كلام النسوان...!!!!

[ريتويت]

من كم يوم كنت اتابع برنامج عالتلفزيون وكانت المذيعه تتكلم عن موضوع يمكن يعتبره البعض سخيف او قديم او بلا اهميه. والا وهو كلام النسوان ( الحريم ) .. الي اكتشفته اخيرا ان كلام الحريم طلع كلام مهم وخطير بمعني الكلمه..وهو ان بعض الزوجات الي مايشتغلون وجالسات ببيوتهن ماوراهم غير القيل والقال والنميمه والمشاكل بين الجيران..يطلع زوجها من الدوام والاولاد بالمدرسه ومايبقي الا هي بالمنزل فشتسوي مسكينه بهالوقت .. تمسكلها وحده من الحريم وتسوي لها مشكله واول مايرد زوجها من دوامه وهو اكيد ( مشحون ومتضايق وزعلان) بتشتكي له من جارتها انها سوت وفعلت ..طبعا ماراح يتهاوش مع مرته ولا بيتهاوش مع الجاره فشبيسوي بيكلم زوجها وهكذا تحدث المشاكل!!! صراحه البرنامج هذا كان طويل وفيه عده نقاط بل حدثت مصايب وكوارث من كلام الحريم... الخلاصه من الحديث ياجماعه والنصيحه للرجل بالذات ( لو مرتك اشتكت لك علي جارتها او صديقتها او اختك او امك فلا تسمع لها ابدا هذا لايدل الا علي شجاعه منك وان عقلك مب صغير نفسها ) في مثال ضحكتني المذيعه في حديثها مثل مصري. ( الزن عالودان امر من السحر ) ادري ان في بعضكم مابيعرف يقراه ولايفهمه لكن حاولو هههه.. ولكم حريه التعليق..

[بو علاوي]

الزن عالودان امر من السحر
الزن= المبالغة في التكرار مع شوية تحريض
الودان= الاذنان
امر= عكس احلى
السحر= الشعوذة
هههههه مع تحيات طالب اعدادي

[حسن]

وفي مثل مصري يقول

دبور زن على خراب عشه

لاشيخه

[مشاكل]

هذاك أول اختي :weeping:
الحين ولله الحمد الحريم اشغلهم البلاك بيري والايباد والايفون عن الهذرة ،،،
ورب رمية من غير رامي :omen2:

[R 7 A L]

نعلق على شنو

[ajyal]

الي اكتشفته اخيرا ان كلام الحريم طلع كلام مهم وخطير بمعني الكلمه..وهو ان بعض الزوجات الي مايشتغلون وجالسات ببيوتهن ماوراهم غير القيل والقال والنميمه والمشاكل بين الجيران..


كل برنامج تبثه الفضائيات الموجهة وراءه أهداف ظاهرة وأهداف سيكولوجية مخفية.
والواضح أن البرنامج حقق هدفه على الأقل معك أنت. والهدف كما هو واضح أنه جعلك تتوهم بدون أن تتفطن أن المرأة راعية البيت غير الموظفة تسبب المشاكل ووجع الرأس لزوجها.
وستكون مناصرا قويا لخروج المرأة من بيتها وإبعادها عن تربية أولادها ورعاية زوجها منطلقا من قناعة وهمية صنعتها فيك فضائيات موجهة

[مرتبش]

مع الاخ ajyal

[مدحوب_ قطر]

والله انا اشوف ان المرأه العامله هي اكثر غيبه ونميمه وحقد بين صديقاتها
من الجالسه في البيت ، هذاك اول الجارات الحين الكل منخش عن جارة

[الصغيره]

هذاك أول اختي :weeping:
الحين ولله الحمد الحريم اشغلهم البلاك بيري والايباد والايفون عن الهذرة ،،،
ورب رمية من غير رامي :omen2:

اي والله

الحريم صارن ما يتكلمن كله بالبلاك بيري وصالونات المساج قام عزها من كثر التشنج بالرقبه من كثر التدنيق والاهمال شربه الاطفال لدرجه ان كل طفل صار يسكت بايباد او استغرام او علة زمان

[نوار قطر]

صباااح الخير

لا اختي انا مب معاج في هالشي ذاك لوّل يسوون هالحركات ولو انها بعد ماكانت تصير عندنا الا نادرا خاصة في مجتمعنا القطري بالعكس الحريم كانو يتجمعون الضحى وضحك وسوالف دنيا ،،،،علاقة نسوان الفريج في بعضهم وايد قويه وزينه ماتوصل فيهم الحركات الي ريل فلانه يهد ويتهاوش مع ريل فلانه عشان سوالف حريم ،،،،، اما الحين اغلب الحريم يشتغلوون وحتى الي ماتشتغل بعد ماتكون فاضيه حق هالسوالف ،،،

[Aaziz]

السلام عليكم



يا ريتويت (اعتقد انج بنت) اكتشافج الاول هو الصحيح


المذيعه تتكلم عن موضوع يمكن يعتبره البعض سخيف او قديم او بلا اهميه. والا وهو كلام النسوان ( الحريم )

اولا نشوف وضع الجيران ،،، فيما تفضلتي به ذكرتي ان المره الي ماتشتغل مالها الا جاراتها و و و و ،،، من في وقتنا هذا متواصل مع جيرانه ،، لو من 15 سنه بقول اوكيه ،، الجار يتعبر واحد من الاقارب ، ولكن في وقتنا هذا نادر مايعرف الجار جاره .

الامر الثاني وهو ،، كيف يروح رجل يكلم رجل اخر بسبب كلام نسوان .
تصرف غير مقبول من رجل ، اذا كان فيه اي امر بين الحريم يبقى على مستوى الحريم و يترفع الرجل عن الخوض في امور النسوان .

تعليقي ان الكلام اعلاه ماينطبق على مجتمعنا القطري تحديدا و قد يكون صحيح في بعض المجتمعات العربيه الي يعيشون فيها الجيران في شقق متقاربة . و بعد مش اكيد انه ينطبق عليهم

[العـوا]

فيه كلام نسوان وفيه كلام رجال

[راشد محمد]

النساء هم اكثر من بيدخل النار بسبب الحش والنميمة وووووووووووووووغيرها

[الخزرجي قطر]

مااعتقد النسوان الحين عندهم الي يشغلهم في بيوتهم