين من مكان خربان يعني اشتبين اتشوفين منهم ..

[حسن]

تهقى يا حسن
بعد نفاذ المحاولات بالحسنى
وبادر( الطرطور حسب وصفك) وسطرها ليردعها عن هذا المسلك
هل تعتقد راح كل يقف معاه ويقلون له معاك حق
ولا بيتبهدل بستين حجه
ماعندك اسلوب التفاهم احسن الطرق وووو
فمن سيقف ضد اولياء الامور من
اباء او ازواج هو السبب في تفاقم هذه المشكلات وامثالها
خلينا صادقين مع انفسنا وواقعيين شويه

اللي اوله شرط اخره نور

الرجل وحطها بين قوسين هو من البدايه بيكون مسيطر على اي لوضع ويراقب مجري الامور
اما باترك الحببل على الغارب على مايقولون وبعدين تسوي نفسك اسد عليهم هني خلاص اما الطاعه ولا التصادم واخره الفشل

التسامح مطلوب النصيحه مطلوبه والحوار مطلوب
والشده مطلوبه بعد ايظا
اما الناس مالهم راي علي الا الرشيد منهم فهلا وسهلا
وبعدين الرجل يعالج الامور بنفسه دون تدخل الاخرين

ولا اي جهه تقدر تدخل بينك وبين اهلك الا اذا الاثنين مهب قادرين يفهمون الحياه صح فا مافي مانع يفهمونهم وياريت يلجئون لهم كان الكثير من المشاكل اختفت لكن المكابر بالعقل هو المصيبه

[العلم]

قلة حياء ....

[مبارك سعد]

اخس شى عاد ان المره اتشيش بيكون منظرها قبيح كأنها رجال ما فيها من الانوثه شئ ...
وحتى الضحكه ماودك التشوفها من الضروس السوده المحترقه من الدخان ....وهذا كله من اشتغلت المره استوت كأنها رجال

[نوار قطر]

مافي قانون يقدر يوقفهم عند حدهم ويمنعهم انهم يشيشوون واايد قوانين حطوها محد طبقها والي بيسوي شي مب القانون الي بيمسكه هم ماخافو ربهم شلون بيخافون من القانون :)

[حسن]

مافي قانون يقدر يوقفهم عند حدهم ويمنعهم انهم يشيشوون واايد قوانين حطوها محد طبقها والي بيسوي شي مب القانون الي بيمسكه هم ماخافو ربهم شلون بيخافون من القانون :)

صدقتي حتى في المجمعات تشوفين القادمون يدخنون ولهم مفتكرين هذا شي طبيعي الكثره تغلب الشجاعه

من قبل شهر كنت رايح الحسا وانا في الطريق كانت كامري بيضا تسابق معاي يوم اللتفت الى بنتين زقاير ودخان والامور طيبه لاويسابقون معاي الى مركز سلوي تصدقون

عمل المراءه
احنا مجتمعات مهب مال عمل المره اذا تبي الشغل هذا البيت والعيال يلا كان كفوا

[نوار قطر]

صدقتي حتى في المجمعات تشوفين القادمون يدخنون ولهم مفتكرين هذا شي طبيعي الكثره تغلب الشجاعه

من قبل شهر كنت رايح الحسا وانا في الطريق كانت كامري بيضا تسابق معاي يوم اللتفت الى بنتين زقاير ودخان والامور طيبه لاويسابقون معاي الى مركز سلوي تصدقون

عمل المراءه
احنا مجتمعات مهب مال عمل المره اذا تبي الشغل هذا البيت والعيال يلا كان كفوا
اوافقك في كل كلامك الا النقطه الاخيره ان مجتمعنا والحريم مب مال شغل لا ياخووي مب الشغل الي غير المره وخلاها بدون حيا ،،،حقيقه وماننكرها ان في كل مكان وفي كل مكان الزين والشين ،، ليش ناخذ ان شغل المره سبب فسادها ،،، ياما حريم ويشتغلون والله ساتر عليهم ماغيرهم شي

[qatara]

اللي اوله شرط اخره نور
الرجل وحطها بين قوسين هو من البدايه بيكون مسيطر على اي لوضع ويراقب مجري الامور
اما باترك الحببل على الغارب على مايقولون وبعدين تسوي نفسك اسد عليهم هني خلاص اما الطاعه ولا التصادم واخره الفشل

التسامح مطلوب النصيحه مطلوبه والحوار مطلوب
والشده مطلوبه بعد ايظا
اما الناس مالهم راي علي الا الرشيد منهم فهلا وسهلا
وبعدين الرجل يعالج الامور بنفسه دون تدخل الاخرين

ولا اي جهه تقدر تدخل بينك وبين اهلك الا اذا الاثنين مهب قادرين يفهمون الحياه صح فا مافي مانع يفهمونهم وياريت يلجئون لهم كان الكثير من المشاكل اختفت لكن المكابر بالعقل هو المصيبه

وشو الي شرط ونور

اللي اوله شرط اخره نور

شرط على من ونور على من

الي نقوله ان بعضه م/ن امن العقوبه
ومن امن العقوبه اساء الادب
فلنترك الاباء يديرون بيوتهم بدون
تدخل اي طرف قد تكون هناك بعض
الشده من الاباء او الازواج لاكن لا نعمم

ونقول للجميع تقيدو لان هناك نوادر شذت ؟
ولا يحق للابن او البنت مهما قلنا من حريه لا يحق
لهم الخروج من طاعة الوالدين والبر لهما حتى الموت هذا هو ديننا
فلا نقول 18 حره او حر لا حر في حدود معينه وله حقوق
وعليه واجبات لاهله ومجتمعه حتى لو كسر والديه راسه فلهم البر والطاعه
او تكون الامانه الكبيره امانة الابناء بيد المراه الضعيفه وهذه هي النتايج
فلانصدر حكم عام على جميع الرجال بتصرف عدد محدود
وهذا هو الخلل الحاصل قيدنا الاغلبيه بسبب نوادر
ومما نتج عنه تسيب واضح ونتائج سلبيه

فلاتغنا حقوق وحقوق ومهما قلنا فلسنا
ارحم من الاب بابنائه ولسنا اعلم من الزوج بزوجته ولا بضروفهم منهم
هنا حصلل الخلل في مجتمعنا الذي كان مضرب مثل للحشمه والستر في الخليج كله
هل عرفت الاسباب

[كود نمبر]

هذي قليلة أدب وحيا

مدام فيها بلا كانت سترت على نفسها في بيتها ولا في مكان مسكر
مش في مطعم ولا محل عام


اذكر من حوالي ١٠ سنوات حصلت حريم على بحر دخان مغرزين
وحده فيهم زقارتها في يدها ولا هما الي واقف قدامها

[حسن]

اوافقك في كل كلامك الا النقطه الاخيره ان مجتمعنا والحريم مب مال شغل لا ياخووي مب الشغل الي غير المره وخلاها بدون حيا ،،،حقيقه وماننكرها ان في كل مكان وفي كل مكان الزيت والشين ،، ليش ناخذ ان شغل المره سبب فسادها ،،، ياما حريم ويشتغلون والله ساتر عليهم ماغيرهم شي

لان يانوار الكل شايف شلون كان عمل المراءه قبل وبعد
ولنكن واقعيين 99% العمل في السابق مدرسات
اذا كان في الوزارت الاخري كانت نسبه لاتذكر وفي مكان محصور ومغلق

اما الان اوه اختلط الحابل بالنابل وصار البساط احمدي
واشتغلت الاغرائات وعروض الازياء وطارالنقاب والغشوه الى من رحم واصبحت الفتنه في كل مكان

حتى مسيرات الشباب الاول محصوره على شباب اما لما دخلو البنات وبحركات مرفوضه اعتفست المسيرات وجنو الشباب
مادري مادري اخاف اشطح وبتقولون هذاك اثر عليه

الله يصلح الحال

[نوار قطر]

لان يانوار الكل شايف شلون كان عمل المراءه قبل وبعد
ولنكن واقعيين 99% العمل في السابق مدرسات
اذا كان في الوزارت الاخري كانت نسبه لاتذكر وفي مكان محصور ومغلق

اما الان اوه اختلط الحابل بالنابل وصار البساط احمدي
واشتغلت الاغرائات وعروض الازياء وطارالنقاب والغشوه الى من رحم واصبحت الفتنه في كل مكان

حتى مسيرات الشباب الاول محصوره على شباب اما لما دخلو البنات وبحركات مرفوضه اعتفست المسيرات وجنو الشباب
مادري مادري اخاف اشطح وبتقولون هذاك اثر عليه

الله يصلح الحال
كلامك صح في ناس بهالصوره الي قلت عنهم بس مثل ماقلت لك في كل مكان في الزين وفي الشين ومانعمم على الكل الله يصلح الحال

[الدوحه1]

اللي يقولون ان الدوله مالها يد بالموضوع وأن هذه حريه شخصيه ممكن اتفسرون المواد التاليه من الدستور:

المادة 21 :
الأسرة أساس المجتمع .قوامها الدين والأخلاق وحب الوطن ، وينظم القانون الوسائل الكفيلة بحمايتها ، وتدعيم كيانها وتقوية أواصرها والحفاظ على الأمومة والطفولة والشيخوخة في ظلها .

المادة 22 :
ترعى الدولة النشء ، وتصونه من أسباب الفساد وتحمية من الاستغلال ، وتقيه شر الإهمال البدني والعقلي والروحي ، وتوفر له الظروف المناسبة لتنمية ملكاته في شتى المجالات ، على هدى من التربية السليمة .

[امـ حمد]

لاحول ولا قوة الا بالله

[dm styal]

اتمنى منك اختي الكريمه ان تنصحي زميلتك هذه بالاسلوب وباللين وتكسبين اجر النصيحه ولا تخجلي ابدا لان يبدو لي تاثرت وانصدمتي وضحي لها ذلك

الشيشه حرام للجنسين

وما نراه الان سببه غياب الرجل وانشغاله وعدم تحمله المسئوليه فالنتيجه ضياع شباب وبنات والان حتئ الكبار صادتهم خفه في العقل وراحت الهيبه

طالما الرجل لا دور له في اهله ستخرج كل مره موضه جديده ولا تمثل الا اصحابها

الله المستعان

كيف انصحها اختي مرة اشكبرها عقلها في راسها ولا لويدرون اهلها اواخوانها لا ينتفونها مادري عن ريجلها اذا يدري ايش بيسوي,واشلي ابلش نفسي معاها اخاف تبلشي وحده مثلها حبيت اطرح الموضوع لاني فعلا منصدمة

[العريق]

اذكر في السابق و احنا صغار و مسافرين الاردن الكل نشوفه يشيش كبار وصغار نساء و رجال حتى و الله الاطفال في المطاعم نشوفهم و طبعاً كنا مستغربين من اللي نشوفه
و شوف الزمن في قطر و في الدوحه نشوف الشيشة و في معظم الاماكن مسموحة و للكل و الله قهر على المجتمع
طبعاً كانت موجودة من زمان بس كانت محدودة و في البيوت الله ساتر عليهم بينهم و بين بعض لكن فتح المجال للشيشة بهذا الشكل يجعل تعاطيها سهل و مباح و حتى تشوفها مش عيب و يتربى الواحد من الصغر على شوفتها فيشوف الامر هين و عادي فكيف اعلمه العيب و الحرام .
و هنا يجي دور الدولة في الحفاظ على المجتمع من تفشي هذه الامور السيئة .
الله يحفظ أولادنا و يحميهم

[غير البشر]

جان قلطتووهم الميلس وقهويتوهم :secret:


راحو يتراكضون ماشفنا الا غبرتهم :rolleyes2:

[غير البشر]

كيف انصحها اختي مرة اشكبرها عقلها في راسها ولا لويدرون اهلها اواخوانها لا ينتفونها مادري عن ريجلها اذا يدري ايش بيسوي,واشلي ابلش نفسي معاها اخاف تبلشي وحده مثلها حبيت اطرح الموضوع لاني فعلا منصدمة


اسمحيلي اختي

عقلها في بهامها

[dm styal]

اسمحيلي اختي

عقلها في بهامها
ههههههه ماتيوز من تعليقاتك والله اتضحك:funny:

[.. الكاش ..]

لاحول ولاقوه الا بالله

[┋أَجِوَدًيّ┋]

خنز المره اذا دخنت او شيشت !

[نوار قطر]

راحو يتراكضون ماشفنا الا غبرتهم :rolleyes2:


ليش يخافون ولا يستحوون هم لو يعرفوون الحيا ماراحو يشيشوون قدام الله وخلقه

[بصمة قطرية]

بلاوي
الله يكافينا الشر
و يحفظنا و يحفظ عيالنا ،،

وقاحة
وقلة حيا
و قلة أدب ..

إذ لم تستح فأصنع ما شئت ،،

[نديم القلم]

اللي يقولون ان الدوله مالها يد بالموضوع وأن هذه حريه شخصيه ممكن اتفسرون المواد التاليه من الدستور:

المادة 21 :
الأسرة أساس المجتمع .قوامها الدين والأخلاق وحب الوطن ، وينظم القانون الوسائل الكفيلة بحمايتها ، وتدعيم كيانها وتقوية أواصرها والحفاظ على الأمومة والطفولة والشيخوخة في ظلها .

المادة 22 :
ترعى الدولة النشء ، وتصونه من أسباب الفساد وتحمية من الاستغلال ، وتقيه شر الإهمال البدني والعقلي والروحي ، وتوفر له الظروف المناسبة لتنمية ملكاته في شتى المجالات ، على هدى من التربية السليمة .

ما أسهــل إصدار القوانين وما أصعب تنفيذهـــا

[ANONYMOUS]

اذا ذهب الحياء حل البلاء



الله لايبلانا ويستر عليهم ويصلحهم

[بوخالد911]

اممممممممممممممم


خاطري في سالفه اقولها :secret:

قووووووووووووووووووووووووولها

:secret::secret::secret:

[بوخالد911]

وأهم شي اللي يصفووون عند البيزا
ويرحووووووووون مشي للمقهى
!!!!!!!!!!!!!!!!
:nice::nice::nice:

بلفيت تمويح !!!
:eek5::eek5::eek5:
قصدي تموية
!!!
:victory::victory::victory:

[الخزرجي قطر]

هذه الموضه والانفتاح على مصراعيه الا من رحم ربي

[دااانة قطر]

عمل المراءه
احنا مجتمعات مهب مال عمل المره اذا تبي الشغل هذا البيت والعيال يلا كان كفوا



ياخوي حسن لاتعم بسبة شوااذ
والحمدلله رَبّـ❤ـيٌ موفق حريم واليد ربات بيوت وهم وموظفات يعرفون اللي لهم واللي عليهم بارك الّلَھّ* فيك

[qatarshark]

اذا لم تستحي فافعل ما شئت*

[OREO]

حرية شخصية و مالنا دخل فيهم ،،

[حياة]

ياناس يااااعالم وين ولاه الامر الصغار والكبار
لاحول ولاقوه الابالله

[حياة]

حرية شخصية و مالنا دخل فيهم ،،




هذا الكلام هو اللي خلاهم يتمادون ليش
مالنا شغل؟ اول شغل المره موب عيب الا
مدرسه؟ عباه الكتف ماكانت عيب؟ التبرج
ماكان عيب ؟ الاختلاط ماكان عيب..؟
وووووووووو؟؟؟؟ ماكان عيب ..

[غير البشر]

حرية شخصية و مالنا دخل فيهم ،،


اوريو :omg:

حريه شخصيه لمن للبنت ام من ؟؟؟؟؟؟؟؟

يعني لين حد شاف بنت من هله اتشيش نقول البنت عقلها في راسها وحريه شخصيه

ام حريه شخصيه لمن :rolleyes2:

[kitmat]

رحنا مطعم ماقدرنا نقعد الصراحة لاعت جبدنا هاذي اللي خذناه من الاجانب

[OREO]

هذا الكلام هو اللي خلاهم يتمادون ليش
مالنا شغل؟ اول شغل المره موب عيب الا
مدرسه؟ عباه الكتف ماكانت عيب؟ التبرج
ماكان عيب ؟ الاختلاط ماكان عيب..؟
وووووووووو؟؟؟؟ ماكان عيب ..


اوريو :omg:

حريه شخصيه لمن للبنت ام من ؟؟؟؟؟؟؟؟

يعني لين حد شاف بنت من هله اتشيش نقول البنت عقلها في راسها وحريه شخصيه

ام حريه شخصيه لمن :rolleyes2:



سؤال ،، هل الرجل من حقه يمنع زوجته من التدخين ؟ و لماذا ؟ و ما عليكم امر زودونا بمثالين لاجل نستفيد بارك الله فيكم ،، !!

[أسد الجزيرة]

سؤال ،، هل الرجل من حقه يمنع زوجته من التدخين ؟ و لماذا ؟ و ما عليكم امر زودونا بمثالين لاجل نستفيد بارك الله فيكم ،، !!


هل التدخين في نظرك حلال ام حرام

[OREO]

هل التدخين في نظرك حلال ام حرام

لو السالفة على الحلال و الحرام كان خلصنا الموضوع من زمان و اختتمناه بكلمه وحده ،،


لكن سؤالي هو ^^^^^

[أسد الجزيرة]

لو السالفة على الحلال و الحرام كان خلصنا الموضوع من زمان و اختتمناه بكلمه وحده ،،


لكن سؤالي هو ^^^^^

يحق للرجل منع زوجته من التدخين لانه مسئول عنها و سيحاسب يوم القيامة

[نوار قطر]

يحق للرجل منع زوجته من التدخين لانه مسئول عنها و سيحاسب يوم القيامة

صباح الخير بعيد عن ان الريال مسؤول عن مرته من متى عندنا البنات يدخنون .... من متى عندنا البنات يشيشوون ,, عشان نقول ان الريال هو المسؤول ....هالاشياء صارت من البديهيات الي نعرف ان تحتها خط احمر ماانتجازوها:)

[غير البشر]

سؤال ،، هل الرجل من حقه يمنع زوجته من التدخين ؟ و لماذا ؟ و ما عليكم امر زودونا بمثالين لاجل نستفيد بارك الله فيكم ،، !!



اخوي اوريو صبحك الله بالخير

من صجك هههههههههه اخبرك انسان ماشاء الله ردودك حلوه
وتبغيني اجاوب على ها الاسئله
مادري احس في بالك شي ودك تقوله

اكيد من حقه يمنعها بشتى الطرق
ولا هذا اذا عرف وسامحها


طبعا من حقه وبشتى الطرق وغصب مهب كيفها
لماذا : لان التدخين حرام + وليش من عاداتنا البنت تدخن + شكلها غلط وتفقد انوثتها
مادري يعني الموضوع بكبره غلط والمفروض ماياخذ وقت كبير في النقاش


مثالين بشنو :eek5:

يا انا فاهم غلط او انت فاهم غلط ههههههههههههههه

لك خاطري في قلاص زنجبيل يعدل المزاج :shy:

[غير البشر]

صباح الخير بعيد عن ان الريال مسؤول عن مرته من متى عندنا البنات يدخنون .... من متى عندنا البنات يشيشوون ,, عشان نقول ان الريال هو المسؤول ....هالاشياء صارت من البديهيات الي نعرف ان تحتها خط احمر ماانتجازوها:)


صبحج الله بالخير


تعالي اقنعي اوريو اختي نوار
قلت له نفس ها الكلام :omen2:

[رايق البال x]

للاسف هذا ما آل اليه الانفتاح في دولة قطر ... وعاااادكم ما شفتوا شي ...
وهذا ما جاء به المقيمين العرب ( للاسف ) وسكب عاداتهم القبيحة في شوارعنا ومجمعاتنا فاكتسب الشعب القطري هذه الامور بانسيابية وسهولة وزرعت فيهم بموافقة من كبار المسؤولين في الدولة ورضا منهم ...

[غير البشر]

اتمنى يطلع قرار بفصل المطاعم عن الشيشه

المطعم مطعم
والشيشه شيشه

ولابنت تتجرأ تدخل شيشه شيشه
هي تدخل المطعم مطمنه على اساس تتعشى وعقب تعدل المزاج ( الكور ) بالشيشه

[نوار قطر]

صبحج الله بالخير


تعالي اقنعي اوريو اختي نوار
قلت له نفس ها الكلام :omen2:

انا مااقدر اقنعه وكلت لك المهمه اخوي :secret:

[حبر وقرطاس]

الصراحه جاتني صدمه للحين مب امصدقه نفسي شفت وحده اعرفها معانا في الشغل كنت مع زوجي في احدى المطاعم في سوق واقف وشفتها اتشيش بشراهة وانا قاعدة ابقق عيني فيها اهي ولا لاء طلعت اهي مع اني اعرف انها متزوجة وعندها عيال (شالحريم آخر زمن مااتوقعت منها اتسوي جذي)جدام الناس وبكل ثقة وين زمن الرياييل راح صار زمن حريم هذا الي اقول عنه خلك اسهر مع ربعك واستانس على انك مأمن على بيتك روح شوف مرتك شسوي من وراك ولا داشين بقوة بعد
أبي رد منكم هل أنا أبالغ في دهشتي واستغرابي منها ولا الزمن صار زمن فتن؟

اساسا لا عرف ولا دينيا ولا مباح الشيشه لا للرجال ولا للنساء
ترى مب حلال عالرجال وحرام عالنساء

بس دامها متزوجه وجابت عيال وخالصه خليها توسع صدرها

هههههههه

[أسد الجزيرة]

اساسا لا عرف ولا دينيا ولا مباح الشيشه لا للرجال ولا للنساء
ترى مب حلال عالرجال وحرام عالنساء

بس دامها متزوجه وجابت عيال وخالصه خليها توسع صدرها

هههههههه

ما شاء الله بتكون خوش قدوة توسع صدرها على كبر

[MAZEN37]

هذا التصرف نتيجه
وهي خروج المراه للعمل والراتب ينزل. اخر الشهر وين بتروح اكيد هذه المقاهي ودواره واسواق وطلعات ونزلات وبتصرف من فلوسها ومحد يبطل حلجه

[MAZEN37]

للاسف هذا ما آل اليه الانفتاح في دولة قطر ... وعاااادكم ما شفتوا شي ...
وهذا ما جاء به المقيمين العرب ( للاسف ) وسكب عاداتهم القبيحة في شوارعنا ومجمعاتنا فاكتسب الشعب القطري هذه الامور بانسيابية وسهولة وزرعت فيهم بموافقة من كبار المسؤولين في الدولة ورضا منهم ...

الخطاء هو الانسياق وراء اخطاء الاخرين والتاثر فيهم وكل انسان الله اعطاه مخ

[فاهم]

الشيشه موضه قديمه ... استغفر الله صار شي شبه عادي تجوف بنت تشيش سوا في قطر او خارجها

التقليعه اليديده ( لبعض ) البنات ادهى وامر

يارب سترك

[حسن]

توني في سوق واقف وما لاحظت شي غريب
بس في حريم يشيشون شفتهم وشفت واحد بوسكسوكه شاب يجر على الشيشه هو واللي وياه ام دفه
خلاص الوضع عادي نورمل طبيعي

[MR.STOP]

اذا البنت تشيش هذا يقين بفساد اخلاقها

وش عاد اشين الله لايبلانا وخلوهم لين الطالح يخرب الصالح

[المجدم]

بصراحة تصرفات تخجل ، والسبب الرئيسي البعد عن الدين وعدم الرقابة وكذلك قلة الحياء قبل كل شيء
وهروب الرجل من مسئولياته وتركه ببيته والثقة الزائدة في غير محلها (طبعا عند قلة من النساء)