مشـورتكم " شراء سيارة أم استبدال سيارتي فالوكالة " ؟

[deema117]

السلام عليكم ورحمة الله وبركاته


السؤال موجه لأخواني الأعضاء

حاولت أنزل الموضوع في قسم السيارات بس غير مسموح إلا للتجار

أرجو المساعدة فالاختيار الأمثل

سيارتي BMW 520 موديل 2008

مثل هالصورة بالضبط

http://www.kahnzprestige.com/admin/BMW_520i.jpg

* ( مع العلم أن الموديل الحالي للفئة الخامسة تغير بشكل كامل )

مضى على السيارة ( استعمال شخصي ) تقريباً 5 سنوات أو أقل بشوي

نظيفة وأسوي لها صيانة بشكل دوري ومشت أقل من 50.000 كيلو متر


:omen2:

1- كم تسوى سيارتي تقريباً لو أبيعها سواء فالوكالة أو سعر السوق ؟

2- هل أرجعها واختار سيارة من شركة البي ام مع العلم بأني تعودت على تعاملهم المميز

في خدمة العملاء أثناء عمل الصيانة للسيارة لدرجة أنهم يجون ياخذونها من البيت ويرجعوها

لو تحتاج تصليح في الصناعية وخدمة التوصيل بالمجان ؟

وأي نوع من سيارات البي ام شكلها حلو ومميز الفئة الخامسة أم السابعة

أم الكوبيه (4أبواب) أم اكس 6 ؟؟

3- أم الأفضل اختيار سيارة من شركة أخرى غير البي ام وسيارتي أعرضها للبيع في أحد المعارض ؟


أرجو النصح والإفادة :)

[Aaziz]

السلام عليكم

ذكرت اكثر من نقطة تفيد بانك تبقى مع نفس الشركه افضل لك .. قليل منا راضي عن سيارته ظ¥ سنوات ؟
نصيحتي انك تستبدل سيارتك مع الشركه بسياره من الفئة الخامسة .. شكل جديد و سياره عملية جدا .

كعضو عادي تقدر تعرض سيارتك في قسم السوق العادي المخصص لغير التجار
http://qatarshares.com/vb/forumdisplay.php?f=31

[deema117]

شكراً أخوي Aaziz على إبداء رأيك وجزاك الله خير على التوضيح

بشأن قسم السيارات ، وبانتظار مزيد من الآراء ..

[Qatar-supra]

االسياره تسوى من بين50 لين60 الف حسب حالتها وموصفاتها
واذا تفكرين بالبديل عندك المرسيدس الاي. حلوه ونفس رفاهيه ومستوى البي ام
او تبقين نفس السركه وتاخذين الفئه الخامسه الجديده
بس الافصل تبيعين سيارتج بره وماترجعينها لوكاله
لانه الوكاله ينزلون عن سعر السوق 5 الاف اقلها

[بن غيث]

bmw من السيارات المميزة .. واذا أنت مرتاح مع السيارة والشركة خلك مع سيارتك وبدلها عن طريق الشركة .. واذا فكرت تغير السيارة .. انتقل لفئة اعلى من نفس نوع سيارتك او نوع اعلى من سيارتك مثل الاودي a6

[q6ri_vip]

كخدمة طبعا ال BMW وأفضل لاتعورين راسج بموضوع المعارض استبدليها أحسن لج
حجم 7 أشوفه رسمي انصحج ب ال x6
وإذا بتغيرين عندج المرسيرس فئه CLS أو G63 :)
وبالتوفيق

[jassas]

كخدمة ماراح تلاقي افضل من شركة البي ام وخصوصا انك مرتاح ومتعود عليهم
بالنسبه للبيع شوف فرق البدل كم بيعطونك في السياره وعلى اساسه تقرر ترجعها لهم او تبيعها خارج الشركة
الاختيار أفضل من الانواع الجديده اللي تغير شكلها السنه لانها مراح تتغير مثل الفئة 6 الكوبيه و4 ابواب
حتى الفئة الخامسة ماصار عليها تغيير كامل يعني ما انصح فيها
والاكس 6 صار له فتره اكيد بيتغير قريب

[بو خليفه 123]

لا يوجد خدمه افضل من وكالة البي ام دبليو

انصحك بأستبدال سيارتك مع الفئه الخامسه الجديده .. ضمان و كونتراكت سيرفس

او اذا حابه تغيرين عن البي ام القي نظره على البورش الكيان ال 6 سلندر و اعرضي سيارتك على النت في احد مواقع بيع السيارات . اتوقع ممكن تسوى من 80 الى 90 ألف حسب النظافه



مبروك مقدماً ديما :)

[بونواف78]

بالتوفيق ان شاء الله

[وحيد-الشوق]

نزلي اعلان واعرضيها في مواقع النت اول شيء وابعدي عن المعارض اغلبهم يطيحون سعر الموتر واول كلمه بي ام ماتجيب سعر قاصين عالعالم بتويوتا الكجره

البي ام اذا كنتي مرتاحه معاهم اخذي من شركتهم موتر بس يفضل شكل يكون جديد لأنه الx 6 و x5 احتمال يتغيرون قريب والله اعلم

[deema117]

aljabiry

بن غيث

q6ri_vip

jassas

بو خليفه 123

منصور صويلح

وحيد-الشوق


مشكورين أخواني على مروركم وعلى آرائكم حول الموضوع

الله يجزاكم خير

:)

[deema117]

أخوي بو خليفه 123

آنا من زمان أفكر في البورش أو اللكزس فورويل

بس أتردد لأن تهمني خدمة ما بعد البيع

البورش سيارة ما عليها كلام كشكل وكاستعمال <:)> العقل الباطن يقولي

اشتريها ..

[deema117]

ممكن تزودوني بمواقع لبيع السيارات تعاملتوا معاها من قبل

وأشلون طريقة المشتري هل كل مرة لازم يسوون فحص للسيارة

للتأكد من سلامتها من الحوادث والأمور الثانية ؟

[axb125]

الموقع اللي انت فيه من افضل المواقع لبيع السيارات ويعطيك السعر الحقيقي للسيارة وموقع قطر ليفنج وبما ان السيارة نظيفة وخالية من الحوادث افحصها مرة باي محل فحص وحط صورة الفحص وشوف السومات وانشالله خير واذا نويت انا شراي

[jassas]

موقع قطر سيل افضل موقع في البيع والعرض

والفحص اول شي يفحص السياره اخذي نسخه من ورقة الفحص وخليها عندج

[deema117]

شكراً للجميع على المرور بالموضوع وإبداء الرأي

:)

[BuFaisal]

وش قررتي يا ديمه بعد كل هالنقاش :)

[deema117]

قررت أني أشتري سيارة (( بس بطلع عن البي ام هالمرة )) التغيير مطلوب

وبعدين بابيع اللي عندي عن طريق أحد مواقع بيع السيارات

ويمكن أعرضها في منتدى الأسهم

ومشكور على المرور بالموضوع يا بوفيصل

[axb125]

هلا ديمة اعرضيها بنفس الموقع يمكن يكون لنا نصيب فيعا