افضل محل لغرف النوم في الدوحة

[فيصل 89]

الســـلام علـــيكم ورحمـة الله وبركــاته


العنوان واضح ابي افضل مكان القاء فيه غرف نوم كجوده وشكل انا مقبل على زواج وابي غرفة نووم تسوى :ok2:

صراحه تعبت وانا ادور ماحصلت الشيء الي انا ابيه لدرجة فكرة اروح لسعوديه ولا الامارات اشتري غرفة نووم :anger1:

معلوماتي بالاثاث كلش وماني عارف وين اروح الاماكن الي دورة فيها المجمعات بس مثل فيلاجو استي والاندمارك

وشاد الظهر فيكم :victory:

وعقبال العزوبيه من بعدي :dance

[بوراشد82]

روح محل ميداس في الرياض او الخبر ،، غرف راقية وتصاميم روعه وماتتعدى الظ،ظ¢ظ*ظ*ظ*

[راعي السهم الأول]

في معارض أول ماتقول أبي غرفة نوم يسألونك عن مساحة الغرفه أن يعطونك شي مايضيق عليك يعتمدون عدد القطع المكمله لها بعضهم همه يصرف بضاعه بس ما يهتم لهالشي
لو وصل لك الغرفه و جا يركبها يتوهق أن المكان ما يوسع و يحملك مسؤولية إختيارك

إسأل عن الصناعه لو كان صيني أحرص أنك تعاين مساحة الأدراج و نوع التعليقه للملابس في الكبت من النوع يتحمل الثقل ولا أنتبه بعد للقطع المعدنيه اللي تثبت الأبواب عليه هل هي قويه و الأدراج بعد

لأني أخذت غرفه صناعه صينيه من قطر دزاين بعد فتره بطلت الباب طاح ثبته أكثر من مره مانفع و الأدراج أنكسرت مثبتاتها الداخليه و المسكات طاحت شكليا تشوف تصاميمهم راقيه و فخمه لكن جوده مافي على حسب الصناعه
ما أظلمهم في عندهم أشياء حلوه لكن سعر مبالغ فيه و صناعه رديئه ماينفع

روح هوم أراص في حياة بلازا عاين غرف النوم حلوه و بعد مفروشات الإمارات في طريق سلوى قبل الجسر يمين قريب محل PC ONE

:waiting:

حط في بالك البنت أغراضها أكيد بتكون كثيره خذ حد من الأهل يساعدك على الإختيار
و الله يتمم لك على خير إن شاء الله يفرحون فيك

:tease:

تحياتي

[فيصل 89]

شكراً اخوي بو راشد على النصيحه بس ياخوك صارت سالفه سفره وحملها وجيبها ولو تتضرر بطريق من يتحمل وصراحه ماعندي خلفيه عن هالامور

راعي الاسهم الاول مشكور اخوي على النصايح مريت عليهم ماعجبني ودي شي يلفت الانتبه

ننتظر باقي الاعضاء

[راشد محمد]

شوف الوسيط تلاقي اعلانات وشوف دوحة ستي او هوم سنتر

[راعي السهم الأول]

مفروشات نابينا شغلهم مرتب إن شاء الله يفيدونك باقي الأعضاء

تحياتي

[Bozizoo]

نابكو غرف النوم حلوه و سعره معقول جداً
أغلى غرفه يمكن بظ،ظ، الف
ولا انصح تشتري غرفه غالية جداً
و تقول للعمر ذي
لان بعد كم سنه بتزهق منها و تبي تغيرها
هذه وجهة نظري
وكان رب العالمين منعم عليك ولا تفرق معاك الدعوه
لا والله طرب نفسك

[لمعة الالماس]

نابكوا
نابينا
المحلات اللي في شارع سلوى مر عليهم محل محل بتحصل اشياء راقية عندهم

بس اهم شي ما تكون دفشه وفيها زوايا حاده

واخذ راي هلك قبل لا تشتري

[wadha-qa]

للعلم ترى فتحوا ميداس في الدوحه توني ادري امس لان فرع الخبر امس وصلوا لي اغراض و قالوا لي احنا في طريق سلوى فتحنا محل استانست صراحه

المهم تبي نصيحتي روح الدمام غرف النوم رووووعه و خشب طبيعي وسعر مناسب لان الاسعار فالدوحه نار على بضايع ما تسوى صراحه انا عجبتني غرف العمر و بيت الانصاري و العبداللطيف ودايما اسئلهم عن الخشب الطبيعي وابتعد عن المضغوط لانه اذا طاح مسمار مستحيل يركب مكانه في المضغوط

[دوحة الجميع]

مفروشات مودرن ديزاين طريق سلوى قبل دوار مدماك
مفروشات الجميل طريق المطار قبل إشارات البراشوت

[الخزرجي قطر]

المعرض الراقي غرف نوم مميزه
دوار مدماك في زاوية المجمع

[فيصل 89]

اشكر جميع الاعضاء فرداً فرد على المشاركه

بس تبون الصراحه انا كنت ادرس برى لمدة خمس سنين وتقريباً صارلي سنه من خلصت دراستي كنت اسمع انه الدوحة نار نار بالاسعار ماصدقت الا اليوم والله شيء يخووف

رحت محل في طريق سلوى اسمة ( فني ارت ) دخلته الغرف دفشه وفخامه كنت محتار يعني عاجبني ومو عاجبني المهم قعدت عنده والريال الي شغال تعامله روعه المهم قلتله الغرف تذكرني بغرف فنادق امريكا قال ايه بضاعتنا امريكيا مانجيب صيني

قعدنا نسوالف عن امريكا المهم مالكم بطويله قلتله كم سعر الغرفه صراحه صدمني قالي 135000 اميه وخمسه وثلاثين الف ريال لييييييييييييش !!!!!!!! ولا بعععد بدون كبت (خزانه) بس سرير وكمدين وتسريحه

انا طلعت من عنده وضايق صدري قلت انا بالاول حاسب حساب المهر والصالة حقت الحريم وريايل وتكاليف العرس طلع في تكاليف ثانيه اشهد اني بروح فيها شكلي بقدم على سلفه الله يستر

المهم شكلي بروح لسعوديه ولا الامارات الي يخبرلي محلات اوكيه جوده وشغل وجوده توب التوب يعطيني خبر على الاقل لو ادفع ثلاثين ولا اربعين الف اهون من المبالغ الي هني ولا ياليت على شيء يسوى والله الغرفه ماكانت عاجبتني

مانقول الا الله يعينا من ورى هاالاسعار وهالتجار الي ماتخاف الله وحاسدينا على الخير

[ام رويشد]

للعلم ترى فتحوا ميداس في الدوحه توني ادري امس لان فرع الخبر امس وصلوا لي اغراض و قالوا لي احنا في طريق سلوى فتحنا محل استانست صراحه

المهم تبي نصيحتي روح الدمام غرف النوم رووووعه و خشب طبيعي وسعر مناسب لان الاسعار فالدوحه نار على بضايع ما تسوى صراحه انا عجبتني غرف العمر و بيت الانصاري و العبداللطيف ودايما اسئلهم عن الخشب الطبيعي وابتعد عن المضغوط لانه اذا طاح مسمار مستحيل يركب مكانه في المضغوط

على ماظن ميداس فرع الدوحه للاثاث المكتبي بس

[dream~qa]

أحلى غرف عندنا شفتها عند الجميل بس الأسعار نار طبعا روح الخبر أقرب والغرفة ماراح تزيد عن 15 ألف ولا تحاتي الشحن لأنهم بيطرشون معاها عامل يركبها لك بس حاول تاخذها من غير خزانة ..

وفصل خزانة في الدوحة لأنها راح تكون عملية أكثر وتعمر .. عن نفسي جربت الميرة للخزائن الصراحة شغل ومواعيد لا يعلى عليه مع أن في ناس ذموهم في المنتدى بس يمكن خذوا درس من أخطائهم .

[نور الحور]

نصيحة أخوي لا تشتري الغرف اللي تجي ست كامل ..صارت موضة قديمة ..
اشتر لك كل قطعة بروحها ..الخزاين فصلها عند الخزائن المبتكرة، السرير عند محل نسيت اسمه على شارع المطار (المراتب أو شي جذي اسمه) .. بتلقى أسرة وايد حلوة وصناعة وطنية وجودة .. أما الكمودينو والتسريحة تقدر تاخذهم قطع منفردة من ذا ون أو هوم سنتر أو ايكيا اللي بيفتح قريب..وحتى التسريحة مو لازم تكون كبت كامل .. تكفي مراية ورفوف ..أو تخليها مدمجة داخل الخزانة ..في وايد أفكار أحلى وأرخص من لو خذت طقم غرفة كامل ..
والله يوفقك أخوي .. ولو بغيت أي مساعدة ثانية ما بنبخل عليك أكيد :)

[captin]

نصيحة أخوي لا تشتري الغرف اللي تجي ست كامل ..صارت موضة قديمة ..
اشتر لك كل قطعة بروحها ..الخزاين فصلها عند الخزائن المبتكرة، السرير عند محل نسيت اسمه على شارع المطار (المراتب أو شي جذي اسمه) .. بتلقى أسرة وايد حلوة وصناعة وطنية وجودة .. أما الكمودينو والتسريحة تقدر تاخذهم قطع منفردة من ذا ون أو هوم سنتر أو ايكيا اللي بيفتح قريب..وحتى التسريحة مو لازم تكون كبت كامل .. تكفي مراية ورفوف ..أو تخليها مدمجة داخل الخزانة ..في وايد أفكار أحلى وأرخص من لو خذت طقم غرفة كامل ..
والله يوفقك أخوي .. ولو بغيت أي مساعدة ثانية ما بنبخل عليك أكيد :)


الله يبارك لك في زواجك ويوفقك

الرد المقتبس أعلاه هو الرد المثالي من وجهة نظري .

التوجه خلال السنوات الأخيرة هو تركيب مجموعة قطع غرف النوم من عدد من المصادر
وهذا يخلي غرفة النوم تطلع شبيهة بغرف النوم في الفنادق راقية وناعمة لكن غرف النوم اللي تجي طقم واحد تكون دفشة وما تقدر في المستقبل تطورها وتغير بعض من القطع
فيها لو حبيت.

[القلم الصريح]

انت تبي غرفة نوم بحدود كم .؟؟؟؟؟

[فريج النجادة]

اخوي روح ميداس في الخبر قبل ما يفتح في قطر وتطير اسعارة

اذا بغيت المكان بالضبط راسلني على الخاص

[ضوى]

حاليا اجهز غرف عيالي

السراير من كنج كويل في حدود الخمسة

والخزاين والكوميدون من عالم الخزائن

شوية اكسسورات من هوم سنتر

[راشد محمد]

حطوا لنا صورة عشان نعرف شتقصدون

[ja077]

معرض الجميل للمفروشات طريق المطار

اما بخصوص ميداس لللاثاث المعرض موجود في طريق سلوي الحالي للاثاث المكتبي والمشاريع
وقريبا بيكون المعرض الجديد في طريق سلوي بعد شركة المرسيدس مكان زاي وبيكون نفس المعرض لي في الخبر والكويت