شتسوي اذا جفت بضاعة غالية ؟ تشتريها ولا ...........؟

[بـن عدوان]

السلام عليكم ورحمة الله وبركاته

يا اخوان ويا اخوات

لو جفتوا بضاعة سعرها غالي

اجهزة الكترونية : جوالات .. .. ادوية .. قطع غيار .. ملابس ... كتب .. الخ

just Google It

ادخل على جوجل وحط اسم المنتج

او ادخل على موقع amazon + Ebay

او ادخل على الشركة الرسمية مالت الغرض وشوف الاسعار

مثلا ايفون 5 في الموقع الامريكي سعره 2400 ريال تقريبا

وفي الدوحة ينباع على 3000 ريال اعتقد او اكثر !!

بعض المواقع توصل لين قطر واذا ماتوصل تروح ارامكس وتفتح حساب مدى الحياة وامورك طيبة


صدقوني لو الكل اتبع هالطريقة الاسعار وااااايد بتنزل في الدوحة :nice:


واللي مايعرف الطريقة هم يدخل على جوجل وبتلقون مواقع وايد وبالعربي وبالتفصيل الممل

هي اجراءات اول مرة وعقب خلاص الامور سهالات جدا

اي استفسار انا حاضر :shy:

[قطر88]

يعطيك ألف عافيه

[بونووف]

الاغلب اطلب من النت اوفر لي .. بس في اشياء الواحد يحتاجها مع ضمان مثل الكمبيوترات والكاميرات

وصج لو الاغلب سوه هالطريقه راح نجبر التجار يقللون من اسعارهم

[دااانة قطر]

من كم يوم في سوق وااقف سمت سااعة كاسيو 120 رياال دخلوا مجموعة بنات استفسروا عن السعر وانصدموا وقالوا للبايع اصليه؟؟( كاسيو اصليه )
المهم قال لهم ايه الا تقول له وحده منهم ليش انا خذتها ب350ريال قال لها طلبتيها من التجار ما النت قالت ايه قال هم ياخذونها من عندنا بكمياات ويبيعونها عليكم




عندنا اللي يبي يستغني ويستفيد يدخل التجااره من هالابوااب الصغيره
بصرااحه لوعوا جبودنا باسعاارهم كل شي ناار
العاام سويت حاادث ويوم دخلت السياره للتصليح الاغرااض بدون شغل يد 51 الف
ماقصر اخوي طلبهم من دولة مجااوره ب11700 ريال والتصليح ب4000 رياال

لنهبونا حسبي الله عليهم

[نوار قطر]

انا اغلب اغراضي اطلبها من النت توصلني عن طريق ارامكس مب عشان انها ارخص لا بس في اشياء مب موجوده عندنا في الدوحه

[وحيد-الشوق]

كلامك صحيح

في فئة من الناس مادري اقول عندهم غباء ولا ايش يستحي يكاسر البايع وبعد يستحي اذا دخل محل ونشب له البايع يروح يشتري الغرض وعادي تطلع من المحل تروح للمحل الثاني تلاقيه بنص السعر

انا ما اشتري شيء الا لين اجيك على سعره في النت وفي اكثر من محل مب سالفة بخل بس اكره شيء عندي الاستغفال وحد يضحك علي

[بريق الحق]

قطع غيار السيارات مجبور الصراحة اشتريها بس اجووف ارخص مكان واشتريه

[راشد محمد]

اذا انجبرنا ناخذها ومستعجلين نشتري الصراحة حتى لو غالي.. بس اذا مو مستعجل اجيبها من النت او اوصي احد عليها

[OM_OMAR_QATAR]

من كم يوم في سوق وااقف سمت سااعة كاسيو 120 رياال دخلوا مجموعة بنات استفسروا عن السعر وانصدموا وقالوا للبايع اصليه؟؟( كاسيو اصليه )
المهم قال لهم ايه الا تقول له وحده منهم ليش انا خذتها ب350ريال قال لها طلبتيها من التجار ما النت قالت ايه قال هم ياخذونها من عندنا بكمياات ويبيعونها عليكم

عندنا اللي يبي يستغني ويستفيد يدخل التجااره من هالابوااب الصغيره
بصرااحه لوعوا جبودنا باسعاارهم كل شي ناار
العاام سويت حاادث ويوم دخلت السياره للتصليح الاغرااض بدون شغل يد 51 الف
ماقصر اخوي طلبهم من دولة مجااوره ب11700 ريال والتصليح ب4000 رياال

لنهبونا حسبي الله عليهم



ساعة كاسيو سعرها .. 25 دولار ...
وكاسيو ماركة صينية يابانية كورية مشتركة ...

وياما نشرت للبنات يابنات ترة هالله هالله .. وصراحة في بنات
هم يستسهلون الاقرب الابسط وحتى لو غالي
غير عن السعر ...
الي تدخل تقول من لندن والا من امريكا .. صباح الخير كاسيو براند صيني ..

وحتى من الامارات واجد قعدوا يطرشون بخصوصها انها بسوق البتّان
في دبي بـ 80 ريال
ليش واسوارة المرساة ؟؟ خيط !! خيط خيط بـ 350 !! ليش
يخي والله السبة مو من التاجر من البنات .......
اجيب حبل الغسيل اسويه اسوارة ابرك لي :telephone:

[بـن عدوان]

يعطيك ألف عافيه

الله يعافيكــ الشيخ

[غزلان]

اخليها واشوفها بمكان غير لكن اذا محتاجه ضروري امري لله اشتريها

[بـن عدوان]

الاغلب اطلب من النت اوفر لي .. بس في اشياء الواحد يحتاجها مع ضمان مثل الكمبيوترات والكاميرات



بالنسبه لأمور الضمان .. اذا انت بتشتريها من الموقع الرسمي اغلب الشركات تعطيك ضمان عليه


وصج لو الاغلب سوه هالطريقه راح نجبر التجار يقللون من اسعارهم

وانت صح :nice:

[بـن عدوان]

من كم يوم في سوق وااقف سمت سااعة كاسيو 120 رياال دخلوا مجموعة بنات استفسروا عن السعر وانصدموا وقالوا للبايع اصليه؟؟( كاسيو اصليه )
المهم قال لهم ايه الا تقول له وحده منهم ليش انا خذتها ب350ريال قال لها طلبتيها من التجار ما النت قالت ايه قال هم ياخذونها من عندنا بكمياات ويبيعونها عليكم




عندنا اللي يبي يستغني ويستفيد يدخل التجااره من هالابوااب الصغيره
بصرااحه لوعوا جبودنا باسعاارهم كل شي ناار
العاام سويت حاادث ويوم دخلت السياره للتصليح الاغرااض بدون شغل يد 51 الف
ماقصر اخوي طلبهم من دولة مجااوره ب11700 ريال والتصليح ب4000 رياال

لنهبونا حسبي الله عليهم

موضوع قطع غيار السيارات موضوع ثاني عندنا في قطر

مثل ماقلتي الاسعار ناااار واضعاف

يا الواحد يشتري من دول مجاورة او يشوف في النت

[بـن عدوان]

انا اغلب اغراضي اطلبها من النت توصلني عن طريق ارامكس مب عشان انها ارخص لا بس في اشياء مب موجوده عندنا في الدوحه

موضوعنا عن الاشياء الارخص اختي الكريمة :nice:


شاكر لج مداخلتج :)

[بـن عدوان]

كلامك صحيح

في فئة من الناس مادري اقول عندهم غباء ولا ايش يستحي يكاسر البايع وبعد يستحي اذا دخل محل ونشب له البايع يروح يشتري الغرض وعادي تطلع من المحل تروح للمحل الثاني تلاقيه بنص السعر

انا ما اشتري شيء الا لين اجيك على سعره في النت وفي اكثر من محل مب سالفة بخل بس اكره شيء عندي الاستغفال وحد يضحك علي

صدقني غرض ورا غرض لو شريناه من النت جوف كم بتوفر
شاكر لك مداخلتك الطيبة

[بـن عدوان]

قطع غيار السيارات مجبور الصراحة اشتريها بس اجووف ارخص مكان واشتريه

انت في الدوحة ممكن تلاقي ارخص بس المشكلة بقيمة بسيطة

لو طلبت الاغراض من الامارات او الحسا بتطلع عليك اررررخص بوايد

[OM_OMAR_QATAR]

... ...

[Dana’1]

إذا حيل غالية وأنا أعرف إنها ما تسوى ..وماني مستعجلة عليها أخليها تولي
وأخذها من غير محل...أو من النت إذا لقيت الفرق بالسعر يسوى

على فكرة تطبيق أمازون للي عندة آي فون فية البحث بالاسكان على طول تطله صورة المنتج وباللون بعد والسعر
طبعا هالشي إذا هالمنتج متوفر عندهم

وشغال100٪
جربتة بجرير مع منتج للآي باد وطلع فرق كبيير بالسعر

[ذيب ازغوى]

والله ياخوي على حسبب

[المحقق كونان]

اخوي مب كل شي فالنت رخيص

انا احب التصوير وابي اخذ عدسة سعرها في ايباي وامازون اغلى من السلام بلازا وهذا بدون الشحن

مره بعد بغيت اخذ اكسسوارات اصلية للسيارة وكلمت الوكالة وقالو لي المجموع 700 ريال وطلبت نفسهم من النت ب 350 ريال ياسلاااااااااااام ولكن المفاجاة ان الشحن طلع 420 ريال :(

[التيما]

صار لي كم سنه اطلب من الإنترنت .. ماروح السوق كلششششششش

[ابو صقر]

في بعض الاغراض اللي تشتريها في قطر تلاقيها في الدول المجاورة بسعر رخيص .. بس اتوقع ارتفاع السعر عندنا هو الشحن لما يطلبها المحل ويشحنها على حسابه .. تلاقي يبيع لك الغرض بسعر اعلى من برا كأنه ياخذ فايده الشحن وفايدته اهو ..

بس ما انكر ان في ناس يطمعون نفس سالفة زيادة الرواتب ... حتى عصير بونص صار بريال

[بوخالد911]

1000 شكر للتوضيح

[أم محمد 90]

انا اسوي نفسك ولله الحمدلله من يوم عرف ايباي وامازون وانا مادش الاند او فيلاجيو الا حق اكل ^^

طلبت لي اسوارة من ايباي بدولار ووواحد فقط وشحنها من ارامكس 9 ريال
لبستها واانا فالستي دخلت محل تقول لي ب 250 @.@ شدعوة زين بيعوها ب 40 او 50 ريال
لالا والله الواحد لازم يتعلم يطلب من النت استغلال مش طبيعي
وكفرات الايفون والايباد والله اطلبهم برررخيص من امازون على 6 و 10 دولار اشكال تهبل والكل يسألني كفرج من وين
وف السد الكفر ب 150 ريال شدعو ة
حتى تلبيسة سيارتي طلبتها من امازون كلفتني 240 ريال كامل دواسات وحق القير والسكان وشنطة سيديات وتلبيسة الكراسي لونها وردي مخمل مع اسود وركبتها ف قطر ب 50 ريال الحين لو يبيعونها هني عادي ب 2000 ريال قاصين ع الشباب وطلبت لاخوي لون احمر نفسها كل ربعه يبون بس ماتركب حق اي موتر

[أم محمد 90]

من كم يوم في سوق وااقف سمت سااعة كاسيو 120 رياال دخلوا مجموعة بنات استفسروا عن السعر وانصدموا وقالوا للبايع اصليه؟؟( كاسيو اصليه )
المهم قال لهم ايه الا تقول له وحده منهم ليش انا خذتها ب350ريال قال لها طلبتيها من التجار ما النت قالت ايه قال هم ياخذونها من عندنا بكمياات ويبيعونها عليكم




عندنا اللي يبي يستغني ويستفيد يدخل التجااره من هالابوااب الصغيره
بصرااحه لوعوا جبودنا باسعاارهم كل شي ناار
العاام سويت حاادث ويوم دخلت السياره للتصليح الاغرااض بدون شغل يد 51 الف
ماقصر اخوي طلبهم من دولة مجااوره ب11700 ريال والتصليح ب4000 رياال

لنهبونا حسبي الله عليهم

ساعة كاسيو ب 15 دولار ف امازون والله حرام

[Dany]

مافي Money wise
حق المفوشر بالاسعار ترى غلط انصير مقصه للعالم

تري الفلوس ما جت من فراغ، كلنا نتعب عشانها حرام تنصرف على شي انا اقدر اشتريه بنص السعر

مثلا: انا طالبه بالجامعه ومجبوره اشتري الكتب من مكتبه الجامعه والاسعار

خياليه يعني كلكليتر ب 700 ريال ليش!!!

سعرها اون لاين ب 350 يعني شوفوا النصب عالطلاب تري مب كلنا نقدر ندفع هالمبالغ

ياليت يراعون الطالب كفايه مصاريف الكورس