استخراج الفيزا

[ولدQTR]

السلام عليكم ورحمة الله وبركاته..

يا جماعة بغيت اعرف شالاوراق المطلوبة للفيزا البريطانيه ..

واللي عنده رقم مندوب يخلص لي الموضوع ياليت يعطيني اياه..

للاهمية ..

[غير البشر]

السلام عليكم ورحمة الله وبركاته..

يا جماعة بغيت اعرف شالاوراق المطلوبة للفيزا البريطانيه ..

واللي عنده رقم مندوب يخلص لي الموضوع ياليت يعطيني اياه..

للاهمية ..


اخوي مايحتاج مندوب لان جذي جذي بتروح لهم عشان بصمه العين

احسن واسرع حل

اذا كنت مستعجل على الفيزا

1- روح سفريات المناعي الي تحت عماره الشريف ( اذا ماتعرف مكانها بوصفها لك )
قول لهم عبو لي الطلب وبياخذون منك اعتقد 350 ريال او اقل

2- خذ الطلب وروح داخل العماره الدور 5
وقول لهم ماعندي موعد ابي في اي بي اعتقد يدفعونك 500 او 600 ريال
وتاخذ رقم وتنتظر دورك

3- يجي دورك ياخذون منك الطلب ويدخلونه في السيستم وتنتظر ينادونك حق بصمه العين

4- 7 ايام او 8 ايام عمل تاخذ فيزتك :nice:



اذا ماكنت مستعجل

اخذ موعد من هنااااااا (https://www.vfs.firm.in/qt-apptsystem/appscheduling/appwelcome.aspx)

انزل تحت اشوي
بتحصل على اليسار اربع اشياء بالبنفسجي اختار ( Schedule Appointment )
عب البيانات حق الموعد

وانتظر لين يجيك مسج او رساله على تلفونك يقولون لك الموعد متى
وتروح لهم وتاخذ رقم نفس الاجراءات السابقه

[ولدQTR]

الله لايهينك أخوي ..

بس بغيت منك وصف المكان بالضبط ..

[غير البشر]

تفضل الوصف اخوي


http://im15.gulfup.com/Pgjq1.png (http://www.gulfup.com/?SIVlkj)

وهذا شكل العماره


http://im15.gulfup.com/n34n2.png (http://www.gulfup.com/?gUKrwf)

[ولدQTR]

فاتحين العصر طال عمرك والا بس الصبح ..؟؟

[غير البشر]

فاتحين بس الصبح
اعتقد من 8 لين 1

وتسليم الفيز الجاهزه من 1 لين 5

[قطري007]

ماقصر اخوي الللي قبلي وشرح المطلوب .. بالنسبه للطلب مايبغيله شي .. تقدر تدش اون لاين وتعبي البيانات .. كلها معلومات متوفره عندك وحرام انك تروح مكتب وياخذ منك المبلغ الفلاني .. واذا ودك اني اساعدك اعبيها معاك .. انا حاضر.. اتلاقى معاك واسويها لك كلها 10 دقايق
الموقع
http://www.visa4uk.fco.gov.uk/ApplyNow.aspx

[ولدQTR]

يعطيكم الف الف عافية يالربع وماقصرتوا بيض الله وجيهكم ..

بصراحة اضطريت اني اتعامل مع مكتب سفريات وسويت طلب حق فيزا 6 شهور وعطوني موعد vip يوم الأحد تاريخ 16 الصبح اول مايفتحون ..

بس السؤال اللي يسدح نفسه

كم يبيلهم لي مايخلصونها !!


لاني مبدئيا بسافر بتاريخ الاحد 23 وابي ااكد الحجز ..

[غير البشر]

يعطيكم الف الف عافية يالربع وماقصرتوا بيض الله وجيهكم ..

بصراحة اضطريت اني اتعامل مع مكتب سفريات وسويت طلب حق فيزا 6 شهور وعطوني موعد vip يوم الأحد تاريخ 16 الصبح اول مايفتحون ..

بس السؤال اللي يسدح نفسه

كم يبيلهم لي مايخلصونها !!


لاني مبدئيا بسافر بتاريخ الاحد 23 وابي ااكد الحجز ..



اخوي انا ادري ان اليوم الخميس مافرقت
بس ليش عطوك موعد الاحد

عب الطلب وروح لهم فوق الدور الخامس دايركت وادخل بدون موعد
تدخل بنفس اليوم وتاخذ رقم
تأكد منهم

وانا قلت لك من تعطيهم الطلب احسب من 7 ايا 8 ايام عمل

[رهج السنابك]

سؤال هل لازم اشعه الصدر في مطار هيثرو؟

[رهج السنابك]

وفي وحده من اسئلة الفيزا سألوا هل هذا اول جواز لك ؟؟ يقصدون اول جنسية؟ او اول نسخة جواز ؟

شلون نجاوب هالسؤال؟

واذا يقصدون انه اول نسخة جواز طبعا اكيد بيكون لا الجواب شلون نجيب النسخ القديمة اذا كانت مفقوده!!!

[قطري007]

وفي وحده من اسئلة الفيزا سألوا هل هذا اول جواز لك ؟؟ يقصدون اول جنسية؟ او اول نسخة جواز ؟

شلون نجاوب هالسؤال؟

واذا يقصدون انه اول نسخة جواز طبعا اكيد بيكون لا الجواب شلون نجيب النسخ القديمة اذا كانت مفقوده!!!

على مسؤليتي .. جاوبني ان هذا اول جواز والامور بتمشي .. تراهم مايدققون وايد .. اهم شي المعلومات الرئيسيه ..
-----------------------

ولدqtr .. الله يعينك وان شاء الله يخلصون جوازك قبل السفر .. في الفتره الاخيره المكتب صاير استغلالي .. اقولك اللي صار معاي حق ثلاث طلبات جوازات وكل طلب قدمته في يوم :
اول جواز .. دفعت vip عشان ادخل على طول .. وفي شي ثاني يقولون لك اذا انت مستعجل وتبيه يخلص في يومين او ثلاث ادفع رسوم زياده (تقريبا 400 او 500ريال) ودفعت .. وبالاخير خلصو لي الجواز في 10 ايام .. وان قلت لهم ليش .. قالوا لك احنا مالنا شغل .. السبب من السفاره.
ثاني جواز .. بدون vip ولا رسوم زياده .. خلص الجواز في يومين .. اشلون وكيف مادري ..
ثالث جواز .. حسبي الله عليهم ضيعوه .. وضايع بالسفاره .. والجماعه شالين يدهم .. ولحد
الحين ماخلص الموضوع معاهم .. واحنا بالشهر الثالث من ضاع الجواز .. والطاسه ضايعه هههههه

هاذي امثله على الاستغلال .. ومن الايجنت (الوكيل) نفسه اللي يمثل السفاره !!

على العموم سفره سعيده ان شا ءالله .. وانا راح اسافر بعدك بيوم بتاريخ 24 .. ولا تنسى البوكسنج دي (تاريخ 26 ) .. جهز محفضتك وبطايق البنك .. وعليك بالتسوق في هاليوم