تمديدات الغاز ضروري

[هدوء العاصفة]

عملت تمديدات سابقا من بايفيتر لكنها تليك باستمرار ابغي ابدال البيبات بتمديدات صحيحة للغاز لان ماهو موجود خطر .. ساعدوني بليز اللي عنده رقم شركة محترمة تجي البيت تسوي لي تمديدات للمطبخ الى الخارج وشكرا لكم ..

[Chambray]

http://www.woqod.com.qa/net/docs/lpgcampaign_e.pdf

هالتانكي يركبونه شركات معتمده لوقود ( وهو غاز 1000 لتر ) اقتصادي وأمان
والدفاع المدني ينصح به

ويوضح فوق اسطح المنازل ..

هالشركات معتمده من شركة وقود : والارقام من موقع ( وقود )

1 GASCO Mr. Nihad Tel. : 44582693/ 55275181
Email: gasco@qatar.net.qa
2 Al-Jaber Electro Mechanical Co. Mr. Akram Ben Zaied Tel. : 44666192 / 55831087
Email: j.e.m@qatar.net.qa
3 Unigaz Mr. Haytham Saab Tel. : 44514044 / 66789751
Email: lpg@unigaz.net
4 Qatar Gas Group Mr. Abdul Salam Qotub Tel. : 44580855(694) / 55803347
Email: QGG@taqa.com.eg / A.kotb@taqa.com.eg
5 Jamco Trading Mr. Jawad Tel. : 44688672(3) / 66004074
Email: info@jamcoqatar.com / jawad@jamcoqatar.com

[بومحمد55]

بعد أذن صاحب الموضوع

Chambray أذا المطبخ خلف البيت ومافي مجال لدخول السيارة شلون بيكون طريقة التعبئة

[wadha-qa]

انا كلمتهم قالوا لي التانكي يبي له مساحه 4×4 بيكون فوق المطبخ و بيحطون مكان عند الباب الرئيسي عشان السيارة اذا جات تعبي من برا

يعني يبي له تمديدات وسالفه واحنا خلصنا وشطبنا كان خاطري اسويه بس ماقدرت صراحه

وسعره تقريبا 9000 الى 11000

اللي للحين ما سوا بلاط ولا شطب انصحهم يسوونه عند وقود او الجابر

[(عبدالله)]

أنا استفسرت عن الموضوع وجبت بعض المعلومات

(1)
الخزان سعته 1000 لتر (تعادل 36 اسطوانة) يعني ممكن تكفي لسنة إلى سنتين حسب استهلاك البيت.

(2)
طول الخزان 1.8m.

(3)
لازم يتم تخصيص مساحة مناسبة له (ما أذكر بالضبط ممكن 3*3) على الأرض أو سطح المطبخ أو أي غرفة قريبة بحيث يكون السطح خرسانة.

(4)
الخزان يحدد موقعه بحيث يكون بعيد عن أي مصدر حرارة أو شرار (فرن، سخان، كهرباء) أو نافذة غرفة بمسافة 6 متر على الأقل.

(5)
نقطة التعبئة ممكن تكون عند الباب الخارجي او داخل حوش البيت بحيث تدخل لها تريلة وقود للتعبئة.

(6)
التكلفة تقريباً 10 آلاف - 11 ألأف (على أساس ستنادر تمديد البيبات تقريباً 25 متر من نقطة التعبئة إلى الخزان) أما في حالة زيادة المسافة إلى 40-45 متر مثلاً فتصل التكلفة إلى 17 ألف ريال كفرقية عن التمديد الإضافي واستخدام بيبات خاصة آمنة.

(7) نقطة التعبئة تكون في صندوق معدني يمكن عمل ويندو (فتحة) عند الباب الخارجي بمساحة 20*30 سم مربع له.

والله الموفق

[الســـهم]

بعد أذن صاحب الموضوع

Chambray أذا المطبخ خلف البيت ومافي مجال لدخول السيارة شلون بيكون طريقة التعبئة

هلا اخوي بومحمد , وعن إذن اخوي Chambray اني اجاوب نيابة عنه ..

مب شرط السيارة تدخل داخل البيت علشان تعبي التانكي , بإمكانهم يعبون بإستخدام هوز بحد اقصى عشرين متر من الباب لين مكان التانكي وسيارة التعبئة تكون خارج البيت او من أي مكان يقدرون يوصلون فيه للتانكي بسهولة ..

انا ركبت الغاز المركزي من شركة الجابر وكلفني 11,000 تقريبا , والتانكي حطوه على الارض جنب خزان الماي الأرضي وبعيد عن سويتشات الكهربة والدرايش بدون اي مشاكل ..

[اللوز]

شوف شركة الجابر للغاز
معتمد لدى شركة وقود

[Chambray]

جزاكم الله خير ياشباب ، اثريتوا الموضوع بتعليقاتكم المفيده والله :nice:



بعد أذن صاحب الموضوع

Chambray أذا المطبخ خلف البيت ومافي مجال لدخول السيارة شلون بيكون طريقة التعبئة

تم الاجابه عن سؤالك :) من قبل الاعضاء الافاضل :)

[king999]

موفق انشاء اللة

[هدوء العاصفة]

تسلمون والله كلكم ما قصرتوا يالشيوخ ..

[هدوء العاصفة]

بس المطلوب تمديدات بيبات بس .. تعتقدون البيت العادي يستاهل الواحد يحط فيه خزان ؟ اعتقد هالخزانات مناسبة للمطاعم او الفلل والقصور الكبيرة ..

[PGR]

اللي اعرفه انه هالخزانات مميزه بسبب وسائل الامان اللي فيها ومن الاشياء اللي سمعت انه فيها لو صار اي ليك في البيب الخزان اوتوماتيكيا يقطع الغاز عشان ما يكون فيه تسريب ويعرض حياة الناس للخطر

[Chambray]

اللي اعرفه انه هالخزانات مميزه بسبب وسائل الامان اللي فيها ومن الاشياء اللي سمعت انه فيها لو صار اي ليك في البيب الخزان اوتوماتيكيا يقطع الغاز عشان ما يكون فيه تسريب ويعرض حياة الناس للخطر

ويرسل sms تلقائي لشركة ( وقود ) يخبرهم بقرب انتهاء الغاز في الخزان !!!!