استشاره للخبراء بخصوص الرخام

[بونواف2011]

السلام عليكم ورحمة الله وبركاته
ابي اركب في حمامات البيت اعزكم الله رخام على الطوف بحجم 120 سم وكذلك الارضيه وذلك بدل السيراميك وحاب تنصحوني شنو نوعية الرخام اللي ما تشرب الماي وانا حاب اركب على الطوف كريما ماربل والارضيه امبرادور فهل تنصحوني برخام اخر او اني اركب سيراميك
جزاكم الله كل خير

[wadha-qa]

واحد نصحني اركب للمطابخ نوع سيسيليا ايطالي يقول ما يمتص الماي واتوقع هالخاصيه بتفيدك في الحمامات بعد

[بن غيث]

السلام عليكم ورحمة الله وبركاته
ابي اركب في حمامات البيت اعزكم الله رخام على الطوف بحجم 120 سم وكذلك الارضيه وذلك بدل السيراميك وحاب تنصحوني شنو نوعية الرخام اللي ما تشرب الماي وانا حاب اركب على الطوف كريما ماربل والارضيه امبرادور فهل تنصحوني برخام اخر او اني اركب سيراميك
جزاكم الله كل خير

أنصحك بالجرانيت في الحمامات

[بن غيث]

واحد نصحني اركب للمطابخ نوع سيسيليا ايطالي يقول ما يمتص الماي واتوقع هالخاصيه بتفيدك في الحمامات بعد

عزيزي .. رخام سيسيليا الغير ايطالي الموجود بقطر .. وايد عليه ينحط للواجهات الخارجية

[khaldoon]

السلام عليكم ورحمة الله وبركاته
ابي اركب في حمامات البيت اعزكم الله رخام على الطوف بحجم 120 سم وكذلك الارضيه وذلك بدل السيراميك وحاب تنصحوني شنو نوعية الرخام اللي ما تشرب الماي وانا حاب اركب على الطوف كريما ماربل والارضيه امبرادور فهل تنصحوني برخام اخر او اني اركب سيراميك
جزاكم الله كل خير

كريما مارفيل و امبرادور اثنينهم جيدين للحمامات

[هدوء العاصفة]

اختيار موفق .. المشكلة ان اللي بالدوحة 90% مغشوش يبيعونك نخب ثالث على انه نخب اول .. النخب الاول والممتاز الطريقة الوحيدة للحصول عليه ان الشحنة تكون جيدة وبعدها يتم الاختيار قطعة قطعة واستبعاد الغير جيد طبعا في قطر ماينقون ويعطونك الموجود عندهم بالمخزن ..

اذا تبغي شي زين وممتاز الدرويش ولكن اسعارهم مرتفعة ..

[wadha-qa]

عزيزي .. رخام سيسيليا الغير ايطالي الموجود بقطر .. وايد عليه ينحط للواجهات الخارجية

يعطيك العافيه اخوي يعني افهم من كلامك انه هالنوعيه مب اوكي ؟؟؟ لاني اعتمدتها و حطوها لي في المطبخ ؟؟؟؟ بس للعلم احنا حاطين سيسيليا ايطالي

[معماري قطري]

والله حسب معلوماتي المتواضعة إن درجة تشرب الرخام والجرانيت تختلف من نوع لنوع لكن كل مادة حجرية طبيعية لها درجة إمتصاص حتى ولو بسيطة .. وفيه في بعض النوعيات والعينات عروق وشوائب وحتى فجوات.

بس شفت حمامات مركبين رخام وطالع حلو .. وحتى لو تشرب ماي شيصير فيه؟ المشكلة التزييت وتغير اللون في بعض الأنواع .. لكن بعض الأنواع اللي ما تزيت ولا يتغير لونها ما اتوقع فيها مشكلة بس تحتاج طبقة حماية وطبقة تخليها ما تزحلق مع الماي، وبالتوفيق لك.

[نور الحور]

أنا للحين مستغربة ومحد قدر من اللي سألتهم يجاوب على سؤالي .. دايما ينصحون بالجرانيت لأسطح المطابخ .. لأن الرخام يمتص الماي .. ولما يجون للحمامات يقولون عادي حطوا رخام !
الحمام منطقة رطبة أكثر من المطبخ بمراحل ..هل في تقنية معينة تحمي الرخام في الحمامات؟ ولو كان فيه ليش ما يحطونها للمطابخ بعد ؟ ..

[شموخ دائم]

,

,

مرحبا


اختي الكريمه

نور الحور

انا بجاوبك ان شاء الله

الموضوع مو موضوع الماي هذا امره سهل
تلاحظون في الفنادق عند المغاسل كلها رخام ومافيه مشكله لان الماء والرخام اصدقاء ولون الماء شفاف ولو صار امتصاص ما يبان ولا يعمل مشكله

بالمطبخ هناك مشاكل ثانيه ( دهن وزيت ) وكل انواع السوائل الملونه
مثل الحليب والكشب والمايونيز والفلفل ومخلفات الشحوم للحم والدجاج والمنظفات
كل هذه الامور تترك ( بقع واضحه ) خاصه الاستخدام من الخدم
وسحب الاغراض الحاده مثل السكين والجدور على سطح الجرانيت مافي مشكله
اما الرخام ( سهل الخدش )


ولذلك نحتاج ( الجرانيت ) لانه قاسي جدا ويقدر يتعامل مع هذه الدهون وما تترك اثر فيه نهائيا


,

,


اخوك


شموخ دائم

[اللوز]

بخصوص الرخام
لا انصح فيه في الحمامات لان ستستخدم في الحمام مواد كيمائية مثل مواد التنظيف - فيتبقع الرخام
نصيحة
روحي لمحل سيراميك الخليج - طريق سلوى
عندهم بورسلان على شكل رخام - غاية في الروعة