محلات الخيام التفصيل والاسعار المبالغ فيها والغش بالسلعة

[خــالــد]

صباحكم نور

انا ابي اركب خيمة انصدمت انة قيمة الخيمة العادية حديد وخلق وطربال العادية مو الفخمة الي خشب وعوازل مريت طريق سلوى المحلات الصفة مال الخيام الي بعد محل بروسلي انصدمت في اسعارهم مبالغين فيها ويكذبون يقولون نركب لك طربال امريكي المشكلة مافي شي اسمة طربال امريكي بالدوحة كلة تيوان وصيني غش واسعار مبالغ فيها وين حماية المستهلك انا ابي اعرف هم في سبات بالشتاء لازم يمرون ويحددون الاسعار ونوع السلعة الصحيح حتى ما يصير غش والله شي يقهر..

[خــالــد]

ونسيت انوة كلهم بنغال ومتافقين بينهم بين تجارة مخدرات مو خيام والله المفروض تتسكر محلتهم حتى يتسنعون ويحطون اسعار مش استقلال وغش بنوع المادة

[للصبر اخر]

اخوي درب الحسا مايقصر
ارخص واحسن

[خــالــد]

اخوي درب الحسا مايقصر
ارخص واحسن

صادق بس والله شي يعور القلب انهم مب محصلين من يسنعهم انا بقدر انت بتقدر تراء في ناس مساكين محدودين عليهم مثل كبار السن خاصة تدري وقت الشتاء والناس تبي تحط خيام في حوش بيتهم للجمعة والوناسة الله يرحم حريم اول يوم يخيطون بيوت الشعر بنفسهم ولا محتاجين للبنغال وغيرهم

[خــالــد]

والله من القهر مرات اني خاطري اصير مكانيكي او بيب فيتر او خياط خاطري اتعلم والله اني اتقنها احسن منهم لكن مشكلة مافي وقت والله اعرف شباب قطرين الحين هم الي يصلحون سيارتهم في البيت يبدل ايل وبلكات وبعضهم حتى وصل انة يوضب مكينة من القهر والاسعار المبالغ فيها

والله حتى واحد اعرفة اشتغل بناي في بيتة بناء مجلس هو الي صف الطبوق وضرب بلستر مع كم عامل جايبهم من الشارع يساعدونة شنو الي حدنا نسوي كل هاي غير الاسعار النارية