انا مواطن ماقدر اتعالج في اي مركز صحي حكومي

[برويقن]

السلام عليكم ورحمة الله وبركاته

امس الليل جاني زكام ورشح وبلاعييم وشوية حرارة

والصبح قلت بمر على المستشفى بخذ علاج قبل لاروح الدوام

رحت مركز المطار الصحي بما انه على طريقي للدوام

قالو لي في الاستقبال انت ملفك في مركز عمر مب عندنا

يعني انا مواطن والدولة فاتحة مراكز صحية كثيره ومن حقي اتعالج في اي مركز مب شرط وجود الملف .. قالو اذا مسخن تتعالج بس مانعطيك اجازة .. قلت لها مابي الاجازة .. ابي ورقة تثبت ان حضرت المركز .. قالو لا مايصير لازم ملفك يكون عندنا ولا روح الحين تعالج في مركز عمر وبيعطونك ورقة وهذي قرارات ادارية من مدير المركز

انزيين وينه مدير المركز .. وحولوني على نائب المدير .. لان المدير للحين ماحضر

ونفس الشي تقولي مانقدر نعطيك ورقة حضور للمركز لان ملفك مب عندنا يا تروح تتعالج في مركز عمر ولا تنقل ملفك عندنا .. انزين وين التطور والحكومة الالكترونية .. عيل شالفايدة الدولة تشتري لكم اجهزة كمبيوتر .. ياختي فيه نظام اسمه ايميل فاكس pdf .. لين متى وانتو مع الملفات وهالعقدة .. ليش مافي ملف الكتروني

فالاخير رحت خذت لي ادوية من الصيدلية عند بابو وميري

للاسف عندنا اضخم حقل واعلى دخل للفرد واكبر ثرية واغلى تحفة وبندخل في العام 2013 وبنستضيف كأس العالم ولكن للحين في ناس معقدة ماسكه في هالملفات لمغبرة

حسبي الله ونعم الوكيل

[بن غيث]

ما تشوف شر .. وأن شاء الله كل شئ بيتغير في المستقبل .. الله يعطينا طــــــــــــــــــــــــولة العمر

[ابوحشر]

لاباس عليك

لا تلومهم لوم العقول الميتة في الموسسة

اللي للحين يخزنون الملفات يدويا المفتروض يكون في ةتبويب الكتروني لملف المريض بالكمبيوتر ، لكن لاحياة لمن تنادي

[بونووف]

ماتشوف شر اخوي ...

عيل انا شاقول بيتنا فالخيسه قبل كنا تابعين لبلدية ام صلال و اوراق البيت كلها عندهم وبعد ماظموا الخيسه لبلدية الظعاين قالوا لنا اوراق بيتكم كلها ضاعت بسبب نقل الملفات قالوا لي لازم تروح تطلع كل التراخيص من اول وجديد كهرماء كيوتل ومادري وين بعد

اكره شي عندي لين عندي شغل في شي تابع للحكومه لانه وايد اشياء يحسسونك انك في العصر الحجري

الله كريم

[عضو دائم]

موضوع جميل جداً يستحق التقدير .. والاهتمام من المسؤولين في توحيد السستم بين المراكز الصحيه ..والف صحة لك وخطاك الشر..

[R 7 A L]

مايبون يتعبون أنفسهم في أمور مايعرفونها للأسف

لايغرك الكمبيوترات اللي قدامهم ترا بس حدهم الكيبورد والماوس

[shadad]

اخوي مقدر حالتك بس خلك معاي :

اخوي انت كاتب في عنوان الموضوع انك ما تتقدر تتعالج ومن اسم الموضوع شدني الشي يعني غريبه مواطن وما يقدر يتعالج في مركز ؟ بس لقيت انه بنفسك قلت ان المركز قالوا لك نقدر نعالجك وهاي الصح وانت اشكاليتك على الاجازة وهاي شي طبيعي ومن زمان ترا الواحد لازم يكون ملفه بالمركز عشان الاجراء يكمل بالكامل لازم في نسخه من التقرير او الوصفه مرات تكون بالملف..يعني نفس ال record. حتى مرات تلقى الدكتور يفتح الملف ويطع منه نفس الايصال او يحطه داخل.

الحل الوحيد قدامك انك تراجع اقرب مركز صحي ولازم يكون فيه ملفك بالطبع عشان يكمل الاجراء او تراجع على طول ال EMS لو حالتك تلتزم الرعايه.

وما تشوف شر .

[MAZEN37]

موضوع جميل جداً يستحق التقدير .. والاهتمام من المسؤولين في توحيد السستم بين المراكز الصحيه ..والف صحة لك وخطاك الشر..

كلام سليم
ومن حق المواطن القطري

[ام ناصر1]

لو اقول لكم اصدار الويندوز الي يستخدمونه ...بيغمى عليكم ...

[بـــــدوي]

لو اقول لكم اصدار الويندوز الي يستخدمونه ...بيغمى عليكم ...

شكلهم يستخدمون كمبيوتر (صخر) :nice:

مفروض فيه ربط سواء الكتروني او اللي يكون لكن شكلهم مافيهم شده على تغيير الطريقة اللي من سنة جدي :unsure:

[شميرام]

لا شاطرين يحطون أجهزه عشان يطلع رقم وتوقف عند الاستقبال الراقدين ولا يحركون الأرقام ،،،، سندرونا البطاقة منتهية وآل بطاقه منتهه يوم رحت أجددها الا خذو مني خمسين و حطوها في مكينه ورجعوها لي !!!!!!!
يطورون في اشياء ويخلون أشياء اهم

[طبيب قطري]

اخوي الشكاوي علي القطاع الصحي كل يوم تزيد ومافي احد يسمع ولا يهتم ..
انا مثلا عندي نفس مشكلتك.. ملفي بالمطار وانا ساكن بالريان !! بس الحمدالله اني طبيب، مااحتاج أروح المركز الصحي أعالج نفسي بنفسي ..
الله يعينك

[مضارب مستثمر]

ماتشوف شر اخوي,,,,,,

عملية ربط المراكز الصحيه بالنسبه للملفات

ماتحتاج تعب ولا تكلفه,,,,,المشكله في"المخوخ"

على قولة احد الاخوه المشاركين.

[جمال اليافعي]

لو اقول لكم اصدار الويندوز الي يستخدمونه ...بيغمى عليكم ...

3.11 workgroup خخخخخخخخخخخخخ

[راشد محمد]

اي والله معانااااااااااااه ولازم بطاقة وبدون البطاقة الصحية ما تدخل

[alnoida]

لو اقول لكم اصدار الويندوز الي يستخدمونه ...بيغمى عليكم ...





3.11 workgroup

شي عادي جداَ
لأن برامجهم التطبيقية تعمل على هذا النظام التشغيلي
ومكلفهم ملايين

[ام ناصر1]

الدولة متكفلة بزيادة الانفاق ع القطاع الصحي والحمد لله ...يحطون جزء من الميزانية هالمرة لتطوير السيستم
وضبط خدماتهم للجمهور من المرضى ..

[الخزرجي قطر]

ماتشوف شر اجر وعافيه ان شاءالله
المراكز الصحيه يبيلهم اعادة وترتيب في كل شي

[meandme]

يا جماعه الحق يقال ولا نقبل الظلم في الانتقاد...المستخدم الأول للملف هو الطبيب ...يبي يراجع حالة المريض

الصحية السابقة منه...ويكتب فيه الحالة الجديدة ... لو بيسوون ملفات الكترونية هل باستطاعة جميع أطباء

مستشفى حمد حاليا استخدام الكمبيوتر والدخول إلى ملفات المرضى إلكترونيا؟؟!

هنا يكمن السؤال...بعد 10 20 سنة انشالله يوم يصير كل الأطباء من الجيل الإلكتروني سوف تجدون

مايسركم...اسمك وبياناتك موجودين بالكمبيوتر باستخدام البطاقة الصحية للمواعيد وللدفع ....ما أقلكم انهم ما

عندهم أخطاء..انا ملفي أخذ اسبوعين بالطريق من مسيمير ل مركز عمر بن الخطاب...لا وكانوا ناقلينه بالغلط

بعد...قلتلهم عطوني انا بوديه مركز عمر معاي...صارت تظحك المصرية الي على الاستقبال وتقلي ده كرم منك

يا باشا مافيش داعي تغلب نفسك احنا مجمعين ملفات وحنوديهم مع بعض!! الظاهر انه المراسل يكسل يروح كل

يوم...

[wadha-qa]

صراحه انا مره كنت مريضة طلعت من دوامي فالابراج ورحت مركز الخليج الغربي ما قصروا عطوني دوا و ورقة حضور ترا بعض الموظفين اغبياء يشددون على امور تافهه وفي الاخير تكون مسموحه

[دوحة الجميع]

أصلاً الموظفات اللي على كاونتر مركز صحي المطار يبيلهم تغيير وأحياناً تلاقيهم فوق العشر الموظفات ومامنهم فايده . ولما تسأل عن شي منهم كل وحده تقطك على الثانية .

[حبر وقرطاس]

شكلهم يستخدمون كمبيوتر (صخر) :nice:

مفروض فيه ربط سواء الكتروني او اللي يكون لكن شكلهم مافيهم شده على تغيير الطريقة اللي من سنة جدي :unsure:

ننتندو

[دااانة قطر]

أكره شي لين تروح مركز صحي وتجاابل الاستقباال وتنطر وحده منهم تقوم وتجي تااخذ بطااقتك ومن الكسل بس تعطيك الرقم تسألها الملف تقول مب لاازم لين دخلت عالدكتور يسألك وين الملف ويردك للاستقباال ويطلعونه انزين من البداايه جيبوه
مع ان عددهم مب شي لكن نحااسة بناات كل وحده تبي الثاانيه تقوم او وحده تقوم انا ادخل بياانات ووحده انا اسجل مدري ايش طيب واحنا نوقف لين متى


الحين صرت اوقف شفت محد عبرني اقول لهم بنطر واايد واذا عطتني رقم بدون ملف اقول لها انا مابرجع للملف لو طلبته ادكتوره

[ms-qtr]

اتوقع يسوون هالحركة على أساس ما تصير تكدسات وازدحام في بعض المراكز على حساب مراكز اخرى

[Riku3]

المشكلة في الاجراءات بس .. والا السالفة سهله ما يبيلها شي !! ..

اول ما تم افتتاح مستشفى سبيتار رحت ابي اتعالج من الم في كتفي .. واحد استقبلني عند الباب وخذي لتسجيل .. ونادوا النيرس لين عندي توصلني لغرفة الانتظار .. وبعدها جاي الدكتور بنفسه يسلم علي ويطلب مني ادخل معاه الغرفه ومعاه نيرس تساعده بالغرفه لو طلب شي ..

شاف كتفي وطلب اشعه و mri .. توقعت بيقولون تعال يوم ثاني >_> .. الا خذوني لين غرفة الاشعه وخلصت ولين وصلت للدكتور كان مشيك عليها في الكمبيوتر !! ..

تصوير الـ mri قالوا تعال بعد يومين ورحت وكانت الخدمه 5 نجوم @_@ ..

هو صح ان مستوى المستشفى نزل في اخر زيارة لي لهم بس افضل من افضل خدمه تقدمها لنا وزارة الصحه .. وحبيت اضرب هالمثال علشان ابين ان مثل هالخدمه مب مستحيله بس يبيلها ناس تحترم المواطن والمقيم المريض مثل اسبيتار الي تحترم الرياضيين !! .

[pure]

يعني احين المركز الصحي شنو ادويتهم !

كله الا بندول ودوا كحه وقطور ماي وملح عن العين والنفس ,,

واذا قلت لهم ابي ادوية.. فيتامين سي .. مضاد .. تقوللك لا مافيج شي اللي بعدوو عاد ساعتها بترضى بالبندول

بس خل هاي على صوب تعال جوف التحاليل و شلون توزيعها بطريقة عشوائيه

الدكتوره بالمركز اللي بمنطقتنا تبارك لوحده انها حامل مثل ما التحليل اللي مندعس بالملف يقول

ردت عليها انا مو متزوجه !