روما ..

[نوفا91]

السلام عليكم اخواني /خواتي


بغيت اعرف حد راح من قبل روما !

اهم المناطق فيها ؟ومتى الوقت المناسب تروح لها ؟

واللي راح لايبخل علينا بالمعلومات :shy:

وووشكرا

[بونووف]

رحت لها شهر العسل وكان في شهر 1 ... المدينه حلوه بس مالت كم يوم مب اكثر يعني اذا بتروح لها تقدر تضيف للجدول ميلان (بالقطار 3 ساعات تقريبا ) وجوها كان حلو مب البرد الي يذبح .... اذا تحب التاريخ عندك حلبة مصارعة الثيران شي عجيب وعندك المدرج الاسباني ونافورة الحب .. وللتسوق اذا بتودي معاك حريم الله يعينك ههه كله محلات عند المدرج الاسباني وبعده عندك الاوت لت فيه اثنين واحد اسمه فوكس تاون على حدود سويسرا والثاني نسيت اسمه
واذا عندك استفسار ثاني بحاول اساعدك هاذي المعلومات اللي اتذكرها.

[نوفا91]

اخوي انا ابي حق 10 ايام ..
اخوي رحت اسبانيا من قبل لان ع الاغلب بروح اسبانيا ..

[غير البشر]

روما انا زرتها يومين من اربع سنوات
مافيها اماكن وايد تستحق الزياره
ومانصحكم تقعدون فيها 10 ايام
بالكثير لها 3 او 4 ايام

عندكم ساحه الاسبان صغيره ومافيها شي بس هي الاشهر عندهم
وجنب ساحه الاسبان شارع ضيق وزحمه موت هو شارع الماركات
والمدرج الروماني وماحوله من اثار وقصر الرومان
بس هذي الاماكن الي اتذكرها


هذا الموقع راح يفيدكم ان شاء الله

http://www.irhal.com/ar/إيطاليا/روما/أماكن-سياحية


اذا بغيتو تاخذون قطار اعتقد ساعه ونص او ساعتين ونص
تروحون بومباي وترجعون بنفس اليوم
هذي المدينه الي كل سكانها ماتو بسبب غبار البركان وهم على وضعيتهم ماتغيرو
وجاهم غضب من ربع العالمين واخذتهم الصيحه سنه 70 ميلادي

واذا بتروحون مدن ثانيه بحسب لكم القطار كم المسافه والاسعار واي شي


وبالتوفيق :victory:

[بونووف]

اخوي انا ابي حق 10 ايام ..
اخوي رحت اسبانيا من قبل لان ع الاغلب بروح اسبانيا ..

اسبانيا حلوه ... تقدر تنزل برشلونه وتقعد فيها 5 ايام وتروح مدريد تقعد فيها 5 ايام وتخلي رجعتك من مدريد

برشلونه
فيها متاحف وفيها الملعب اذا لك فالكوره تشوف الجدول وتحضر لك مباراه .. وعندك شارع الرامبلا اللي كله فيه قهاوي ومطاعم ... هاي اللي اعرفه في برشلونه

تاخذ قطار وتروح مدريد تقريبا اذا ماخانتني الذاكره انها 3 او 4 ساعات

المهم تسكن في منطقة القراند فيا واللي فيها كل المطاعم والحدائق والقهاوي ماتبعد عنك دقيقه مشي
في قصر خوان كارلوس ملكهم مسوينه متحف الاثاث وغرف النوم ليحن موجوده

وبس عند مناطق ثانيه ممكن تمر عليها الاندلس و اشبيليا

اشوف اسبانيا بتستانسون فيها اكثر

[بوحارب]

كل الطرق تؤدي الى روما

[mE mYself & i]

مع أحترامي للكل روما فيها اشياء كثيره بس كلها تاريخه وآثار أذا أتحب أتزورها وإذا ما تحب تقدر تقعد فيها كم يوم وتاخذ لك سياره وتنزل على فلورناس (مدينة العشاق) تقعد كم يوم وعلى فيرونا (مدينه روميوا وجوليت ) بعد تصلح لها كم يوم وأتروح جاردا ( بحيره فيها كم مدينه واكثر من ملاهي واشياء حلوه) وانت راياح على ميلان إذا تبغي تتسوق وإذا لا من جاردا روح فينيسيا وعقب أرجع

[sweet qatar]

روما مدينة رومانسية ورايقة .. الافضل تكون ضمن جدول لاكثر من مدينة..

مشهورة بالساحات والنوافير.. خصوصا تريفي الي يقطون فيها فلوس عشان يرجعون مرة ثانية..

شارع ناسيونالي و دل كورسو..الالعاب لونا بارك..


احلى مافي ايطاليا.. الفاشن والشوبنج خصوصا للجلود والاكل..