مناهج المدارس صعبة ومعقدة؟؟؟

[ابن الرومي]

الى متى المناهج القطرية صعبة ولمن ؟؟

نحن كنا في زمن ماما بابا

وبعدين حمد وسحر

وعقبة

جمل طويلة

ورياضيات صعبة حتى مادة العلوم الي كانت سهلة صارت صعبة

التعليم والمنهاج يجب ان تكون بالتدريج
حتى انا اذا شفت المواد والخاصة بالمرحلة الابتدائية ما تعرف تحله

[دااانة قطر]

والله يالطيب المنهج دسم
تفجأت لما وصلني من بنتي ان في ماادة من الموااد في الاختباار الأول نسبة النجااح كم طااالبه

هل الخلل من المدرسه أم من المنهج أم من الطاالبات مب حول الدرااسه؟؟!!

عن نفسي اذا جيت أرااجع لهم يفهمون وان سألت عن شغله قبل ما أشرح أحسهم ضاايعين يعني المدرسة يروحونها عالفااضي


الله المستعاان

[ضوى]

الله المستعان

[غير البشر]

صحيح اخوي المنهج ثقيل

لكن النجاح سهالات مهب نفس قبل :nice:

[الزعفراني]

بالعكس اشوف المناهج مناسبة من حيث الصعوبة ( وليس المحتوى ) .. وفي جانب منها ينمي القدرات الابداعية عند الطلاب .. أتكلم عن المرحلة الابتدائية

[الوان]

السلام عليكم

معاك حق يااخوي

بس لاحظت مش كل المواد و لا كل المراحل...

مثلا كتاب الرياضيات في الصف الثامن .... ابدا ما فيه تدريج .... داخل بدروس جامدة و مفاهيم اول مرة يدرسها الطالب ... و الدروس غير مترابطة و لا تتنوع في السهولة و الصعوبة ... يعني كل صفحتين درس جديد و مفهوم جديد ...
يمكن فيه طلاب عباقرة و يقدرون يمشون مع المنهج
لكن ليش ما تراعون المتوسطين ... و اللي اقل من المتوسط ... لازم تراعونهم .... حتى المدرسين مش ملحقين يدرسون ... الوقت ما يكفي ان الطالب ايحل امثلة
في اختبار التقييم الاول ... دخلت معاهم دروس كثيرة مش دارسينها في الصف ...

[ضوى]

صحيح اخوي المنهج ثقيل

لكن النجاح سهالات مهب نفس قبل :nice:



هذاك اول

نصيحة خل عيالكم يشدون حيلهم

المجلس السنة يبي رسوب :)

[رايق البال x]

الطامة الكبرى ان بعض اصحاب التراخيص والاغلب انهم يزودون الطلاب قبل الامتحان بملازم مراجعة للمادة وبعض المدارس تقول انه ممنوع فطلاب المدرسة الاولى يرتفع معدل النجاح وفي الثانية يتدنى مستوى نجاح الطالب الذي اعتمد على دراسة الكتاب فقط دون توجيهه الى المواضيع المهمة فيه مع تشجيعي على تزويد الطالب بملازم مراجعة للتقليل من تشتيت فكره ودراسة مالا يلزم من اسئلة في الكتاب الممتليء بمعلومات .

[ابن الرومي]

يا حلات الايام الي قبل

كان الواحد يدرس بروحة
ويفهم الدرس ويحل الواجب

الحين الاب والام والمدرس

ما يلحق الطالب

والله الحمدلله نحن من جيل اول
ومتعلمين ومثقفين وكتاب ومدراء

وما دراسنا المنهاج المعقدة

[intesar]

بصراحة ما ينعرف لكم.. كل ماغيروا حسب ما تبون.. طلعتوا عيب في المنهج.. ودوختوا عيالنا.. بس الله يخليكم خللي السنة تعدي من غير تذمر وانتقادات..

[مشاكل]

عقول الطلاب متفاوتة الذكاء والاستيعاب
ولكن للأسف المناهج تخاطب فئة الطلاب الاذكياء والمفتحين فقط ،،،
اما مادون تلك العقول الله يعينهم بصراحة

واللي يقول النجاح سهالات اقوله هالكلام زمان ياالغالي
المدارس مع نهاية السنة اللي طافت مليانه رسوب

[Dana’1]

غير هذا الموضوع
ملاحظة كثير أسئة..عبارة عن نشاط المفروض ينحل مع زملائها بالصف...بس هم يخلونه واجب منزلي!

[intesar]

عقول الطلاب متفاوتة الذكاء والاستيعاب
ولكن للأسف المناهج تخاطب فئة الطلاب الاذكياء والمفتحين فقط ،،،
اما مادون تلك العقول الله يعينهم بصراحة

واللي يقول النجاح سهالات اقوله هالكلام زمان ياالغالي
المدارس مع نهاية السنة اللي طافت مليانه رسوب

رسوب العام كان بسبب الاستهتار من أولياء الأمور.. الكثير منهم استهتر وما درس.. أنا مو مع المجلس.. لكن مع وضد..

[ابن الرومي]

المواد معظمها صعبة

والله اذا فتحت الكتاب اتجيك ضيقة

تقول بل شنهو حاطين ما خلوا شي

الله يعين الطلاب دوام طويل ومنهج صعب

وينكم ياوزارة التربية والتعليم

اشتقنا لكتبكم

[shadad]

المواد معظمها صعبة

والله اذا فتحت الكتاب اتجيك ضيقة

تقول بل شنهو حاطين ما خلوا شي

الله يعين الطلاب دوام طويل ومنهج صعب

وينكم ياوزارة التربية والتعليم

اشتقنا لكتبكم

صدقت

انا حتى مو قادر اساعد بنات اخوي مناهجهم والله كبيره على يهال. الحين صف رابع انجليزي ومو بسيط بعد .

[الدمعه]

قبل أسبوعين اتصلت المدرسة وكلمتهم عن واجبات صف اول أنها كثيره عليهم وكلها جمل بالعربي والإنجليزي ،،،، قالت المنسقة انتي اول ام تشتكي من الواجبات :rolleyes2: حسستني أني ام مهمله والله

كلمت الأهل وصديقاتي اللي عيالهم في اول وفي نفس المدرسة وكانوا مش راضيين بالواجبات ومب دايماً يحلونها مع عيالهم. واللي حاطه مدرسين حق العيال وهم توهم في اول ،،

ورجعت امس رحت لهم وتكلمت معاهم في نفس الموضوع وبعد مصرة ان هالواجبات من مصلحة الطلاب وان إحنا يوم في عمرهم نكتب بالعشر والعشرين مره.

هم أطفال ويبون يلعبون نص يومهم في المدرسة والنص الثاني تبونهم يكتبون واجبات.

والله طلعت من غير فايدة من كلامي ساعه أتكلم معاهم على الفاضي.
.


ومادة العلوم قعدت بدرس ولدي في السابع ،،، وصلت عند درس الحمل والولادة وتكوين الجنين سكرت الكتاب قلت له ادرس بروحك:shy:

أنا حامل وقام يرويني الصور ويقول لي انتي جيه وإلا جيه :anger1:

ليش هالتفصيل :anger1:

غير ان الشرح بالعربي والكلمة بالانجليزي. ليش يعني خاطري افهم. مايعرفون الكلمة بالعربي

[الدينار الذهبي]

يا حلات الايام الي قبل

كان الواحد يدرس بروحة
ويفهم الدرس ويحل الواجب

الحين الاب والام والمدرس

ما يلحق الطالب

والله الحمدلله نحن من جيل اول
ومتعلمين ومثقفين وكتاب ومدراء

وما دراسنا المنهاج المعقدة

وهذا الحاصل للأسف في أغلب البيوت ومنها أولادي الذين لم يعرفوا المدرس الخصوصي إلا عندما أبتلينا بهذه المناهج الغير ممنهجه والمدارس المستقلة وفي نفس الوقت مستغله

[الدينار الذهبي]

خاطري أعرف متى كانت التجارب واجب منزلي لايكون يبون يحولون بيوتنا لمعامل كيميائيه

[الدينار الذهبي]

مثلاً درس في اللغة العربية عن فرنسا وتحرر نسائها وكيف يوهم للطالب أن هذا التحرر من الأيجابيات
ومن الحقوق التي اعطتها فرنسا للمرأة ومن أراد التأكد فليراجع كتاب اللغة العربية في الصف السادس

[الوان]

لا حول و لا قوة الا بالله

[ANONYMOUS]

اي والله تومتش

[فلتة زمانها]

انتوا وااايد تبالغون
مرات ادرس اختي في اول ثانوي ما اشوف المنهج صعب ومعقد محتاج شوية تركيز وفهم

[حسن]

بصراحة ما ينعرف لكم.. كل ماغيروا حسب ما تبون.. طلعتوا عيب في المنهج.. ودوختوا عيالنا.. بس الله يخليكم خللي السنة تعدي من غير تذمر وانتقادات..

انا مع رايك ياانتصار
الاول يسبون المنهج ضعيف وان كثفو المواد قالو صعب
اي والله احترنا بالنسبه لي اشوف عيالي ماشيين بس تجيهم مدرسه في الاسبوع
وتتدرسهم واذا سئلت المره تقول زين
كان ماتودينا في ستين داهيه

[مشاكل]

انا مع رايك ياانتصار
الاول يسبون المنهج ضعيف وان كثفو المواد قالو صعب
اي والله احترنا بالنسبه لي اشوف عيالي ماشيين بس تجيهم مدرسه في الاسبوع
وتتدرسهم واذا سئلت المره تقول زين
كان ماتودينا في ستين داهيه
الجيل الحالي فالمدارس يعاني من مسألة عدم الاستقرار في المنهج ،،، كل سنة منهج ومره بالانجليزي ومره بالعربي ومره مناهج مستقلة ومره موحدة ،،،
ليش كل هذا ؟! والطلاب هم من المتظرر الأول ،،،
الامر بسيط وكان من المفترض ان تكون هناك من البداية مدارس محددة تطبق عليها التجربة بشكل مبدئي وفي حال نجاحها يتم تطبيقها وفي حال وجود اخطاء يتم معالجتها قبل تطبيقها وفي حال فشلها يتم الغائها وكان الله غفوراً رحيما ،،،

[حسن]

خلاص يامشاكل الحين جميع المدارس تطبق منهج واحد يعني مثل ايام الوزاره
وش يبون الناس بعد المفروض نقول اوكيه

[مشاكل]

خلاص يامشاكل الحين جميع المدارس تطبق منهج واحد يعني مثل ايام الوزاره
وش يبون الناس بعد المفروض نقول اوكيه
صحيح كلامك اخوي حسن بس اللي قصدته ان الخلل كان فالتجارب والتردد في الثبات على نهج ومنهج ثابت ومحدد ولازالت تبعاتها مستمرة وبالأخص مع الطلالب الذين خاضوا التجربة منذ بدايتها

[حسن]

صحيح كلامك اخوي حسن بس اللي قصدته ان الخلل كان فالتجارب والتردد في الثبات على نهج ومنهج ثابت ومحدد ولازالت تبعاتها مستمرة وبالأخص مع الطلالب الذين خاضوا التجربة منذ بدايتها

عاد وش نسوي يامشاكل وين نروح مافي اليد حيله وفي ذمتهم

[intesar]

أنا عيالي الحمدلله ماشيين عال العال..
اللي صعوبات معاها بالمدرسة معلمة صعوبات.. والحمدلله نتايجها جيدة جدا.. والثانية ما أعاني منها لأنها متفوقة.. يمكن لأن عيالي بالبيان.. وهي من أحسن المدارس.. الله يخلي الأستاذة صباح.. مؤسية هذه المدرسة.. ما ننكر فضلها.. مهما اختلفنا معاها.. بس أنا أحس صاير أصعب.. خلوه زي ماكان وكثفوا العربي والشرعية.. برأيي كان أفضل..