ارائكم في سيارة صالون للمنزل ؟ ورايكم في الشفر ماليبو 2013 ؟

[N203]

السلام عليكم

حبيت استفسر عن السيارات الصالون المريحة والعملية للمنزل ، وحبيت السعر تقريبا في حدود ال110 الاف ونازل . سواء 6 او 4 سلندر.

انا جاء على بالي الكامري 2013 بما انه شكل جديد ، والكل يعرف الكامري ووكالته . بس الوكالة عبط الكامري الي ب98 بشاشة حق كيمرة الريوس ومافي ايرباق ورا ، الي ب 107 مع نفقيشن وايرباق خلفي. ليش يعني مادري !!!!!!!

الشفر الماليبو 2013 ؟ الشكل جديد بس ماعندي خبره في قطر الغيار هل هي متوفره ؟ وهل شركه الجيده معاملتهم جيده ...

شليت الافالون من راسي لان الشكل الجديد لحد الان مانزل ..

والاوريون التيوتا يقولون ان مشاكلها واجد ...

اذا في سيارات صالون اخرى مناسبة وعمليه ارجوا المساعده في ابداء الرأي ، لاني على مقربة من شراء سيارة صالون للبيت..


وشكرا

[العربية نت]

وليش ما تزيدها شوي الشيخ وتاخذ لك برادو اتوقع انه افضل للبيت بس اهم شي 6 سلندر

واذا بس تبغي صالون فلاتروح بعيد عن تويوتا كامري او نيسان ماكسيما لانها بعد لاتقل فخامه عن الكامري

لكن في كل الاحوال ارشح لك الكامري

بالتوفيق

[Ali A]

انصحك بالاوريون الجديده سعره بعد الخصم ب 104 العادي

والفل ابشن ب 108 سياره عمليه وزينه ويابانيه وفي البيعه تروح

وصيانتها بسيطه وعزم قوي وتعجبك

[Ali A]

نسيت اقولك اذا لك خاطر بالافالون

عندي افالون موديل ٢٠١٢ ماشي ٤٠٠٠ الاف للحين قراطيس للشركه عليها للبيع

اللون رصاصي ولحد الان ماشيكت التشييك الثاني لي نيه في بيعها ب ١٠٥ لك

خاطر راسلني.

[N203]

وليش ما تزيدها شوي الشيخ وتاخذ لك برادو اتوقع انه افضل للبيت بس اهم شي 6 سلندر

واذا بس تبغي صالون فلاتروح بعيد عن تويوتا كامري او نيسان ماكسيما لانها بعد لاتقل فخامه عن الكامري

لكن في كل الاحوال ارشح لك الكامري

بالتوفيق

مشكور على المرور اخوي ، البرادو سعره 160 قول 155 وانا ماعندي ميزانية له ، وثاني شيء ، البرادو مب فخم من الداخل واحسه وعر شوي.

الكامري 4 سلندر او 6 ؟ شنو الافضل ؟؟ هل ال4 عزمها ضعيف ؟ ولا مناسب. وماعندي خبره في سعر الماكسيما بس اتوقع انا 120 وفوق ،، وعلى كلام الشباب ان الاوريون مشاكلها واجد ، ما ادري بالنسبه للشكل الجديد شنو وضعه.

[N203]

نسيت اقولك اذا لك خاطر بالافالون

عندي افالون موديل ٢٠١٢ ماشي ٤٠٠٠ الاف للحين قراطيس للشركه عليها للبيع

اللون رصاصي ولحد الان ماشيكت التشييك الثاني لي نيه في بيعها ب ١٠٥ لك

خاطر راسلني.

تسلم على المرور الشيخ ، ومشكور مالي نيه في الافالون لان الشكل بيتغر كليا.. والله يوفقك .. ان شاء الله.

ما في احد عنده خبره عن الشفر او رأي عن الصالونات الامريكية ...

[N203]

وفيه الفورد فيوشن الجديده و الالتيما ... حد عنده خبره

[الوسيط العقاري]

الاوريون الجديدة وبس

عائلية تنفع حق بيت و6 سلندر ..

[Aaziz]

الماليبو استخدمتها فتره ... سياره ممتازه ولكن فيها مشكله في الجير و هذا شي معروف عنها ،، بسرعه يخترب جيرها

انصحك بهذه السياره
ford fusion هذا النوع بالذات ،،، افضل من جودة الكامري

[قطر70]

اخوي نصيحه ابعد من الكامري

اكثر اللي جربوها مايمدحونها واعتقد من فتره بسيطه استدعوا ملاك الكامري بسبب مشكله في الكهربا والقير

انا اشوف ان الامريكي الصالون بدا ينافس ويتفوق على الياباني بالمواصفات وبالسيفتي وبالجوده

عليك بالفورد اعتقد تورست او لها اسم ثاني بس ما اذكره

[Ali A]

شوف الالتيما الجديده يمكن تناسبك

[Aaziz]

الماليبو استخدمتها فتره ... سياره ممتازه ولكن فيها مشكله في الجير و هذا شي معروف عنها ،، بسرعه يخترب جيرها

انصحك بهذه السياره
ford fusion هذا النوع بالذات ،،، افضل من جودة الكامري


شوف اخوي هذي الفورد الي اقول لك عنها تو نزل لها شكل جديد رائع في 2013

http://www.almuraba.net/news_view_5155.html

[BuFaisal]

الكامري من نقلوا مصنعها لاستراليا وهي ما ترقعت .. ما تسوا ريال وحرام فيها حتى 50 الف ريال
ونفس الشيء الكابرس صار تعبان من نقلوا المصنع استراليا

انا انتظر الافالون الجديدة 2013 باشتري وحده ان شاء الله

اذا ما فيك صبر اوصيك بالمكسيما روعه تبارك الله وشيخه على الكامري التعبانه
المكسيما جربناها عند اثنين من الاخوان وما شاء الله سيارة صناعة صح من كل النواحي

[Qtrـطر]

أنصحك بالالتيما

نصيحه قويه جداً جداً

[N203]

مشكورين جميعا على الردود والنصائح ، وجزاكم الله خير.

انا الحين بين كامري او اوريون ،،،، التيما او مكسيما ،،، مع اني لحد الان ما اعرف سعر الماكسيما ، اذا اكثر من 110 بيكون برع الحسبه

[Qtrـطر]

المكسيما اقل شئ ظ©ظ¨ ألف أظن إذا فيه عروض

[Qtrـطر]

98 ألف ريال للفئة الاولئ

[اللوز]

نصيحة لوجه الله
ابتعد عن الحاليبو قصدي الماليبو
وكالة سيرفسهم تعبان

نصيحة مني لك لان ان شاء الله ستستخدم الموتر لمشاوير الدوحة لكن مواتر 4 سلندر ما تعطيك عزم خصوصا وانت مشغل المكيف

عندك ثلاث اختيارات
1- برادو 4 سلندر تقريبا السعر 120 الف ريال قطري


http://im13.gulfup.com/RLEE1.jpg (http://www.gulfup.com/?LKsPkD)

2- تويوتا فورتنشر السعر 95 الف ريال قطري تقريبا



http://im13.gulfup.com/ZXbZ2.jpg (http://www.gulfup.com/?jPAbEl)


3- تويوتا كامري 80 ألف ريال قطري

http://im13.gulfup.com/XWGN3.jpg (http://www.gulfup.com/?JUdrfK)

واهم شي اللون الابيض لانه مرغوب في البيعة

وعليك اتروح لموزعي التويوتا التضامن والطارق ارخص من الوكالة في سعرهم

وبالتوفيق

[Mzyoon Q6r]

سيارات التيوتا عامة اسعارها غاليه وما تستاهل ..
عندك الماكسما أو الأولتيما توه متغير شكلها 2013 وفخمه وسعرها مناسب .

وربي يوفقك

[علـــي]

مسا الخير اخوي الشباب ماقصروا افادوك بس في سياره اسمها تورس فورد وسيعه وشكلها حلو وسعرها مناسب ب90 الف وسته سلندر شوفها في كميه منها واقفه عند المستشفى العسكري يبيعونها ارخص من الوكاله وبالتوفيق

[N203]

مشكورين اخواني وجزاكم الله خير..

Qtrـطر : بشوف اسعار النيسان وبشوف عروضهم... تسلم
اللوز : اخوي بالنسبه للبرادو مب فخكة ابدا، و4 سلندر عزمها ضعيف وب130 .. واسعارك مب صحيحه اخوي ... بس مشكور على النصيحه وجزاك الله خير على الرد.
علـــي: اشكرك على المرور اخوي ، بس شكلي بابعد عن الامريكي لكثرة الشكاوي عليه وخاصه قطع الغيار ، هلا على كلام الناس المجربين.

انا بمر الوكاله وبشوف ، بس الحين حددت اختياراتي تقريبا بين كامري او اوريون ، او التيما او مكسيما. والافخم والاحسن باذن الله باخذها..

[BuFaisal]

المكسيما وبس :)
الكامري ما تسوا ريال
الالتيما ما تسوا مقارنة مع المكسيما

[roadrunner]

السلام عليكم اخوي

اذا انك من النوع الي ما يفكر بسعر السيارة وقت البيع فانصحك بهالسيارة .. انا عندي اياها ووايد مرتاح منها .. تشيل 7 اشخاص .. كراسيها 3 سيود .. والكراسي وايد واسعة ... انا عاجبتني .. وبعض الناس يقولون لي كانها تابوت عشان هي ستيشن ... لكني مقتنع فيها والزم ما علي راحة هلي
http://www.ford.com/crossovers/flex/
خذتها من السعودية ب 98 الف .. بالدوحة الموجود عندهم المواصفات الاعلى من الي خذتها ب 120 الف
سواقتها وايد مريحة ووايد واسعة من داخل .. تقريبا بوسع السوبربان

[N203]

مشكورين وجزاكم الله الف خير اخواني..

بس حد عنده خبره عن الفورد والوكالة من ناحية الصيانة والخدمة وقطع الغيار ، وخاصه للسيارتين الفيوشن والتورس ؟