PGR
06-12-2012, 11:42 AM
السلام عليكم ,,, بما اني مقدم على هالخطوة مع صبيات الحوش فاتصلت اسال عن المواصفات والاجراءات عشان اغطيها كلها ,, اتصلت في شركة من الشركات المعتمدمه(الجابر) واستفسرت عن كذا شغله وحبيت افيد الاعضاء وان شاء الله يكون فيها افادة ,, نبتدي :
متطلبات وضع خزان:
- ابعاد الخزان 2*2 فاعتقد مساحة 3*3 بيكون مناسب جدا
- يكون الخزان موقعه بعيد عن اي مصدر كهرباء مسافة لاتقل عن 3 امتار
- اذا كان الخزان موقعه على الارض فيحتاج تكون الارضيه خرسانيه (مصبوبه) بسبب وزن الخزان مع الغاز داخله تقريبا 800 وشوي كيلوجرام.
- لتعبئة الخزان يجب يكون فيه منفذ يوصلك للخزان عشان يسمح بتعبئته ( ممكن يكون عندهم هوز طويل للتعبئة ماسئلت عن هالشي).
الحين نتكلم عن مواصفات الخزان:
- الخزان حجمه 1000 لتر ولكن يعبأ بمقدار 700 لتر فقط لاسباب تتعلق بالامان
- يكون موجود في المطبخ ماسح للغاز يستشعر وجود الغاز , اذا استشعر وجود الغاز يرسل اشاره للصمام الموجود في الخارج عشان يغلق تدفق الغاز بحيث يمنع اي خطر ممكن يسببه الغاز.
- بالنسبه للضغط المطلوب فالخزان يوفر الضغط المطلوب للطبخ وزيادة عن المطلوب بحيث يوضع جهاز لتعديل الضغط ليصلح للاستخدام المنزلي .
بالنسبه للسعر والضمان:
- السعر المعتمد بالمواصفات العادية اللي هي: هوزات يمسافه معينه( اعتقد 15 متر) والخزان واجهزة الامان تقريبا 10,500 ريال قطري الى 13 الف ريال, هذا للخزان اللي على الارض
- بالنسبه للخزان فوق السطح ممكن يوصل السعر الى 18000 الف ريال بسبب الاعمال والمواد الاضافيه الاخرى.
- بالنسبه لسعر اعادة التعبئة ,, فالتعبئة تكلف 420 ريال قطري
- بالنسبه للضمان فهوا سنة واحد شامل كل شي... بعد السنه ممكن تسوي عقد معاهم يجون كل 3 اشهر مره ويفحصون لك السستم كامل,, الضمان عقب السنه ما يشمل تغيير المواد التالفه لكن يشمل الفحص فقط ( على حسب مافهمت)
ارجوا انه يكون الموضوع مفيد للجميع وبالتوفيق ان شاء الله للكل .
اخوكم/ بومحمد
متطلبات وضع خزان:
- ابعاد الخزان 2*2 فاعتقد مساحة 3*3 بيكون مناسب جدا
- يكون الخزان موقعه بعيد عن اي مصدر كهرباء مسافة لاتقل عن 3 امتار
- اذا كان الخزان موقعه على الارض فيحتاج تكون الارضيه خرسانيه (مصبوبه) بسبب وزن الخزان مع الغاز داخله تقريبا 800 وشوي كيلوجرام.
- لتعبئة الخزان يجب يكون فيه منفذ يوصلك للخزان عشان يسمح بتعبئته ( ممكن يكون عندهم هوز طويل للتعبئة ماسئلت عن هالشي).
الحين نتكلم عن مواصفات الخزان:
- الخزان حجمه 1000 لتر ولكن يعبأ بمقدار 700 لتر فقط لاسباب تتعلق بالامان
- يكون موجود في المطبخ ماسح للغاز يستشعر وجود الغاز , اذا استشعر وجود الغاز يرسل اشاره للصمام الموجود في الخارج عشان يغلق تدفق الغاز بحيث يمنع اي خطر ممكن يسببه الغاز.
- بالنسبه للضغط المطلوب فالخزان يوفر الضغط المطلوب للطبخ وزيادة عن المطلوب بحيث يوضع جهاز لتعديل الضغط ليصلح للاستخدام المنزلي .
بالنسبه للسعر والضمان:
- السعر المعتمد بالمواصفات العادية اللي هي: هوزات يمسافه معينه( اعتقد 15 متر) والخزان واجهزة الامان تقريبا 10,500 ريال قطري الى 13 الف ريال, هذا للخزان اللي على الارض
- بالنسبه للخزان فوق السطح ممكن يوصل السعر الى 18000 الف ريال بسبب الاعمال والمواد الاضافيه الاخرى.
- بالنسبه لسعر اعادة التعبئة ,, فالتعبئة تكلف 420 ريال قطري
- بالنسبه للضمان فهوا سنة واحد شامل كل شي... بعد السنه ممكن تسوي عقد معاهم يجون كل 3 اشهر مره ويفحصون لك السستم كامل,, الضمان عقب السنه ما يشمل تغيير المواد التالفه لكن يشمل الفحص فقط ( على حسب مافهمت)
ارجوا انه يكون الموضوع مفيد للجميع وبالتوفيق ان شاء الله للكل .
اخوكم/ بومحمد