محل سوليـــز وأسعاره الغاليــه

[جلكساوي]

السلام عليكم

صارلي فتره وانا مقرر أشتري عدة حلاقـــة أو شنطة حلاقة وبعد ماخذيت فره ف المنتديات

عشان اشوف المحلات اللي تبيع هالعدة لقيت ان اللي يبيع هالعدة محل سوليز والنزيه

المهم رحت لمحل سوليز اللي في شارع النصر وشريت منه العدة (بدون شنطة لانها مب متوفره) بـ 735 ريال والمكاين من نوع موسير ،،

أمس كنت في جمعية عالم الاغذيه ورحت صوب قسم الالكترونيات قلت خلني اشوف مكينة الحلاقه من نوع موسير وأقارن بينه وبين محل سوليز

وكانت المفاجأه الكبرى سعر مكينة الحلاقه في الجمعية بـ 75 ريال وفي سوليز بـ 150 وبلفيت بعد الخصم بيعطيني اياها بـ 125 ريال

لحد يقولي يمكن تجاريه لا نفس كرتونتها ونفس الكود ومكتوب عليها ميد ان جيرمني

والقهر الاكبر اني شريت من عندهم مكينة تحديد بـ 375 ريال وجاري البحث عن سعرها في المحلات الثانيه اتوقع بتكون ارخص بكثيرر

هذا غير مقص الشعر اللي خذيته من عندهم بـ 135 على قولة السوري اللي ف المحل مقص ايطالي ومايخترب كلش.. والله اعلم كم سعره برى

ولفة انتباهي الكريمات والسنفره حق الويه عندهم بـ 50 او 60 وتلاقيها ف الجمعيات بـ 20

حبيت احذركم منه وودي اشتكي عليه عند حماية المستهلك وماعرف شلون طريقة الشكوى ؟

اتصل عليهم بس او لازم اروح عندهم...

[كازانوفا]

بالنسبه لي انا اقارن بين سعره وسعر النزيه اللى طاااااااااير لفوق باسعاره
فاشوف اسعاره مقبوله مع كذبت التخفيض اللى ضاحكين عليناا فيهاا

اشكرك على التنبيه بالفعل كل شي له بديل بس للاسف الكثير من الناس ما يهمها لذلك التجار في ارتفاع مستمر للاسعار