استفسار عن لندن

[برويقن]

السلام عليكم

ان شاء الله بروح لندن لاول مرة :shy:

وابي اعرف الاماكن السياحية والحلوة الي تستحق الزيارة والاسواق والمجمعات الزينة

ونصائح عامة عن لندن

ولكم جزيل الشكر

[غير البشر]

هلا ومرحبا اخوي

طبعا الاماكن المعروفه والي الكل يزورها في لندن

مجمع ويست فيلد
المحلات كلها الي بشارع اكسفورد وانت رايح صوب بيكاديلي كلها محلات تجاريه
شارع اجور رود ( شارع العرب ) بس لاتعطي حد وجه هههههههه

وعندك النايتس برج وماجاورها وفيها هارودز والمحلات الي جنب هارودز
الهايد بارك
كوينزويه (وايتز ليز )
بما انك اول مره عندك متحف الشمع ( مدام توسو )
وعندك في شارع اكسفورد محل بريماكس عنده شغلات رخيصه وزينه
ومجمع سيليفرج بشارع اكسفورد
وعندك صوب ساعه بغ بينك وزياره عين لندن

وهذا موقع للاوت لت في لندن




http://www.outlet-malls.eu/shopping-center/united-kingdom/england.html


حجزت فندق او محتار او تبغي شقه

هذا الي في بالي حاليا على السريع :nice:

[للصبر اخر]

وفي بالبيكادلي هامليز اكبر محل لبيع الالعاب
وعندك ايضا متحف موجود بالبيكادلي من اروع المتاحف اللي زرتها

[بونووف]

عندك لافيندار فارم بس ماتوقع يكون فاتح موسم الشتاء مكان حلو الراحه.. وعندهم مكان نفس سوق واقف بس نسيت اسمه توصله عن طريق الاندر قراوند..

الاوت لت عندك بيستر فيلج تروح محطة كينج كروس وتاخذ لك قطار لمحطة ايستر فيلج واول ماتنزل تحصل باص يوصلك لين الاوت لت اوقاتهم من 9 لين 8

[قطري007]

لندن ميزتها بالتسوق والكوفي شوب والجو .. اماكن سياحيه كثيره مافيها ...

السوق :
اهم شارع هو اوكسفورد فيه كثير من المحلات مثل ( سلفريدج . هاوس اوف فريزر . جون لويس . دبينهامز . مارك سبنسر . بريمارك . وغيرها من المحلات .. ويتفرع من شارع اوكسفور شارع اسمه( ريجنت ستريت) وفيه كثير من المحلات منها ( ليبرتي . نكست . ارماني . بربريز . هومليس . وغيرها ... ونهايه هالشارع بيكون البيكادللي.
البيكادللي ساحه تكثر فيها الثيترز والمطاعم والكوفي شوبز ... وفيه طبعا اشهر محل اللي هو ام اند امز .. شي خيال.
وعندك .. الكوفند جاردن ساحه حلوه وفيها مطاعم ومحلات .. وعندك لادوريه قعدته حلوه هناك ... وقريب من الكوفند جاردن شارع اسمه ويلز فيه محلات .. وعالعموم هالمنطقه حلوه بتفرعاتها من مطاعم ومحلات صغيره .. والمنطقه ميزتها انك ماتشوف فيها عرب ...
وقريب من هالمنطقه .. لندن اي ومنطقه محاذاة النهر تكون فيها فعاليات .. وبرج الساعه هم قريب

واذا عددنا الاسواق ماراح نخلص في لندن .. كأنك في الحسا هههههه
عندك .. هارودز ومنطقه النايتس بريدج .. شارع سلون وشارع بوند فيه محلات الماركات
عندك يوم يسمونه البوكسنج دي .. هاليوم كل الاسعار تطيح الارض .. وبيكون تاريخ 26 \ 12
مجمع الويستد فيلد
شبربوش (اعتبره سوق مقلب .. لكن تلقى فيه اشياء)
افضل اوت ليت (بيستر فلج) تقدر تروح له من محطه ميريلبن ستيشن

الاماكن السياحيه :
الهايد بارك .. حلو والحين في الفتره هاذي فيه مدينه ملاهي ومطاعم واكشاك يبيعون فيها اعمال يدويه وحرفيه
مدام توسو (متحف الشمع )
قصر باكنجهام (تشفق عليه من برع بس)
ومعضم مدن الملاهي تكون مسكره بحكم الجو.. بس اعتقد يكونون فاتحين في ايام معيينه..

المطاعم :
شارع الايدجوار فيه معظم المطاعم الحلال من كل الجنسيات
الماي فير فيه مطاعم راقيه
عموما ماراح تتعب مع المطاعم منتشره في كل مكان

نصايح عامه :
ابتعد عن العرب .. وخل تعاملك محدود وياهم .. حاسب على تلفوناتك ولا تخليها فوق الطاوله وانت تاكل في المطاعم ..ابتعد عن الحواري اخر الليل وعن منطقه البيكادللي وخاصه منطقه خلفها اسمها سوهو.. لا تشيل كاش معاك كثير وخل تعاملك بالبطاقه .. حتى العلك تقدر تشتريه بالبطاقه ماعندك اي مشكله .. المظله دووم معاك .. عندك تقتدر تستخدم الاندر قراوند في تنقلاتك .. بالنسبه لي افضل التكاسي .. اذا مشترياتك كثيره اطلب التاكس فري من كل محل تشتري منه .. وبعدها في المطار تقدر ترجع الضرايب.
ان شاء الله مانسيت شي ... واي شي انا حاضر

[آنــه]

ما قصروا الجماعة تكلموا عن كل شي تقريبا
بس حبيت انبه اذا بتطلب التأكس فري لازم جوازك او بطاقتك الشخصية تكون معاك
و هم في مواقع فيها أسامي للمتاحف اذا انت تحب تزور المتاحف
في متحف الفن في شارع النايتس بردج وهم فيه المتحف العلمي ومتحف الأزهار او الفراش ماني متأكده من الاسم رحنا أتذكر من سنتين لهم كانت رحلتنا اغلبها متاحف وانترتينمنت مافيها تسوق كثير

و لازم الحرص على كل شي لان في ناس وايد تصيدهم مواقف بسبب اهمالهم وبعدين يكرهون القعدة في البلد من الصدمه هههههه

و رحلة موفقة و ممتعه في أرجاء لندن

[بوحارب]

مشكلتك رايح على جو باااااارد

الاخوان ماقصروا لكن أنصحك تروح الاسواق الشعبية في لندن

مثل شبربوش وسوق السبت وسوق ويمبلي

فيها متعه ثانية هالاماكن

اما المجمعات الثانية ما تحس بالفرق كنك بالدوحة

واذا في بالك شي معين قووول

[ولدQTR]

يعطيكم العافية شباب بصراحة انا استفدت وايد من المعلومات اللي انطرحت بصراحة كنت على وشك اني اكتب موضوع بنفس الغرض لاني بعد 10 ايام تقريبا بروح لكن كفيتوا ووفيتوا في هالموضوع..

بس عندي استفسار بسيط

هل لندن خلال هالفتره فيها ثلوج والا لا ؟؟

والشباب قالوا لي لاتشتر معاك شي من الدوحة خذ معاك ملابس تقزيره وخذ الباقي من اهناك لانه هالوقت تنزيلات والاسعار بتكون نازله وموديلات جديده وجودتها عاليه ف مادري احسن اني متردد

[ماجد البدر]

متحف التاريخ الطبيعي حلو الي فيه الديناصورات

[بوحارب]

اخوي ولد قطر توني مكلم واحد من الشباب في لندن ويقول الحرارة تحت الصفر هالايام

بس مافيه ثلج

وبالنسبة للملابس نصيييييييحة لاتشتري شي من الدوحة

لانه هناك أحلى وأرخص وعندك محل بريمارك فيه كل شي في بداية شارع اكسفورد

[ولدQTR]

اخوي ولد قطر توني مكلم واحد من الشباب في لندن ويقول الحرارة تحت الصفر هالايام

بس مافيه ثلج

وبالنسبة للملابس نصيييييييحة لاتشتري شي من الدوحة

لانه هناك أحلى وأرخص وعندك محل بريمارك فيه كل شي في بداية شارع اكسفورد

تسلم أخوي بوحارب وماقصرت بيض الله وجهك..

[برويقن]

مشكورين إخواني وخواتي الأعضاء فردا فردا

الحمد لله استفدت من نصايحكم وعشان هاالردود الحلوة بسوي لكم تقرير

حبيت اعرف مثلا بستر فلج كم دقيقة يبعد بالقطار أو الباص عن لندن

وأنا احب أزور المتاحف وأبي أزور المتحف البريطاني أبي أشوف واصور شئ عن قطر

وإذا في مكان يستحق الزيارة خارج لندن من جنوب قولو لي

وبيض الله وجيهكم

[غير البشر]

مشكورين إخواني وخواتي الأعضاء فردا فردا

الحمد لله استفدت من نصايحكم وعشان هاالردود الحلوة بسوي لكم تقرير

حبيت اعرف مثلا بستر فلج كم دقيقة يبعد بالقطار أو الباص عن لندن

وأنا احب أزور المتاحف وأبي أزور المتحف البريطاني أبي أشوف واصور شئ عن قطر

وإذا في مكان يستحق الزيارة خارج لندن من جنوب قولو لي

وبيض الله وجيهكم




اخوي بالقطار الى بستر فلج من ساعه الى ساعه ونص
تطلع من لندن من محطه مارلي بون (London Marylebone )

وتنزل في محطه بستر تاون (Bicester Town )

وحطيك لك صوره من الحجز مع الاسعار
ولو تعطيني التاريخ بالضبط
اقدر اعطيج وقت الرحله والاسعار الصحيحه

http://im29.gulfup.com/5bzh1.png (http://www.gulfup.com/?lnOiK8)

http://im29.gulfup.com/dTg72.png (http://www.gulfup.com/?avhKtu)

[q6r2009]

بخصوص انكم تقولون برد :eek5:

طيب اول يناير شلون يكون:tease::omen2:

[Kbusiness]

بخصوص انكم تقولون برد :eek5:

طيب اول يناير شلون يكون:tease::omen2:
بعد برد الييين شهر 4 يبدا الجو يتعدل ويبدا الصيف

[برويقن]

أنا حاليا في بريطانيا والجو حلو الحرارة 5 بردهم غير عنا