شاليهات الغارية والرقابه المعدومه

[doha1]

السلام عليكم

صباح / مساء الاجواء الحلوه والاستعدادات لليوم الوطني ربنا يحفظ قطر واهلها


العطله اللي فاتت حاجز في شاليهات الغارية

يؤسفني فعلا مارأيت من مناظر خادشه

وشكر مقدم للامن الوقائي والفزعه ع تعاونهم :) وسرعة التجاوب :telephone:


جرأه + فسق + رقص + ...الخ

الواحد مع اهله يروح يغير جو ينصدم في مشاهد غريبه

1- بنات في اعمار متفرقه بدون عبايات ورقص في منطقة الدي جي

والحال نفسه ع الشباب

2- الواحد مع اهله وتحرش من الغافلات بشكل علني

3- وقاحه لابعد الحدود

4- مواعد بويات وجنس ثالث عافانا الله عيني عينك وحركات مش متوقعه وماتصدقها العين

5- فواحش ترتكب فالسيارات فالمواقف ولا احد مفتكر

6- المضحك والمخزي انه اغلب الشباب يبعدون وتلاقي الغافلات يلاحقونهم من مكان لمكان

وفي امور كثيره واتوقع الكثير شاهد وشاف اللي سكران واللي مخلي النسوان علني ماسكين الشيشه ولا معبر شي

طبعا مااخص المواطنات لان في خليجيات يأجرون واكثر السلبيات اللي شفتها هالاسبوع منهم

لدرجة انهم يتهاوشون وضرب بالكعب عشان واحد :eek5: انحطاط لابعد الحدود

اول مره اشوف هالمناظر الوقحه وغياب الرقابه واخص اللي يحجزون من ورا اهلهم
واولياء الامور مايدرون

وعتب شديد على راعي الشاليهات اذا الماده هي اهميه كبيره بالنسبه لك
فهذي مصيبه
الاجانب يشوفون هالبنات يرقصون ومب مفتكرين في وجود رجل ولا غيره
والشباب حدث ولا حرج الا من رحم ربي

بعد هالمشاهد اتصلت فالامن الوقائي ولهم شكر خاص لتعاونهم السريع

وبعدها صار هدوء محترم

لاحول ولاقوة الا بالله اختم بها ماكتبت

[حسن]

الله يعين وش نسوي الاهمال كبير
الو :telephone:محروس تعال اسمع

[ضوى]

والله الواحد وين يروح ، بكل مكان هالوقاحة والجراءة ، انحبست في بيتي وصكيت بابي علي وعلى عيالي بس الواحد وده يتنفس يطلع وهو مرتاح مب متضايق ويخاف يشوف شي يصدمه ويحرجه جدام عياله ، الله المستعان

[أم هشام]

وما رايك بالنساء اللاتي يطلبن فيز للعمل بقطر ويتصورن بالحجاب المحتشم لعمل الفيزا
واول ما تطلع الاقامة تتفسخ تفسخ غريب رايت بام عيني هذه المراة نفسها المحجبة على شاطئ سيلين تركب سكوتر و لابسة ******
انا استغربت ما فيه شرطة سياحية او امن يمنع عنا هالمناظر

[أسد الجزيرة]

والله الواحد وين يروح ، بكل مكان هالوقاحة والجراءة ، انحبست في بيتي وصكيت بابي علي وعلى عيالي بس الواحد وده يتنفس يطلع وهو مرتاح مب متضايق ويخاف يشوف شي يصدمه ويحرجه جدام عياله ، الله المستعان


اختي روحي السعودية و استانسي على الاقل جو نظيف ما في ذنوب

[وطن]

اللهم لك الحمد والشكر
الحمدلله الذي عافنا مما ابتلاهم به

الله يهديهم ويستر عليهم

[مرتبش]

كأنك مبالغ شوي
رحت هالشاليهات من فترة بسيطة.. تحصل ازعاج من صوت الدي جي او الموسيقى وماشفت حد يرقص ولا حتى قاعد هناك.. اليهال يستأجرون السياكل من هناك ويتفرفرون في المكان ..المكان كبير ممكن يحدث فيه تجاوزات لكني ماشفت للامانة الا شي واحد ..
مجموعة بنات كانوا مشغلين موسيقى عالية وجاهم الأمن وسكروا مسجلهم ,,الامر ما اخذ له دقايق .

[ضوى]

اختي روحي السعودية و استانسي على الاقل جو نظيف ما في ذنوب

بلادي حلوة وكل شي فيها حلو ، بس يبي لهم شدة هالاشكال ، مايصير اروح بلاد غير عشان استانس بنقول في الصيف والا الربيع والا باي اجازة اوكي لكن في الويك اند من حقنا نطلع نستانس ببلادنا

السعودية حلوة بس بلادي بعد حلوة وانا احق فيها واستانس فيها انا وعيالي

[ريتويت]

الله يعين وش نسوي الاهمال كبير
الو :telephone:محروس تعال اسمع

اي والله صدقت ... مين محروس ده؟

[Store]

لاحول ولاقوة الا بالله

[حسن]

اي والله صدقت ... مين محروس ده؟

:nop:

كفايه بئ ماتوديناش في داهيه
محروس تعال اقرا:telephone::telephone:

[doha1]

كأنك مبالغ شوي
رحت هالشاليهات من فترة بسيطة.. تحصل ازعاج من صوت الدي جي او الموسيقى وماشفت حد يرقص ولا حتى قاعد هناك.. اليهال يستأجرون السياكل من هناك ويتفرفرون في المكان ..المكان كبير ممكن يحدث فيه تجاوزات لكني ماشفت للامانة الا شي واحد ..
مجموعة بنات كانوا مشغلين موسيقى عالية وجاهم الأمن وسكروا مسجلهم ,,الامر ما اخذ له دقايق .

الشيخ حالي حالك انا بالنسبه لي ثاني مره ادخل هالمكان

اول مره شفت اللي انت كاتبه

لكن هالمره شفت مالم اتوقع وروح هناك واسال الاجانب اللي يشتغلون وبتعرف العلم الوكاد

والله بزرانا يجون يقولون شفنا كيت وكيت وحنا مجبورين نسكتهم ولا نغيرالموضوع ولا نصارحهم ان اللي شفتوه خطأ وغلط :secret::weeping:

اتمنى اليوم الوطني خالي من هالمناظر والاستهتار

[الزلزال]

هذا كله في الغارية ؟
النزين شلون اتصير المصخره برع الشالية .. وين الامن او السكورتي ؟

الله يهدي الجميع

[حميداني]

شي يضايق ان هالاماكن المخصصه للترفيه وتوسيع الصدور من ضغوط الحياه والعمل
تنقلب الا اجازه من الحيا والدين ويعشش فوقهم الاستهتار

بس الموضوع سهالات ان في كل شاليه doha1 , مع الوقت هالظاهره بتختفي
لازم الناس ما تشوف موضوع الاتصال بجهات الامن في امور الاداب شي صعب او معوق او فيها سالفه
علشان يكون فيه تعاون بين المواطن والمقيم لحماية الوطن وسمعته من هالاشكال

جزاك الله خير على التبليغ اخوي دوحه 1
ان شاءالله هالامور تعلن والارقام لهالجهات تنشر ويفهمون العالم , لا تستحون ولا تخافون
ان شفتو شي غلط بلغو , ان كان غلط صار الاجراء وتعدل الوضع
ان ما كان فيها شي , كأن شي ما استوى وكمل طريقك الله يحفظك

[basma222]

لاحول ولاقوة الا بالله

[الكاسر99]

الله يستر علينا من هؤولاء البنات والشباب

إلى متى ..........؟؟؟


أتمنى من كل قلبي أن اللي قلبه غافل أو ما عنده قلب

يشوف هذا المقطع

قصص عن موت الفجأة مؤثرا جدا / للشيخ إبراهيم الطلحة

www.************/watch?v=Wbj_SIO4IFw

[ابوحشر]

من الجهة المسؤؤلة عن الرقابة على الشاليهات ؟؟؟؟؟

[doha1]

شي يضايق ان هالاماكن المخصصه للترفيه وتوسيع الصدور من ضغوط الحياه والعمل
تنقلب الا اجازه من الحيا والدين ويعشش فوقهم الاستهتار

بس الموضوع سهالات ان في كل شاليه doha1 , مع الوقت هالظاهره بتختفي
لازم الناس ما تشوف موضوع الاتصال بجهات الامن في امور الاداب شي صعب او معوق او فيها سالفه
علشان يكون فيه تعاون بين المواطن والمقيم لحماية الوطن وسمعته من هالاشكال

جزاك الله خير على التبليغ اخوي دوحه 1
ان شاءالله هالامور تعلن والارقام لهالجهات تنشر ويفهمون العالم , لا تستحون ولا تخافون
ان شفتو شي غلط بلغو , ان كان غلط صار الاجراء وتعدل الوضع
ان ما كان فيها شي , كأن شي ما استوى وكمل طريقك الله يحفظك


وياك يارب

اشكر لك ردك المبهم بالشفافيه والايجابيه

ورقم الامن الوقائي

44471444

[doha1]

هذا كله في الغارية ؟
النزين شلون اتصير المصخره برع الشالية .. وين الامن او السكورتي ؟

الله يهدي الجميع

والله لو ماشفت هالشي بعيني وغيري شاف من اللي موجودين

بتقبل كلمة كذاب من القارئ

اتوقع الكثير من الناس شاف بعض هالامور

لكن بالنسبه لي شخصيا اول مره اشوف هالمصخره اللي كلمة مصخره تعتبر ولا شي

السكيورتي عند الباب واللي داخل يتدخلون اتوقع في هوشه او بعض الامور

اما الرقص والمهزله ماتفرق معاهم

اللي قاعد عند الدي جي ويشغل الاغاني تخيل بنات يجون عنده وقاعدين حوله وماخذين الامور سهالات


المؤسف انه في عائلة اسيويه دخلوا الشاليهات وغيروا جو واستانسوا ولا احد حس بوجودهم

اما العرب مخربينها واقصد البعض والفئه الغافله الله يهديهم بس

[عمر الفاروق]

غريبه بالرغم من تطور وسائل الاتصال الحديثه في كل مكان في العالم لكن لا اعلم عن

سبب اصرار ( العضيد ) على ان يكون رقم التواصل تلفون ارضي تخيل تلفون ارضي في

زمن الجوال والتويتر والفيس بوك وتلفون ارضي

اعتقد ان هذا فقط لذر الرماد في العيون لان اغلب الشكاوي شكاوي مباشره تحدث في الاماكن

العامه وتكون عابره ولابد من وجود جوال لسرعه الوصول اما تلفون ارضي واجراءات وتحويل

وانتضر فهذا دليل على ان القضيه قضيه فقط بلغ

[doha1]

غريبه بالرغم من تطور وسائل الاتصال الحديثه في كل مكان في العالم لكن لا اعلم عن

سبب اصرار ( العضيد ) على ان يكون رقم التواصل تلفون ارضي تخيل تلفون ارضي في

زمن الجوال والتويتر والفيس بوك وتلفون ارضي

اعتقد ان هذا فقط لذر الرماد في العيون لان اغلب الشكاوي شكاوي مباشره تحدث في الاماكن

العامه وتكون عابره ولابد من وجود جوال لسرعه الوصول اما تلفون ارضي واجراءات وتحويل

وانتضر فهذا دليل على ان القضيه قضيه فقط بلغ

اتفق معاك وهم يشوفون اقرب دوريه للمنطقه اتوقع

لان بعد مابلغت جاني اتصال من جوال وقال 5 دقائق وبوصل

وقال انه كان هناك قبل لا ابلغ واتوقع انها شرطة الفزعه لانهم كانوا هناك قبل بلاغي

بس فعلا لازم في مرونه في التواصل السريع

او شرطي مدني متجول فالمكان

[R 7 A L]

لاحول ولاقوة الا بالله

أقسم بالله اشياء نشاهدها في حياتنا اليومية يندى لها الجبين

والله العظيم ان الاشياء اللي نشوف اسوء مما يحصل علني في دول الغرب

[مشاكل]

احاول اتخيل المنظر واصدق موضوعك مب قادر ،،
قسم بالله ان هالاأمور تخوفني اكثر من اي شي ثاني
اللهم لاتؤاخذنا بما فعل السفهاء منّا
يارب سلم سلم

اتمنى من وزارة الأوقاف بالايعاز لخطبائها في صلاة الجمعة تكثيف خطب الوعظ والارشاد والتذكير بآيات الله تعالى ووعيده للمفسدين والفاسقين

جزاك الله خير اخوي على غيرتك والله يكثر من أمثالك ويهدينا اجمعين الى سواء السبيل

[doha1]

احاول اتخيل المنظر واصدق موضوعك مب قادر ،،
قسم بالله ان هالاأمور تخوفني اكثر من اي شي ثاني
اللهم لاتؤاخذنا بما فعل السفهاء منّا
يارب سلم سلم

اتمنى من وزارة الأوقاف بالايعاز لخطبائها في صلاة الجمعة تكثيف خطب الوعظ والارشاد والتذكير بآيات الله تعالى ووعيده للمفسدين والفاسقين

جزاك الله خير اخوي على غيرتك والله يكثر من أمثالك ويهدينا اجمعين الى سواء السبيل


اي والله امور تنرفز

وياك يارب

تخيلوا : جالس مع الشباب تحت نتعشى

واهلنا جالسين فالشرفه يتعشون

وواحد من الاهل موتره سبورت وموقفه داخل

المهم جات بنت ع سيكل وفي عمر مراهقه وبكل بساطه وقفت وتقول ابي اصور مع السياره

ولامفتكره فالنسوان حتى

انا شفت امور نرزفتني ونرفزت اهلي وصعبه الواحد يتحمل مناظر خادشه

ويمكن غيري انبسط لما شاف هالاشكال

[بوعلي2]

اي وانت الصادق يالذيب

وصلو الشمال عندنا :weeping:

ايام. سنة 2004 كانت الغاريه جميله ونصيد خثاثيق فيها وشوي زباينها :shy:

2005 ختربت الى يومنا هذا فهجرتها بالويك اند. اروح لها فقط بالايام العاديه ومرات امر مرور الكرام بالويك اند لكن مناظر يرثى لها

[× الجــوري ×]

هذا كله بسبب ضعف الوازع الديني عندنا للاسف صارت الدول الثانيه تقول عنا ( قطر اختربت ) هذا وش معناه
احنه محتاجين هيئة الامر بالمعروف والنهي عن المنكر واذا محد بيطبقه عندنا نقدر ناخذ متطوعين ونتطوع ونسمي نفسنا بنفسنا لان الدين وارسول صلى الله عليه وسلم يقول من رأى منكم منكرا فليغيره فإن لم يستطع فبلسانه فإن لم يستطع فبقلبه وذلك أضعف الإيمان واحنه حتى اضعف الايمان ماعندنا :anger1:

[بصمة قطرية]

سمعت عن اللي يصير هناك
الحمدلله عمري ما رحت الغارية
بصراحة من كثر اللي نسمعه
كرهنا المكان ..
الله يهديهم و يصلحهم ..

[MAZEN37]

هالمناظر شفتها من سنتين
وبعدها حرمت اروح
الواحد عنده اهل يخاف عليهم

[بومحمد المطاوعه]

بعييييييييد الشر

انا شفت بعيني بعد

قبل سنه

نفس الكلام بالضبط

اصلن هالمكان مايسوى الواحد يدخله

احجز لك شاليهات خاصه ابرك لك

في كل مكان بتحصل

استر واريح لك

[العميل 007]

أن أنصح أن الواحد يضبط له عزبه

علشان يستانس هو وزوجته وعياله

ويفك نفسه من المنتجعات ..

[doha1]

بعييييييييد الشر

انا شفت بعيني بعد

قبل سنه

نفس الكلام بالضبط

اصلن هالمكان مايسوى الواحد يدخله

احجز لك شاليهات خاصه ابرك لك

في كل مكان بتحصل

استر واريح لك

المكان حلو والتجديد مميز فالغاريه

لكن بعض الاوادم الله يهديهم بس

[Abdulraman]

كل هذا في الشاليهات :eek5:
يبليه نحجز ونشوف عشان نتأكد :)

[بومحمد المطاوعه]

المكان حلو والتجديد مميز فالغاريه

لكن بعض الاوادم الله يهديهم بس

ياريال والله لا حلو ولاشاف الحلاه

يبه اجر لك شاليه في ام عبيريه استر والله

صدقني اريح لك ولهلك

[بومحمد المطاوعه]

كل هذا في الشاليهات :eek5:
يبليه نحجز ونشوف عشان نتأكد :)

شتبي تشوف
الفساد والمنكر
تأكد ياخوي ان في اخس عن الي قاله راعي الموضوع

[بزنس كاتس]

زين ماتبون حل يعني؟
ايش هدف الموضوع؟

[doha1]

زين ماتبون حل يعني؟
ايش هدف الموضوع؟

لو انتبهت على اغلبية الردود كان شفت الحلول مابين السطور

منها :

1- يكون شخص مدني من التحريات متواجد
2- مطالبة راعي الشاليه يخفف الازعاج او اغلاق الاغاني عند تجمع الافراد والقيام بسلوكيات خاطئه

3-يمنعون صاحب المكان من بيع الرش سواء الصابون او اللي على شكل شرايط


واذا عندك حلول زيد بدال سؤالك

[مستثمر تحت التعليم]

والله أنك صادق في كل شي ذكرته عن شاليهات الغاريه وأكثر وصادف من شهرين رحت معزوم وشفت هالبلاوي واكثر وكرهت اليوم الي رحت الشاليهات

[قــطــريــه]

أن أنصح أن الواحد يضبط له عزبه

علشان يستانس هو وزوجته وعياله

ويفك نفسه من المنتجعات ..

صح لسانك

صارلنا سنين مانروح غير الشاليهات الخاصه وفي الشتاء سوينا لنا عنه للعايله نروح كل ويكند نونس نفسنا بعيد عن المصخره وعن الاشكال المشبوهه

اهلنا قامو يخافون على الصغار يتأثرون منها الله يبعد عنا الشر ويهدي الجميع انشالله

[مبرمج QA]

الله المستعان .. شي يعور القلب والله

[المجدم]

بعض الاستراحات في ام عبيريه فيها هالشي ، ربنا يجملها علينا بالستر ويحفظ أعراضنا ويهدي شباب وبنات المسلمين اللهم آمين

[بوخالد911]

الف شكر لغيرتك الدينية

والله يحفظ العيال

[النواخذة]

انت مبالغ وايد وايد انا وايد اروح اهناك عمري ماشفت ربع الي ذكرتها في بعض الإزعاج بس أشوف العالم كلن في حالة

[الأصيلة]

لو ها البنات وراهم رجال ماتجرأوا يحجزون شاليهات بنفسهم ويمارسون ها الأفعال
بعيد عن أهلهم..
كل المشاكل جات من ورى إهمال الأب والأخ والأم والزوج
الكل لاهي بنفسه وشهواته وتارك لهم الحبل على الغارب
والمالك المفروض تكون ذمته ضيقة ومحدوده في الحلال والحرام
وليس في جمع المال بكل الوسائل دون الإهتمام بما احل الله وحرم...

[R 7 A L]

الحين عند فيلاجيو في مواقف السيارات تصير بلاوي
فما بالك بمناطق نائيه !!!

[نغم 90]

انا الي اعرفه ان لازم تكون عائله عشان تقدر تاجر شاليه
وعلى كلامكم ان هناك مب عائلات شلون دخلوا ولا استاخروا

[doha1]

الف شكر لغيرتك الدينية

والله يحفظ العيال

العفو ولا شكر ع واجب

وهذا واجب على كل مسلم يشوف الخطأ ومايسكت عنه

اللهم امين

[doha1]

انت مبالغ وايد وايد انا وايد اروح اهناك عمري ماشفت ربع الي ذكرتها في بعض الإزعاج بس أشوف العالم كلن في حالة

انت اكثر مني رايح

انا مرتين فقط

المره الاولى شفت امور لكن عديتها عن عيني

بس ثاني مره شفت مصخره

شكلك انت ياقاعد في مكان واحد ولا داخل الشاليه ولا صوب البحر

مااتوقع اني مبالغ فاللي شافته عيني وسمعته اذني

رايك ويبقى خاص لك

والله على مااقول شهيد

[doha1]

لو ها البنات وراهم رجال ماتجرأوا يحجزون شاليهات بنفسهم ويمارسون ها الأفعال
بعيد عن أهلهم..
كل المشاكل جات من ورى إهمال الأب والأخ والأم والزوج
الكل لاهي بنفسه وشهواته وتارك لهم الحبل على الغارب
والمالك المفروض تكون ذمته ضيقة ومحدوده في الحلال والحرام
وليس في جمع المال بكل الوسائل دون الإهتمام بما احل الله وحرم...

الرقابه لها دور كبير

والشي اللي نشوفه فعلا يثبت ان كلامج صحيح

وبالنسبه للمالك الشي الملفت انه متواجد ويشووف وهذي الطامه

[doha1]

انا الي اعرفه ان لازم تكون عائله عشان تقدر تاجر شاليه
وعلى كلامكم ان هناك مب عائلات شلون دخلوا ولا استاخروا

طيب الشاليه باسم وحده ومعاها بنات ( حسب علمي هذول عائلات )

شي طبيعي بياجر لهم

الشباب اللي ماياجرون اخبر

[mubarak750]

يبه عند الفلوس يعمى الضمير ويصير الحرام حلال والجنعد يصير منجوس. الله يسلمك أحنا الطامة الكبرى اللي عندنا في بلادنا الطيبة والشواهد كثيرة ومتعددة ما نطبق المثل القديم اللي يقول ( برز الدوا قبل الفلعه ). يعني البنات يعطون مساحة كبيرة وقيود كثيرة تنشال ونسمح باختلاط و أمهات قبل أباء يتخلون عن مسؤولياتهم وضمايرهم تموت قبل مايموت ضمير التاجر( وينسون حسابهم العسير جدام رب العالمين ) ولما نسمح حق شاليهات نائية وفنادق تفتح وما نحط ضوابط وأذا فيه ضوابط تلقاها هشة لا والطامة الكبرى أن مافيه جهة مسؤولة أتابع تطبيق الضوابط يعني ( القرعة ترعى ) ونعتمد على ضمير التاجر, ونجي في الاخير نبكي على الاخلاق والقيم والعادات والتقاليد والشرف, عمي أنت بالله عليك يعني لما تخلط العناصر من حرية زايدة واهمال امهات قبل اباء وفلوس زايدة ( الله يزيد ويبارك ) ومنتجعات سياحية وانفتاح وتجار ضمايرها شالوها وركبو مكانها خزنة فلوس يعني الطبخة في الاخير شبتطلع جييز كيك . أكيد المحصلة الخراب اللي نت شايفه وصدقني ومع الاسف اني اقول أن بهالطريقة اللي ماشية الله يسترعلى البلاد والعباد

[Miss]

اي وانت الصادق يالذيب

وصلو الشمال عندنا :weeping:


:weeping:
انحرمنا بسببهم حسبي الله ونعم الوكيل.
ما فيه وازع ديني يردهم ما فيه أهل وراهم تروح وترجع محد درا بها.
والولد ما يقعد مع ابوه ولا يروح معاه مهملين :(
الله يستر علينا وعلى بنات المسلمين

[ريم 28]

مع احترامي لصاحب الموضوع وطبعا مصدق يا اخوي

انا لما رحت مع اهلي الحمدلله ما شفت اي شي

والله يهديهم وما يخربون علينا الروحه

المكان حلو ويفتح النفس والبركه نظيفه وحلوه للبزران
الله يهديهم

[مزيون الدوحه]

السلام عليكم

صباح / مساء الاجواء الحلوه والاستعدادات لليوم الوطني ربنا يحفظ قطر واهلها


العطله اللي فاتت حاجز في شاليهات الغارية

يؤسفني فعلا مارأيت من مناظر خادشه

وشكر مقدم للامن الوقائي والفزعه ع تعاونهم :) وسرعة التجاوب :telephone:


جرأه + فسق + رقص + ...الخ

الواحد مع اهله يروح يغير جو ينصدم في مشاهد غريبه

1- بنات في اعمار متفرقه بدون عبايات ورقص في منطقة الدي جي

والحال نفسه ع الشباب

2- الواحد مع اهله وتحرش من الغافلات بشكل علني

3- وقاحه لابعد الحدود

4- مواعد بويات وجنس ثالث عافانا الله عيني عينك وحركات مش متوقعه وماتصدقها العين

5- فواحش ترتكب فالسيارات فالمواقف ولا احد مفتكر

6- المضحك والمخزي انه اغلب الشباب يبعدون وتلاقي الغافلات يلاحقونهم من مكان لمكان

وفي امور كثيره واتوقع الكثير شاهد وشاف اللي سكران واللي مخلي النسوان علني ماسكين الشيشه ولا معبر شي

طبعا مااخص المواطنات لان في خليجيات يأجرون واكثر السلبيات اللي شفتها هالاسبوع منهم

لدرجة انهم يتهاوشون وضرب بالكعب عشان واحد :eek5: انحطاط لابعد الحدود

اول مره اشوف هالمناظر الوقحه وغياب الرقابه واخص اللي يحجزون من ورا اهلهم
واولياء الامور مايدرون

وعتب شديد على راعي الشاليهات اذا الماده هي اهميه كبيره بالنسبه لك
فهذي مصيبه
الاجانب يشوفون هالبنات يرقصون ومب مفتكرين في وجود رجل ولا غيره
والشباب حدث ولا حرج الا من رحم ربي

بعد هالمشاهد اتصلت فالامن الوقائي ولهم شكر خاص لتعاونهم السريع

وبعدها صار هدوء محترم

لاحول ولاقوة الا بالله اختم بها ماكتبت

صااادق ياخوي في كل كلمة قلتها
انا مريت يوم الجمعه وشفت كل اللي ذكرته
ماعدا نقطه رقم ( 5 ) وسالفة الشرب
يمكن لاني ماطولت دقايق وطلعت

[رمح الضعاين]

استغفر الله العظيم ودك لما اتشوف انحراف البنات تجمعهم بحفره وتحرقهم نفس ماحرق هتلر اليهود (:



اخوكم

[الأصيلة]

استغفر الله العظيم ودك لما اتشوف انحراف البنات تجمعهم بحفره وتحرقهم نفس ماحرق هتلر اليهود (:



اخوكم

حرام والله ليش نحرقهم؟
هم اصلا ضحية أهل فاسدين...
قد يكون أب استهان باعراض الناس أو أخ أو عم أو خال ..ومن هذا القبيل؟
أو ضحية أب أو أم لم يحسنوا التربية وتركوهم على الآخرين يقومون بتربيتهم وتوجيههم..
أو قد يكونوا ضحية أب أو أم حرموا بناتهم الحنان والعطف والإهتمام فبحثوا عنها عند الآخرين...
أثبتوا وجودهم بالإنحراف وعززوا ثقتهم بأنفسهم بالإنغماس في المحرمات...
وجدوا بيئة خصبة في حياتهم وبين أسرهم تساعدهم على أن يفعلوا مايحلو لهم بدون رقيب...

[ريم 28]

الاسلام الدين الوحيد الذي حرم الحرق والتعذيب بالحرق

والرسول عليه الصلاة والسلام قال
لا تعذبوا بعذاب الله

اي النار

فقط للتنبيه ان الحرق حق من حقوق الله وحده جل تعالئ
ومن يفعل ذلك لتعذيب طفل او كبير او او فقط يقع في الحرام او حتى الحيوان اعزكم الله
الكثير لا يعلم ان الحرق حرام

[رحال]

بصراحة آنه زرت المكان مع الأهل ولم أرى المشاهد التي ذكرتوها

جو عائلي مريح وهناك مسجد على شكل بارتكبن - حرصت الأهالي على أداء

الصلاة بأوقاتها - والأطفال وطريقة القطار وتأجير السياكل كان له دور في

رسم البهجة على وجوههم - وفي تقديري أفضل من سيلين ؟؟؟

ماعدى سعر الشاليه مرتفع جدا جدا وبحاجة الى اعادة النظر فيه ..

الجو كان عائلي لأبعد الحدود .

[معماري قطري]

المسئلة سهلة والأهل صعب يراقبون بناتهم هناك ولازم فيه شوية طلعات والبلاك بيري يقرب كل بعيد، وتحصل واحد ينطر رسالة بس ويجي في المواقف وتركب معاه وحده من المخدوعات وخاينات الأمانة.

[القحطاني505]

الحمد لله على فضله

ما عمرنا رحنا شاليهات

[mubarak750]

أوؤيدك وبقوة ياعزيزي وحبذا لو تكون الحفر غزيرة يعني ما تقل عن 5 أمتار عشان محد يقدر يطلع:victory:

[بزنس كاتس]

لو انتبهت على اغلبية الردود كان شفت الحلول مابين السطور

منها :

1- يكون شخص مدني من التحريات متواجد
2- مطالبة راعي الشاليه يخفف الازعاج او اغلاق الاغاني عند تجمع الافراد والقيام بسلوكيات خاطئه

3-يمنعون صاحب المكان من بيع الرش سواء الصابون او اللي على شكل شرايط


واذا عندك حلول زيد بدال سؤالك


الحلول وايد بس حق من بنقولها يعني؟ ليش بيهتمون اصلا؟ عقب اللف والدوران ورا الحق اخر شي بيسكرون حلوجنا وبيطنشون لنا
لان مايبون الحق في بعض الناس تكون هدفها الفساد ومابقول وين نلقاهم لان معظم الناس مابتصدق /-: خاصة هالزمن اللي اختلط فيه الحابل بالنابل وصار الباطل حق! والحق باطل!!
ع اي حال ، كان ردي الاولي بسبة كثرة مواضيع شفت وسمعت وبس سكتّ بعدين، طبعا موضوعك استثناء لانك تصرفت الله يجزيك خير ويخليك ذخر لاهلك ولدينك ولبلدك (:
وهالشي خلاني ارد عالموضوع اصلا ولا اللي بس يتشكى والناس من وراه تقول اي صادق صادق وتشتكي وبس والموضوع يروح وينسى.. ما اتعب نفسي وأرد مع اني اكون متأثرة من هالمشاكل اللي تصير فالمجتمع وعارفة الاسباب لكن وايد من الناس مب عارفة اشتحتاج اصلا.. وهالشي يخليهم ضايعين /-:

ومن صوب ثاني اقول اصلا هالزمن نتوقع انه يكون جذي الفتن ياية من كل صوب وللحين باقي بعد ماشفنا شي ): ليش أأذن في خرابة ، مادام النصيحة مايابت فايدة وياهم عيل اريح نفسي واقول كلمتي ل حد يسمعها ،اكرم لي

وانا مب من النوع اللي يعيد ويزيد وعنده عضلة اللسان قوية بزيادة ، لو حد حط موضوع خاص بالاصلاح اهني انا راح ارد واشارك واعطي حلول ع شرط صاحب او اعضاء الموضوع يكونون ذوي سلطة او عالاقل يعرفون حد او يقدرون يوصلون للجهات اللي راح صججج تنفذ الحلول والاقتراحات والاصلاحات فالمجتمع بجدية

فالنهاية الله يهدينا ويحفظنا ويعيننا من اميرنا المتواضع لين اصغر واحد فينا ويحفظ لنا قطر من المفسدين ،آمين

وشكرا لك ع ردك

[abu ali1]

لاحول ولاقوة الا بالله

[6alal]

لا حول ولا قوه إلا بالله 0

[قناص الخليج]

فعلا وقاحه شفتها بالشليهات ماتصدق عينونك

[HAYA]

قديما قالوا : " من أمن العقوبة ، أساء الأدب " ..
و من الواضح أن غياب الرقابة و الحزم و العقاب في مثل هذه التجاوزات أدت إلى ازديادها و انتشارها في كل مكان ..
و قد آن الأوان بأن نرفع صوتنا عاليا لكل مسئول :
" اتقوا الله في قطــــــر "
قطـــر الجميلة الهادئة الوادعة العامرة بالخير و الإيمان .
اللهم احفظ قطـــر من كل شـــر ، و اهد أهلها ووفقهم لكل خيـــر .