نصب وكالة المناعي للسيارات

[جمال اليافعي]

نصبت علي الوكالة بشكل مخزي ...


اشتريت سوبارو امبريزا اس تي أي من المناعي ، السيارة بضمان 6 شهور او 20 الف كيلو وبلعناها مع انها 2012 أصفار ، المهم قالوا لي السيرفس 1500 ولا تسرع بالموتر ، جينا لل1500 قالوا لي تعال ال 5000 ، جيتهم ال 5000 والزيت ناقص وايد قالوا لي لا سيارتك اول سيرفس 10000 ...

طرشت الدريول قلت له بدل اويل ماني بناطر المكينه تخبط بسبه قله الاويل ...

ودا الموتر على ال 6320 الحبايب دفعوه 335 ريال .... وين راح السرفس المجاني الأول ؟

يقولون بس ال 10000 مجانا ، يعني اخلي الموتر لين تخبط المكينه عشان سواد عيونهم ؟

شالمهزلة الي تصير مع المناعي ؟

عطوني حل والله ضاربه عندي حدها ومستعد اوصلها للمصنع واعفس الدنيا .

[بن غيث]

الشيخ .. السيرفيس المجاني موجود مع الضمان ومختوم عليه من الشركة .. تأكد منه وروح قابل مدير الصيانة بالوكالة .. أكيد فيه لبس في الموضوع ..

[@north_star@]

شلون سيارة وكالة والزيت ناقص !!!!!!!

[عطر فرنسي]

اتصل بوكيلهم في الامارات وخلاص

[بونووف]

اي موتر تيربو لازم الايل ينقص بعد فتره يعني اذا هم حاطين تبديل الايل كل 5000 راح يكون ناقص على 3500 ولا 4000 وماعليك الا انك اتزيده ماله داعلي تبدله .. واذا الوكاله قالوا انه اول سيرفس 10000 يعتبر هو المجاني .... بس حط في بالك عندنا ولا وكاله فاهمه عن المواتر السبورت خصوصا السوبارو يعني اكبر دليل محد عارف فيهم متى سيرفس الموتر .. تقدر تشتكي عليهم عند وكيل الشرق الاوسط واللي اتوقع راح يكون في دبي

ويعطيك خيرها ويكفيك شرها

[MAZEN37]

بكل بساطه روح على المدير اولا
بعدين شوف رده مب معقول ما يتفهم الوضع ويساعدك

[OutLaw]

دامك قطري ادفع هذا الي يبونه
ويحاولون الشركات النصب على القطرين في بلادهم
ويمشون ربعهم ... الله المستعان

وحماية المستهلك !!! صمنديقه

[نوفة قطر]

انا سيارتي من وكالة المناعي

هم فعلا سيرفسهم مجاني .. واول مره يكون بعد ما تمشي 10000

انا سيارتي كانت تطلع لي اشاره ان زيت المحرك قليل بس قالوا لي لازم ما تجيبين السياره الا في حالتين

أما تكون مشت 10000 او ... ان تكون نسبة الزيت 0

سيارتي غير عن سيارتك بس بشكل عام

سيرفس الوكاله فالصناعيه احسن من فرع الوكره بوايد كخدمه وتعامل وكل شيء

-

[بوخالد911]

اطلب مقابلة الراس العود عندهم

وابعد عن الجنسيات العربية اللي حووله


والله يووفق