بديرتي الباصات والشواحن تطيريامدير المرور( كيف ترى سواقتي)

[الصغيره]

اللي يطلع الصباح الباكر بشوراع ديرتي يرى الحافلات تطير بدون جوانح
يرى الشاحنات تطير سرعه تكاد الاطارات تلامس الارض لا الاحجام تساعد ولا عدد الركاب يشجع بالمجازفه للطيران

فقط ارصد الظاهره يامدير المرور لمدة اسبوع في شوراع ديرتي الحيويه التي يسلكها كل صباح الموظفين والموظفات والطلاب

سيدي الا ترى ان هذا العام السرعه زادت ولا رادع وان الرادارات اصبحت لعبة متقنه ونقاطها معروفه الكل يعرف مكا ن الردار يخفف وبعدها يحط رجله

مما دعاني ان اكتب الموضوع ساعة رعب ما بين الدورا المايل وبين دورا الناصريه منطقه مؤسسة قطر
الصراحه احسن ان الامر تطور والسرعه بدت تجعل سماء الديره تتزين باشكال الباصات الطايره


الحل

فرض لاصقات على كل شاحنه او باص يجدد الاستماره يوضع كيف تراى سواقتي وياليت ما يكون رقم صاحب الشركه بل رقم خاص بكم يامرور

ايضا كامرات بالشوراع الحيويه

ايضا تجديد باماكن الرادرات اللتي صرنا نعرف مكانها ونخفف عندها ومن ثم دوسسس

ايضا اين وصلت عقوبة الانشغال بالهاتف اشوف من هب ودب يسوق برجوله ويديه وعيونه مشغوله

صرخه اتمنى تتبع طريقها للحل وتنجدونا قبل فوات الاوان


كل عام ومرور نا بالف خير وسنه خير لكم ولنا

تقديري لك

[بوحارب]

مسكين مدير المرور ما يسوا عليه!!!!

أختي مسكي الخط اليمين او الوسط وامورج طيبة

اما ديرتي الحيوية والسيارات تطير هذي تذكرنا في بومبو@@

[مشتاقة لقطر]

ماتخلي سوالفك بوحارب ههههه

اختي الصغيرة

يختي خل الرادارات بحالها كفاية الشعب مب مرتقع من هالمخالفات

اقترحي حل ثاني افضل من تغيير اماكن الرادارات لانها ما حلت المشكلة

[R 7 A L]

تدرون متى بينضبط المرور
لما ترجع له هيبته الى الكل يخاف منها

ماراح ينضبط بالردارات ولا المخالفات ولا استحداث سيارات الدوريات
ولا كل الامور الحاصلة الأن

بس نبي هيبة المرور ترجع

[إينشتاين]

بينظبط المرور اذا نمت الثقافة واحترام الغير ...

المفروض كل شخص يكون شرطي مرور على نفسه ومايسمح لنفسه هضم حقوق الآخرين بارتكاب مخالفة في طريق الكل يستخدمه....

[شبيه الريح]

لازم مدير مرور جدييييييييييييييييييييييييييييييد
تعبنا من الشاحنات المخالفه والاستعراض الليلي ونتصل في العمليات وخبر خير

لا حياة لمن تنادي

واذا قابلت مدير المرور وشكيت له الحال ماعطاك اي اهميه قام يغير السالفه

[دااانة قطر]

بصرااحه بااصات كروة والشااحنات فلم رعب اذا كاانوا جنبك

[Abdulraman]

اي واحد يشوف شاحنه مسرعه يسجل رقمها ويتصل بالمرور

[بـــــدوي]

اللي الصراحه احسن ان الامر تطور والسرعه بدت تجعل سماء الديره تتزين باشكال الباصات الطايره


الحل

فرض لاصقات على كل شاحنه او باص يجدد الاستماره يوضع كيف تراى سواقتي وياليت ما يكون رقم صاحب الشركه بل رقم خاص بكم يامرور

ايضا كامرات بالشوراع الحيويه

ايضا تجديد باماكن الرادرات اللتي صرنا نعرف مكانها ونخفف عندها ومن ثم دوسسس

ايضا اين وصلت عقوبة الانشغال بالهاتف اشوف من هب ودب يسوق برجوله ويديه وعيونه مشغوله

كفيتي ووفيتي اختي

اظن مالهم عذر المرور ، ذكرتي لهم الصعوبات وعطيتيهم الحلول

اعجبني مقترح رقم المرور بدال رقم الشركة :victory:

[عبدالعزيز الهتمي]

اتمنى تطالبين بتحسين نوعية الشوارع عندنا والتشديد على اصدار رخص السياقه وعقب تطالبين على راحتج بمخالفة الناس لكن على هالوضع محد ينلام لانه الوضع ينرفز

[دااانة قطر]

اي واحد يشوف شاحنه مسرعه يسجل رقمها ويتصل بالمرور



اتصلت مرة عالمرور اشتكي على وااحد وااقف في موقف في السد يقول لي الموقف محجوز قلت له لمين قاال لرفيجي انتظره قلت له هذا شي جديد توقف في نص الموقف تنتظر رفيجك المهم حااولت معااه والأخ مب معبرني ويطلب مني اللي رد علي اعطيه التليفون والرجال مايبي يرد عليهم المهم عن حسااب بيطرشون لي اقرب دوريه لين جا رفيجه بعد اكثر ممن ربع سااعه وانا مصممه عالموقف المهم ويتصلون لي الشرطه ويسألوني وين واقفه بالضبط اكثر من مره اخر شي الاخ تعب معاااي ودور له موقف ثااني وصفيت الا متصلين علي الشرطه بعد نص سااعه الا يقولي لي الحين تطالبينه شي :rolleyes2::eek5:

المهم سكرت الخط ونزلت وخلصت مشواري

وفي رمضاان وانا طاالعه من دواامي الا اشوف سياره جدام سياارتي يعني مقدر اطلع من الموقف حشرت المكاان وانا اهرن الاصاحب السياره مب راضي يطلع جان ادق على المرور ونفس الشي ياخذون البياانات وفي الطريق وووووووووووو لين بعد نص ساعه ينزل واحد وبكل ثقه يقول هذا الموقف لي قلت له وين اللافته قال مب لازم لاافته المهم ان المرور ماوصلوا وانا طلعت بعد سااعة الا ربع من الموقف :rolleyes2::eek5:
وعندي موااقف واايد بس هالاثنين ماقدر انسااهم:anger1:

[bos3eed]

اخاف انتي اللي تمشين على بيض وعلى بالج الشاحنات مسرعه, مابقى الا انج تقترحين انهم يخلون حدود السرعه في الشوارع 30, علشان ديرتنا تكون بامن وامان

[حسن]

بينظبط المرور اذا نمت الثقافة واحترام الغير ...

المفروض كل شخص يكون شرطي مرور على نفسه ومايسمح لنفسه هضم حقوق الآخرين بارتكاب مخالفة في طريق الكل يستخدمه....

صدقت ياانشتاين الثقافه

افضل رد في الموضوع الثقافه هي المفقوده
انا اليحين في برشلونا ماعمري شفت رادارات على الاشارات ولا شرطي مرور واحدمعقوله وهنا من كثر الكيمرات ماتقول كانا دوله بوليسيه
حتى في التاكسي لف واحد عليتا وضرب السواق بريك وخلاه طوف ولا سبه ولا غصب ولا تكلم بكلمه شنو التسامح اللي عندهم حتي بنتي تقول يبا لو عندي في الدوحه شكان بيصير قلت كان شفتي جون سينا في الشارع ولا سب الى يوم السب
معقوله ماتتعلمون النظام من برع هل قطر مايقرون كله مسافرين زين تعلمو من هل البشر

انا قررت اذا رجعت اشيل الهرن واقطه برع

شلون الناس ملتزمه بطابور في كل مكان وانت في مركز سلوى يوم الخميس الناس يتطامرون عليك

الصراحه صدمه لي

[ابوحشر]

:):):):)


صدقت ياانشتاين الثقافه

افضل رد في الموضوع الثقافه هي المفقوده
انا اليحين في برشلونا ماعمري شفت رادارات على الاشارات ولا شرطي مرور واحدمعقوله وهنا من كثر الكيمرات ماتقول كانا دوله بوليسيه
حتى في التاكسي لف واحد عليتا وضرب السواق بريك وخلاه طوف ولا سبه ولا غصب ولا تكلم بكلمه شنو التسامح اللي عندهم حتي بنتي تقول يبا لو عندي في الدوحه شكان بيصير قلت كان شفتي جون سينا في الشارع ولا سب الى يوم السب
معقوله ماتتعلمون النظام من برع هل قطر مايقرون كله مسافرين زين تعلمو من هل البشر

انا قررت اذا رجعت اشيل الهرن واقطه برع

شلون الناس ملتزمه بطابور في كل مكان وانت في مركز سلوى يوم الخميس الناس يتطامرون عليك

الصراحه صدمه لي

[مونتانا]

نحتاج مدير للمرور جديد المدير الحالي لايملك روؤية ولاستراتيجية واضحة للمرور (ضايع)
لاحظوا تصريحاته وخاصة اليوم انا سمعته ، مثلا وحدة من المتصلات تقوله سوا شي حق السيارات اللي تتجاوز من اليميين بين دوار الرادار ودوار كلية شمال الاطلنطي تقول الحصى يتطاير علينا وانا أأكد كلامها لاني استخدم نفس الطريق ، يرد الاخ ويقول بندرس الموضوع معا اشغال ههههههه .
انا اعتب على وزير الداخلية اللي مب قاعد يسوي شي حق المرور وحنا قاعديين نعاني يوميا. والله يعز علينا لما نشوف دول مجاورة لديها شوارع واسعة ومراقبة على السائقين وتطبيق صارم للقانون.
انا صريح يزعل من يزعل ويرضى من يرضى. البلد اهم

[إينشتاين]

صدقت ياانشتاين الثقافه

افضل رد في الموضوع الثقافه هي المفقوده
انا اليحين في برشلونا ماعمري شفت رادارات على الاشارات ولا شرطي مرور واحدمعقوله وهنا من كثر الكيمرات ماتقول كانا دوله بوليسيه
حتى في التاكسي لف واحد عليتا وضرب السواق بريك وخلاه طوف ولا سبه ولا غصب ولا تكلم بكلمه شنو التسامح اللي عندهم حتي بنتي تقول يبا لو عندي في الدوحه شكان بيصير قلت كان شفتي جون سينا في الشارع ولا سب الى يوم السب
معقوله ماتتعلمون النظام من برع هل قطر مايقرون كله مسافرين زين تعلمو من هل البشر

انا قررت اذا رجعت اشيل الهرن واقطه برع

شلون الناس ملتزمه بطابور في كل مكان وانت في مركز سلوى يوم الخميس الناس يتطامرون عليك

الصراحه صدمه لي


والله ياخوي حسن ربعنا يعرفون النظام عدل وهم في المانيا وفرنسا وامريكا بس !! هناك تلقاه مربط روحه بالحزام ولو وقف في طابور ان شاءالله عشره كيلو مستحيل يتجاوز غلط وتلقاه تحت لمت السرعة بعشرين كيلو بس اذا ردوا بالسلامة نسوا النظام واتبعوا سياسة من سبق لبق واللي تكسب به العب به...

[الصغيره]

مسكين مدير المرور ما يسوا عليه!!!!

أختي مسكي الخط اليمين او الوسط وامورج طيبة

اما ديرتي الحيوية والسيارات تطير هذي تذكرنا في بومبو@@

:)

ابي اشوفه بشارع الصبح ابي اشوف مدير المرور مابين الدوار المايل ومؤسسة قطر او بين الدوار المايل وسوق لعلي والله بيقول معك حق يالصغيره باصات تتحدى سيارات الشباب شوي ويمشي على تايرين والمساكين العماله نايمين وش فيها لفرضوا على النقل هذا لافته كيف ترى سواقتي وكل مخالف خذوا عليه مخالفه


ومساء الخير بو حارب

[الصغيره]

ماتخلي سوالفك بوحارب ههههه

اختي الصغيرة

يختي خل الرادارات بحالها كفاية الشعب مب مرتقع من هالمخالفات

اقترحي حل ثاني افضل من تغيير اماكن الرادارات لانها ما حلت المشكلة

اجل نموت يخويتي ؟؟

الا يغيرونها خليهم يحطون حد لهذا التسابق الجنوني


مساء الفل اختي الطيبه وشكرا للمشاركه

[الصغيره]

تدرون متى بينضبط المرور
لما ترجع له هيبته الى الكل يخاف منها

ماراح ينضبط بالردارات ولا المخالفات ولا استحداث سيارات الدوريات
ولا كل الامور الحاصلة الأن

بس نبي هيبة المرور ترجع

اي والله ياخوي رحال

كلامك عين العقل الحين حتى رجل المرور مسكين بوسط الشارع يمكن يعرض نفسه للخطر من سرعتهم

اجل الحين واحد يشتكي على واحد غلطان عليه بالشارع يقولون لهم بالمركز تسامحوا كيف يتسامح بحياته

عجيبه والله

مساء الخير وشكرا لك على التواجد والرد الطيب

[الصغيره]

بينظبط المرور اذا نمت الثقافة واحترام الغير ...

المفروض كل شخص يكون شرطي مرور على نفسه ومايسمح لنفسه هضم حقوق الآخرين بارتكاب مخالفة في طريق الكل يستخدمه....

:nice:

صح لسانك ياخوي

[الصغيره]

لازم مدير مرور جدييييييييييييييييييييييييييييييد
تعبنا من الشاحنات المخالفه والاستعراض الليلي ونتصل في العمليات وخبر خير

لا حياة لمن تنادي

واذا قابلت مدير المرور وشكيت له الحال ماعطاك اي اهميه قام يغير السالفه

صح نبي ضخ دماء جديده وافكار جديده وناس تمشي القانون المرور ي على كل مستهتر وترده للحق

مساء الفرح شبيه الريح

[الصغيره]

بصرااحه بااصات كروة والشااحنات فلم رعب اذا كاانوا جنبك

احس الهنود ولاسيوين يطبقون الافلام اللي يشوفونها بالتسابق

اي والله فلم رعب ويمكن يوقف قلب الواحد وهو يشوفهم ولا بيده حيله


دااانه قطر يسعد لي مساك

[الصغيره]

اي واحد يشوف شاحنه مسرعه يسجل رقمها ويتصل بالمرور

يتصل وبعدين

تعال واشهد واحلف واقسم ورح وتعال

رجل المرور

الرادارات تتغير مواقعها

الكيمراااات

هي الحل

ومن فيه شده لتسجيل الرقم والحضور المركز للتبليغ جزاه الله خير يكون سوى خير كبير وله اجر


شكرا لردك لطيب ويارب يحفظك ويحفظنا من كل شر

[الصغيره]

كفيتي ووفيتي اختي

اظن مالهم عذر المرور ، ذكرتي لهم الصعوبات وعطيتيهم الحلول

اعجبني مقترح رقم المرور بدال رقم الشركة :victory:

حياك الله اخوي وتسلم على الرد الطيب وهذا هو الواقع يكفي واحد بس يوقف الصبح ويترك لكيمرته التصوير راح يوقف على مشاهد فعلا مرعبه

ومساك الله بالخير والفرح

[الصغيره]

اتمنى تطالبين بتحسين نوعية الشوارع عندنا والتشديد على اصدار رخص السياقه وعقب تطالبين على راحتج بمخالفة الناس لكن على هالوضع محد ينلام لانه الوضع ينرفز

اخوي عزوز الهتمي

اشكرك على تواجدك واحترم وجهة نظرك لكن ياخوي ردء شر خير من الصمت والله يعينا على التحكم باعصابنا امام استهتار من قبل ناس يوضوعون خلف مقود السياره ويفك له راسه ناسي ان الشارع مش ملك لابوه او ملك لصاحب الشركه يتاخرون ثم ينطلقون بسرعه جنونيه لتوصيل من معهم ايش ذنب اللي طالع من بيته بامان الله يقضى عليه من فئه طائره


دمت بخير وفي خير ومساك كله خير باذن الله

[الصغيره]

اخاف انتي اللي تمشين على بيض وعلى بالج الشاحنات مسرعه, مابقى الا انج تقترحين انهم يخلون حدود السرعه في الشوارع 30, علشان ديرتنا تكون بامن وامان

اسمح لي اخوي ردك على مستواك

فشكرا لك والواقع رح شفه بعينك مش تدخل الموضوع ولا تحترم من فيه ولا حتى ترتقي بردك

مساك ان شاء الله كله خير

[الصغيره]

صدقت ياانشتاين الثقافه

افضل رد في الموضوع الثقافه هي المفقوده
انا اليحين في برشلونا ماعمري شفت رادارات على الاشارات ولا شرطي مرور واحدمعقوله وهنا من كثر الكيمرات ماتقول كانا دوله بوليسيه
حتى في التاكسي لف واحد عليتا وضرب السواق بريك وخلاه طوف ولا سبه ولا غصب ولا تكلم بكلمه شنو التسامح اللي عندهم حتي بنتي تقول يبا لو عندي في الدوحه شكان بيصير قلت كان شفتي جون سينا في الشارع ولا سب الى يوم السب
معقوله ماتتعلمون النظام من برع هل قطر مايقرون كله مسافرين زين تعلمو من هل البشر

انا قررت اذا رجعت اشيل الهرن واقطه برع

شلون الناس ملتزمه بطابور في كل مكان وانت في مركز سلوى يوم الخميس الناس يتطامرون عليك

الصراحه صدمه لي

ياااااه

وين حنا والثقافه شف رد ابو سعود حتى تعرف ثقافة بعضنا ياخوي

الصراحه وش نقول الحمد لله ونتمنى نتمنى ان يكون هناك حلول وسريعه لانها تتعلق بحياة الناس لو هي مشاكل خاصه او موؤقته مثل شارع وتصليح وغيره بنصبر لكن معضله تستفحل كل يوم وتنثر اثارها علينا وقد نخرج من منازلنا ولا نرجع لها بسبب استهتار واهمال من جانب السواقين او ادارة المرور

اسعدني وجودك وردك وطاب مساك بكل خير

[معماري قطري]

وشيسوي رقم المرور وشيسوي المرور؟

انتي إختي تتكلمين عن طيران الباصات على شوارع عامة .. انا باخبرج بطيران باصات كروه منها الصغير والكبير في الفرجان وأول الصبح .. عند بيتي مدرستين من اللي يبنون في الحوش بنيان غش وحديد ومحد يقدر يشرد وقت الحريق .. والباص يجي كل يوم مسرع جدام باب بيتي الظاهر ياخذ المشرفة معاه ويروح يجيب الطلاب من بيوتهم .. الكلام هذا الساعة 6 إلا ثلث أو ربع صباحاً والشمس توها تطلع ويمر مسرع جدام بيتي في شارع ضيق وحول الشارع تقاطعات كثيرة تطلع منها سيارات قليلة هذا الوقت.

الحل اللي المفروض يسونه يحطون دوريات في الأحياء السكنية يضبطون كل المسرعين من كل الفئات ويتحاسب الشخص في وقته علشان يكون عقاب رادع .. ودوريات المفروض مخفية شرطة مدنية يعني.

[معماري قطري]

نحتاج مدير للمرور جديد المدير الحالي لايملك روؤية ولاستراتيجية واضحة للمرور (ضايع)
لاحظوا تصريحاته وخاصة اليوم انا سمعته ، مثلا وحدة من المتصلات تقوله سوا شي حق السيارات اللي تتجاوز من اليميين بين دوار الرادار ودوار كلية شمال الاطلنطي تقول الحصى يتطاير علينا وانا أأكد كلامها لاني استخدم نفس الطريق ، يرد الاخ ويقول بندرس الموضوع معا اشغال ههههههه .
انا اعتب على وزير الداخلية اللي مب قاعد يسوي شي حق المرور وحنا قاعديين نعاني يوميا. والله يعز علينا لما نشوف دول مجاورة لديها شوارع واسعة ومراقبة على السائقين وتطبيق صارم للقانون.
انا صريح يزعل من يزعل ويرضى من يرضى. البلد اهم

صادق المرور نايم في العسل

[الصغيره]

وشيسوي رقم المرور وشيسوي المرور؟

انتي إختي تتكلمين عن طيران الباصات على شوارع عامة .. انا باخبرج بطيران باصات كروه منها الصغير والكبير في الفرجان وأول الصبح .. عند بيتي مدرستين من اللي يبنون في الحوش بنيان غش وحديد ومحد يقدر يشرد وقت الحريق .. والباص يجي كل يوم مسرع جدام باب بيتي الظاهر ياخذ المشرفة معاه ويروح يجيب الطلاب من بيوتهم .. الكلام هذا الساعة 6 إلا ثلث أو ربع صباحاً والشمس توها تطلع ويمر مسرع جدام بيتي في شارع ضيق وحول الشارع تقاطعات كثيرة تطلع منها سيارات قليلة هذا الوقت.

الحل اللي المفروض يسونه يحطون دوريات في الأحياء السكنية يضبطون كل المسرعين من كل الفئات ويتحاسب الشخص في وقته علشان يكون عقاب رادع .. ودوريات المفروض مخفية شرطة مدنية يعني.

لا حول ولاقوه الا بالله

الله يعينك ياخوي على وجع القلب كل صبح وين بنلقاهالنلقاها من هنود تعبرالطريق بدون انتباه من باصات كروه الطائره من النقل الطائر من الشاحنات اللي ما تهتم بقانون حتى بالدوار من عشرة ايام شاحنه داخله على مواطن بدوار الفروسيه وصاكه بسيارته ومدخلته وسط الدوار يعني سايقها الغلطان والله سلمه وفي الحديد ولا فيه

شو نقول وايش نسوي مادام صاحب الشان اللي هو المرور ماحد بح مكتفي بكم رادار ثابت ومعروف

شكرا لك اخوي على المداخله الثريه

وصباحك خير باذن الله

[الصغيره]

صادق المرور نايم في العسل

:nice:

[حميداني]

والله ما أدري شاقول , شيزخون وشيهدون هالمرور

الشاحنات هذي مؤقته وهي لاستعداد الشوارع لالفين 2022 اما الباصات فضغطها بيخف بعد المترو ان شاءالله
المسأله مسالة وقت ان شاءالله

الحين ما لج الا تنظمين لهم

http://www.devin-bg.com/en/img/product_range_redbull.png

حياج

[jeep-srt8]

شرايكم من فترة قرية شايف ناقلة وقود فيها بترووووووووووووووووووووووووووووول
يزرق بين المواتر !!!!!!!!!!!!!!!!!!!!!!!!!!!!!!!!!! مب يمشي 80 ف اليمين ولازم اخف

لا 100 ويزرق !!!!!!!!!!! انزين هاي لو حكه هندي تتوقعون يصير ذاك الشي لاسمح الله ؟ّّّّّ

[مضارب دوسري]

فالشركه عندنا لما كنا نروح ونرجع بالباصات
لما يعدي الباص سرعة 80 كيلو متر فالساعه
يطلع للسايق ليت احمر لمدة خمس ثواني وبعدها يجيه تحذير من السيكيوريتي عالجهاز واذا ماخفف السرعه بعدها يقولون له باي باي قطر

[حميداني]

^

هذا هو الراي

أحسنت بارك الله فيك , لو لكل باص وكل شاحنه من كل مؤسسه ما يسمح له بالمرور الا بعد ما يتركب به هالجهاز
بنكون بخير من ناحية السرعه وهالجهاز يتصل بالمرور على اساسها ان اظهرت هالعلامه لسرعه فوق 80
لمده زمنيه كدقيقتين تفرض عليه مخالفه

لان حتى راعي الباص احيان يجد نفسه مجبور يسرع لتفادي حادث او اي شي فلازم انحط هالشي بعد في الصوره

لا فعلاً هالفكره جداً حلو ويا ليتها تشوف النور عندنا

[Qatar-Qa]

انه اقترح وضع شريحه تعقب بشكل اجباري لكل باصات نقل العمال والشركات مع تجديد الاستماره
ويكون مصدر تعقبها المرور بحيث لو زاد السواق مثلا السرعه لمده معينه يوصل للمرور وبالتالي تتخالف الجهه اللي يشتغل فيها هالسواق
هالحل سهل ومب غالي لان اسعار القطعه هذي رخيصه في الخارج واتوقع طريقه تطبيقها بتكون اسهل


وفي اقتراح ثاني عندي وهو :
اجبار الباصات وسيارات النقل الكبيره بالمسار الاييييمن ومايطلعون من المسار الايمن ولا يتجاوزون (( بالتحديد في 22 فبراير ))
والله لو يطبق هالاقتراح بتتحسن الاوضاع عن قبل في هالشارع بالذات لان الباصات وسيارات النقل الكبيره مالهم أأأأي حاجه او داعي عشان ياخذ له مسار غير الايمن حتى المخارج كلها على اليمين فليش ما يتم اجبارهم بقانون يحمينا من تهورهم وتسابقهم !!

[لاجل QT]

بخصوص سرعة الشاحنات

مافي الا هالاقتراح

ان تثبت سرعة جميع الشاحنات على الحد الاقصى وهي 80 كيلو..يعنى العداد مافي سرعة غير هالسرعة

وبس

[بو علاوي]

سواقين شاحنات وقود مايهمهم شي..اقسم بالله يسرعون اكثر من السيارات الخاصة ...والمشكلة اذا صار شي لاسمح الله وانقلب التنكر تصير كارثة

[معماري قطري]

سواقين شاحنات وقود مايهمهم شي..اقسم بالله يسرعون اكثر من السيارات الخاصة ...والمشكلة اذا صار شي لاسمح الله وانقلب التنكر تصير كارثة

على علمي جميع سواقينهم قطريين من اللي ماكملوا دراستهم.

[حميداني]

بخصوص سرعة الشاحنات

مافي الا هالاقتراح

ان تثبت سرعة جميع الشاحنات على الحد الاقصى وهي 80 كيلو..يعنى العداد مافي سرعة غير هالسرعة

وبس

هالاقتراح احسن لانه اسهل للتطبيق وجداً عملي

[مساهم فنان]

من حوالي 4 سنوات كنا نشوف الشرطة في بعض الشوارع الرئيسية ، الحين ما نشوف حد...
لابد من حلول لفوضى الشوارع الكل يمشي على كيفه ... تعجبني لندن في كل زاوية وشارع وسكة رادار. وشرطة. لصك المخالفين مخالفات.

[الصغيره]

والله ما أدري شاقول , شيزخون وشيهدون هالمرور

الشاحنات هذي مؤقته وهي لاستعداد الشوارع لالفين 2022 اما الباصات فضغطها بيخف بعد المترو ان شاءالله
المسأله مسالة وقت ان شاءالله

الحين ما لج الا تنظمين لهم

http://www.devin-bg.com/en/img/product_range_redbull.png

حياج

:(

:weeping:

بكره المترو بعد يمكن يطير مثل هذولا

الله يستر بس ويحفظ

شكرا للمشاركه والمرور

[الصغيره]

شرايكم من فترة قرية شايف ناقلة وقود فيها بترووووووووووووووووووووووووووووول
يزرق بين المواتر !!!!!!!!!!!!!!!!!!!!!!!!!!!!!!!!!! مب يمشي 80 ف اليمين ولازم اخف

لا 100 ويزرق !!!!!!!!!!! انزين هاي لو حكه هندي تتوقعون يصير ذاك الشي لاسمح الله ؟ّّّّّ

والله انك صادق شوف عيني ماحد قالي ولو ستر الله كان صارت كارثه عند دوار اللي قبل دوار التلفزيون وانت بالمرخيه استغفر الله مسرع سرعه حتى قلت مش صاحي ابد

لكن وين الرادع مابه رادع


شكرا لتواجدك واضافتك الطيبه

[الصغيره]

فالشركه عندنا لما كنا نروح ونرجع بالباصات
لما يعدي الباص سرعة 80 كيلو متر فالساعه
يطلع للسايق ليت احمر لمدة خمس ثواني وبعدها يجيه تحذير من السيكيوريتي عالجهاز واذا ماخفف السرعه بعدها يقولون له باي باي قطر

لان الشركه خايفه على موظفيها وانتاجيتها لكن اللي بيقتلون الناس بالشوارع ايش عليهم الا ببتان وهنود ما يعطون حتى ساعه اكل او افطار الوقت يحكمهم الكل طاير

شكرا لك

[الصغيره]

^

هذا هو الراي

أحسنت بارك الله فيك , لو لكل باص وكل شاحنه من كل مؤسسه ما يسمح له بالمرور الا بعد ما يتركب به هالجهاز
بنكون بخير من ناحية السرعه وهالجهاز يتصل بالمرور على اساسها ان اظهرت هالعلامه لسرعه فوق 80
لمده زمنيه كدقيقتين تفرض عليه مخالفه

لان حتى راعي الباص احيان يجد نفسه مجبور يسرع لتفادي حادث او اي شي فلازم انحط هالشي بعد في الصوره

لا فعلاً هالفكره جداً حلو ويا ليتها تشوف النور عندنا


فعلا حل رااائع لكن متى بينفذ

شكرا للمشاركه لطيبه

[الصغيره]

انه اقترح وضع شريحه تعقب بشكل اجباري لكل باصات نقل العمال والشركات مع تجديد الاستماره
ويكون مصدر تعقبها المرور بحيث لو زاد السواق مثلا السرعه لمده معينه يوصل للمرور وبالتالي تتخالف الجهه اللي يشتغل فيها هالسواق
هالحل سهل ومب غالي لان اسعار القطعه هذي رخيصه في الخارج واتوقع طريقه تطبيقها بتكون اسهل


وفي اقتراح ثاني عندي وهو :
اجبار الباصات وسيارات النقل الكبيره بالمسار الاييييمن ومايطلعون من المسار الايمن ولا يتجاوزون (( بالتحديد في 22 فبراير ))
والله لو يطبق هالاقتراح بتتحسن الاوضاع عن قبل في هالشارع بالذات لان الباصات وسيارات النقل الكبيره مالهم أأأأي حاجه او داعي عشان ياخذ له مسار غير الايمن حتى المخارج كلها على اليمين فليش ما يتم اجبارهم بقانون يحمينا من تهورهم وتسابقهم !!
:nice::nice::nice::nice::nice::nice::nice:

ياااااااليت


شكرا للمرور والتواجد والاقتراح الرائع

[الصغيره]

بخصوص سرعة الشاحنات

مافي الا هالاقتراح

ان تثبت سرعة جميع الشاحنات على الحد الاقصى وهي 80 كيلو..يعنى العداد مافي سرعة غير هالسرعة

وبس

وجهة نظر معقوله لكن بعد بتبقى قاصره على تفادي الحوادث خاصه لما تكون سياره محمله بماده سريعة الاشتعال


اسعدني تواجدك شكرا لك

[الصغيره]

سواقين شاحنات وقود مايهمهم شي..اقسم بالله يسرعون اكثر من السيارات الخاصة ...والمشكلة اذا صار شي لاسمح الله وانقلب التنكر تصير كارثة

الله يستر

الواحد لازم يجيب كيمرى ويصير يصور ويوثق لكن من مهتم بهذا الا المرعوبين مثلي



اسعدني تواجدك شكرا لك

[الصغيره]

من حوالي 4 سنوات كنا نشوف الشرطة في بعض الشوارع الرئيسية ، الحين ما نشوف حد...
لابد من حلول لفوضى الشوارع الكل يمشي على كيفه ... تعجبني لندن في كل زاوية وشارع وسكة رادار. وشرطة. لصك المخالفين مخالفات.

اي والله صدقت فوضى مالها اول ولا تالي




اسعدني تواجدك شكرا لك

[.. الكاش ..]

والله الجماعه شادين حيلهم بس المخالفات لابد منه لزياده عدد المشاريع وغيره وموضوع كروه بالفعل مالهم حل سواقتهم دايمن برعونه واااااااااااااااااضحه يجب على اداره كروه اتخاذ اجرئات رادعه بتجاه المخالف

[حسن]

تعالي شوفي الباصات شلون يمشون ولا رادارات على الكيمرات ولا دوريه ول كل شوي نزل شرطي يخالفون بس
صحيح ناس مثقفه