[ شعور مؤلم ..!!! ]

[الزعفراني]

http://alb6ah.files.wordpress.com/2009/07/get_me_out__by_nonnetta.jpg?w=500

شعور مؤلم أن ......

أكملوا الفراغ من ابداعاتكم

[غايه الطواش]

شعور مولم اذا ماعندك خدامه :)

[آنا غيــر]

ياحبك للنكد يالجلجلاني من الصبح -_-

[آنا غيــر]

شعور مولم اذا ماعندك خدامه :)

كم مره تسافر خدامتكم ؟

توها كانت مسافره و ردت

[غايه الطواش]

شعور مولم
انك تعيش في بلاد وعيالك في بلاد :telephone:

[الزعفراني]

شعور مؤلم أن تلتفت لهم ولا تجدهم الا في عيون الآخرين

[غايه الطواش]

كم مره تسافر خدامتكم ؟

توها كانت مسافره و ردت

هالمره انا سافرت وخليت البيت بالي فيه :shy:

[الزعفراني]

ياحبك للنكد يالجلجلاني من الصبح -_-

مب نكد بس أنا أفكاري متمردة اذا ما دونتها اشردت .. :rolleyes2:

لذلك كتبت الموضوع

[الزعفراني]

هالمره انا سافرت وخليت البيت بالي فيه :shy:

منتظرين منج مذكراتج في الغربة ياحبذا تتحفينا بها بعد العودة بالسلامة

[آنا غيــر]

مب نكد بس أنا أفكاري متمردة اذا ما دونتها اشردت .. :rolleyes2:

لذلك كتبت الموضوع

مَشَللاااااه .. افكار هارون الرشيد وانا مادري -_-

[الزعفراني]

شعور مؤلم لما ركبتك تضرب في طرف الطاوله :weeping:

[غايه الطواش]

منتظرين منج مذكراتج في الغربة ياحبذا تتحفينا بها بعد العودة بالسلامة

يبيله وخاصه اني ذكرت في موضوع لك
كل الاشيا الي كان خاطري اسويها وماسويتها قاعده اسويها الحين :victory:

[الزعفراني]

مَشَللاااااه .. افكار هارون الرشيد وانا مادري -_-

يقولون الحاضر هو ثمرة أفكار الماضي .. وان الافكار تستطيع ان تؤمن السعادة و على ذلك يصبح من الضروري علينا ان نراقب افكارنا كذلك .

:shy::eek2:

[آنا غيــر]

يقولون الحاضر هو ثمرة أفكار الماضي .. وان الافكار تستطيع ان تؤمن السعادة و على ذلك يصبح من الضروري علينا ان نراقب افكارنا كذلك .

:shy::eek2:

يا خساره فيك العقرب اللي انت فيه ..

روح برج الدلو :rolleyes2:

[الزعفراني]

يبيله وخاصه اني ذكرت في موضوع لك
كل الاشيا الي كان خاطري اسويها وماسويتها قاعده اسويها الحين :victory:

توكلي على الله .. ولتكن على شكل خواطر منذ البداية وتكون مزيج من المشاعر المتباينة .. وبشكل مبسط وسرد تسلسلي .. ولا يمنع الاعتناء بالتفاصيل الصغيرة وتضخيمها من خلال تسليط الضوء عليها بالإحترافية التي اعتدنا عليها منك

:shy:

[ضوى]

مؤلم الفراق

مؤلم الاشتياق

[الزعفراني]

شعور مؤلم أن تكون عاجزا عن مساعدة الآخرين

[الزعفراني]

يا خساره فيك العقرب اللي انت فيه ..

روح برج الدلو :rolleyes2:

يقولون ليست هناك خسارة في المطلق إلا خسارة البشر، وما عدا ذلك تكون خسارة نسبية.. خسارة المال متوقعة، خسارة المنصب متوقعة، خسارة البيت ، خسارة البرج سواء برج العقرب او برج ايفل او برج الحمام في كتارا :rolleyes2:

الخسارة الحقيقة ان يخسر الانسان ذاته .. عندما يفقد الثقة بذاته وكيانه وثقته بالله وبمن يحب ما عدى ذلك الأمور طيبة واحنا بخير :shy:

[الزعفراني]

شعور مؤلم أن تصرخ وتصرخ وتصرخ ومحد يسمعك

[sweet qatar]

شعور مؤلم.. تتعود على شي وتفقده.. :(

[برشلوني قطر]

شعوور مؤلم تبي تنام وماتقدر تناام:rolleyes2:

[ريتويت]

شعور مؤلم ان الواحد يعيش وحيد فهالدنيا ومحد يسمعله الا نفسه

[حسن]

شي موؤلم تراى الظلم وماتقدر ترفعه

[intesar]

شعور مؤلم.. عندما تشعر بهذا الشعور المؤلم..

[ام ناصر1]

شعور مؤلم أن ترى الاشجار المثمرة تموت

[للصبر اخر]

شعور مؤلم عندما ترى احلامك تضيع حلم تلو الاخر

[intesar]

شعور مؤلم أن تفتقد إنسانا.. وهو معك..

[بصمة قطرية]

شعور مؤلم إنك تعيش على أمل ( مستحيل ) ..

[بصمة قطرية]

شعور مؤلم أن تصرخ وتصرخ وتصرخ ومحد يسمعك

يمكن كنت على السايلنت :secret:



سوري سوري
مجرد دُعابة :secret:






:secret:

[ام ناصر1]

شعور مؤلم أنت تكون قطا وأنت ترغب بأن تكون نمر<<<< ممنوع التعليق

[بصمة قطرية]

شعور مؤلم إن المطر يتساقط و لا تستطيع الخروج من البيت :weeping:

[نوار قطر]

شعور مؤلم اني اشوف شخص كان بقمة حيويته وقوته ويهده المرض ولا اقدر اسوي له شي

[intesar]

شعور مؤلم.. إني أبي أضحك..
ههههههههههه..

[نوار قطر]

شعور مؤلم اني اوقف عند المحل ابي اخذ منه والي معاي يقولون لي خلاص بنروح :weeping:

[بصمة قطرية]

شعور مؤلم لما تشوف شخص عزيز على قلبك يصارع المرض و إنت عاجز ما تعرف شتسوي ما تملك غير الدعاء ..

[حسن]

شعور مؤلم وانت بعيد عن بلدك

[غرِيبهـ]

شعور مؤلم عندما تعطي من كل قلبك و محد يقدرك

[ريتويت]

شعور مولم انك احب والي تحبه مايحس فيك ولايدري

[ZURICH]

شعور جميل اشعر به بعد قراءتي لمشاعركم :)

[ZURICH]

شعور جميل عندما ترسم ابتسامه على وجه من تحب

[بصمة قطرية]

شعور مؤلم إنك تحن عليهم يطلعونك في المطر و يقولون لك لا
و يخلونك و يطلعون .. :weeping:



تباً لهم .. :weeping:

[ام ناصر1]

شعور جميل أن يتساقط المطر طوال اليوم وننعم ببرودة الجو

[ريتويت]

شعور جميل لين لقيت انسان يحبك بصدق وتعيش وياه اجمل ايام عمرك بكل صفاء واحترام بدون اي مقابل

[بصمة قطرية]

شعور مؤلم و لا جميل ..!!! :secret:
حددوا موقفكم :secret:

[ريتويت]

خليه جميل افضل.. لان بالفعل محتاجين ونفتقد اجمل المشاعر

[بصمة قطرية]

حالياً ما في مشاعر جميلة ،، :(

[ريتويت]

في مشاعر جميله لكن مع الاسف من طرف واحد

[ريتويت]

مؤلم أن الإحساس والمشاعر
من الأشياء التي تموت ولا يتم
عمل لها جنازة ولا نعي بالصحف .!

[الزعفراني]

شعور مؤلم عندما تتألم ولا أحد يشعر بك

[بصمة قطرية]

شعور مؤلم أن يأتيك ما تتمنى و قد تغير الوقت و تغيرت أنت ،،

[نسناس]

شعور مؤلم اذا اكرم المرء صديقه وعق والديه

[حسن]

شعور مؤلم الواحد اسبوعين ماياكل صافي وعيش ابيض ودهن
وبصل علشان غايه تموت فيه

[R 7 A L]

شعور مؤلم تسوق صالون بعد الكروزر :weeping:

[حسن]

شعور مؤلم تسوق صالون بعد الكروزر :weeping:

هذا مايسمونه شعور مؤلم يارحال
هذا يسمونه انتحار:telephone:

[غايه الطواش]

شعور مؤلم الواحد اسبوعين ماياكل صافي وعيش ابيض ودهن
وبصل علشان غايه تموت فيه

حد مسلطك علي ؟:omen2:

[غايه الطواش]

شعور مولم البس رين شوز لين الركبه وماعرف افسخه
مشكله كل مره يصب فيها مطر:weeping:

[الزعفراني]

شعور مولم البس رين شوز لين الركبه وماعرف افسخه
مشكله كل مره يصب فيها مطر:weeping:

هههههههههههههههههههههه لا تعليق :p

[غايه الطواش]

هههههههههههههههههههههه لا تعليق :p

:anger1::anger1:

[حسن]

شعور مولم البس رين شوز لين الركبه وماعرف افسخه
مشكله كل مره يصب فيها مطر:weeping:

شو رين شوز بعد هذا :eek5:هو الجوتي الاسود الطويل اللي يلبسونه عمال المجاري الله يعزكم :)
ولا غيره:victory:

[غايه الطواش]

شو رين شوز بعد هذا :eek5:هو الجوتي الاسود الطويل اللي يلبسونه عمال المجاري الله يعزكم :)
ولا غيره:victory:

لا بالله مستلميني
لا مب هو:anger1::anger1:
جوتيي وانت بكرامه شانيل فيه وردتين :shy:

[الزعفراني]

شو رين شوز بعد هذا :eek5:هو الجوتي الاسود الطويل اللي يلبسونه عمال المجاري الله يعزكم :)
ولا غيره:victory:

هو بزاته بس ستايل :p

[الزعفراني]

شعور مؤلم ان اللي كنت تحبه بالأمس وتخلى عنك باختياره .. هو اليوم ضايع بدونك

[R 7 A L]

هذا مايسمونه شعور مؤلم يارحال
هذا يسمونه انتحار:telephone:


:weeping:
شي مؤلم

[حسن]

هو بزاته بس ستايل :p

هو الاسود مال عمال البواليع الله يعزكم
يالزعفراني
ايه تذكرت الاول لي مرينه في السوق معى ابوي واحنا صغار سوق واقف صوب محلات الجواتي كنا نستانس لم نشوفه ونحن على ابوي علشان يشتري لينا حق المطر وندش النقع في ايام الفرجان

شعور مؤلم ان الحين مانلبسه مثل الاول:)

[R 7 A L]

هو الاسود مال عمال البواليع الله يعزكم
يالزعفراني
ايه تذكرت الاول لي مرينه في السوق معى ابوي واحنا صغار سوق واقف صوب محلات الجواتي كنا نستانس لم نشوفه ونحن على ابوي علشان يشتري لينا حق المطر وندش النقع في ايام الفرجان

شعور مؤلم ان الحين مانلبسه مثل الاول:)




هو الي يجي بلاستيك لين صح ؟

شدعوة فية احد يلبس هالجواتي :eek5:

[حسن]

هو الي يجي بلاستيك لين صح ؟

شدعوة فية احد يلبس هالجواتي :eek5:

والله يارحال من كم يوم شاريه بس مهب اسود نسيت لونه تصدق شفته هني في برشلونه وتذكرت الاسود ايام الطفوله
ماخليته في خاطري قلت حق البحر

[غايه الطواش]

بس خلاص :weeping:

[R 7 A L]

والله يارحال من كم يوم شاريه بس مهب اسود نسيت لونه تصدق شفته هني في برشلونه وتذكرت الاسود ايام الطفوله
ماخليته في خاطري قلت حق البحر



شكله أحسن من البوت

لازم اشتري واحد قبل لا أسافر على الاقل اقدر امشي في الثلج وانا مرتاح

شكراً من الدوحة لين برشلونه :victory:

[الزعفراني]

لا بالله مستلميني
لا مب هو:anger1::anger1:
جوتيي وانت بكرامه شانيل فيه وردتين :shy:




هو الاسود مال عمال البواليع الله يعزكم
يالزعفراني
ايه تذكرت الاول لي مرينه في السوق معى ابوي واحنا صغار سوق واقف صوب محلات الجواتي كنا نستانس لم نشوفه ونحن على ابوي علشان يشتري لينا حق المطر وندش النقع في ايام الفرجان

شعور مؤلم ان الحين مانلبسه مثل الاول:)







هو الي يجي بلاستيك لين صح ؟

شدعوة فية احد يلبس هالجواتي :eek5:

http://2.bp.blogspot.com/-YsY1RraU3LQ/TwSkgTfWHmI/AAAAAAAADJU/9okD6xRPP3Y/s640/Chanel+rain+fashion.jpg

:whistling:

[الزعفراني]

هو الاسود مال عمال البواليع الله يعزكم
يالزعفراني
ايه تذكرت الاول لي مرينه في السوق معى ابوي واحنا صغار سوق واقف صوب محلات الجواتي كنا نستانس لم نشوفه ونحن على ابوي علشان يشتري لينا حق المطر وندش النقع في ايام الفرجان

شعور مؤلم ان الحين مانلبسه مثل الاول:)

ذكريات حلوه مع الجواتي .. عيل شكلك لحقت على جوتي الفواكه هههههه اللي بـ 11 ريال من سوق واقف .. كله العمال والبنايين يلبسونه

[بصمة قطرية]

شعور مؤلم أن تشتاق لمن رحلوا عن الدنيا ..
تشتاق و تعلم لا نهاية لشوقك ،،







( الله يرحمج يا يمه )

[نور الحور]

شعور مؤلم نشوف المجاعات والحروب واحنا ما نقدر نعمة إن في بلادنا احنا آمنين مطمئنين :(

شعور مؤلم لما تكون مشغول بإنجاز جدولك اليومي اللي فيه مليون شغلة تبي تخلصها وماتحس إنك قاعد تضيع أحلى اللحظات اللي ما راح تتكرر ..وتلقى سنوات من عمرك راحت بدون ما تحس :weeping:

[الزعفراني]

شعور مؤلم تلقاه يتبرع للمحتاجين ويسوي مشاريع خيرية وبنفس الوقت مش مواظب على صلاته

[ZURICH]

شعور مؤلم وحار جدا لما اطلب من مطعم هندي واقول لهم سباااااايسي

[الزعفراني]

شعور مؤلم تشوف رجل طاعن في السن في السوق يجر وراه 5 بنات في عمر الزهور

[sweet qatar]

^
الزعفراني وين الألم في المشهد الي شفته..؟؟!! بالعكس حلوووو..



شعور مؤلم لما اشوف الشخص وابي اقوله شي طول بخاطري وتردني عزتي و امسك لساني... :(