استفسار ياخوان عن مراوح الشفط السقفية

[ابـو مــحــــمـــــد]

السلام عليكم

عندي استفسار
أنا حمامات البيت الله يعزكم
مأسويت لها فتحات لمراوح الشفط لأني كنت ناوي
أركبها في السقف في الجبس وعملت لها تمديد الكهرباء
لكن يوم رحت للدرويش والبانيسنيك اسعارهم طلعت نار
السباك الي شغال عندي قال اشتر لي المرواح وانا بسوي
لك التمديدات بس خفت ماتضبط معه ويوهقني في شغله

شرايكم اعطيه الشغله ولا حد يعرف لنا محل أسعاره ممتازه

[عيون الدوحة]

في شركة kdk
بس اوصل الدوحة اليوم اطرش لك السعر
وجودتها احسن من الدرويش وغيرة

[Chambray]

السلام عليكم

عندي استفسار
أنا حمامات البيت الله يعزكم
مأسويت لها فتحات لمراوح الشفط لأني كنت ناوي
أركبها في السقف في الجبس وعملت لها تمديد الكهرباء
لكن يوم رحت للدرويش والبانيسنيك اسعارهم طلعت نار
السباك الي شغال عندي قال اشتر لي المرواح وانا بسوي
لك التمديدات بس خفت ماتضبط معه ويوهقني في شغله

شرايكم اعطيه الشغله ولا حد يعرف لنا محل أسعاره ممتازه

ياخوي سو نفس ماسويت انا

المثلث الهندسي قالي البيت بيكلفك 15 ألف تقريباً ..
مراوح نوع ( موتسبيشي الكتريك )

الي سويته شنو

رحت بانسونيك ( عندهم تنزيلات احين بعد )
وشريت الاحجام الي انا في حاجه لها

المراوح كلها كلفتني ( 3300 ريال تقريباً )..
مريت محل ( لفان ) مجابل جسر الجيده
وشريت الدكتات ( 4 انش و 6 انش )
مع الكليبات مع الكفرات الخارجية ماطلع علي 1000 ريال
رحت الصناعيه شارع 45 اعتقد او 46
مصنع ( دافاك )

وفصلت ( مخارج الي تنحط في الطوفه ) على عدد الحمامات الي عندي
ماطلع علي 1500 ريال

الاجمالي : 5300 ريال فقط

والشغل مايبيله اي اختراع او خبره

بس شويه جهد ووقت

وامورك طيبه وبتوفر 10 آلاف ..

واذا ماتبي تتعب عطني ال 10 آلاف وقيمه الاغراض وتامر امر خخخخخخخخخخخخخخخ



طبعاً اول خطوه : تركب الي فصتهم في دافاك ( المخارج الي تنحط في الطوفه ) وعطيتهم المقاول وهو كسر وركب

ثم ركبت ( الكفر الخارجي ) الي شريته من محل لفان

ثم ركبت الدكت ( الي شريته من محل لفات ) .

ثم بعد الجبس يقص لك على حجم المروحه
ثم الكهربائي يشبك الكهرباء
ويشبك جهة الدكت الثانية في المروحه نفسها

وكان الله غفوراً رحيماً ..

[معماري قطري]

مراوح اكسبلير اللي عند الدرويش منهم نوعيات تتركب مباشرة على الحايط وتحتاج فتحة وبايب 4 إنش وهذي عملية وجديده .. نسيت سعرها كم يمكن 500 الوحده .. حول هالسعر يعني مع الكنترولر بعد ضيف 150 ومجربها لي حول سنتين جيده وشكلها يمشي الحال .. مشكلة الدرويش يجيبون كميات بسيطة وياخذونها المشاريع الكبيرة وفي الغالب ما تحصل.

[Bozizoo]

تجربتي الشخصيه
مروحه شفط عاديه ,وتوصيل كهربه,وبايب اوخرطوم مرن,وفتحه في السقف
كله مايوصل 250 ريال

[Bozizoo]

و شغاله الله ينور

[اللوز]

شوف شركة اينوكس لهم خبرة في هذا الموضوع

[الســـهم]

هلا اخوي ابو محمد ..

انا مركب شفاطات من 6 سنوات شريتهم من الدرويش بسعر 550 ريال تقريبا , واختربت وحده منهم بعد 3 سنوات تقريبا وبدلت المكينة بـ 140 ريال , وتركيبها جدا بسيط وما تحتاج غير فتحه بقياس 4 انش فالجدار وكهرباء مخفيه فوق السقف المستعار سواء جبس او انتردوجلاس بشرط تركب المكينة وتتعلق قبل تركيب السقف المستعار , ونصيحة لك انك تركب شفاط ولا تركب مروحة عادية لانها نظيفة جدا وماتدخل عليك اي غبار او وصخ , ولكن عيبها مع الاستهلاك يعلى صوتها وتصير اشوي مزعجه بس كلها كم يوم وتحس انك تأقلمت مع هالصوت ويصير طبيعي بالنسبة لك ..

حاليا اشطب بيتي الجديد , وركبت الشفاطات في كل حمامات الفيلا بما فيهم حمامات الخدمات والخدم ( يكرم القارئ ) , وكلفتني الشفاطة الوحدة شاملة سعر التركيب (800 ريال) وضمان لمدة 5 سنوات من ( شركة اينوكس ) الموجودة بشارع الخليج ..

[ام رويشد]

هلا اخوي ابو محمد ..

انا مركب شفاطات من 6 سنوات شريتهم من الدرويش بسعر 550 ريال تقريبا , واختربت وحده منهم بعد 3 سنوات تقريبا وبدلت المكينة بـ 140 ريال , وتركيبها جدا بسيط وما تحتاج غير فتحه بقياس 4 انش فالجدار وكهرباء مخفيه فوق السقف المستعار سواء جبس او انتردوجلاس بشرط تركب المكينة وتتعلق قبل تركيب السقف المستعار , ونصيحة لك انك تركب شفاط ولا تركب مروحة عادية لانها نظيفة جدا وماتدخل عليك اي غبار او وصخ , ولكن عيبها مع الاستهلاك يعلى صوتها وتصير اشوي مزعجه بس كلها كم يوم وتحس انك تأقلمت مع هالصوت ويصير طبيعي بالنسبة لك ..

حاليا اشطب بيتي الجديد , وركبت الشفاطات في كل حمامات الفيلا بما فيهم حمامات الخدمات والخدم ( يكرم القارئ ) , وكلفتني الشفاطة الوحدة شاملة سعر التركيب (800 ريال) وضمان لمدة 5 سنوات من ( شركة اينوكس ) الموجودة بشارع الخليج ..


اخوي بسألك متى خذتهم من اينوكس؟؟
باعهم على زوجي ب900 بدون تركيب:(