استفسار عاجل

[حراير قطر]

صباح الخير

بغيت استفسر عن التأمين الشامل

انا دعمت ودعمتي خفيفه وبغيت اصلحها بس تزلق يمين الصدام الامامي

والدعمه الثانيه على ما اظن اسمه الرفرف الاسود اللي على التاير قايم اشوي

بس التأمين ارفضوا وقالوا لازم ادفع 1800 ريال

تأميني على شركة القطرية الاسلامية للتأمين

قبل ما ادفع قلت اسأل يعني دعماتي ما يبيلها تغيير او شغل وايد

ليش ادفع المهم كلمت التأمين وقالوا لي مكتوب على البطاقة

تحمل 1000 ريال وشفت البطاقة مكتوب عليها تحمل 500 ريال

اللي يعرف يفيدني بالموضوع ...

اختكم

حراير قطر

[@north_star@]

شالدعوة 1800 ريال عيل شفايدة التامين الشامل؟؟؟؟؟
وبالنسبه للي مكتوب على البطاقة راويهم البطاقة ولا تدفعي اكثر بس أهم شي تقرين شروط التامين اللى بالعقد

[Aaziz]

على الوصف ان الاضرار بسيطة ما اتوقع تصليحها على حسابج بيكلف هذا المبلغ.

نصيحتي صوري الاجزاء المتضررة في السيارة و الاعضاء بيفيدون بتقييم الوضع.

بخصوص الزلوغ ممكن بعض انواع الزلوغ تكون بسيطه و يكون الزلغ عباره عن اجزاء من صبغ السياره الثانية لازقه في سيارتج و هذي الزلوغ تروح بالبولش ( التلميع)
بخصوص الي تصفينه بالرفرف هذا ممكن يتبدل اذا ماكان من النوع المصبوغ اساسا من الشركه. بعض انواع الرفارف ماتكون مصبوغه. يكون لونها اسود باهت او مطفي.
اذا من هذا النوع مجرد انج تشترين رفرف جديد و لكها فك براغي و تركيب الجديد.

[R 7 A L]

اذا زلوق بسيطة
نصيحة لوجه الله لاتصبغينها
بتنزل من سعر السيارة وقت البيع
هذا اذا ماكان عائق في وجه المشتري ظننا منه ان الصبغ لم يأتي الأبعد حادث كبير


تحياتي

[حراير قطر]

نفس اللي بالصورة لونه اسود

بخصوص الزلق ما يحتاج صبغ مثل ما قلتوا

لانها خفيفه بس ما ادري ليش يبون هالمبلغ ..

http://2.bp.blogspot.com/-pocDOsjkLfE/TdPRkQ2uauI/AAAAAAAABGg/xaX0_FIp1yY/s400/infiniti-fx35-5.jpg

[أسد الجزيرة]

يعتمد على نوع السيارة و موديلها اذا سيارة غالية اكيد شغل اليد بيكون غالي

[حراير قطر]

يعتمد على نوع السيارة و موديلها اذا سيارة غالية اكيد شغل اليد بيكون غالي

انفنتي 2012

بس اخوي الدعمات وااااايد خفيفه وما يبيلها شغل ...

[العربية نت]

الواجب على التامين تصليح السيارة وفي الوكالة بعد ولا ما الفائدة من تامين فل على قولتهم ؟!
مع ان التأمين الشامل فيه راي ديني يجب الانتباه له ؟

والحمد لله على سلامتكم ...

[أسد الجزيرة]

اكيد شافج مرة و قال بيقص عليج يبيلهم ريال لسانه طويل

[غير البشر]

هلا اختي حراير الحمدلله على السلامه

اعتقد هذي رسوم ثابته سواء تصليح سيارتج 500 ريال او 20 الف
بس تأكدي هل في ماده اوشي يلزمج بدفع هالمبلغ لشركه التأمين
بما ان زلوق وضربات خفيفه صلحيها من حالج بتطلع عليج ارخص
واذا في طعجه تقدرين يسون لها شفط في محل كلاس في محطه بترول المسيله او محطه التيسير جنب قطر للديكور

[Aaziz]

بعد ماشفت نوع السياره و عرفت الرفرف الاسود المقصود ،،، نصيحتي كالتالي .

الرفرف هذا ينشرا من الوكاله و تبديله ماياخذ 10 دقايق عند اي محل شبه مختص ،، كله شغل كبس بلاستك ... اخذي الرفرف الاسود هذا مع براغي البلستك الكبس لانها عادتا صعب تطلع و تنكسر بسهوله (مصممه لاستخدام مره وحده) و قيمتها رخيصه يمكن الواحد ب 3 ريال
و ودي السياره لاي محل بولش و اتوقع هو نفسه بيركب الرفرف .

[حراير قطر]

هلا اختي حراير الحمدلله على السلامه

اعتقد هذي رسوم ثابته سواء تصليح سيارتج 500 ريال او 20 الف
بس تأكدي هل في ماده اوشي يلزمج بدفع هالمبلغ لشركه التأمين
بما ان زلوق وضربات خفيفه صلحيها من حالج بتطلع عليج ارخص
واذا في طعجه تقدرين يسون لها شفط في محل كلاس في محطه بترول المسيله او محطه التيسير جنب قطر للديكور

ركزوا اشوي معاي

سيارتي ما يبيلها اي شيء ولا شغل وااايد

الزلق بسيط والرفرف الاسود اللي قايم يبيله تركيب كم برغي ويضبط

ان شاء الله فهمتوا الحين ...

[بوعلي2]

ركزوا اشوي معاي

سيارتي ما يبيلها اي شيء ولا شغل وااايد

الزلق بسيط والرفرف الاسود اللي قايم يبيله تركيب كم برغي ويضبط

ان شاء الله فهمتوا الحين ...

لاتدفعين 1800 شنو لعبه هي ؟؟ حراميه هذيلا بيمه فول ويبون 1800 :anger1:

حكيهم

500 يمكن رسوم مش مشكله

لكن 1800 عساني مابيمة فول عيل

يبيلهم لسان عندج اياهم

[حراير قطر]

لاتدفعين 1800 شنو لعبه هي ؟؟ حراميه هذيلا بيمه فول ويبون 1800 :anger1:

حكيهم

500 يمكن رسوم مش مشكله

لكن 1800 عساني مابيمة فول عيل

يبيلهم لسان عندج اياهم

واللي ما عندها لسان شنو اتسوي :nop:

يعني لو الدعمه قويه ويبيلها تصليح وشغل وايد ما عندي مانع راح ادفع

الله يعين بنشوف سالفتهم بعدين ...

[الزعفراني]

اعتقد في نوعين من التأمين الشامل .. نوع تتحملين نسبة او مبلغ معين في حالة انتي الغلطانه ( تكلفة التأمين تكون أقل اشوي ) .. وفي نوع الشركة تتحمل كل شيء بس ( تكلفة التأمين تكون مرتفعة اشوي ) ..

واتمنى حد يصحح لي هالمعلومة

[حراير قطر]

يعطيكم العافية على الردود

رحت لهم وفهمت السالفة المندوب ما فهم

اهم يبون رقم الملفات اللي عند التأمين :rolleyes2:

تسلمون وما قصرتوا ...

[Class - Qtr]

اعتقد في نوعين من التأمين الشامل .. نوع تتحملين نسبة او مبلغ معين في حالة انتي الغلطانه ( تكلفة التأمين تكون أقل اشوي ) .. وفي نوع الشركة تتحمل كل شيء بس ( تكلفة التأمين تكون مرتفعة اشوي ) ..

واتمنى حد يصحح لي هالمعلومة


السلام عليكم

شحالك يااخوي الزعفراني

ذكرتني بسيارة البيت السايق دعم عليها دعمه خفيفه والتامين شامل من احدي شركات التامين

السايق راح لهم وانا اكلم الموظف بالتلفون يقول لي حتي لو التامين شامل لازم تدفع رسوم

حادث 500 ريال بالاضافه الي 20 % من قيمه التصليح والحادث كان في الصدام الخلفي

مع الاسطاب الخلفي يسار ومبلغ التصليح كان عند شركه عبدالله عبد الغني قريب 3000 ريال

شركه التاميل خذت علينا 1200 ريال

[حراير قطر]

السلام عليكم

شحالك يااخوي الزعفراني

ذكرتني بسيارة البيت السايق دعم عليها دعمه خفيفه والتامين شامل من احدي شركات التامين

السايق راح لهم وانا اكلم الموظف بالتلفون يقول لي حتي لو التامين شامل لازم تدفع رسوم

حادث 500 ريال بالاضافه الي 20 % من قيمه التصليح والحادث كان في الصدام الخلفي

مع الاسطاب الخلفي يسار ومبلغ التصليح كان عند شركه عبدالله عبد الغني قريب 3000 ريال

شركه التاميل خذت علينا 1200 ريال

المفروض يقولون لنا قبل

عشان ما انتفاجى والله انا شفت البطاقة ومكتوب عليها تحمل 500 ريال

بس الله يعيني وما انصدم بـ 20 % مثلك هههههاي ...