للبيع - Gx - أبيض 2001

[بوابراهيم]

للبيع لاندكروزر Gx
اللون : أبيض
الموديل : 2001
المواصفات : جير أوتوماتيك بدون فتحة
وارد الدوحة مع مشغل فيديو + شاشة واحدة بالسقف
عداد السيارة = 196000 كيلو متر
إستخدام شخص واحد من خروج الوكالة
لم تتعرض السيارة لأي حادث أو صبغ

المبلغ المطلوب = 000ر85 - ريال قطري

راح يتم التواصل مع العروض بالبريد الألكتروني
في حالة الموافقة على السومه

[بوابراهيم]

بل صارله اسبوع الموتر معروض
ومحد فكر يسوم على الاقل

قلنا استخدام شخصي
مب استخدام جني :)

[رقم خاص]

ياخوي تبي الصج السعر مبالغ فيه وايد ولاتنسى الموتر بدون فتحة وأعرف واحد من الربع باع Gxr 2001 نظيف جدا ب 75000ريال ... والله يوفقك أخوي العزيز.

[Al-Kuwari]

كلام الهامور صحيح
بـ85 اقدر احصل لي موديل 2002 ومع فتحه :)

[الأختصاصي]

فعلا اخوي سعرك غالي شوي
وبدون فتحه

[ذيب آل ثانـي]

الشيخ 65 انا اليوم شراي

[عبد الله عزام]

أنا شراي على 75

[ksk]

انا شراى 70يالخو

[بوابراهيم]

السلام عليكم ورحمة الله وبركاته
أولا اشكركم على ردودكم الطيبة

هذه السيارة لواحد من الربع وأنا حبيت اعرضها بالمنتدى لأنه متردد يبيعها أو لا لأنه أشترى له سيارة صالون وماعد الكروزر يلزمه هذه الايام بالذات
وأنا بصراحه معاكم ان سعر الموتر اشوي غالي
لكن هذا طلب صاحب السيارة لأنه ادرى بنظافة سيارته

هذه السيارة استخدام شخصي من الوكالة
ونظافة خارجية وداخلية للسيارة
وعمرها مانزلت بر ولا بحر

يعني افضل من السيارات اللي مكروفه في الاصبخه
وبعد التلميع تتوقف بالمعرض ولكنها راحت مكان

يعني لو كان السعر مغري للبيع راح يبيع
وبصراحة صعب تلاقي في هالوقت هذا الموديل بهذه النظافة

وكل التوفيق وشاكر لكم مره ثانيه ردودكم :)