ياااااااااليت تفيدوني بسؤالين بسسسس

[NO_LIMITs]

السلام عليكم جميعاً

السؤال الاول
شنو الافضل تكسير السيراميك القديم وتركيب سيراميك جديد ولا تركيب الجديد فوق القديم؟؟ ونفس السؤال لبلاط الحوش؟؟

السؤال الثاني
هل ينفع بس اخلي خزان ماي واحد فوق السطح واستغنى عن الي تحت ويكون في مضخه تودي ماي الحكومه للخزان الي فوق؟؟

اشكركم

[بن غيث]

السلام عليكم جميعاً

السؤال الاول
شنو الافضل تكسير السيراميك القديم وتركيب سيراميك جديد ولا تركيب الجديد فوق القديم؟؟ ونفس السؤال لبلاط الحوش؟؟

طبعاُ .. أزالة القديم

السؤال الثاني
هل ينفع بس اخلي خزان ماي واحد فوق السطح واستغنى عن الي تحت ويكون في مضخه تودي ماي الحكومه للخزان الي فوق؟؟


اشكركم

لا أنصح بخزان واحد ..

[Aozomblue]

خزان واحد غلط كبير

[معماري قطري]

بالنسبة للسيراميك جرب عينة بسيطة إذا كان حمام أو مطبخ وشوف شيصير من إشكاليات خصوصاً في بعض المناطق اللي فيها تجهيزات وقطع حمام .. إذا الوضع ماشي ركب بيكون أوفر لك بس بشرط تسستخدم لاصق خاص قوي وهذا موجود كان عند فورسكو .. الحوش أسهل لك وأفضل تركب على الموجود بس تحتاج مونة إسمنت أكثر شوي علشان يثبت وفي الأماكن اللي فيها هبوطات تحتاج أكثر علشان تعدل مستوى الأرضية.

[معماري قطري]

والخزان لا تغامر محد يضمن عدم انقطاع ماي الحكومة، ولو مضايق المكان الخزان الأرضي ممكن تنقله ورا البيت وتركب بايب 4 إنش يوصل له من مكان وقوف الدنكر .. أعرف ناس يركبون خزانين أرضيين إحتياط لنقص المياه.

[NO_LIMITs]

لا أنصح بخزان واحد ..


خزان واحد غلط كبير

هلا بن غيث، ليش ماتنصح اركب فوق القديم؟

وشنو الغلط اني اركب خزان واحد بس، لان ابي اوفر المساحه الي ورى لبناء مخزن.


بالنسبة للسيراميك جرب عينة بسيطة إذا كان حمام أو مطبخ وشوف شيصير من إشكاليات خصوصاً في بعض المناطق اللي فيها تجهيزات وقطع حمام .. إذا الوضع ماشي ركب بيكون أوفر لك بس بشرط تسستخدم لاصق خاص قوي وهذا موجود كان عند فورسكو .. الحوش أسهل لك وأفضل تركب على الموجود بس تحتاج مونة إسمنت أكثر شوي علشان يثبت وفي الأماكن اللي فيها هبوطات تحتاج أكثر علشان تعدل مستوى الأرضية.

هلا اخوي معماري، انا ابي اركب بورسلان شبيه الرخام والبيت حالياً مركب فيه بورسلان الله بالخير، وكل ماجيب واحد يقولي انركب فوقه احسن وبيكون اقوى وافضل من التكسير وبيكلف.


والخزان لا تغامر محد يضمن عدم انقطاع ماي الحكومة، ولو مضايق المكان الخزان الأرضي ممكن تنقله ورا البيت وتركب بايب 4 إنش يوصل له من مكان وقوف الدنكر .. أعرف ناس يركبون خزانين أرضيين إحتياط لنقص المياه.

مشكلتي ابي اوفر المساحه الي ورى عشان ابني مخزن

اشكركم على ردودكم وتفاعلكم

[wadha-qa]

لا تستغني عن الخزان

اذا فيه امكانيه تبني المخزن فوق سطح بيتك يكون افضل بس اظن لازم ورقة رخصه و ورقه تثبت ان البيت يتحمل هالغرفه اللي بتسويها

[بوNasser]

بالنسبة للخزان

1- تركيب مضخة لسحب الماي من بيبات الحكومة تعتبر مخالفة عند كهرماء (حسب تفسيرهم: اذا كان ماي الحكومة ضعيف راح تسحبه انت بالمضخة وتمنعه من الوصول للناس اللي بعدك)

2- ايضا كهرماء دائما تنصح بتركيب خزان ارضي يكفي على الاقل ل 48 ساعة.

3- اخيرا ان كان ولا بد، فكر انك تحط الخزان فوق المخزن اللي راح تبنيه ورا البيت.

[معماري قطري]

هلا اخوي معماري، انا ابي اركب بورسلان شبيه الرخام والبيت حالياً مركب فيه بورسلان الله بالخير، وكل ماجيب واحد يقولي انركب فوقه احسن وبيكون اقوى وافضل من التكسير وبيكلف.

صح بيكون أوفر بس المفروض يركبونه بلاصق خاص .. انا مركب على بلايوود خشب وسطحه ناعم وممكن تركب باستخدام هذي النوعية من اللاصق على أي سطح.. خلهم يركبون بلاطة أو ثنتين وشوف شلون تثبت وبعدين كمل على الباقي.

مشكلتي ابي اوفر المساحه الي ورى عشان ابني مخزن

في هالحالة ممكن حتى تحفر للخزان تحت الأرض أو تحطه فوق المخزن .. وللمخزن ما تحتاج إرتفاع كامل ممكن مترين و40 سم كفاية والخزان يكون فوق من النوع القليل الإرتفاع .. وللحفر تحت الأرض تقدر تبني حول الحفرة طابوق وتغطيها بخشب أو خرسانة وتدفن فوقها وتزرع لو تبي وتخلي مكان للمضخات مخفي تحت بعد .. وشفت ناس مسوين هالطريقة وناس مسوين خزان من خرسانة وسيراميك كبير تحت الأرض.

اشكركم على ردودكم وتفاعلكم[/quote]

لا شكر على واجب إخوي

[NO_LIMITs]

الحمدالله لقيت حل للخزان، عندي مساحه ميته في البيت باحط فيها الدرام،،

الحين بس خايف من مشكلة السيراميك، ان شاءالله باخذ بنصيحتك معماري وباجرب بكم بلاطه قبل لا اكمل، جزاكم الله خير وماقصرتو.

[معماري قطري]

الحمدالله لقيت حل للخزان، عندي مساحه ميته في البيت باحط فيها الدرام،،

الحين بس خايف من مشكلة السيراميك، ان شاءالله باخذ بنصيحتك معماري وباجرب بكم بلاطه قبل لا اكمل، جزاكم الله خير وماقصرتو.

لتنسى تخليهم يجيبون اللاصق الخاص .. هذا شكل ما قلت لك كان موجود عند فورسكو وتقدر تحط منه شوي في زوايا البلاطة .. يعني مقدار مساحة النص ريال وبعدين لو بغيت تشيل البلاطة لازم تنكسر.. أي مونه ثانية يمكن تنفصل البلاطه بسهوله.

[NO_LIMITs]

مشكوووورين وماقصرتو،،،،

ممكن سؤال ثالث :))

ماعرف اي نوع من الابواب اركب للبيت،، يعني نوع يعمر ويكون سعره محترم وشكله حلو،،

وهل الافصل اركب ابواب الحمامات (الله يكرم القارئ) نفس ابواب الغرف او اللمنيوم؟؟

وتسلمون

[معماري قطري]

مشكوووورين وماقصرتو،،،،

ممكن سؤال ثالث :))

ماعرف اي نوع من الابواب اركب للبيت،، يعني نوع يعمر ويكون سعره محترم وشكله حلو،،

وهل الافصل اركب ابواب الحمامات (الله يكرم القارئ) نفس ابواب الغرف او اللمنيوم؟؟

وتسلمون


بالنسبة للأبواب مشكلة مناجرنا التأخير لدرجة التعذيب .. يعني الأعمال الخشبية هي بروحها هم ثاني .. شوف عندك الأبواب الجاهزة والمصنعة في معمل مثل اللي عند المتحدة للتجهيزات وايد زينه وتشطيبها جيد ويجيبونها بقراطيسها مصبوغة صبغ حراري ويركبونها .. وإطلب منهم نعلات مشابهة وإرتاح.

أبواب الحمامات .. يكرم الجميع .. شكلياً أفضل نفس الغرفة .. بس لو تبي تركب ألمنيوم فالأفضل تركب يو بي في سي وفيه منهم مغلف بتشكيلة خشب بالبلاستيك يعطونك شكل قريب للخشبي.

[Bozizoo]

هلا اخوي معماري، انا ابي اركب بورسلان شبيه الرخام والبيت حالياً مركب فيه بورسلان الله بالخير، وكل ماجيب واحد يقولي انركب فوقه احسن وبيكون اقوى وافضل من التكسير وبيكلف.

صح بيكون أوفر بس المفروض يركبونه بلاصق خاص .. انا مركب على بلايوود خشب وسطحه ناعم وممكن تركب باستخدام هذي النوعية من اللاصق على أي سطح.. خلهم يركبون بلاطة أو ثنتين وشوف شلون تثبت وبعدين كمل على الباقي.

مشكلتي ابي اوفر المساحه الي ورى عشان ابني مخزن

في هالحالة ممكن حتى تحفر للخزان تحت الأرض أو تحطه فوق المخزن .. وللمخزن ما تحتاج إرتفاع كامل ممكن مترين و40 سم كفاية والخزان يكون فوق من النوع القليل الإرتفاع .. وللحفر تحت الأرض تقدر تبني حول الحفرة طابوق وتغطيها بخشب أو خرسانة وتدفن فوقها وتزرع لو تبي وتخلي مكان للمضخات مخفي تحت بعد .. وشفت ناس مسوين هالطريقة وناس مسوين خزان من خرسانة وسيراميك كبير تحت الأرض.

اشكركم على ردودكم وتفاعلكم

لا شكر على واجب إخوي[/quote]

ودي اضيف شي بعد على كلامك اخوي معماري قطري
يكون غطاء الحفر بدال الخشب يكون من الخراسانه الجاهزة وتتكون من قطعتين او ثلاث
مع عمل حلقات لرفع في حالة تغيير الخزان

[أسد الجزيرة]

ممكن تعمل الخزان تحت الارض اذا ما في وسع في الحوش بس يكلف

[dream~qa]

بالنسبة للبيت إذا بتركبه كامل عادي ركبه فوق القديم على اساس يكون كله مستوى واحد .

أما الحوش بيكون أحسن لو ركبته على القديم لأن بيكون أقوى ويستحمل أكثر وهذا الشي احنا مسوينا من زمان والحمدلله مافي مشاكل .

[رآعي موآجيب]

ركبت سيراميك فوق سيراميك بـ لصق خاص للسيراميك

والعمال اللي ركبوه لي نقفوا السيراميك القديم شوي وبعدين ركبوا الجديد

المشكله الوحيده عند الأطراف ، تكون مرتفعه لأنها حبتين فوق بعض ، بس عالجتها بتركيب نعله من نفس السيراميك بس بشكل مائل ( سلوب ) وبعض الحواف اللي قريب الأبواب ما قدرت أسوي فيها شي وخليتها على حالتها بس ما تبين

[العربية نت]

اتوقع اذا بغيت الشغل ينضبط 100 % على قولتهم فيبغي لك تكسر السراميك القديم وتركب الجديد هنا بيكون عملي جداً لكن ان تركب فوق القديم بتمشي بس بصير فيها شئ فتحات وغيره هذ مدري ؟

اما الخزان اذا اكتفيت بواحد بتكون غامرت مغامره تندم عليها لانه ببساطة ماء الحكومة يمكن ينقطع عليك حزتها كيف توفر لك كهرماء مياه ؟؟؟!!!!!

[NO_LIMITs]

بالنسبة للأبواب مشكلة مناجرنا التأخير لدرجة التعذيب .. يعني الأعمال الخشبية هي بروحها هم ثاني .. شوف عندك الأبواب الجاهزة والمصنعة في معمل مثل اللي عند المتحدة للتجهيزات وايد زينه وتشطيبها جيد ويجيبونها بقراطيسها مصبوغة صبغ حراري ويركبونها .. وإطلب منهم نعلات مشابهة وإرتاح.

أبواب الحمامات .. يكرم الجميع .. شكلياً أفضل نفس الغرفة .. بس لو تبي تركب ألمنيوم فالأفضل تركب يو بي في سي وفيه منهم مغلف بتشكيلة خشب بالبلاستيك يعطونك شكل قريب للخشبي.

يعطيك العافيه اخوي معماري وحالياً جاري البحث ع الابواب


لا شكر على واجب إخوي

ودي اضيف شي بعد على كلامك اخوي معماري قطري
يكون غطاء الحفر بدال الخشب يكون من الخراسانه الجاهزة وتتكون من قطعتين او ثلاث
مع عمل حلقات لرفع في حالة تغيير الخزان[/quote]

خلاص افتكيت من مشكلة الخزان ولقيت له مكان في البيت مب مستفيد منه مشكور اخوي


بالنسبة للبيت إذا بتركبه كامل عادي ركبه فوق القديم على اساس يكون كله مستوى واحد .

أما الحوش بيكون أحسن لو ركبته على القديم لأن بيكون أقوى ويستحمل أكثر وهذا الشي احنا مسوينا من زمان والحمدلله مافي مشاكل .

كلام جميل وريحني ان في حد جرب هالشي وماعنده مشاكل تسلمين اختي وهج



ركبت سيراميك فوق سيراميك بـ لصق خاص للسيراميك

والعمال اللي ركبوه لي نقفوا السيراميك القديم شوي وبعدين ركبوا الجديد

المشكله الوحيده عند الأطراف ، تكون مرتفعه لأنها حبتين فوق بعض ، بس عالجتها بتركيب نعله من نفس السيراميك بس بشكل مائل ( سلوب ) وبعض الحواف اللي قريب الأبواب ما قدرت أسوي فيها شي وخليتها على حالتها بس ما تبين

الفورمن والمهندس طمنوني انهم راح يركبونه بطريقه ماتبين وبيخفون اي عيب وانهم راح يستخدمون لاصق خاص وقوي، شاكرلك مرورك وتفاعلك اخوي راعي مواجيب.


اتوقع اذا بغيت الشغل ينضبط 100 % على قولتهم فيبغي لك تكسر السراميك القديم وتركب الجديد هنا بيكون عملي جداً لكن ان تركب فوق القديم بتمشي بس بصير فيها شئ فتحات وغيره هذ مدري ؟

اما الخزان اذا اكتفيت بواحد بتكون غامرت مغامره تندم عليها لانه ببساطة ماء الحكومة يمكن ينقطع عليك حزتها كيف توفر لك كهرماء مياه ؟؟؟!!!!!

المشكله لو باكسر وباركب بتزيد علي التكلفه وهذا الي مابيه، وان شاء الله تضبط الامور الي باسويها، والحمدالله حصلت مكان لخزان الماي، تسلم اخوي العربيه نت.