انتقادات للمبالغة بالاحتفال بالكريسماس في المجمعات التجارية

[غزلان]

http://www.al-sharq.com/NewsImages//2012/12/9/52aec1f6-7922-4655-9dd7-35699ac32329.jpg




أعرب عدد من المواطنين عن استيائهم من قيام عدد من المجمعات التجارية بالمبالغة في الاحتفال بأعياد ليلة راس السنة الميلادية "الكريسماس" متجاهلين في ذلك الاهتمام بمظاهر الاحتفال باليوم الوطني الذي يوافق الثامن عشر من ديسمبر الحالي حيث تعد المناسبة الوطنية التي ينتظرها الجميع سواء مواطنين أو مقيمين من العام إلى الاخر ورغم أهمية هذه المناسبة في جميع اجهزة الدولة ولدى الجمهور ايضا إلا ان المجمعات التجارية لا تقوم بعرض اي مظاهر أو ملامح لهذه المناسبة الوطنية الكبيرة، وفي الوقت الذي تسعى فيه مختلف مؤسسات وأجهزة الدولة لحشد جميع امكانياتها للاحتفال بهذا اليوم واظهاره على أكمل وجه نجد المجمعات التجارية التي يرتادها الآلاف يوميا من المواطنين والمقيمين تتجاهل بشكل واضح الاحتفال بمظاهر اليوم الوطني وينصب اهتمامهم فقط على الاهتمام بمظاهر الاحتفال بالكريسماس، وهو ما رصدته "الشرق" في عدد من المجمعات التجارية.





تكلمة الخبر (http://www.al-sharq.com//ArticleDetails.aspx?AID=222679&CatID=64&title=انتقادات للمبالغة بالاحتفال بالكريسماس في المجمعات التجارية)

[.. الكاش ..]

لاحول ولاقوه الابالله

[khalid525]

فعلا هالشي صار ملاحظ بقوة ،لدرجة انه مافيه مقارنة بين الاحتفال بعيد الفطر والاضحى والاحتفال بالكرسمس ، اتمنى يخفون علينا شوي ، ترى عندنا ما ينزل ثلج ،

[غزلان]

اليوم مريت على واحد من المجمعات مشتطين المحلات يجهزون زينة لكريسمس اقول ماشفنا هلشطه لعيد الفطر او الأضحى اوحتى اليوم الوطني

[Abdullah_89]

ماشوفهم زينوا المجمعات حق عيد الفطر او عيد الاضحى او اليوم الوطني


شاطرين يعلقون هالاجراس مالت الكرسمس


الشرهه مو عليهم على المسؤولين عن هالامور من استعادات وتجهيزات

لا والقهر كل المحلات عندهم خصومات وتنزيلات وعروض رأس السنه

ماشفنا هالعروض في رمضان او الاعياد

[غير البشر]

اتمنى مقاطعتهم

ادري من المجمعات صعب الواحد يقاطعهم
على الاقل نقاطع اصحاب المحلااااات
صدقوني كلها كم يوم وراح تأثر فيهم

[بوحمد111]

التنصير يا حبايبي وبقوة البرق يحاول يخترق عقول الضعفاء

[R 7 A L]

البارحة في الحياة بلازا صوب المطاعم
ماشفت الا اعلام قطر معلقه

[الخــوري]

لاحول ولاقوه الابالله

[بنت مريخ]

لاحول ولاقوه الا بالله
وين دور الجهات المعنيه

[كازانوفا]

لا حول ولاقوة الا بالله
عيد الاضحى ما كانت له هيبه بالمره
بس كلن عند الله

[fhd4]

مافهمت … الاعتراض على الاحتفال بالكريسماس في حد ذاته … ؟!

ولا الاعتراض فقط على "المبالغة" بالاحتفال بالكريسماس على حساب اليوم الوطني ؟!

[جمال اليافعي]

أحدى المجمعات الله يهدي راعيها ناثر أشجار كريسمس وزينه وفوق هذا مشغل قرآن ........ معرفنا له قرآن وكريسمس ما يجتمعون ... مهب منه , من مديرة المجمع الي حاطها ..

[Dana’1]

برمضان و بعيد الفطر والأضحى..يزينون المجمعات ويكتبون عبارات التعايد ويحطون أقمشة أو صور السدو تقريبا والفوانيس والهلال وهذا حتى بطريقة عرض وبيع التمور والحلويات الشرقية...وبعض شركات الحلويات الغربية مثل لما يحطون الشكولاتة بعلب على شكل هلال وكاتبين رمضان كريم والفيمتو وقمر الدين تختلف عن طريقة عرضها وبيعها طوال العام وبعض المولات والمحلات يشغلون تكبيرات العيد غريبة تكتبون إن مافية أي إهتمام بأعيادنا !!

بعدين لنفرض حتى لو ماحطوا لنا ولا زينة ..إحنا أعيادنا دينية معنوية هيبتها ومكانتها بالقيمة الدينية وبالقلب..ماراح توقف على إني لازم أشوف مجسم خروف ..أو إني أحط مجسم للكعبة المشرفة والإحرام وإلا فانوس بكل مكان مثلا!!
يعني إيش الزينة إلي تقصدون إنها غير موجودة ؟!

عكس هالأجانب .. لازم تكون الامور ملموسة ومادية بالغالب عشان ممكن يتقبلونها ويحاولون حتى يعيشون الجو الديني..الي هاجرينة طول السنة

وبعدين هالشجر أغلبها زينة يشترونها عشان يزينون بيوتهم بها...مو كلها للعرض!
هذا بشكل عام


لكن انا معكم.. إن يكون في تحكم بالوضع الحالي من عرض زينه الكريسماس بهذة الطريقة والي ينخاف عليهم هالأطفال والمراهقين
بطبيعتهم يحبون الالوان الزاهية والحلويات وتوزيعها
فلما تشوف من يلبس لبس نويل ..ويدور بالاسواق <<<تو شايفة أجانب بهذا اللبس في فيلاجيو!

إذا من حقهم ينبسطون ويحتفلون بأعيادهم

من حقنا نطالب بحفظ أنفسنا وأطفالنا ..من هالمناظر
ليش ما يكون لهم أماكن خاصة وكبيره لإحتفالاتهم ..مو قدام عيالنا وين مارحنا نشوفهم
الدولة ما قصرت معهم عندهم الكنيسة شكبرها وعندهم كذا حديقة بالبلاد خل يخصصون لهم كذا وحدة للإحتفالات والزينة ودوارة نويل فيها...وحتى المحلات مو لازم كل المجمعات يعرضون فيها أغراض الكريسماس...مثال عندنا كذا فرع لكارفور وماركس سبنسر وغيرها من محلات بيع الزينة
خل يخصصون فرع يبيع هالامور ...مو كل الأفرع .. يعني مو لهدرجة الدولة كلها مسيحين !
ويصير فية إعلان عن الأماكن..عشان محد يروح لهم
وكل مسيحي يروح ويفلها بعيد..
عسى الله يشرح قلوبهم للإسلام آمين يراب العالمين

[مونتانا]

كل سنة نفس الموال زينة الكريسماس وليش هذا يصير عندنا وليش وليش.
عورتو راسنا اللي مب عاجبه يروح يغير بيده و يشيل هالزينة والمضاهر ويقطهم في الزبالة. ولا ........لاتعورون راسنا !!!!!

[راشد محمد]

لاحول ولاقوه الا بالله

[حسن]

الكثره تغلب الشجاعه دام هم الاكثريه فلازم لهم راي

خل العرب يشوفون شلون يحتفلون باعيادهم مهب حن قبل العيد
كلن شل عليه شرده للغرب
هذه يمكن علامات اخر الزمان

[ام محمد2012]

برمضان و بعيد الفطر والأضحى..يزينون المجمعات ويكتبون عبارات التعايد ويحطون أقمشة أو صور السدو تقريبا والفوانيس والهلال وهذا حتى بطريقة عرض وبيع التمور والحلويات الشرقية...وبعض شركات الحلويات الغربية مثل لما يحطون الشكولاتة بعلب على شكل هلال وكاتبين رمضان كريم والفيمتو وقمر الدين تختلف عن طريقة عرضها وبيعها طوال العام وبعض المولات والمحلات يشغلون تكبيرات العيد غريبة تكتبون إن مافية أي إهتمام بأعيادنا !!

بعدين لنفرض حتى لو ماحطوا لنا ولا زينة ..إحنا أعيادنا دينية معنوية هيبتها ومكانتها بالقيمة الدينية وبالقلب..ماراح توقف على إني لازم أشوف مجسم خروف ..أو إني أحط مجسم للكعبة المشرفة والإحرام وإلا فانوس بكل مكان مثلا!!
يعني إيش الزينة إلي تقصدون إنها غير موجودة ؟!

عكس هالأجانب .. لازم تكون الامور ملموسة ومادية بالغالب عشان ممكن يتقبلونها ويحاولون حتى يعيشون الجو الديني..الي هاجرينة طول السنة

وبعدين هالشجر أغلبها زينة يشترونها عشان يزينون بيوتهم بها...مو كلها للعرض!
هذا بشكل عام


لكن انا معكم.. إن يكون في تحكم بالوضع الحالي من عرض زينه الكريسماس بهذة الطريقة والي ينخاف عليهم هالأطفال والمراهقين
بطبيعتهم يحبون الالوان الزاهية والحلويات وتوزيعها
فلما تشوف من يلبس لبس نويل ..ويدور بالاسواق <<<تو شايفة أجانب بهذا اللبس في فيلاجيو!

إذا من حقهم ينبسطون ويحتفلون بأعيادهم

من حقنا نطالب بحفظ أنفسنا وأطفالنا ..من هالمناظر
ليش ما يكون لهم أماكن خاصة وكبيره لإحتفالاتهم ..مو قدام عيالنا وين مارحنا نشوفهم
الدولة ما قصرت معهم عندهم الكنيسة شكبرها وعندهم كذا حديقة بالبلاد خل يخصصون لهم كذا وحدة للإحتفالات والزينة ودوارة نويل فيها...وحتى المحلات مو لازم كل المجمعات يعرضون فيها أغراض الكريسماس...مثال عندنا كذا فرع لكارفور وماركس سبنسر وغيرها من محلات بيع الزينة
خل يخصصون فرع يبيع هالامور ...مو كل الأفرع .. يعني مو لهدرجة الدولة كلها مسيحين !
ويصير فية إعلان عن الأماكن..عشان محد يروح لهم
وكل مسيحي يروح ويفلها بعيد..
عسى الله يشرح قلوبهم للإسلام آمين يراب العالمين

:nice:

[تاسيتوس]

التنصير يا حبايبي وبقوة البرق يحاول يخترق عقول الضعفاء

وش فايده هالمسلم الضعيف الى بتاثر فيه زينة احتفال في مجمع ؟

[أسير الأحلام]

لن ترضى عنك اليهود ولا النصارى حتى تتبع ملتهم ...
للأسف هذا الي صاير بكل صراحة ..
الاحتفال باعياد الكفر ومناسباتهم هو محاولة أرضائهم ..

ولا حد يقول لي حرية شخصية او حرية دينية .. كلام مأخوذ خيره وللاستعمال التجاري ..

[أسير الأحلام]

وش فايده هالمسلم الضعيف الى بتاثر فيه زينة احتفال في مجمع ؟

الخوف مب من الكبير ... الخوف على الاطفال و المراهقين انهم يتأثرون بهذا الشيء .. الطفل لو ما تغرس فيه بعض المبادئ وتعلمه الصح من الغلط شلون بيطلع .. يعني لو ما تقول له هذا عيب او حرام شنو تتوقع يطلع ..

التأثير ليس على المسلم العادي فقط بل على الكل ..

[ام ناصر1]

وش فايده هالمسلم الضعيف الى بتاثر فيه زينة احتفال في مجمع ؟
افرض اليهال اسئلوا ليش هالزينة ، نقوله المجمع يحتفل بعيد النصارى
واذا سأل وليش نحتفل معاهم شنجاوب ؟!
اكيد الهدف تمرير بطيء لتغريب الهوية الإسلامية ...مش عبر الحروب
عيني عينك ...عبر الاقتصاد والتسوق والسياحة والرياضة وغيره ..