خريجوآ سجنآء من قبل البنت , ( ظلمهآ وحقوقهآ ) ..

[بومحمد المطاوعه]

السلام عليكم ورحمه الله وبركاته ..

شخباركم يا اعضاء المنتدى

عندي موضوع مهم في حياتنا

خريجوآ سجنآء من قبل البنت
( ظلمهآ وحقوقهآ ) ..


هو سؤال واحد حابه اسألكم اياه لكن ابغى اجابه صريحه

ومن الحين اللي مب صريح لايكمل الموضوع
اذا كنت صريح جاوب على سؤالي بكل صراحه



موضوعي عن البنت اذا ابوها ولا اخوها مدمن او خريج سجون!!



هي شنو ذنبها تعيش معزوله عن الناس والكل يأكلها بنظراته ويحسسها ان هي لها ذنب باللي سووه ابوها ولا اخوها..

احيانا تجي البنت مظلومه وتجي اخلاق وعسل ودين لكن لمى يعرفو ان ابوها مدمن ولا خريج سجون الكل يبتعد عنها وبخوف؟؟

طيب ليش هي شنو ذنبها هي مالها علاقه باللي صار لابوها ولا لاخوها من حقها تعيش حياتها صح كلامي؟!

لكن الكل ماخذ فكره عنهم وخاصة الاهل لمى يعرفو ان بنتهم تصادق مع وحده ابوه خريج سجون شوفو عاد يسوون للبنت محضر ويقعدون يقولون لها


اقطعي علاقتك معها لاتخربك وحنا خايفين عليك؟؟

ليش اذا ابوها خريج سجون او مجرم البنت بتطلع عليه؟؟وبتخرب بنتكم؟؟


المهم مابي اطول عليكم حاب على طول اعطيكم سؤالي

هو سؤالين سؤال للشباب وسؤال للبنات





سؤالي للشباب:

هل ترضى انك تتزوج بنت مدمن ولا اخت مدمن او خريج سجون؟؟؟ وتكون شريكة حياتك!!!








سؤالي للبنات:

هل ترضين تصاحبين وتصادقين بنت مدمن او خريج سجون؟؟؟وهل توافقين على شخص متقدم لج ابوه ولا اخوه خريج سجون ؟؟







اتمنى القى اجابه صريحه من الكل ويكون في تفاعل وردود

اخوكم : بومحمد المطاوعه

[R 7 A L]

هذاك اول
الحين الناس تثقفت

[عاهد بن علي]

والله بعض العوايل تورطوا ، وهم مالهم ذنب من افعال الابن او الاب

[ريم 28]

نعم اوافق ان ارافق بنت مدمن او غيره

لا ذنب لها في ذلك

اذا جعلناهم منبذوين سيضعون بلا شك ونحكم عليهم ظلما وبهتانا

والان يا اخي في اغلب العوائل تجد رجل لا يسير في المسار الصحيح اما انه فاضح نفسه او ساتر على نفسه او يتوب

ومن يحكم بتلك الطريقه فهو مخطئ وقد يبلاه الله يوما

[بوخالد911]

هلا

والمشكلة ان البعض يحلف ان فلان خوووووووش رجال ووووووووووووو

وبالاخر يطلع خمارا ووووووووووووووووو

الله لا يبلانا

[فلتة زمانها]

انت ترضى على نفسك تتزوج وحده أبوها مدمن ؟ يعني عادي يكون جد اعيالك وإلا واحد من خوالهم سمعته واطيه وراعي شرب !! أتمنى تجاوب بصدق بعيدا عن المثاليه

[حفيد الأنصار]

والله ي أخوي دام فيه بنات غيرها أبعد عنها أحسن لي ( ابعد عن الشر وغنيله )
ترا مدمن شي مو سهل ويمكن يأذيها مستقبلا ويوصلني أذاه
اما اذا كان خريج سجون طبعا اهون شوي على حسب سبب سجنه
في ناس تنسجن بغلطه وتتوب بعدها هذا يمكن تراحمه
لكن بكل صراحه وبعيد عن المثالية
ما أقبل أن يكون جد عيالي مدمن ويمكن يأثر على استقرار بيتي
صحيح البنت مظلومة لكن الله يعينها فيما ابتلاها

[Al-Kuwari]

كلامك سليم يابومحمد

يعني لنفرض واحد ابوه يشرب او وحده ابوها يتعاطى

هم وش ذنبهم ننبذهم ؟ يعني كفاية الهم والضغط النفسي اللي هم عايشين فيه

نجي نزيدهم ونكون احنا وابوهم والدنيا عليهم

عن نفسي اكره فكرة ربط الابن او الابنة بماضي او حاضر الاب او الاخ

[لاجل QT]

انا اشوف عادي ولاتز وازرا وز اخرى

مثلا لو عكسنا المثال..للي قالو انهم يرفضون هذا الزواج او هذة الصداقة

هل معناة ان يطلق البنت اذا عرف ان اباها او اخاها ادمنو الخمر او المخدرات او انسجنو بعد ماكانو اشخاص اسوياء هل بيطلقها لذنب مارتكبتة

[حسن]

اي نعم يامطوع اذا صار من نصيبك وعجبتك البنت واخلاقها
ليش لا مااعتقد ان هناك شي يمنع الزواج
انزين واذا ابوها يشرب خمر بعد ماتعرس

اللي يهمني سلوك البنت واخلاقها وبس هذا رائيي

[نوار قطر]

اي طبعا اوافق وعااادي جدا اصادق هالبنت هي اساسا مالها ذنب ليش نظلمها بذنب هي ماسووته ومالها خص فيه وبعيده عنه ..

[نوار قطر]

انت ترضى على نفسك تتزوج وحده أبوها مدمن ؟ يعني عادي يكون جد اعيالك وإلا واحد من خوالهم سمعته واطيه وراعي شرب !! أتمنى تجاوب بصدق بعيدا عن المثاليه

اختي فلته ممكن سؤال:

لو تقدم حق بنتج او اختج ريال كفو ,,مصلي,,, خايف ربه,, منصب .. شهاده .. مافيه اي عيب ابدا والف بنت اتمناه بس ان ابوه كان في السجن او ابوه مدمن بتوافقين عليه او لا ؟؟؟

[غايه الطواش]

عندي صديقه ابوها واخوها مدمنين
بس البنت واخواتها مالهم ذنب
بس مساكين امهم محكره لهم في كل شي
احس بسبب هالشي

[ضوى]

اعترف باكون متحفظة جدا

الله يعين هالاسر اللي فيهم مدمن والا سكير والا خريج سجون ، الله يفك ضيقهم

[رمح الضعاين]

على الاقل اهلها واضحين بجريمتهم

افضل من الي جدام الناس الكل يحلف باخلاقهم وطايحين من تحت الطاوله بوق


الزمن زمن مظاهر عندك فلوس حتى لو مجرم بيغفرون لك

هذي حقيقه للاسف مؤلمه واكثر شيئ بتلاحظونها في بعض الاسر الي عينهم على الماده اكثر من اخلاقيات الشخص يهمهم مخابي الرجال اما سمعته يقولون معليه الله بهديه بعدين

والصايعه الي تتنقل بالمجمعات دوراه وتصيد للشباب محد يتكلم عنها دام اهي فلانه وعندهم كذا وكذا



ستر الله على الجميع
مجتمعنا مازال يعاني من المظاهر



اخوكم

[Abdulraman]

انت ترضى على نفسك تتزوج وحده أبوها مدمن ؟ يعني عادي يكون جد اعيالك وإلا واحد من خوالهم سمعته واطيه وراعي شرب !! أتمنى تجاوب بصدق بعيدا عن المثاليه

وش ذنب البنت اذا ابوها مدمن
جهل والله جهل

[بـــــدوي]

اذا مشهود لها بالخلق والدين والجمال يعني تستحق التضحيه اني اناسب اخوها المدمن او ابوها فما يمنع اني اوافق مع انه مايشرفني

:victory:

[الجوكر90]

قال تعالى( ولا تزر وازرة وزر اخرى)

[bos3eed]

اذا البنت ممتازه وها الشي نادر ها الايام خذها وماعليك من بلاوي ابوها واخوانها واذا ماتسنعوا خلها تقطع علاقتها وياهم

[al saad]

والله اهم شي خوال والجد هو قدوه الاحفاد اذا خربو خربو العيال

والي يسرق مرة ما تأمن فية هذا الواقع..... و بعيد عن المثالية

[NINA RICCI]

صعبه الوحده ترضى بواحد ابوه او اخوانه مدمنين ..
صج الريال ماله ذنب , بس العيال شنو ذنبهم يكونوون خوالهم مدمنين او جدهم !!
بعد السمعه مهمه ..

[بومحمد المطاوعه]

انت ترضى على نفسك تتزوج وحده أبوها مدمن ؟ يعني عادي يكون جد اعيالك وإلا واحد من خوالهم سمعته واطيه وراعي شرب !! أتمنى تجاوب بصدق بعيدا عن المثاليه

اي نعم ارضى ونص
انا الحمدلله متزوج
بس لو جاي شخص وخطب بنتي وابوه مدمن ولا اخوه مدمن واهو في احسن حال ورجال مصلي وخايف الله ويبر امه وابوه

ازوجه بنتي ولا في اي شك في ذالك

يعني الحين تبين تفهميني ان في المجتمع الكل ماشي عدل ..؟

اختي ترى اصابع ايدنا مب سوى وبعدين لو انا ملتزم لله يمكن اخوي مب ملتزم صح ولا لا

اذا انا بشوف الاخ ولا الأب ولا الخال ولا العم

محد بيتزوج ولا حد بيناسب حد

لان عادي لو تفتش ملفات الاهل نحصل من الي كان قبل خمار والي معروف يسافر للفساد وللخربطه

محد بيعيش ولا شي

وبصراحه البنت مالها ذنب اذا ابوها خمار ولا اخوها خمار ويضربونها

يعني مانتزوج هالبنت ونستر عليها ونعيشها في احسن حال بدال حال ابوها ولا اخوها الي دوم يضربونها

ان الله غفور رحيم
احنا من علشان مانرحم الناس

[بومحمد المطاوعه]

هذاك اول
الحين الناس تثقفت

صحيح الحمدلله ياخوي مدام الناس تثقفوو

[بومحمد المطاوعه]

والله بعض العوايل تورطوا ، وهم مالهم ذنب من افعال الابن او الاب

اي والله ياخوي

الله يهديهم بس

[بومحمد المطاوعه]

نعم اوافق ان ارافق بنت مدمن او غيره

لا ذنب لها في ذلك

اذا جعلناهم منبذوين سيضعون بلا شك ونحكم عليهم ظلما وبهتانا

والان يا اخي في اغلب العوائل تجد رجل لا يسير في المسار الصحيح اما انه فاضح نفسه او ساتر على نفسه او يتوب

ومن يحكم بتلك الطريقه فهو مخطئ وقد يبلاه الله يوما

بارك الله فيج اختي

كلامج عين العقل

واسأل الله ان يجمعج مع الصالحين

[بومحمد المطاوعه]

هلا

والمشكلة ان البعض يحلف ان فلان خوووووووش رجال ووووووووووووو

وبالاخر يطلع خمارا ووووووووووووووووو

الله لا يبلانا

اللهم امين الله لايبلانا

ياخوي والله ترى الدنيا فيها الزين والشين

والبنت والابن ماله ذنب في ابوه

[بومحمد المطاوعه]

والله ي أخوي دام فيه بنات غيرها أبعد عنها أحسن لي ( ابعد عن الشر وغنيله )
ترا مدمن شي مو سهل ويمكن يأذيها مستقبلا ويوصلني أذاه
اما اذا كان خريج سجون طبعا اهون شوي على حسب سبب سجنه
في ناس تنسجن بغلطه وتتوب بعدها هذا يمكن تراحمه
لكن بكل صراحه وبعيد عن المثالية
ما أقبل أن يكون جد عيالي مدمن ويمكن يأثر على استقرار بيتي
صحيح البنت مظلومة لكن الله يعينها فيما ابتلاها

اخوي بارك الله فيك

البنت مالها ذنب

ومب كفو يأذيك انت لاتحاتي

ولا يأذي زوجتك الي اهي بنته

مدام اهو مدمن ولا خمار ولا اي شي

مستعد اوقفه عند حده ولا يمد ايده على زوجتي الي اهي بنتي


كل قصدي ان البنت مالها اي ذنب من ابوها المدمن

يتزوج البنت ويستر عليها ويرحمها من عند ابوها

تحياتي لك

[بومحمد المطاوعه]

كلامك سليم يابومحمد

يعني لنفرض واحد ابوه يشرب او وحده ابوها يتعاطى

هم وش ذنبهم ننبذهم ؟ يعني كفاية الهم والضغط النفسي اللي هم عايشين فيه

نجي نزيدهم ونكون احنا وابوهم والدنيا عليهم

عن نفسي اكره فكرة ربط الابن او الابنة بماضي او حاضر الاب او الاخ

الله يجزاك خير يالغالي

ماتقصر ع الرد الطيب

وصحيح والله اهي شذنبها

اسأل الله العفو والعافيه
تحياتي لك

[بومحمد المطاوعه]

انا اشوف عادي ولاتز وازرا وز اخرى

مثلا لو عكسنا المثال..للي قالو انهم يرفضون هذا الزواج او هذة الصداقة

هل معناة ان يطلق البنت اذا عرف ان اباها او اخاها ادمنو الخمر او المخدرات او انسجنو بعد ماكانو اشخاص اسوياء هل بيطلقها لذنب مارتكبتة

صحيح اختي

هني المشكله

هل بيطلق زوجته علشان ابوها مدمن

وليش مايتزوج بنت مدمن اهي مالها ذنب

يمكن تكون امرأه صالحه

ليش مايتزوجها ويستر عليها

[بومحمد المطاوعه]

اي نعم يامطوع اذا صار من نصيبك وعجبتك البنت واخلاقها
ليش لا مااعتقد ان هناك شي يمنع الزواج
انزين واذا ابوها يشرب خمر بعد ماتعرس

اللي يهمني سلوك البنت واخلاقها وبس هذا رائيي

صحيح ياخوي لاشك

انا رسالتي للناس ان مالها اي ذنب البنت

[بومحمد المطاوعه]

اي طبعا اوافق وعااادي جدا اصادق هالبنت هي اساسا مالها ذنب ليش نظلمها بذنب هي ماسووته ومالها خص فيه وبعيده عنه ..

صحيح اختي

بارك الله فيج

مالها ذنب مسكينه يكفي الهم الي اهي فيه

بعد نبهدلها في حياتها ازيد

الله المستعان

[بومحمد المطاوعه]

اختي فلته ممكن سؤال:

لو تقدم حق بنتج او اختج ريال كفو ,,مصلي,,, خايف ربه,, منصب .. شهاده .. مافيه اي عيب ابدا والف بنت اتمناه بس ان ابوه كان في السجن او ابوه مدمن بتوافقين عليه او لا ؟؟؟

اعتقد بتقول لا ومستحيل

الله يهديهم هالناس

[بومحمد المطاوعه]

عندي صديقه ابوها واخوها مدمنين
بس البنت واخواتها مالهم ذنب
بس مساكين امهم محكره لهم في كل شي
احس بسبب هالشي

اكيد اختي بتحكر لهم لأنها فقدت الثقه فيهم بسبه الاب والابن

الله يحفظهم هالبنات

والله يهديهم يارب

[بومحمد المطاوعه]

اعترف باكون متحفظة جدا

الله يعين هالاسر اللي فيهم مدمن والا سكير والا خريج سجون ، الله يفك ضيقهم

اللهم امين

الله يستر عليهم وعلى جميع المسلمين

[بومحمد المطاوعه]

على الاقل اهلها واضحين بجريمتهم

افضل من الي جدام الناس الكل يحلف باخلاقهم وطايحين من تحت الطاوله بوق


الزمن زمن مظاهر عندك فلوس حتى لو مجرم بيغفرون لك

هذي حقيقه للاسف مؤلمه واكثر شيئ بتلاحظونها في بعض الاسر الي عينهم على الماده اكثر من اخلاقيات الشخص يهمهم مخابي الرجال اما سمعته يقولون معليه الله بهديه بعدين

والصايعه الي تتنقل بالمجمعات دوراه وتصيد للشباب محد يتكلم عنها دام اهي فلانه وعندهم كذا وكذا



ستر الله على الجميع
مجتمعنا مازال يعاني من المظاهر



اخوكم

الله يستر عليهم ياخوي

وصدقت والله الاكثريه يدورون الماده

وين يشتغل وكم راتبه

الله كريم بس

[بومحمد المطاوعه]

وش ذنب البنت اذا ابوها مدمن
جهل والله جهل

صحيح مالها ذنب ياخوي

الله المستعان

[نوار قطر]

اعتقد بتقول لا ومستحيل

الله يهديهم هالناس

والله ياخوي ساعات نشوف اخوان من ام وابو ،،،، واحد منهم مصلي خايف ربه وكل شي فيه زين والثاني صايع ضايع يهايل من مكان لي مكان ،،، هل يعقل ان الاول ينظلم بسبة اخوه الي سمعته داقه في الارض ؟ كل مكان وكل بيئه في الزين والشين ليش نظلمهم عشان شي هم مالهم ذنب فيه

[بومحمد المطاوعه]

اذا مشهود لها بالخلق والدين والجمال يعني تستحق التضحيه اني اناسب اخوها المدمن او ابوها فما يمنع اني اوافق مع انه مايشرفني

:victory:

والله ياخوي مالها ذنب البنت

صحيح الواحد مايشرف يناسب ناس مدمنين بس تستر على البنت بالحلال

ويمكن الواحد اذا تزوج البنت وستر عليها واكرمها وقدرها بدال الأب او الاخ

تهديهم على يدها

سبحان الله الانسان ضعيف يحتاج من ينصحه ويدله على الطريق المستقيم :)

[بومحمد المطاوعه]

والله ياخوي ساعات نشوف اخوان من ام وابو ،،،، واحد منهم مصلي خايف ربه وكل شي فيه زين والثاني صايع ضايع يهايل من مكان لي مكان ،،، هل يعقل ان الاول ينظلم بسبة اخوه الي سمعته داقه في الارض ؟ كل مكان وكل بيئه في الزين والشين ليش نظلمهم عشان شي هم مالهم ذنب فيه

صحيح اختي انا معاج في هالشي

ترى انا رسالتي للناس ان لاتربطون اخ مدمن فاسق لعاب بأخ يخاف الله

يعني الحين الي نشوفه في المجتمع من مغازل وتحرش في الناس

نشوف شباب في الشارع وبنات مصخره سمعتهم سمعه واطيه

يعني ماعندهم اخوان على حق ..؟
ماعندهم اخوان خايفين الله ومتزوجين يمكن

كل شي في حياتنا موجود

الزين والشين
ليش اربط اخ ببنت مالها علاقه

او شخص تقدم لبنت رفضوه بسبب اخوه ولا عادي يقولون ولد عمه صايع ولا خمار

انزين انا شذني يالي اخاف الله

صح ولا غلطان

هاي رسالتي للناس الي تربط البشر بين بعض في الباطل

[بومحمد المطاوعه]

قال تعالى( ولا تزر وازرة وزر اخرى)

(وَلَا تَزِرُ وَازِرَةٌ وِزْرَ أُخْرَى )

بارك الله فيك ياخوي :)

[بومحمد المطاوعه]

اذا البنت ممتازه وها الشي نادر ها الايام خذها وماعليك من بلاوي ابوها واخوانها واذا ماتسنعوا خلها تقطع علاقتها وياهم

مانبي اخوي نقطه الارحام

بس نبي نشل من راسنا سالفه الربط

بين الصالح والفاسق

[بومحمد المطاوعه]

والله اهم شي خوال والجد هو قدوه الاحفاد اذا خربو خربو العيال

والي يسرق مرة ما تأمن فية هذا الواقع..... و بعيد عن المثالية

غلطان اخوي

اهم شي تربيتك لهم

ماعليك من الجد ولا الخال ولا العم

عيش حياتك بالأحسن

[بومحمد المطاوعه]

صعبه الوحده ترضى بواحد ابوه او اخوانه مدمنين ..
صج الريال ماله ذنب , بس العيال شنو ذنبهم يكونوون خوالهم مدمنين او جدهم !!
بعد السمعه مهمه ..

مب صعبه ولا شي

يعني الحين العيال بتوقف حياتهم على حسبه خوالهم ولا جدهم ...؟

انزين وين ابوهم وامهم

مب تارسين عينهم يعني لازم خالي مؤمن ويخاف الله علشان اعيش حر

[الصغيره]

مالهم خص بحيات ابوانهم او اخوانهم عرفناهن ذوات اخلاق سواء بالمدارس او العمل والنعم بهن ونعم اصاحبها واحترمها لان مالها ذنب

[امـ حمد]

صحيح البنت مالها ذنب وأحياناً تكون البنت ملتزمه وراعية خلق ودين
ولكن الناس تخاف تناسب هذه العائله لسمعة ابوها او أخوها ويقولون نبعد عن الشر والبنات ويش كثر

[بومحمد المطاوعه]

مالهم خص بحيات ابوانهم او اخوانهم عرفناهن ذوات اخلاق سواء بالمدارس او العمل والنعم بهن ونعم اصاحبها واحترمها لان مالها ذنب

بارك الله فيج اختي

نعم مالهم اي ذنب

[بومحمد المطاوعه]

صحيح البنت مالها ذنب وأحياناً تكون البنت ملتزمه وراعية خلق ودين
ولكن الناس تخاف تناسب هذه العائله لسمعة ابوها او أخوها ويقولون نبعد عن الشر والبنات ويش كثر

خلهم الناس مايعجبهم العجب ولا صيام في رجب

يبون المظاهر مايبون الاخلاق

الله كريم بس

[Lili2005]

كلامك سليم يابومحمد

يعني لنفرض واحد ابوه يشرب او وحده ابوها يتعاطى

هم وش ذنبهم ننبذهم ؟ يعني كفاية الهم والضغط النفسي اللي هم عايشين فيه

نجي نزيدهم ونكون احنا وابوهم والدنيا عليهم

عن نفسي اكره فكرة ربط الابن او الابنة بماضي او حاضر الاب او الاخ
هالرد كفى و وفى

[بومحمد المطاوعه]

هالرد كفى و وفى

صحيح الرد طيب

[الجوكر90]

انزين انا عندي سوال للي يقولون بعيد عن المثاليه
وان الخوال والعمام سمعتهم مهمه
السوال

لو تزوجت وحده وجبت منها عيال وبعد الزواج بكم سنه ابوها دخل السجن او اخوها فقضيه مخدرات او سرقه او رشوه
راح اطلقها عشان سمعتة اهلها صارت مب زينه؟

[بومحمد المطاوعه]

انزين انا عندي سوال للي يقولون بعيد عن المثاليه
وان الخوال والعمام سمعتهم مهمه
السوال

لو تزوجت وحده وجبت منها عيال وبعد الزواج بكم سنه ابوها دخل السجن او اخوها فقضيه مخدرات او سرقه او رشوه
راح اطلقها عشان سمعتة اهلها صارت مب زينه؟

كفوو عليك ياخوي في هالسؤال

كان في خاطري اكتب بس سبقتني

طبعا في ناس مستعد يطلق
وفي ناس بيقولون لا مستحيل اطلق

عسى ماشر الواحد يطلق زوجته ويشتت عياله علشان غلطه خالهم ولا عمهم

بعيد الشر

[جفى الجوارح]

خلنا واقعيين
انحنا شعب اجتماعياً محافظ ومتحفظ كثير على هالمواضيع
والكل يبتعد عن هالاشياء لتجنب القيل والقال

لكن مهما كان الزواج قسمه ونصيب اذا الله كاتب له او لها الزواج فامحد راح يقدر يمنع هالشيء

[بومحمد المطاوعه]

خلنا واقعيين
انحنا شعب اجتماعياً محافظ ومتحفظ كثير على هالمواضيع
والكل يبتعد عن هالاشياء لتجنب القيل والقال

لكن مهما كان الزواج قسمه ونصيب اذا الله كاتب له او لها الزواج فامحد راح يقدر يمنع هالشيء

اخوي كل شي في حياتنا قسمه ونصيب
انت قاعد كل يوم تتغدى وتاكل وتشرب هذا الشي كل شي مكتوب عند الله مب بس الزواج

[حميداني]

انزين انا عندي سوال للي يقولون بعيد عن المثاليه
وان الخوال والعمام سمعتهم مهمه
السوال

لو تزوجت وحده وجبت منها عيال وبعد الزواج بكم سنه ابوها دخل السجن او اخوها فقضيه مخدرات او سرقه او رشوه
راح اطلقها عشان سمعتة اهلها صارت مب زينه؟

:victory: بارك الله فيك

...

بالنسبه لي ما تفرق معاي ان البنت اخلاق وسمتعها طيبه وراعية دين
لكن الواجب اني اشد الانتباه لان مع هالبيئه الصعبه جايز تنعكس اثارها الجانبيه عالبنت
الزواج مو لعبه

المحافظه على نفسها في مثل هالظروف الصعبه
هذي جوهره نادره وهي اقوى انواع البنات الي ان انعطت مسؤوليه
توزن بصبرها وحكمتها عشر رجال

نوعيه نادره اي واحد يتمنى يكمل مسيرة حياته وياها
خير لها ان النوعيه التافهه اللي تحكم على الشخص من غير وجه حق يصد عنها

:)
النتيجه تكون احسن بعد الفلتره

[بومحمد المطاوعه]

الله المستعااان

[alsoq]

فيه ناس مدمنه واذا افاق تحصله عن الف رجل هذا ابتلاء
فيه بعض الاشخاص تحصله كريم ويوقف معاك لولا هذا الادمان لكن عندما يصحى تحس برجل اخر وتقول والله بو فلان يا ريته ما يشرب

اما بخصوص ازوج او لا لا اخذ البنت او الولد بذنب ابيه اذا هي او هو مصلي خايف الله قايم بحقوق والديه لا يهمني من ابوه او غيره اهم شي الشخص نفسه
كم واحد ابوه رجل اعمال ناجح ابوه ما يصلي ولا يزكي ولا يقوم باوردينه والولد مثله ايش الفرق بينه وبين المدمن

[بومحمد المطاوعه]

فيه ناس مدمنه واذا افاق تحصله عن الف رجل هذا ابتلاء
فيه بعض الاشخاص تحصله كريم ويوقف معاك لولا هذا الادمان لكن عندما يصحى تحس برجل اخر وتقول والله بو فلان يا ريته ما يشرب

اما بخصوص ازوج او لا لا اخذ البنت او الولد بذنب ابيه اذا هي او هو مصلي خايف الله قايم بحقوق والديه لا يهمني من ابوه او غيره اهم شي الشخص نفسه
كم واحد ابوه رجل اعمال ناجح ابوه ما يصلي ولا يزكي ولا يقوم باوردينه والولد مثله ايش الفرق بينه وبين المدمن

بارك الله فيك وصحيح كلامك ابتلاء من الله

الله المستعان والله كريم