تسجيل الدخول

مشاهدة النسخة كاملة : استشارة في تشطيب الحمامات ؟؟


dream~qa
12-12-2012, 09:52 AM
1. بغيت احط جبسمبورد في الحمامات بس ابغي أعرف أيهم قبل التبليط وبعدين الجبس ولا الجبس قبل وبعدين بلاط الحوائط ؟؟

2. بالنسبة للمغاسل شنو أفضل نوع رخام عملي للمغسلة ؟

3. إذا في أفكار جديدة الحين دارجة ياليت تفيدوني ؟؟

4. الاضاءة : ما هي أفضل إضاءة للحمامات وطريقة توزيعها ؟
al saad
12-12-2012, 10:48 AM
الشيخ اول بليط الطوفة وبعدين الجبس

والاضاءة حسب الذوق عندك
اضاءة الي فوق المغسله

واضاءة النوم اذا الحمام داخل الغرفة اضاءة خفيفة (نفس الصوره الاضاءة الا حمر والاصفر والازرق)

والاضاءة الاساسية للحمام

هاي الصورة

http://www.bikepics.com/members/thani/p8/
معماري قطري
12-12-2012, 08:20 PM
1. بغيت احط جبسمبورد في الحمامات بس ابغي أعرف أيهم قبل التبليط وبعدين الجبس ولا الجبس قبل وبعدين بلاط الحوائط ؟؟

2. بالنسبة للمغاسل شنو أفضل نوع رخام عملي للمغسلة ؟

3. إذا في أفكار جديدة الحين دارجة ياليت تفيدوني ؟؟

4. الاضاءة : ما هي أفضل إضاءة للحمامات وطريقة توزيعها ؟

ما قصر السعد رده وافي

شفت الصورة الثانية من اليمين يسونها رافكو وممكن تحط سبوتات على الأطراف وألحين فيه سبوت اللي يجي led وهذا عملي ويدوم عمر إذا توفقت في نوعية صناعتها جيدة، وفيه منه ألوان .. للمغسلة خل جزء من السقف نازل ومثبت على أعمده ديكور أو على أرفف زجاج بشكل ربع دائري وفيها سبوت لايت من فوق وسقف جزء المغسلة تكون فيه سبوتات خاصة بالمغسلة .. يعني خل الحمام بكذا نوعية من الإضاءَة وكذا مستوى وكل تحكم بروحه.

مر على الموضوع المثبت فوق والله يعينك تشعب وايد وفيه خلطات وايد شوفها وخذ فكرة.
dream~qa
17-12-2012, 11:37 AM
مشكورين وجزاكم الله خير استفدت كثير من خبرتكم .
نور الحور
17-12-2012, 12:55 PM
ما شاء الله ..كنت داشة بقولج اللي قاله لج السعد ..
أنا حاطه في غرفتي إضاءة led تجي رول وتغيرين اللون بالريموت كنترول ..يسوي لج أجواء واو بصراحة ..والحلو في هالإضاءة إنها باردة ما تسخن ..

بعد ممكن تضيفين خلفية حجر في الأجزاء اللي ما تصيدها الرطوبة ..خاصة لو كان البانيو معزول عن باقي أجزاء الحمام ..
والحلو تخلين أغلب الإضاءة ان دايركت ..
Bozizoo
17-12-2012, 02:25 PM
ياجماعه اشلون الإضاءة في الحمام خافته
المفروض تكون الإضاءة العكس
استخداماتك للحمام تتوجب تكون الإضاءة جيده
dream~qa
19-12-2012, 03:45 PM
ياجماعه اشلون الإضاءة في الحمام خافته
المفروض تكون الإضاءة العكس
استخداماتك للحمام تتوجب تكون الإضاءة جيده


يعتمد على استخدام الحمام

عن نفسي أفضل أخلط النوعين إضاءة خافتة وإضاءة قوية بمفاتيح منفصلة .