تعال يالخرجي معا العميد على سلمان المهندي ؟؟؟؟؟

[حسن]

السلام عليكم ورحمه الله وبركاته

قبل كم يوم وانا ودي اطرح هذا الموضوع
واليوم وبعد الاجتماع الصحفي للعميد
على سلمان المهندي

بخصوص 200 دوريه لتنظيم حركه المرور لليوم الوطني

ليش مايكون هناك مشاركه من طلاب المدارس الثانويه وتدريب هم لمساعده الشرطه في عمليه التنظيم
وحسسهم بالمسؤليه في خدمه البلد وخصوصا في هذا اليوم اللي بيكون يوم
مهم وعزيز على هل قطر
ونبي نشوف طلبه المدارس وهم في المسؤليه من الحين لنفتخر فيهم بدل مايفكرون في شي ماله اي فائده على انفسهم وبلدهم

ومن مهاهمهم الاشراف على توزيع الاهالي وارشادهم للاماكن المخصصه
وفئه منهم لمراقبه الوضع وحفض الامن مع الشرطه
وفئه تستلم فقدان وضياع الاطفال والمساعده في البحث عن اهلهم
ولو منهم يتم تدريبهم للاسعافات الاوليه
لاقدر الله حد يتعب هبوط سكر ولا شي

المهم يكون لهم دور فعال ونشركهم في هذا اليوم باي شي

وودنا نسمع ارائكم في ماطرحته لكم

والف تحيه من اسبانيا للجميع:victory:

[الخزرجي قطر]

الاقتراح جيد لكن الطلاب ودهم بعد يستانسون في فعاليات اليوم الوطني
اعتقد مشاركة الكشافه في مثل هذه المناسبات بيكون له الاثر الايجابي
وخاصة ان لديهم خبره مسبقه في التنظيم والمشاركه في فعاليات متنوعه

[فارس قطر]

200 دوريه لتنظيم حركه المرور لليوم الوطني

وين خاشينهم هذي الدوريات

ليش مانشوفهم في الايام العادية ينظمون حركة السير في الشوارع

[بوخالد911]

الله يوفق الجهود الطيبة

[.. الكاش ..]

مخلينه حق اليوم الاسود يمكن

[Store]

فكره ممتازه انتمنى انشوفها على ارض الواقع

[باراكودا]

200 دورية سوف يسببون أزدحام الافضل توفير باصين فقط .

[العلم]

الحمد لله عالسلامة يابوعلي

شباب الثانوية هم الي يبغوون المسيرات والهسترة ،، ههههه

إقتراحك حلو وذكرني بمؤسسة عيد الخيرية ،،، كانوا ينظمون مراكز صيفية للشباب ، وبعدها إذا صار عندهم فعاليات أو مهرجانات يشغلون هالشباب فيها ويعلموونهم صح ،،، ومن أبرزها نسائم الخير في رمضان شوف الشباب القطري صغار ويشتغلون في ترتيب الناس والكراسي والمداخل والمخارج ،،،، نتمنى نشوف هالشي من الحكومة ،،،


وتقبل فائق إحترامي

[R 7 A L]

نتمنى الــ 200 يا يكونون مشاة أو مستخدمين الدرجات النارية

هالسنة يابوعلي راحت وماضنتي بيلحقون على شي
ياليت من السنة الجاية يرتب المجلس الاعلى للتعليم بتوفير ومشاركة الطلاب ودعمهم مادياً ومنعوياً عندما يشاركون في هذا اليوم

[حسن]

الاقتراح جيد لكن الطلاب ودهم بعد يستانسون في فعاليات اليوم الوطني
اعتقد مشاركة الكشافه في مثل هذه المناسبات بيكون له الاثر الايجابي
وخاصة ان لديهم خبره مسبقه في التنظيم والمشاركه في فعاليات متنوعه

صباح الخير يالخزرجي

انا اقول مش كل المدرسه تشارك في التنظيم
يعني يختارون من كل مدرسه 20 على الاقل وهم بعد بيستانسون في العمليه
والحين انت تفكر الاكثريه بيروحو الكورنيش حق العروضات
مااعتقد ياخوي الكثير راقد ولا مسافر ولا في العنن واللي بيشوف التلفزيون وبيتابع من البيت هذا اذا قامو من الارقاد
حيالك الله ياخوي

[حسن]

200 دوريه لتنظيم حركه المرور لليوم الوطني

وين خاشينهم هذي الدوريات

ليش مانشوفهم في الايام العادية ينظمون حركة السير في الشوارع

والله انه مثلك بعد 200 دوريه مهب بصيطه بس يجوز البعض قي الاحتياط

بس انه كنت اقول ليش مايتم استغلال الطلبه في العمليه التنظيميه ونحملهم المسؤليه وهذا له دور اليجابي كبير عليهم وعلى بلادهم

حياك الله اخوي

[حسن]

الله يوفق الجهود الطيبة

امين يابوخالد ويعدي اليوم على خير ان شاء الله

حياك الله

[حسن]

فكره ممتازه انتمنى انشوفها على ارض الواقع

فكره فوق الممتازه بس هل بيتم استغلالها بدل مايظلمون هل الجيل علموهم شاركوهم فصلولهم دريس شرطه مميز وخلوهم لاي شي طاري وبعدين معقوله مامرت على المسؤلين هل الفكره
يالله هذا احنا طرحناها واكيد بيتبنونها

حياك الله

[حسن]

200 دورية سوف يسببون أزدحام الافضل توفير باصين فقط .

الله يالبراكودا ذكرتني بندائي ايام الاجهزه

ياخوك هم يقولون 200 دوريه بس مهب في الكورنيش اتوقع منثره على الشوارع كلها وعلى الدواوير

حياك الله يالبركودا اوفر

[بونووف]

والله اتمنى ياخوي حسن ياخذون بفكرتك وينفذونها ...شباب هالجيل ( مب الكل) تحس صايدهم خمول مع السوني والايباد والتلفزون لا طلعات ولا روحات ولا شي تلاقيه قاعد قدام هالسوني مايتحرك واحذاه بيبسي وماكدونالدز ...اخوي الصغير جي ماتعرفه رايح ولا جاي من المتن... نبي هالاماكن تحركهم تسويلهم اشياء يتطوعون فيها وبعدها يعطونهم اي مكافأه رمزيه يحسون انهم سووا شي .واذا كلش كلش يخلون المشاركه اجباريه في مشروع ولا اي حدث رياضي ولا وطني

بس عندي تعليق بسيط هل تتوقع اذا دخلو الشباب الصغار وخلوهم يشاركون فالتنظيم .. هل الناس راح تتجاوب معاهم ولا لا .؟ ولا يشوفونه يقولون بزر خله يتكلم

اهنيك عالفكره اخوي حسن

وحمدالله على السلامه

[حسن]

الحمد لله عالسلامة يابوعلي

شباب الثانوية هم الي يبغوون المسيرات والهسترة ،، ههههه

إقتراحك حلو وذكرني بمؤسسة عيد الخيرية ،،، كانوا ينظمون مراكز صيفية للشباب ، وبعدها إذا صار عندهم فعاليات أو مهرجانات يشغلون هالشباب فيها ويعلموونهم صح ،،، ومن أبرزها نسائم الخير في رمضان شوف الشباب القطري صغار ويشتغلون في ترتيب الناس والكراسي والمداخل والمخارج ،،،، نتمنى نشوف هالشي من الحكومة ،،،


وتقبل فائق إحترامي

الله يسلمك يالعلم العالي
بس عادني برع مارجعت بل للين الحين ظلام عندنا توني مصلي الفجر على الحروه
كاني اشوف شمس قطر الحين فوق

هذا اللي احنا نبي يالعلم العالي مانبي هالشباب هايمين على وجوهم ياخي دربوهم على المشاركه الوطنيه وازرعو فيهم حب الوطن بدال انهم مهمشين بدون هدف تفكيرهم في هدرز ولا بوالين ولا مسيرات
ماتلومونهم هذولا عندهم طاقه ولازم تفرغها
انا مادري ليش المسؤلين غابت عنهم الفكره مهقوله لهذه الدرجه نايمين ولا مايبون يشتغلون

ولا لازم ينزل امر سامي على شان يحركهم
اخ لو انا مدير مدرسه لانزلك طاقم من الشباب اخليهم ياكلون حصى

صدقني لو طرح على الشباب الكثير بيشارك بس وين اللي عنده همه وتفكير
ياليتني صاحب قرار

[حسن]

نتمنى الــ 200 يا يكونون مشاة أو مستخدمين الدرجات النارية

هالسنة يابوعلي راحت وماضنتي بيلحقون على شي
ياليت من السنة الجاية يرتب المجلس الاعلى للتعليم بتوفير ومشاركة الطلاب ودعمهم مادياً ومنعوياً عندما يشاركون في هذا اليوم

صباح الخير ياسنيور رحال

هلا والله ترى لاتنسي انت وخلدون معزومين لما ارجع على منسف هامور :rolleyes2:

شوف ياخوي لين الحين فيه وقت كبير
ويقدرون يعلمونهم الى تنظيم ومسؤليه بسيطه مايبيلها شي لو بس يراقب الوضع
وليش مانخلي منهم فئه تساعد على عمليه تنظيف الكورنيش بعد العرض ياخوك عندنا لهم الف شغله وشغله هذه طاقه بشريه جباره بس يبيلهم الحماس والتوجيه
واتممني من هل المتوترين والمتوترات
واصحاب الجرايد
هم دائما مشاركين معنا مياخذون من مواضيعنا ويطرحونها كلن في مجاله
يالله ياجماعه المجال مفتوح ويد الله مع الجماعه

حياك الله ياخوي رحال ومنور الموضوع

[بوعلي2]

صبحك الله بالخير اخوي حسن :shy:

[سهم عتيج]

اتمنى زيادة الدوريات الخاصة بالتحقيق في الحوادث العادية
خاصة عندما يتم الاتصال بادارة المرور عند حدوث حادث لطلب دورية ويكون الرد ( السيارات حاليا مشغولة واذا ماتبغون تتاخرون تعالوا ادارة المرور الفلانية )*

[حسن]

والله اتمنى ياخوي حسن ياخذون بفكرتك وينفذونها ...شباب هالجيل ( مب الكل) تحس صايدهم خمول مع السوني والايباد والتلفزون لا طلعات ولا روحات ولا شي تلاقيه قاعد قدام هالسوني مايتحرك واحذاه بيبسي وماكدونالدز ...اخوي الصغير جي ماتعرفه رايح ولا جاي من المتن... نبي هالاماكن تحركهم تسويلهم اشياء يتطوعون فيها وبعدها يعطونهم اي مكافأه رمزيه يحسون انهم سووا شي .واذا كلش كلش يخلون المشاركه اجباريه في مشروع ولا اي حدث رياضي ولا وطني

بس عندي تعليق بسيط هل تتوقع اذا دخلو الشباب الصغار وخلوهم يشاركون فالتنظيم .. هل الناس راح تتجاوب معاهم ولا لا .؟ ولا يشوفونه يقولون بزر خله يتكلم

اهنيك عالفكره اخوي حسن

وحمدالله على السلامه

حياك الله QDVC

ياخوك لاتلوم الشباب اذا جالس فاضي ولا من الملل يقعد يلعب هل السوني ولا غيره من هل اللعبات ماعنده شي يسويه ويضيع وقته
احنا نقتل فيهم العمل الجماعي ولا نشوف اي اهتمام من قبل المسؤلين وخصوصا التربيه والتعليم

ياخي ليش مايعلمونهم صبغ الارصفه تزيين الشوارع تنظيف الشواطئ في الف عمل وعمل ولا بس الحكومه فلوسه زايده يالله مانبي نتعب عيالنه ويعلمونهم على كسل المخ وكسل الجسم والرباده ويجيك الولد بليد ومفهي مثل مانشوفهم الحين
ليش مايكون هناك لجنه تسمي باي اسم
في المجلس الاعلى وتقوم على اختيار شباب من المدارس وتشكل لها فريق خاص لتدريبه على الكثير من الامور

والله لو الامر في يدي لاشكلت لك فريق اكثر من 1000 طالب وادربه حتى على البحث والانقاذ والاطفاء والاسعافات الاوليه والكهربائيه والسباكه والكثير الكثير
لاخليهم لكم قاده ميدانيين ويشار لهم بالبنان وهذولا شباب قطر
بس مافي اليد حيله نتمني من المسؤلين
النظر النظر والحمدلله الخير وايد بس تبي ناس مخلصين واصحاب كفاءات وخبرات
من هل قطر مهب اجيب ناس من برع تعالوعلمو

حياك الله ياخوي والله قطر فيها خير وايد
بس ييبي من يكتشفه وخصوصا شعبها
ماله جنيس صدقني :victory:

[البرق الصاعق]

ضاهر خاشينهم مثل مايخش رفيجك الطراريد عن بيتكم ههههه
سلامه السفر اقول امس رنه تلفونك غير خارجيه

دوحه صارت ماتنبغى يا حسن ودك تهاجر وسبه الزحمه ..امس رحت صوب سيليه من طريق فيلاجيو ساعه ونص لين وصلت وسبب التريلات وتناكر الي رايحه الصناعيه ورجعت البيت قطوع .. الكرولا صارت جي ياحسن

انتظر ردتك بفارغ الصبر

[وطن]

فكرة طيبة

أتمنى تطبيقها

[حسن]

صبحك الله بالخير اخوي حسن :shy:

هلا وغلا يابوعلى2

صبحك الله بالنور تذكرتك ام اقول اخ وين بوعلي يصور الحريش وهم فوق راس الناس واللي ياكلونهم اذره
لو عندنا كان من زمان راحو طعام طيور
علومه اقصد
ودي اسمع محمد عبدو يقول يوم ناظرت الشمال:victory:

[حسن]

اتمنى زيادة الدوريات الخاصة بالتحقيق في الحوادث العادية
خاصة عندما يتم الاتصال بادارة المرور عند حدوث حادث لطلب دورية ويكون الرد ( السيارات حاليا مشغولة واذا ماتبغون تتاخرون تعالوا ادارة المرور الفلانية )*

هلا وغلا بالسهم العتيج

شوف ياخوي احيانا تكون حوادث بسيطه والخطاء واضح والكل معترف بخطاءه يروح المرور ويخلص عمره وهذا شي زين بعد من اداره المرور وافقت عليه ولا كان الواحد بيخيس لين اللله يشوفله

هو ودك يزيدون البطابط ابرك واسرع لسهوله حركتها في الزحمه

بس انت ما تلاحظ انه عندنا حوادث غبيه تشوفه تقول الله يعزك هذولا اللي يسوقون مهب اوادم وخصوصا هل الاسيوين متنحين وحتى الحادث يدعمك ولا يتجنبك ليش يقولك انت غلطان انزين ليش ماتحاسب لاخطاء الاخرين دام عندك مجال
والله ودك تصكه كف يعرف ان الله حق

نتمنى الثقافه المروريه ياسهم عتيج
اكثر من دوريات المرور
ماشفناها في دبي وكثر العالم عندهم وماشفنا حوادثهم مع كثر العرب عندهم

الثقافه الثقافه

حيالك الله

بس ماقلتلي شرايك بموضوعي عن استغلال الشباب
:victory:

[بونووف]

حياك الله qdvc

ياخوك لاتلوم الشباب اذا جالس فاضي ولا من الملل يقعد يلعب هل السوني ولا غيره من هل اللعبات ماعنده شي يسويه ويضيع وقته
احنا نقتل فيهم العمل الجماعي ولا نشوف اي اهتمام من قبل المسؤلين وخصوصا التربيه والتعليم

ياخي ليش مايعلمونهم صبغ الارصفه تزيين الشوارع تنظيف الشواطئ في الف عمل وعمل ولا بس الحكومه فلوسه زايده يالله مانبي نتعب عيالنه ويعلمونهم على كسل المخ وكسل الجسم والرباده ويجيك الولد بليد ومفهي مثل مانشوفهم الحين
ليش مايكون هناك لجنه تسمي باي اسم
في المجلس الاعلى وتقوم على اختيار شباب من المدارس وتشكل لها فريق خاص لتدريبه على الكثير من الامور

والله لو الامر في يدي لاشكلت لك فريق اكثر من 1000 طالب وادربه حتى على البحث والانقاذ والاطفاء والاسعافات الاوليه والكهربائيه والسباكه والكثير الكثير
لاخليهم لكم قاده ميدانيين ويشار لهم بالبنان وهذولا شباب قطر
بس مافي اليد حيله نتمني من المسؤلين
النظر النظر والحمدلله الخير وايد بس تبي ناس مخلصين واصحاب كفاءات وخبرات
من هل قطر مهب اجيب ناس من برع تعالوعلمو

حياك الله ياخوي والله قطر فيها خير وايد
بس ييبي من يكتشفه وخصوصا شعبها
ماله جنيس صدقني :victory:

معاك في كل كلمه قلتها... عندك افكار لو تنأخذ ويطبقونها تشوف شبابنا يتغير 180 درجه.. ويقدرون يخلونها اجباري ومتطلب من المدرسه ويحصل عليها درجات يختار الطالب اي نوع من الاشياء الي ذكرتها وطبعا اهني الشاب راح ياخذ الي تستهويه نفسه شي في اكشن شي يبيله ذكاء ويكون نفس المشروع لازم يخلصه ويوصل للمدرسه تقرير من الجهه الي شارك فيها وفي حركه ثانيه انه يخلونه في الصيف بعد يختار اي شي يبغيه ويداوم على الاقل اسبوعين يختار اي فتره من الاجازه اللي مدتها شهرين مادري ثلاث شهور .. اهني احنه نحبب الشباب في المشاركه في فعاليات الدوله وطبعا اهم شي االحوافز الماديه مهمه عشان يتحمس.

شلون الجو في اسبانيا ..مدريد ولا برشلونه؟

[حسن]

ضاهر خاشينهم مثل مايخش رفيجك الطراريد عن بيتكم ههههه
سلامه السفر اقول امس رنه تلفونك غير خارجيه

دوحه صارت ماتنبغى يا حسن ودك تهاجر وسبه الزحمه ..امس رحت صوب سيليه من طريق فيلاجيو ساعه ونص لين وصلت وسبب التريلات وتناكر الي رايحه الصناعيه ورجعت البيت قطوع .. الكرولا صارت جي ياحسن

انتظر ردتك بفارغ الصبر

وش ارد واش اخلي

احنا نقصين بعد بروق وصواعق بروحنا متصرقعين

والله ياخوك شاقولك انت تدور الزحمه :)
روح عكس الزحمه وخالفه وبتكون امورك تمام
وبعدين انا يالله يالله مستحملك في الدوحه بعد ناقصك برع انتو وراي وراي بتجننوني
امس عشت حياه لازحمه ولا هذا لف عليك ولا دنكر اصفر مال المجاري مار عليك
جو بارد عشب خضار حتى الصله منبته ارضهم مبروكه
ارجوك لاتذكرني بزحمه الدوحه:anger1:كان انا لين الحين عند دوار التلفزيون

وبعيدن وش اسوي في العالم يحطون طراريدهم عند بيتي ويخلون جدام بيوتهم فاضيه يدورون المشاكل انا اشك ان هناك خلل من جيت انا هني والكل يبتسم ومبسوط وهدوء والجو بارد كان برد الحفر شهر يناير شي شي اقعد انت هناك وتجابل مع الشله انا متنازل لك عنها

عطني رايك في موضوعي ماني بناقص تطلعني برع الموضوع بليص:)

[حسن]

فكرة طيبة

أتمنى تطبيقها

صباح الخير ياوطن

الوطن يستاهل افكار طيبه وياوطن

بس نبي تتنفذ وهمه والله مايبيلها شي
بس صاحب قرار
مهب حاله الساعه 7وربع ولين الحين ظلام
حتى شمسهم راقده هدوء معب البرق مادر الحارق يتهواش مع العالم في الشارع
حياك ياوطن مع احلى هدوؤ

[المتألم]

يا رجال الدوريات يالله يالله تنظم المرور
وخصوصا هالشباب الي يمرر جهه والثانيه تنجلط ربع ساعه ولا نص ساعه

عاد تريد عيال الثانويه يشاركون .

[البرق الصاعق]

وش ارد واش اخلي

احنا نقصين بعد بروق وصواعق بروحنا متصرقعين

والله ياخوك شاقولك انت تدور الزحمه :)
روح عكس الزحمه وخالفه وبتكون امورك تمام
وبعدين انا يالله يالله مستحملك في الدوحه بعد ناقصك برع انتو وراي وراي بتجننوني
امس عشت حياه لازحمه ولا هذا لف عليك ولا دنكر اصفر مال المجاري مار عليك
جو بارد عشب خضار حتى الصله منبته ارضهم مبروكه
ارجوك لاتذكرني بزحمه الدوحه:anger1:كان انا لين الحين عند دوار التلفزيون

وبعيدن وش اسوي في العالم يحطون طراريدهم عند بيتي ويخلون جدام بيوتهم فاضيه يدورون المشاكل انا اشك ان هناك خلل من جيت انا هني والكل يبتسم ومبسوط وهدوء والجو بارد كان برد الحفر شهر يناير شي شي اقعد انت هناك وتجابل مع الشله انا متنازل لك عنها

عطني رايك في موضوعي ماني بناقص تطلعني برع الموضوع بليص:)

شكلي بفتح لك اذاعه على حسابي وبسوي لك برنامج حسن الحبيب مساء الخير وقول الي في خاطرك كله وسوا لقاء مع الخرجي والمسؤلين كلهم ...بس ترضى علي وعلى جارك

[البرق الصاعق]

سؤال .. في وسط الزحمه وانت زهقان تنطر السييد يمشي هنود واجانب يتجاوزون السييد الي على يدك اليمين حارة المواقف ويطوفون قبلك ليش محد يخالفهم وهم متسببين في زياده الزحمه وتاخير حركه السيير.

[حسن]

يا رجال الدوريات يالله يالله تنظم المرور
وخصوصا هالشباب الي يمرر جهه والثانيه تنجلط ربع ساعه ولا نص ساعه

عاد تريد عيال الثانويه يشاركون .

ليش لا يالمتالم ليش مانزرع فيهم المبادي والقيم مثل الاول كنا نتعلمها من المدرسين

وشباب الثانويه كبار مشاء الله خلاص قد المسؤليه ونعلمه على قد المسؤليه من الحين وليش مايشارك في مثل هذا اليوم ليش الشباب القطري مهمش
شباب الثانويه انا اقدر اصنع منهم الكثير
والكثير اللي ماتتخيله

طاقه جباره على الشغل والعمل والسهر عادي يواصل لك يوم يومين وين تبي مثل ذي طاقه

[حسن]

شكلي بفتح لك اذاعه على حسابي وبسوي لك برنامج حسن الحبيب مساء الخير وقول الي في خاطرك كله وسوا لقاء مع الخرجي والمسؤلين كلهم ...بس ترضى علي وعلى جارك


:waiting:


سؤال .. في وسط الزحمه وانت زهقان تنطر السييد يمشي هنود واجانب يتجاوزون السييد الي على يدك اليمين حارة المواقف ويطوفون قبلك ليش محد يخالفهم وهم متسببين في زياده الزحمه وتاخير حركه السيير.

عندك جلاكسي وصور وطرش على موقع الداخليه في التويتر وهم بياخذون معاه اجراء
الداخليه ماهي فاضيه تحط لك في كل شارع في كل حاره في كل زنقه زنقه دوريه
لازم اهنا نكون الشرطه واذا شفت الغط صور وارسل اذا انت تغير على بلدك
مهب تشرب الماي وتحذف الغرشه وتقول نا قطري
على قوله ابهاته الاولين الله يرحمهم

القطري مايغلط كان وصف يضرب به المثل

وبعدين شتبي قول خلصني

اسمع

اقعد سبح وهلل وكبر في السياره احسن من التحندي :anger1:

[The Watcher]

اقتراحك وايد حلو ومفيد للمجتمع

[حسن]

اقتراحك وايد حلو ومفيد للمجتمع

يامرحبا ب واتشر

الكثير من الدول تستفيد من المجتمع وطلبه المدارس والجامعات واحنا مادري ليش مايفكرون يستغلون طاقه الشباب
اتمنى من المسؤلين ياخذون بهل الاقتراحات مادري ليش مانشوف فعاليات لهم وانشطه بس كله دراسه دراسه
حياك الله ياخوي وياهلا وسهلا

[عاهد بن علي]

اقتراج جميل اخوي حسن !!!!!!!!!!!!!
تشكر عليه
شلون الجو في اسبانيا ؟؟؟؟؟؟؟؟؟؟؟؟؟

[حسن]

اقتراج جميل اخوي حسن !!!!!!!!!!!!!
تشكر عليه
شلون الجو في اسبانيا ؟؟؟؟؟؟؟؟؟؟؟؟؟


اولا اخوي عاهد
يعني السلام عليكم

الجو وش اقولك بارد وغيوم بيضا حلوي وجو نظيف البروده تقول كانك قاعد في حفر الباطن شهر 1 بارد وجميل
وهدؤ اتصدق ماسمعت هرن لين الحين ولا شفت موتر راكب رصيف
وعندهم عيايز معمرين اكبر من امي وابوي الله يرحمهم شكلهم لاحقين على هتلر
هذولا لو عايشين عندنا كان من زمان قصو
كان فايله في مستشفي حمد اكبر من فايل القضيه الفلسطينيه في الامم المتحده

اديوس سنيورعاهد
يعني مع السلامه:victory:

[عاهد بن علي]

اولا اخوي عاهد
يعني السلام عليكم

الجو وش اقولك بارد وغيوم بيضا حلوي وجو نظيف البروده تقول كانك قاعد في حفر الباطن شهر 1 بارد وجميل
وهدؤ اتصدق ماسمعت هرن لين الحين ولا شفت موتر راكب رصيف
وعندهم عيايز معمرين اكبر من امي وابوي الله يرحمهم شكلهم لاحقين على هتلر
هذولا لو عايشين عندنا كان من زمان قصو
كان فايله في مستشفي حمد اكبر من فايل القضيه الفلسطينيه في الامم المتحده

اديوس سنيورعاهد
يعني مع السلامه:victory:

مساء والورد والياسمين والقرنفل استاذي ( حسن )
عسى الله يردكم على اعقابكم سالمين غانمين ، اللهم آمين :nice:

[حسن]

مساء والورد والياسمين والقرنفل استاذي ( حسن )
عسى الله يردكم على اعقابكم سالمين غانمين ، اللهم آمين :nice:

الله يسلمك ياخوي عاهد
انشاء الله يوم الجمعه العمليه واذا السبت اوكيه يوم الاحد في الليل انا بالدوحه

تهقي طلبه المدارس لو يسون لهم نشاط الحين ويشاركونهم بعمليه تنظيف الروض والاسياف مهب زين
سمعني رايك

[ابوسعود]

الله يعطيك العافيه
اخوي الحين الدوريات ومحد يرد عليهم
تبي يردون على طلاب المدارس
وبعدين غلط تحميل الطلاب مسووليه اكبر من عمرهم بكره حد يصيده شي
من الزحمه تعرف والله يالبحر مايطهر وزارة الداخليه
قصدي اللوم والعتاب