ليش ماتكون مخالفة الشرطي مضاعفه عن اي مواطن اخر

[مضارب دوسري]

السلام عليكم ورحمة الله وبركاته

موقف استفزني واكيد انكم تشاهدونه كل يوم

ان ارى شرطي صف ضباط بسيارته المدنيه يعدي يمين
موقف استفزني
ان ارى شرطي بسيارته المدنيه مب لابس حزام الامام

موقف قهرني
ان اعرف واحد يعمل فالمرور مخالفاته كل سنه فوق ال10000 ريال ونقاطه تعدي ال15
وفي اخر السنه مايدفع ولا ريال لانه يعرف فلان وشال عنه المخالفات والنقاط
(وانا اقصد هنا المخالفات غير الرادار يعني مخالفة فوق الرصيف ومخالفه موقف معاقين ومخالفة الحزام والتجاوز من اليمين يعني كل المخالفات ماعدا اللي فيها رادار )

ليش المواطن غصب من ورى خشمه يدفع المخالفات ويتحاسب اذا عدى يمين ويتحاسب على الحزام

وفي نفس الوقت الشرطي اللي المفروض يكون قدوه للمواطنين يفعل مثل المخالفات بلبسه العسكري اثناء ذهابه للدوام او عودته للبيت

اذا يفعل هالمخالفات وهو بلبسه العسكري اجل شلون وضعه بملابسه المدنيه

اتمنى من وزارة الداخليه ان تضاعف المخالفات على اي شرطي سواء كان بلبسه المدني او العسكري
لانه المفروض يكون قدوه للمواطنين

او عالاقل يجبر كل شرطي انه مايلبس الزي العسكري الا عند وصوله للدوام وبعد انتهاء الدوام يلبس لبس مدني قبل مغادرته المركز حفاظا على الزي العسكري اللي يمثل وزارة الداخليه


ملاحظه
وش راح يقول الاجنبي او المقيم او الزائر عن الشرطه في حال شاف مثل الموقف اللي شفته
يا اخوان انا ماعندي مشكله بمخالفات الشرطي
ولكن القهر ان تشوف الزي اللي له مكانه في قلب كل مواطن ومقيم يقلل من احترامه من من؟
من الشرطه انفسهم هذا هو القهر
كيف تسوون توعيه وفي نفس الوقت منتسبيكم او موظفيكم يفعلوا هذه المخالفات امام الجميع
وين هيبة الزي العسكري ؟



وشكرا

[مضارب دوسري]

والحل الافضل هو احد الخيارين اللي ذكرتهم
اما مضاعفة المخالفه على الشرطي ومايحق لاي شخص انه يشيل المخالفه الا وزير الداخليه او احد مساعديه

والحل الثاني
انه يتم اجبار اي شرطي انه يلبس الزي العسكري في مكان عمله فقط

وهذا هو اضعف الايمان

[زهرة بنفسجية]

:nice:جبتها صح

دائما اسأل نفسي هالسؤال ليش شرطي المرور ما يتخالف

مرة كنت عند الدوار و زحممممه خانقه كان الدوار
و اشوف سيارة الشرطة عند الدوار من بعيد اقول ياربي شرطة موجودة و هالزحمه!!!!!!

لما قربت لقيت الشرطي بالسيارة نااايم:secret:

:(:(

و مرات اشوف شرطة عند الدوار المفروض انهم يمشون السير
اشوفهم يطالعون السيارات !!!!!! و بس ..........

و الزحمه قاتله

طبعا حالات فرديه و لا نعمم
لكن فعلا هم اول من يتحاسب المفروض

[مضارب دوسري]

:nice:جبتها صح

دائما اسأل نفسي هالسؤال ليش شرطي المرور ما يتخالف

مرة كنت عند الدوار و زحممممه خانقه كان الدوار
و اشوف سيارة الشرطة عند الدوار من بعيد اقول ياربي شرطة موجودة و هالزحمه!!!!!!

لما قربت لقيت الشرطي بالسيارة نااايم:secret:

:(:(

و مرات اشوف شرطة عند الدوار المفروض انهم يمشون السير
اشوفهم يطالعون السيارات !!!!!! و بس ..........

و الزحمه قاتله

طبعا حالات فرديه و لا نعمم
لكن فعلا هم اول من يتحاسب المفروض

هلا اختي
موضوع الازدحام وتسهيل حركة المرور في هالشي مب مقصرين والله
خصوصا ان في الصيف يكون تحت اشعة الشمس فقط لتسهيل حركة السير
انا موضوعي بعيد عن موضوع الازدحامات وتقصير احد في اداء واجبه

موضوعي عن مخالفة الشرطي بسيارته المدنيه لقوانين المرور

[لاجل QT]

واللى يكركون اثناء فترة الدورية حقتهم؟؟

سمعت ان ممنوع

[مضارب دوسري]

واللى يكركون اثناء فترة الدورية حقتهم؟؟

سمعت ان ممنوع

اي والله صدقتي
واللي موقف بسيارة الدوريه وقاعد يسولف مع ربعه ونسى انه لابس الزي العسكري

[بوعامر]

حسب حد علمي فـالعسكري
مخالفته مضاعفه حيث انه اذا خالف اي قاعده من قواعد المرور فان عليه محاكمتين مدنية وعسكرية

[مضارب دوسري]

حسب حد علمي فـالعسكري
مخالفته مضاعفه حيث انه اذا خالف اي قاعده من قواعد المرور فان عليه محاكمتين مدنية وعسكرية

اتمنى يكون صحيح والله

ولكن اعتقد المحاكمه تكون اذا كان معدي ال180 وصاده الرادار فقط

[CH Engineer]

(وانا اقصد هنا المخالفات غير الرادار يعني مخالفة فوق الرصيف ومخالفه موقف معاقين ومخالفة الحزام والتجاوز من اليمين يعني كل المخالفات ماعدا اللي فيها رادار )

يشيلون الرادار بعد ماعليك منهم الي يقولون مخالفة الرادار ماتنشال

[ANONYMOUS]

قصدك اي شرطي ولا رجل المرور

[R 7 A L]

يمكن عليهم محاكم داخلية
ماندري عنها

[ms-qtr]

انا مرة جفت شرطة يحذفون قراطيس المعصرة من الدريشة في الشارع

على الرغم من انه ممنوع

لاكن للأسف بعضهم فيهم استهتار وعدم احترام للزي والقانون الي يمثلونه

[حسن]

والله جبتها صح مهب رجال امن وينظر لنفسه اعلى من المدني
ويخالفون الناس لعدم امتثالهم لقوانينهم
المفروض العقوبه عليهم اشد بمرتين لانهم هم من يطبقون القانون
اقتراح يرفع لمجلس الوزراء:telephone:

[MS.TOMA]

والله هاي هي الناس اللي اهنيه
المشكله لو اقوول المواقف مع المرور مع ان اختي اهناك في التسجيل ..
وترا والله مب عشان اختي ولا مكانها
عشان دولتي قطر .. الحبيبه ..
والله لازم اني التزم بالقانون ,,, مب اخالف القانون
لو اتجوفون شلون الشعب الامريكي شنو ما كان ..
لو جاف شرطي المرور بس وراه على طول صف يمين وينزل .. وتلكلم وياخد المخالفه من غير كلام ..

بعكس اللي اهنيه ولا حد يحترم الشرطي يعرف انه مخالف و متعدي على حقوق الغير
وبكله قوه عين يكلمه بغير ادب مب الشباب حتى البنات ..

الشرطه المرور الللي في الدوريات من مواليد قطر اكثريتهم ومن جنسيات اخرى .. القهر مما عندهم ادب ولا ذوق
انا متتضرره اووكي طاحت لوحه السياره وكنت رايحه الدوام ,, الا الدوريه وراي ما وعيت الاعلى البوابه الدخله للدوام جدام الموضفين ينزل العسكري يكلمني .. بكل وقاحه لاسف ..
انا ابستم اقوله انا سيده شلون اسرعه يعني .. واهو يكلمني بكل عصبيه .. والله حرني جان اقول له عيب عليك تكلمني بهاي الاسلوب وبعدين انا سيجه شلون اسرع وبكامري .. المهم اخرجه وراح بس خقب ما احرجني في الدوام ..
والثاني لما كنت في شارع الوعب كان من الضباط ومقدم .. وكنت ابي اجوف الشارع .. بس خذيت يمين ورديت مره ثاينه ... لا جاني الضابط يقول الاستماره واليسن ..
وقلت له بتحالفني الحين ترا ما كنت ابي اتجاوز اليمين كنت اجوف الشارع ... فقط ..
ومر جدامي ... واحد لا محالفيه

[نيساني]

والله هاي هي الناس اللي اهنيه
المشكله لو اقوول المواقف مع المرور مع ان اختي اهناك في التسجيل ..
وترا والله مب عشان اختي ولا مكانها
عشان دولتي قطر .. الحبيبه ..
والله لازم اني التزم بالقانون ,,, مب اخالف القانون
لو اتجوفون شلون الشعب الامريكي شنو ما كان ..
لو جاف شرطي المرور بس وراه على طول صف يمين وينزل .. وتلكلم وياخد المخالفه من غير كلام ..

في امريكا مستحيل يوقف الا اذا طلب منه العسكري انه يوقف وومنوع ينزل من سيارته الا اذا طلب منه العسكري ولو نزل بدون اذن العسكري له صلاحية يرميه:eek5:

بعكس اللي اهنيه ولا حد يحترم الشرطي يعرف انه مخالف و متعدي على حقوق الغير
وبكله قوه عين يكلمه بغير ادب مب الشباب حتى البنات ..

الشرطه المرور الللي في الدوريات من مواليد قطر اكثريتهم ومن جنسيات اخرى .. القهر مما عندهم ادب ولا ذوق
انا متتضرره اووكي طاحت لوحه السياره وكنت رايحه الدوام ,, الا الدوريه وراي ما وعيت الاعلى البوابه الدخله للدوام جدام الموضفين ينزل العسكري يكلمني .. بكل وقاحه لاسف ..
انا ابستم اقوله انا سيده شلون اسرعه يعني .. واهو يكلمني بكل عصبيه .. والله حرني جان اقول له عيب عليك تكلمني بهاي الاسلوب وبعدين انا سيجه شلون اسرع وبكامري .. المهم اخرجه وراح بس خقب ما احرجني في الدوام ..
والثاني لما كنت في شارع الوعب كان من الضباط ومقدم .. وكنت ابي اجوف الشارع .. بس خذيت يمين ورديت مره ثاينه ... لا جاني الضابط يقول الاستماره واليسن ..
وقلت له بتحالفني الحين ترا ما كنت ابي اتجاوز اليمين كنت اجوف الشارع ... فقط ..
ومر جدامي ... واحد لا محالفيه


وبعدين الموضوع في وادي وانتي في وادي الرجال يتكلم عن تشديد العقوبه بالنسبه للشرطه لانهم قدوه:)

اما بخصوص موضوعك اخوي فأنا مؤيد لرأيك شفت شرطي مركب هدرز وصوته يبط الاذن لا ويطالع العالم شوفوني :):)


ويعطيك العافيه:)

[.. الكاش ..]

اذا العسكري خالف القواعد الجنائيه هنا ينطبق عليه محاكمتين وليس مخالفات المرور كما ادعى البعض

[ذيب ازغوى]

بال ياخوان ترى العسكري اخوكم وولد عمكم و


كل هذا الحقد عليه ليش ؟؟!!

[مضارب دوسري]

اذا العسكري خالف القواعد الجنائيه هنا ينطبق عليه محاكمتين وليس مخالفات المرور كما ادعى البعض

وشنهي القواعد الجنائيه اخوي ؟

[مضارب دوسري]

بال ياخوان ترى العسكري اخوكم وولد عمكم و


كل هذا الحقد عليه ليش ؟؟!!

شدخل اخو وولد عم يالشيخ
الموضوع بوادي وردك في وادي
لما يخالف الشرطي بزيه العسكري الي هو اصلا المفروض يكون قدوه لغيره

وفي نفس الوقت زيه العسكري يمثل ايش ؟

[جمال اليافعي]

واللى يكركون اثناء فترة الدورية حقتهم؟؟

سمعت ان ممنوع

مش ممنوع ما دام مخبر الضابط ، ترا الشرطة بشر ولهم استراحات حوالي ال 15 دقيقه .. خصوصا الفزعه.

[مضارب دوسري]

قصدك اي شرطي ولا رجل المرور

اي نعم اخوي اي شرطي او عسكري
لانه فالنهايه زيهم العسكري يمثل دولتنا

[جمال اليافعي]

انا مرة جفت شرطة يحذفون قراطيس المعصرة من الدريشة في الشارع

على الرغم من انه ممنوع

لاكن للأسف بعضهم فيهم استهتار وعدم احترام للزي والقانون الي يمثلونه

مرة ثانيه مش ممنوع في اتفاقيات بين البلدية والمعاصر انهم ينظفون قدام محالهم ، وصحيح عيب كان شرطي او مدني يحذف القراطيس بس اذا البلديه سامحه ماحد يلومهم

[مضارب دوسري]

والله جبتها صح مهب رجال امن وينظر لنفسه اعلى من المدني
ويخالفون الناس لعدم امتثالهم لقوانينهم
المفروض العقوبه عليهم اشد بمرتين لانهم هم من يطبقون القانون
اقتراح يرفع لمجلس الوزراء:telephone:

ويكون صلاحية مسح المخالفه او حذفها تكون من مكتب الوزير
لان الضباط كل واحد يضبط لرفيجه ويشيل مخالفات ربعه

[مضارب دوسري]

مرة ثانيه مش ممنوع في اتفاقيات بين البلدية والمعاصر انهم ينظفون قدام محالهم ، وصحيح عيب كان شرطي او مدني يحذف القراطيس بس اذا البلديه سامحه ماحد يلومهم

لا هذي تعتبر مخالفه
والبصق فالشارع ايضا مخالفه
ورمي اي شي من السياره فالشارع يعتبر مخالفه مروريه

[جمال اليافعي]

لا هذي تعتبر مخالفه
والبصق فالشارع ايضا مخالفه
ورمي اي شي من السياره فالشارع يعتبر مخالفه مروريه

مخالفه والبلديه نايمه

[مشاكل]

من ناحية ياخوي يالدوسري لازم يكون الشرطي الاولى والقدوة بالالتزام بقواعد المرور
ومن ناحية ثانية ،،، بعد هم بشر مثلنا يخطئون ويصيبون ونلتمس لهم العذر وبالاخص في حالة السهو والنسيان لاالتعمد والاصرار

[R 7 A L]

واللى يكركون اثناء فترة الدورية حقتهم؟؟

سمعت ان ممنوع

لازم يصومون :tease:

شدعوة
لا مؤ لهدرجة تراهم بشر مثلنا

[حميداني]

اوافق هالكلام فهو القدوه بعيون الماره
لكن بعد صحيح لازم نلتمس له العذر , يمكن كان له ظرف ولا شي فالله يعلم

لكنه المفروض ينسئل ما يترك , ان اعطى عذر بالظرف اللي معاها يترك في حاله وهذا حق
يعطيك العافيه اخوي مضارب

[أسير الأحلام]

يا جماعة هذا فساد ببعض افراد ومنتسبي وزراة الداخلية .. مرة كنت عند رامز الي عند الرمادا وكان واحد من الشباب موقف الدراجة النارية الخاصة به في الموقف الي مقابل مدخل صالة الماسة والموقف ما عليه لافتة تبين انه موقف خاصة ولا عليه رسمة تبين هذا الشي .. المشكلة وحدة من غير ذكر صفتها متعودة توقف في هالموقف ولما جات وشافت هالدراجة اتصلت بالفزعة .. طبعا الربع ما قصروا خاصة المتصلة وحدة مب واحد وهي زوجة او بنت فلان " ملياردير " .. في اقل من 5 دقايق وصلوا وحاولوا يخالفون راعي الدراجة .. طبعا ما اعرفوا يخالفونه لانه فاهم القانون وحجة بأنه ما في شي يعطيها الحق في الموقف لانه موقف عام ومب في بيتهم ولا مشار إليه بأنه موقف خاص ... المهم افراد الفزعة هددوه يا اما شيل الدراجة والا نخالفك .. الرجال شل دراجته ما يبي عوار راس .. المشكلة انهم جاوووا علشان يخالفونه على اعتبار انه موقف غلط او في موقف ست الحسن .. وما اهتموا بالسيارات الواقفة عند الخشب والمخالفة والي مضايقة على الناس وحركوا على طول .. هذا يسمى " فساد في استخدام السلطة " وهذا يذكرني بحديث الرسول عليه الصلاة والسلام الي بمعني " إذا سرق العزيز تركتموه وإذا سرق فقير اقمتم عليه الحد " ... إلى وزارة الداخلية مع التحية

[7llo]

وش تبي فيه يحط الحزام ولا يشيله كيفه الرجال كان في دوامه حاط الحزام لانه الرجال رايح يترزق اما بعد دوامه يسوي الي يبيه محد له شغل

[دااانة قطر]

انا عندي ملااحظاات عليهم بس يبي له موضوع ثااني
وصج ليش مايخاالفونهم على بعض التجااوزاات