بخصوص كلمه صارت منتشره ( ما احلل )

[مرت محمد]

انتشرت في الاونه الاخيره في المنتديات والبلاك بيري من يقوم بارسال رساله يطلب من المتلقى ان ينشرها ويقوم بالتهديد في اخر الرساله لا احلل من لم يرسلها

استغفر الله العلي العظيم

او وحده من البنات تحط صوره شنطه او طبخه او موديل لفستان وتقول لا احلل من ياخذ الصوره

استغفر الله العظيم الهذه الدرجه وصلنا من نكون نحن البشر عشان نحلل او مانحلل


الله سبحانه وتعالى هو من يحاسب البشر ولسنا نحن ووصل للبعض انه يهدد ويقسم انني لا احلل فلان بن فلان وين راحت القلوب النظيفه الطيبه

[غير البشر]

اختي مثل هالرسايل

او يقولون لج ارسليها لعشره وبتحصلين خبر حلوو اليوم
او اقراها خمس مرات واذا ماقريتها راح يجيك خبر مب حلووو

انا اضحك وعلى طول ديليت للرساله ههههههههههههههههههههه

[khalid Qtr]

لا وبعضهم يكتبون no save ..

طيب ليش ناشرها وحاطها ، خاصة ان بعضهم يصورون اجزاء من اجسامهم او شي

[حميداني]

حقوقهم كانت فكريه او غيرها ، ومن حقهم ان اعلنو انهم ما يحبون او يبغونها تنتشر
انها ما تنتشر

[R 7 A L]

ماجات من فراغ
جات من جهاله

[ابوحشر]

ناس فاضية ، وعقولها خالية

[ريتويت]

ناس فاضية

[الكنترول]

ناس ماعندهم شغلة

[دااانة قطر]

هههههههههه

صج فاااضين

[نور الحور]

بالنسبة للبرودكاستات اللي ينقال في آخرها ما أحلل من لم يرسلها ..فهذه تعتبر حماقة << مع إني ما جربت تجيني مثل هالرسايل ..
لأنها خبر أو معلومة أودعاء نشره بقصد معين ..وماله حق يلزم غيره بنفس الفعل ..وكان ممكن يحثهم على النشر بكلمات راقية وحلوة مثل ..(احرص على النشر عشان الأجر)..أو..( لا تخليها توقف عندك لأن فيها أجر عظيم) وغيره ..

أما اللي يحطون صور أشياء وما يحللون أخذ أو اقتباس الفكرة فهذي إذا كان تاجر أو تاجرة والتصميم من إبداعهم فهو أمر مقبول لأنها حقوق ملكية فكرية وإبداعية ..لكن لو كانت صور من ربع وصديقات فأنا برد عليهم : ( لو ما تبين ينتشر كان ما نشريته وظهرتي الصورة ..!) .. إلا في حالة وحدة ..لو صديقتي ترويني شي خاص فيها وتعتبره سر بيني وبينها فهذا موضوع ثاني ..

وأختي مرت محمد .. أعتقد المقصود مو التحليل والتحريم على نحو الفتوى .. المقصود هو أن هذا الشخص لا يحلل من قام بالنشر في حقه يوم القيامة .. وليس معناه الحل أو الحرمة للشيء نفسه ..
مشكورة على الموضوع :)

[نوار قطر]

اي وااايد توصلني هالخرابيط بس ولا مره رجعت طرشته انا مااحب هالسوالف اللي بيطرش شي بيطرش من خاطره مب ايووون ناس ويقعدون يحلفوونا ويأمنونا على هالاشياء باختصارر دليت على طول :thumbdown: