نبي نظام سالك في طريق 22 فبراير

[أسد الجزيرة]

السلام عليكم


انا اطالب بوضع بوابه تحصيل اكترونيه نفس شارع الشيخ زايد في دبي على خط 22 وشارع الكورنيش صدقوني راح تخف ازحمه الاسيوي الريال عزيزه عليه خل الرسوم 5 ريال يوم كامل
و50 ريال سبوع و500 شهر

هذا اقتراح الاخ jassim69 و انا اتفق معاه و هو الحل الوحيد لفك ضيق طريق 22 فبراير هو فرض رسوم على طريق 22 فبراير اسوة بدبي لانه الطريق طريق سريع و يستوي بطئ في اوقات الذروة صباحاً و مساءاً و هذا نظام متبع في معظم دول العالم

[QtrGate]

بس العالم بيروحون من فوق النفق وبيدخلون من قدام وبترجع الزحمه
الحل بإقامة طرق اخرى
او نفس نظام سالك لأكن على طريقين متتاليين

[الفا برافو]

انطر لين يفتحون المجمعات الباقيه اللي في محيط اللاند مارك وشوف شلون هالشارع بيصيده الشلل على اكثر مما هو عليه الحين .

[moonبنتnight]

في ناس ما عندها تدفع 00
وزيادة الرواتب في جهات ما خذتها من غير أهل الشؤون 00
بدل ما نخفف على ناس زيدونهم ثقل مادي 00
نبي جسر ثاني بديل 00

[airbus]

جيبلي طريق موازي لي 22 فبراير وبعدها اوعدك ما امر على الشارع


دبي سوت نظام سالك لان كل الناس تمر من شارع الشيخ زايد ويسوا زحمة اما طريق الامارات بيكون فاضي


الحل انه يشيل اليسن من الهنود الي يرفعوا الضغط

[Khaled Qatar]

باصات عمال فوق 50 باص تلاقيهم يمشون 50 ورا بعض ومسوين زحمه ، شاحنات / دناكر ماي

هذيل يسببون زحمه غير طبيعية

[بورصواوي]

من زين الشارع يسوون عليه رسوم

[مرتبش]

دوريتين مرور تقبض الخط من التضامن الى جسر الشمال..رايحين جايين ويخالفون اللي يعطلون السير عند المخارج والشاحنات والباصات اللي تمشي 60 والمتهورين.. وبتشوف الشارع من احسن مايكون

والمشروع يدخل ذهب للمرور :)

[bu_khalaf]

و أين الطرق البديلة

شارع الشيخ زايد يوجد بديلين له وهما شارع الامارات وشارع العابر ولكن شارع 22 فبراير اذا كان برسوم وحتى لو ضعف التكلفة اللتي ذكرها الاخ الكريم فماهو الطريق البديل واللذي يحتمل هالكم الهائل من السيارات المستخدمة لطريق 22 فبراير.

الحل من وجهة نظر متواضعه هو انشاء طرق بديلة واكثر من واحد وعدم تكديس الوظائف في وسط العاصمة ومنطقة الابراج.

[jassas]

دوريتين مرور تقبض الخط من التضامن الى جسر الشمال..رايحين جايين ويخالفون اللي يعطلون السير عند المخارج والشاحنات والباصات اللي تمشي 60 والمتهورين.. وبتشوف الشارع من احسن مايكون

والمشروع يدخل ذهب للمرور :)

اتفق معاك

وبالنسبه لاقتراح صاحب الموضوع خل يسوون شارع عدل اول بعدها يطبقون الرسوم عشان يكون في طريق بديل

هالشارع تمر فيه كل انواع السيارات من 3 شوارع والمخرج شارع واحد فقط الشارع كامل يوقف

[MAZEN37]

اقتراحك مفيد بحال في بديل طريق ثاني طويل وطريق مختصر لكن شارع 22 مافي غيره وين البديل الثاني. انا ضد الاقتراح لانه غير عملي

[لـبـيـه]

دخيلكم مانبي سالك مب ناقصين سحب فلوس بعد والزحمه احتمال تزيد مب تنقص

الزحمه ورانا ورانا لانه الشوارع ضيقه واول مره اشوف طريق سريع او هاي وي

وفيه اشارات ومب وحده طول الطريق فتخيلو زحمه وسحب فلوس

ياخي وسعو علينه في الدنيا الله يوسع عليكم وسعو الشوارع لاتضيقون

اعملو طرق بديله على نفس المستوى

الهاي وي مايقل عن ست مسارات مب ثلاث وبدون اشارات

[المتألم]

اقتراح غير منطقي يؤسس للطبقيه المبنيه على الفلوس ، الي عنده بيرتاح والي ما عنده ياكل هوا

ولو أخذنا أن الأقتراح منطقي فهو غير مجدي لأن بقية الشوارع ستصاب بالسكته القلبية
ولن يكون حل مجدي بعد كم شهر ، بالإضافه أن بنية الدوحة الشوارعيه لا تساعد في مثل هكذا اقتراح .


كنت قد وضعت موضوع لحلول الأزمه المروريه بالدوله وما كملته لأني نسيته

عموما من ضمن الحلول التي أراها منطقيه ولا أدري برأي الآخرين وهو تغيير طريقة تسيير الشوارع
نحتاج في كثير من المناطق تحويل الشوارع لتكون نظام اتجاه واحد ولكن بشكل مرتب مب مثل شارع السد
لكي تنجح الخطه يجب ان يطبق النظام على المنطقه كامله او الفريج كامل
شارع يكون رايح
والشارع الاخر يكون جاي
يكون المدخل باتجاه واحد والمخرج باتجاه واحد فقط
وليس شارع باتجاه واحد وبقيه افرعه رايح جاي ..

اعتقد بعد سنه الى سنتين ستصاب الدوحه بسكته قلبية في شوارعها
وزحمة كل دوار او اشاره ستؤدي لاغلاق التي خلفها وهكذا .

[المتألم]

على فكره انا ممن يعانون من هذا الطريق لانه الطريق للعمل ، لا ومجبر امره من اوله لاخره
يعني من اكثر الناس وجودا معاناة فيه .
مشكلته تكمن في مخارجه التي لا تتسع الا لسياره وحده فقط بينما عدد السيارات الخارجه تفوق ال 5 في نفس اللحظه ، مب منطقي ابد

وعندي اقتراح اخر
السماح لنا بالتجاوز عن اليمين وانا
موقن تماما ان جزء كبير من الزحمه نتيجه قوانين المرور

[بونووف]

على فكره انا ممن يعانون من هذا الطريق لانه الطريق للعمل ، لا ومجبر امره من اوله لاخره
يعني من اكثر الناس وجودا معاناة فيه .
مشكلته تكمن في مخارجه التي لا تتسع الا لسياره وحده فقط بينما عدد السيارات الخارجه تفوق ال 5 في نفس اللحظه ، مب منطقي ابد

وعندي اقتراح اخر
السماح لنا بالتجاوز عن اليمين وانا
موقن تماما ان جزء كبير من الزحمه نتيجه قوانين المرور

الله يكون في عونك ياخوي

وانا اايد اقتراحك ويكون خط السيرفس اليمين يقلبونه سيد رابع مؤقت لين يشوف لنا الاخ الي قال فالجريده تحلوا بالصبر حل يريحنا

[meandme]

الله يكون في عونك ياخوي

وانا اايد اقتراحك ويكون خط السيرفس اليمين يقلبونه سيد رابع مؤقت لين يشوف لنا الاخ الي قال فالجريده تحلوا بالصبر حل يريحنا

شدعوه يا جماعه! كل يوم نشوف سيارات واقفه وماتشتغل على خط السيرفس...لو يفتحوه كمسرب رابع راح تزيد الأزمة من ورا السيارات المعطله....

[بونووف]

شدعوه يا جماعه! كل يوم نشوف سيارات واقفه وماتشتغل على خط السيرفس...لو يفتحوه كمسرب رابع راح تزيد الأزمة من ورا السيارات المعطله....

شنسوي ياخوي الحاجه ام الاختراع ..اذا اللي اسس الشارع من الاساس مافكر فالزحمه وفي زيادة السكان وقال انه السكان زادوا مره وحده لازم احنا نفكر في حل بديل او مؤقت ....و امس فوق جسر سوق العلي موترين مداعمين على خط اليسار ودعمه بسيطه جدا واذا ماخاب ظني انهم اسيوين وعطلوا السيد واتوقع ماتحركوا الا بعد ماوصلوا المرور يعني مافي توعيه كافيه للناس اللي تسوق المفروض يعلمونهم خلاص دعمه من ورى اللي ورى غلطان وتعال المرور

[BoFahed]

مالكم الا الصبر مثل ما طلع مدير في أشغال بالجرايد امس وقال انه أشغال بتسوي الطريق المداري واللي طوله 190 كيلو ويربط الشمال بسلوى وامسيعيد وهو 5 مسارات *

[Anas_G]

دوريتين مرور تقبض الخط من التضامن الى جسر الشمال..رايحين جايين ويخالفون اللي يعطلون السير عند المخارج والشاحنات والباصات اللي تمشي 60 والمتهورين.. وبتشوف الشارع من احسن مايكون

والمشروع يدخل ذهب للمرور :)

وهذا رأيي لاني مرات اخالف وامشي من اليمين يكون فيني فضول اعرف وين الزحمة ولما وصل اول شي اكتشف ان ما في زحمة بس موترين وباص ماشين نفس السرعه ومسكرين الشارع مع كثافة السيارت تبطئ الحركة تدرييا لان الناس خايفة تكون السيارات واقفة ف تخفف سرعتها انا اقول دورية تمسك الخط السريع وتفتحه وخلي الخط السريع مفتوح للي يبي يسرع وصدقوني ما بنشوف زحمة لكن الحين تشوف 7 سيارات ورا بعض على الخط السريع كلهم سرعتهم تحت ال 90 والخط النص واليمين زحمة تعال طوفهم تحصل الشارع فاضي

[meandme]

شنسوي ياخوي الحاجه ام الاختراع ..اذا اللي اسس الشارع من الاساس مافكر فالزحمه وفي زيادة السكان وقال انه السكان زادوا مره وحده لازم احنا نفكر في حل بديل او مؤقت ....و امس فوق جسر سوق العلي موترين مداعمين على خط اليسار ودعمه بسيطه جدا واذا ماخاب ظني انهم اسيوين وعطلوا السيد واتوقع ماتحركوا الا بعد ماوصلوا المرور يعني مافي توعيه كافيه للناس اللي تسوق المفروض يعلمونهم خلاص دعمه من ورى اللي ورى غلطان وتعال المرور

والله فعلا موضوع الحوادث هذا من الأسباب الرئيسية للزحمه...صار معاي حادث من شهر وانا جاي من طريق رئيسي إلى سيرفس رود فرعي...والبنجالي الي عنده اشارة قف ما وقف لأن إشارة قف مايله للجهة الثانية من تأثير حادث قديم الظاهر...طبعا البنجالي مااقتنع انه الحق عليه يقول انا يجي سيدا انت يجي من برا يدعم انا!!! شلون بفهمه هذا؟؟ وشرطة المرور طبعا ساعه ونص لين ماوصلت وقالي عل تلفون تعالوا لأنه إذا وصلنا موقع الحادث راح نغرم الغلطان 1000 ريال لإعاقة السير....قلتله شسويلك البنغالي مايبي يعترف بغلطه تعال وغرمه ....طبعا جاو ولا غرموه ولا شي ...

[Anas_G]

وانا من اكثر الناس الي يمرون في هالشارع وانا متاكد ان مشكلته ثقافة القيادة الهنود والاسيوين سواقتهم عندهم ويخافون ويسوقون بدون ثقة وخوف من الرادار وخوف من الكفيل وخوف من تصليح السيارة تحصله ماشي وخايف وهالشي يخليه يسوي ازمة + ان تشوف مجموعة سيارات من حوالي 20 سيارة منتشرين على الشارع وكلهم بنفس السرعه لاتقدر تتجاوز ولا تقدر تطلع ولا تطول ولا حد يفتحلك طريق والقهر انك تشوف الشارع فالاول فاضي مافي سييارات بس شلون تطوف هالسيارات الي كلها بنفس السرعه ! ليش يمشون نفس السرعه ؟ ليش الخط السريع دايما زحمة والي يكون مستعجل مايقدر الا انه يتجاوز من اليمين انا اقول مشكلة هنوووووووود وصدقوني هالسبب الرئيسي يوقف على الدوار يقعد ساعه يجي على الاشارع يقعد ساعه يركب الجير يروح لفة يقعد ساعه يمسك الخط السريع ويدق اشاره يسار والدوار بعد 20 كيلو ملينا والله كل واحد عنده شركة يجيب 50 هندي ويدربهم اسبوع ويطلع لهم ليسن بالواسطة واحنا نتلعوز ياخي في ناس فالبلد تدور شغل لازم توفر 500 خلاص حط اعلان فالجريدة تحصل سواقين وعندهم خبره ويعرفون فالشاورع ذبحتونا يااصحاب المشاريع لو الميزانية الي تنصرف على الشوارع نعطيها للتجار واصحاب الشركات ويسكرون شركاتهم بتخف الزحمة

[Anas_G]

اقتراح غير منطقي يؤسس للطبقيه المبنيه على الفلوس ، الي عنده بيرتاح والي ما عنده ياكل هوا

ولو أخذنا أن الأقتراح منطقي فهو غير مجدي لأن بقية الشوارع ستصاب بالسكته القلبية
ولن يكون حل مجدي بعد كم شهر ، بالإضافه أن بنية الدوحة الشوارعيه لا تساعد في مثل هكذا اقتراح .


كنت قد وضعت موضوع لحلول الأزمه المروريه بالدوله وما كملته لأني نسيته

عموما من ضمن الحلول التي أراها منطقيه ولا أدري برأي الآخرين وهو تغيير طريقة تسيير الشوارع
نحتاج في كثير من المناطق تحويل الشوارع لتكون نظام اتجاه واحد ولكن بشكل مرتب مب مثل شارع السد
لكي تنجح الخطه يجب ان يطبق النظام على المنطقه كامله او الفريج كامل
شارع يكون رايح
والشارع الاخر يكون جاي
يكون المدخل باتجاه واحد والمخرج باتجاه واحد فقط
وليس شارع باتجاه واحد وبقيه افرعه رايح جاي ..

اعتقد بعد سنه الى سنتين ستصاب الدوحه بسكته قلبية في شوارعها
وزحمة كل دوار او اشاره ستؤدي لاغلاق التي خلفها وهكذا .

فكرة السيد الواحد ممتازة بس ما نجحت في السد اعتقد بسبب سوء التخطيط

[النهار]

انطر لين يفتحون المجمعات الباقيه اللي في محيط اللاند مارك وشوف شلون هالشارع بيصيده الشلل على اكثر مما هو عليه الحين .


اصلا من غير هذه المجمعات صايده الشلل تقدر تقول موت سريري في حال المجمعات الجديده فتحت

[شموخ]

كفاية علينا دفع رسوم بعد تبونا حق الشارع ندفع لهم رسوم اذا انت تقدر تدفع غيرك ما يقدر يدفع..

[تهامي باشا]

شغل نظام مترو يغطي كافة مناطق الدوحة وأنشئ طريق سريع بديل حتى لو كان أطول وبعدها اقولك اقتراحك عالراس

بالنسبة للرسوم أقترح فرضها في مواقف الشوارع التجارية مثل المطار والنصر والسد لأن البعض يبركن سيارته ويروح شقته ينام وأصحاب الحاجة يضربون رصيف والشرطة تكرمهم بالمخالفات

[بونووف]

والله فعلا موضوع الحوادث هذا من الأسباب الرئيسية للزحمه...صار معاي حادث من شهر وانا جاي من طريق رئيسي إلى سيرفس رود فرعي...والبنجالي الي عنده اشارة قف ما وقف لأن إشارة قف مايله للجهة الثانية من تأثير حادث قديم الظاهر...طبعا البنجالي مااقتنع انه الحق عليه يقول انا يجي سيدا انت يجي من برا يدعم انا!!! شلون بفهمه هذا؟؟ وشرطة المرور طبعا ساعه ونص لين ماوصلت وقالي عل تلفون تعالوا لأنه إذا وصلنا موقع الحادث راح نغرم الغلطان 1000 ريال لإعاقة السير....قلتله شسويلك البنغالي مايبي يعترف بغلطه تعال وغرمه ....طبعا جاو ولا غرموه ولا شي ...

هاي اكبر دليل على جهل السائقين الاسيوين طلع له ليسن وبعدها خذوه فغلوه ..المفروض يعرف القوانين ومتى يكون غلطان ومتى لا... بس حلوه بنجي نغرم الغلطان 1000 ريال

[eXpert*]

الحل بسيط جداً على الأقل لين يتم إيجاد حل جذري:

لو الكل يلتزم بمساره ما راح نشوف أي آثر للزحمة ..

المشكلة الكل قاعد يغير مساره يمين يسار يسار يمين فوق تحت .

يا أخي أرضى بنصيبك من الزحمة. فتجد أنه يطلع من المسار الأوسط للأيسر لأنه راح يقدم بمقدار سيارة واحد (فقط) ..


المفترض : المسار الأيمن يجب أن يكون للشاحنات و الباصات .

لكن المشاهد الآن: أن الباصات تمشي في المسار الأوسط !!!!

- نظام القيادة يجب أن يكون :-

المسار الأيمن للشاحنات والباصات .
المسار الأوسط للسيارات المتلزمة بحدود سرعة الشارع القانونية 100/-كم
المسار الأيسر للسيارات الأسرع (للتجاوز) (تيك أوفر) ، و من يتجاوز يرجع للمسار الأوسط .


- في نقطة لاحضتها اللوحات المكتوب عليها أسماء المخارج غير كافية ..

ومكانها بالقرب من المخرج ،، مما لا يعطي مسافة كافية لإتباع اللوحة في الخروج من الشارع ..


دمتم في رعاية وطاعته .

[بن غيث]

ومن قال لكم أنه مافي شركات عالمية تقدمت للحكومة لحل مشكلة الأزدحام في جميع شوارع قطر وأعادة تأهيلها .. وتم الرفض .. !!!

[eXpert*]

ومن قال لكم أنه مافي شركات عالمية تقدمت للحكومة لحل مشكلة الأزدحام في جميع شوارع قطر وأعادة تأهيلها .. وتم الرفض .. !!!

إذا أنحلت المشكلة معناته الشركات الوطنية ما راح تلاقيّ شغل .

خلهم كل يوم يكسرون ويصلحون ، مرة دوار مرة إشارة ومرة جسر .

وضاعت فلوسك يا صابر .:weeping:

أكثر ما يقهر، روح دوار جسر الشمال ، شوف (الوافديين الأسيويين) اللي حاطينهم يعدون عدد السيارات اللي تمر في الشارع !!!!!!

من صجكم ؟؟؟ الناس 2012 ويستخدمون برامج محاكية للواقع وأنتوا مقعدين (الوافد) 24/7 يعد ويكتب في ورقة ..

الملايين اللي تقبض وين تروح على دفتر وقلم و (وافد) .

[الاستثمار]

موضوع سالك من دون طرق بديلة تخفف الزحمه ما ينفع سالك ولا غيره

[Hamad-7]

تبي نظام سالك !! هههههه

اول شي خلهم يفتحون شوارع جديده اضافيه بديله
وبعدين يفكرون يسوون سالك !!

والدوحه بكبرها يبيلها سالك

[مرتبش]

الله يكون في عونك ياخوي

وانا اايد اقتراحك ويكون خط السيرفس اليمين يقلبونه سيد رابع مؤقت لين يشوف لنا الاخ الي قال فالجريده تحلوا بالصبر حل يريحنا


فكرة جديرة بالتنفيذ .. وقت الزحمة تشوف كثيرين يمرون فيه ويتجاوزون فبدل اساءة الاستخدام نحوله لخط رابع وكفى المؤمنين شر القتال

[بوخالد911]

سبحان الله !!!

تذكرت بانكوك
عدد سكانه يقدر بحوالي 66 مليون شخص

ولم أعاني مثل ما أعانيه هنا

هناك الجماعة أقاموا جسورا طويلة للتغلب ع مشكلة الزحام

فهل سنتعظ منهم !؟!؟!