نيسان التيما 2013 تسوى ولا ؟ ارجوا الافادة !!

[N203]

السلام عليكم

اخواني شفت اليوم النيسان الالتيما الجديده ، عجبتني كسعه ومواصفات مقارنة بالكامري وارخص بحوال ال10 الاف ..... بس :

هل تسوى ؟ هل فيها خراب واجد ؟ الوكالة شلون ؟

اتمنى حد يفيدني بالالتيما الجديده ..

[BuFaisal]

عليكم السلام
الالتيما ما اشوفها تسوا
انصحك بالمكسيما موتر رهيب ما شاء الله

[N203]

عليكم السلام
الالتيما ما اشوفها تسوا
انصحك بالمكسيما موتر رهيب ما شاء الله

اشكرك اخوي على المرور .. بس الموتر حق بيت ومكسيما ما اظن تصلح لانها سبورت شوي..

انا الالتيما ماتسوى !!! هل الكامري تسوى سعرها الي ب107 !!!!!!!

[BuFaisal]

الكامري من نقلوا مصنعها لاستراليا وهي ما تسوا
حالها حال الكابرس الى نقلوا مصنعه استراليا وصار ما يسوا

اذا الالتيما للبيت توكل على الله وخذ لك ال 6 سلندر احسن من ال 4 سلندر

[qtr qtr]

اخوي ترى الجير تبديلاته مب نفس ال2007 وتحت .. نظامها تبديله وحده وريس واحد ماتبدل تبديلات 1و2و3و4
السياره كجوده قويه وعزم وشكل حلو .. اما من ناحية نظام الجير ماعجبني الصراحه .. وابعد عن الكامري ..

وعند الهوندا اكورد سياره ممتازه ماعليها كلام ..

[N203]

الكامري من نقلوا مصنعها لاستراليا وهي ما تسوا
حالها حال الكابرس الى نقلوا مصنعه استراليا وصار ما يسوا

اذا الالتيما للبيت توكل على الله وخذ لك ال 6 سلندر احسن من ال 4 سلندر

أشكرك اخوي على المداخلة .. شرفني مرورك.
بشوف ان شاء الله كم قيمة الالتيما ال6 وبقارنها بالاوريون.

[N203]

اخوي ترى الجير تبديلاته مب نفس ال2007 وتحت .. نظامها تبديله وحده وريس واحد ماتبدل تبديلات 1و2و3و4
السياره كجوده قويه وعزم وشكل حلو .. اما من ناحية نظام الجير ماعجبني الصراحه .. وابعد عن الكامري ..

وعند الهوندا اكورد سياره ممتازه ماعليها كلام ..

والله ماعندي خبره ولا علم بان القير تغير ،، لاني مالي في الالتيما وولامره سقتها ،، انا قالولي ان فيها حنه بسيطه ال4 سلندر.. بس مدري والله.. بشوف ان شاء الله..

اشكرك على المرور اخوي

[ALKUWARI1]

موضوع الجير وتبديلاته هي نفس نظام الجمس الجديد الي يبدل بدون ما تحس
اعتقد ان له علاقة بتوفير البترول والراحه وانت تسوق
والله اعلم

[البحار00]

أبعد عنها كأنك راكب طراد عليه مكينه 15 حصان تحن حنه مب طبيعيه

بعدين واحد من الربع كانت عنده للدريول عقب سنتين بدت المشاكل

وكلها مشاكل كهربة

النسيان عموما من وجهة نظري محد يشفع لهم الا العراوي

اما سيارات الصالون ماتسوى

كنت نفسك متحير بينها وبين الكامري وفي الأخير خذت كامري للبيت 2012

ب 79 ألف العاديه

سيارة يكفي انها من شركه التيوتا

[بوحسن 779]

عندي التيما من ظ¦ سنوات ولا عليك من اللي يقول انها تخترب وبالعكس افضل من الكامري اللي ما تسوى شي لا مكيف ولا جودة وفوق كل هاي مافيها اي عزم وتوكل على الله خذ التيما ويكفى نظام السلامة فيها والبريك اللي مفقودة في كل سيارات تويوتا

[Mzyoon Q6r]

فيه ناس عقليتهم ما تتبدل ما يقارنون السيارات من حيث السعر والمميزات والاداء .. بس يقولون مدامها من هالشركه خلاص يعني مافوقها فوق !!

اخوي السياره ممتازه من حيث السعر والاداء ولا تتقارن بالكامري .. اما من حيث الوكاله فالصراحه تنقال مثلها مثل وكالة التيوتا السيرفس مب لين هناك.. وربي يوفقك .

[N203]

مشكورين اخواني على الاراء.. وان شاء الله ارائكم ناتجة من تجربة للسيارة وخبره وليس فقط تحيز..

وشاكر مروركم جميعا

[bo_essa]

بالتوفيق

[N203]

بالتوفيق

اجمعين ان شاء الله.


اي اراء من باقي الاعضاء !!

[BuFaisal]

تصدق انا على بالي انك شريت وخلصت :shy:

[وحيد-الشوق]

ليش موجوده في الوكالة عندنا ؟

انا اشوفها احسن من الكامري البايخة بس مادري اذا فيها مشاكل ولا للامانة وموديل 2012 اشوف الموتر تغير عن قبل

[وحيد-الشوق]

حبيت انقل هالمشاركة الصراحه المواصفات عجيبة لفئة ال6 سلندر :omg:



السلام عليكم ورحمة الله وبركاته

حياكم الله جميعا

وبعد التغطيات والمواضيع المميزه والإبداعيه في هالقسم عن الألتيما الجديدة ال 2013 منذ ولادتها
وكذلك المواضيع المميزة عن مميزات السياره المواصفات الأمريكيه والمواصفات الخليجيه اللي نزلت عندنا
والتحطيم اللي جانى في مواصفاتها

إلا أنه يوجود فئة الفل كامل ال 6 سلندر اللي نزلت عندنا بالخليج وتم التأكد منها لدى العيسى بمواصفات ممتازه وتستحق المنافسة وبقووة وبسعر مناسب جدا جدا جدا

وهذا موضوع خاص جمعتلكم فيه مواصفات هالفئة بالذات


مواصفات الجيل الجديد لنيسان ألتيما 2013 فل كامل 6 سلندر الخليجيه واللي نزلت لدى العيسى :

1- اضافة التشغيل عن بعد .
2- وجود النقطه العمياء .
3- تحذير خروج المسار .
4- نظام كاشف الاجسام بالليل .
5- وجود أنظمة الأمان السابقه وهي ال abs + ونظام توزيع الفرامل الأكتروني+ التراكشن ونظام ثبات السياره + نظام مساندة قوة الكبح .
6- نظام مطور لمراقبة ضغط الإطارات كل إطار على حده + نظام مطور عند تعبئة الهواء ووصلوه للضغط المطلوب يعطي تنبيه بوري .
7- وسائد هواء جانبيه وستاريه (( أ6 ارباقات )) .
8- وجود حساسات أماميه و خلفيه.
9- كمره خلفيه مطوره .
10- مصابيح زينون بعدسات أماميه .
11- كشافات ضباب .
12- مصابيح خلفيه ليد.
13- أشارات انعطاف على المرايه الجانبيه .
14- فتحة سقف .
15- وجود أزرار التحكم المسجل بالدركسون .
16- وجود مثبت السرعه .
17- منفذ USB .
18- جنط مقاس 17 .
19- وجود النظام الصوتي العالمي بووز ب 9 سماعات .
20- وأخيرا وجود النفقيشن بشاشة تتش .
21- بلوتوث مطور تستطيع تشغيل أي مقطع صوتي من الجوال من خلال الاقتران .
22- المراية الداخليه بخاصية التعتيم الآلي .
23- النوافذ الأماميه بخاصية الأوتو (( تفتح وتغلق بكبسة زر واحده )) .
24- مكيف الهواء اوتماتيكي ثنائي المناطق (( متصل منفصل )) .
25- مكيف خلفي بقوة دفع ممتازه .
26 - بوصله .
27- أشارات انعطاف على المرايه الجانبيه .
28- اضائه حافته في لوحة التجهيزات السقفيه .
29- وجود الشفترات (( تعشيق نمر القير العادي من الدركسون )) .
30- وجود وضعية القياده الرياضيه ds في القير .
31- المقاعد جلد ومريحة أفضل من السابق .
32- مقعد السائق كهرب ب 8 اتجاهات .
33- عصا القير مكسوه بجلد.
34- الدركسون مكسو بجلد .
35- وجود مساند للرأس في المرتبه الخلفيه .
36 - قيررها الجيل الثالث CVT سبع نمر للأكس ترونك ومحسن من ناحية قومة السيارة من الصفر .

____________________________


« مواصفات خرافية سراحه وأنصح بها وبقوة »

السعر 115 ألف

واللي مايقدر على هالفئة فنصيحة أخويه يبحث عن بديل مناسب ويقارنها مع مواصفات الألتيما لنفس الفئه ويقارنها
فمثلا فل ال4 سلندر للألتيما كمواصفات مقارنه مع الجيل السابق ممتازه وفيها نفقيشن بس يعيبها عدم وجود فتجة السقف


ملاحظة هامه /
يرجى التأكد من وجود المواصفات بنفسك وخصوصا رقم 2 و3 و4و12 (( مع إني متأكد 100 % من جودها ))
وذلك لتلافي الغش أو التلاعب بالمواصفات



إعداد :
أبورويشد
مشرف قسم الألتيما بنيسان أرابيا
« يرجى عدم حذف المصدر »

[N203]

مشكورين اخواني على المداخلات..

لا ياخوي بوفيصل : لحد الان ماشريت وبين الالتيما والكامري ، ومواصفات وسعر الالتيما وايد افضل ، ولكن كوكاله وقطر غيار ما عندي خبره بالالتيما ... وسمعت ان قطع غيارها غالي اغلى بكثير من الكامري.. ابغي احد يفيدنا في هالموضوع.

وحيد-الشوق : تسلم على المشاركة وجزاك الله خير على المشاركة ... اي موجوده عندنا من فتره ، وانا افكر بيني وبينك في ال4 سلندر مب 6 لانها حق بين ومشاوير البيت.. بس نفس ماقلت ماعندي خبره او افاده بخصوص قطع الغيار.. سمعت انها غاليه..

[N203]

بانتظار تجارب او اراء بخصوص الالتيما مقارنة بالكامري

[qatari 111]

بانتظار تجارب او اراء بخصوص الالتيما مقارنة بالكامري

انا بقول لك المقارنه بين الكامري والالتيما كتجربتي للسيارتين
كانت عندي كامري شريتها اصفار واسبوع بالكثير بعتها لاسباب منها : البريك فاشل مافيه سيفتي واحد كع بريك قدامي وانا ماكنت مسرع كلش وادوس بريك بقو السياره وقفت من اول مره وعقبها فصل البريك ودعمته ... المكيف وقت الحر شهر 6و7و8و9 تعباان وخصوصا فالزحمه عند الدوارات او الاشارات .. وعيبها انها نازله تحك فالبطبات ..

اما الالتيما كانت عندي 4 سلندر و6 سلندر كلهم موديلاتهم 2005 والله انها سياره جوده كبريك ومكيف وقطع غيارها معقوله مب غاليه مثل السفايف والفلاتر والايل الاساسيه بالسياره ..

وبالنهايه لا تقيس قيمة قطع الغيار بسعرها .. قيسها بجودتها والفتره اللي تعطيك كم شهر .

مثال سفايف التيوتا بشكل عام بالكثير تعطيك 5 شهور اذا كانت سواقتك نفس الشياب .. يعني في خلال السنه تقريبا مرتين تغيرهم وغير اجرة العمل والتورنه واستهلاك الدرامويلات ..

اما النيسان بشكل عام يعطيك مب اقل من 9شهور الى سنه ويمكن اكثر .ز وتغيرهم كل سنه واجره مره وحده وتورنه مره وحده والدرامويلات تعيش معاك اكثر ..

وان شاءالله اني افدتك ..

ملاحظه عن الاتيما من 2008 الى 2012 تقنية جيره ماعجبني الصراحه لانه تبديله وحده .. وميزة هالنوع الجير يعمر ما يخترب .. جرب سواقتها قبل لاتشتريها .. وعقب جرب سواقت الكامري .. وشوف اللي ترتاح لها اكثر من ناحيه السيفتي والسواقه

[N203]

انا بقول لك المقارنه بين الكامري والالتيما كتجربتي للسيارتين
كانت عندي كامري شريتها اصفار واسبوع بالكثير بعتها لاسباب منها : البريك فاشل مافيه سيفتي واحد كع بريك قدامي وانا ماكنت مسرع كلش وادوس بريك بقو السياره وقفت من اول مره وعقبها فصل البريك ودعمته ... المكيف وقت الحر شهر 6و7و8و9 تعباان وخصوصا فالزحمه عند الدوارات او الاشارات .. وعيبها انها نازله تحك فالبطبات ..

اما الالتيما كانت عندي 4 سلندر و6 سلندر كلهم موديلاتهم 2005 والله انها سياره جوده كبريك ومكيف وقطع غيارها معقوله مب غاليه مثل السفايف والفلاتر والايل الاساسيه بالسياره ..

وبالنهايه لا تقيس قيمة قطع الغيار بسعرها .. قيسها بجودتها والفتره اللي تعطيك كم شهر .

مثال سفايف التيوتا بشكل عام بالكثير تعطيك 5 شهور اذا كانت سواقتك نفس الشياب .. يعني في خلال السنه تقريبا مرتين تغيرهم وغير اجرة العمل والتورنه واستهلاك الدرامويلات ..

اما النيسان بشكل عام يعطيك مب اقل من 9شهور الى سنه ويمكن اكثر .ز وتغيرهم كل سنه واجره مره وحده وتورنه مره وحده والدرامويلات تعيش معاك اكثر ..

وان شاءالله اني افدتك ..

ملاحظه عن الاتيما من 2008 الى 2012 تقنية جيره ماعجبني الصراحه لانه تبديله وحده .. وميزة هالنوع الجير يعمر ما يخترب .. جرب سواقتها قبل لاتشتريها .. وعقب جرب سواقت الكامري .. وشوف اللي ترتاح لها اكثر من ناحيه السيفتي والسواقه

كفيت ووفيت اخوي (( qatari 111 )) وجزاك الله خير على المداخلة بمشاركتك وتجربتك للكامري والالتيما. انا ادور على ملاحظات وتجارب نفس الي مريت فيها عشان تكون المقارنة واقعية ولايكون في تحيز .. اشكرك وتسلم على الرد الوافي..

بالنسبه لي: جربت سواقه الكامري والالتيما :
الكامري : حسيت ان البريك مش لين هناك ، اذا تضغط بريك يخليك تنقز من السيت ، وطذلك لما تدوس ريس الموتر يفز بقوه هذا يمكن مب عيب وانما قوه عزم السيارة بس ، انا حسيت براحه كل ما اضغط بريك وريس بريك وريس ، وخاصه للي قاعد ورا احس مايرتاح ويتخضخض (( اتمنى وصل قصدي بوضوح ))
هذا مالقيته في الالتيما وقومتها هاديه ومريحه اكثر .. بالنسبه للسعه الداخليه الكامري اوسع ، بالنسبه للفخامة الداخليه والخارجية مافي مقارنة (( الالتيما طبعا افضل بكثير )) ، قطر الغيار الكامري ارخص مثل ماسمعت وقالولي الشباب ، بس اذا على كلمك ان تاكل السفايف او التورنه يكون اسرع في كامري عن الالتيما - اذا زعمنا نفس السواقه - فهذا افصل ، لان صحيح التيوتا السفايف ماتدوم كثير فيها وهذا معروف.
................................................

بس الي مكرهني في النيسان مكان طفايه الحريق ، مكانها يضايق يحت رجل الي بيقعد ورا السايق ، وتضايق بشكل كبير..
................................................

بس بشكل عام اشوف توجهي للالتيما اكثر.

[N203]

هل الالتيما الجديده فيها مشاكل..

ارجوا الافاده ممن لديهم الخبره

[Dream Team]

مافي سياره خاليه من العيوب

واحد من ربعي ماخذ كامري حق الموديل موديل 2007 .. خذاها فسنتها والحمدلله ماشتكى منها .. يبدل آيل وفلتر وسفايف ويمشي

السالفه كلها تعتمد عالاستعمال وعالقناعه

والله يكتب اللي فيه الخير