عرض الدولي للتمويل الشخصي ..شرايكم فيه؟

[نور الحور]

بغيت أسألكم في شغلة ..بمناسبة اليوم الوطني ..نزل بنك قطر الدولي الإسلامي عرض التمويل الشخصي بنسبة ربح مخفضة ..
يعني باختصار هالعرض لحد 17 الشهر، بعدها ترجع قيمة الأرباح كما كانت (الضعف) ..

السؤال اللحين .. هل تشجعون الاقتراض بهدف التمويل الشخصي للاستثمار في ظل هذا العرض؟
أم نبعد عن الشر ونغني له؟؟؟؟
نصائحكم وتجاربكم لاهنتوا ..

[شموخ دائم]

,

,



مرحبا

بالنسبه لقرض السياره بربح 1.8% العرض طيب
المهم بالموضوع لا تشوفون ( فتره السماح )!!
وقيمه القسط !!

هذه مجرد وسائل الجذب لكم والتلميع للقرض

المهم هو ( قيمه الفائده )
يعني حتى نسهل الموضوع
لو اخذتوا 500 الف اشتريتوا فيها ارض او اسهم
ترجعونها كم !!!!

مع اني ( متاكد ) ان هذا العرض هو فقط لشراء السيارات
ولو تكلمتو معاهم في اشياء اخرى غير السياره
راح تكتشفون امور كثيره وصعوبات
مالها اول ولا تالي

:)

وحتى نجاوب على سؤالك لازم نعرف الاستثمار بيكون في شنو !!


,

,


اخوك



شموخ دائم

[boahmed]

ايضا القرض لشراء اسهم
يعني 100000ريال بياخذون عليها ربح
8000 ريال إذا بتسدد خلال سنتين

بصراحة العرض مناسب

والقرار لكم

[نور الحور]

مشكورين على التجاوب والردود ..

أخوي شموخ دائم .. أنا اتصلت بهم من باب الاستفسار .. واللي فهمته إن قرض المليون ريال تكون أرباحه أعتقد 2.74 يعني على مدى ست سنوات تسديد يكون ربحهم 188 الف ريال..

وبالنسبة للاستثمار ما أدري صراحة ودي بعقار بس العقار سعره وايد مرتفع ..

نورنا الله ينور عليك :)




بوحمد ما فهمت على اقتراحك بشراء الأسهم ..ياليت توضيح أكثر :)

[.. الكاش ..]

عرض طيب

[أسد الجزيرة]

و ترى المليون مع الارباح

حسب شروط البنك المركزي ما يزيد عن المليونين يعني مبلغ القرض مليونين شاملة ارباح البنك

استفسرت من المصرف الاسلامي قالوا اذا قرض شخصي مليونين بيكون مليون و ستمائة و خمسين الف المبلغ زايد الارباح ثلاثمية و خمسين الف ريال على ست سنين