حريق فيلاجيو من جديد

[لـبـيـه]

طمنونا هل صحيح المتداول عن فيلاجيو انه احترق او صار فيه شي


الله يحفظ الجميع

[حسن]

مسرع ياجماعه الخير تو الخبر على التويتر والصور ماشوف حريق
صبرو شوي خذ الحين الاشعات

[R 7 A L]

لاحول ولاقوة الا بالله
توه وصلني الخبر في البلاك بيري

الله يستر

[العميل 007]

شكلها أشاعه

[ريتويت]

اشاعه اكيد

[غير البشر]

لاحول ولاقوه الابالله
سترك يارب

حد يطمنا يا جمااعه

[حسن]

جرس انذار كاذب فقط من احد المطاعم

[لـبـيـه]

ان شاء الله تكون اشاعه

واذا صج ان شاء الله محد يصيده شي

[meeemz]

زوجي كان هناك و طلع يقول الناس تركض والبياعين هدوا اللي في يدهم وكان في صوت يقول ارجو الاخلاء والناس طلعوا ، والحريم ينتظرون في المطر

[نوار قطر]

ياكافي الشر استغفر الله العظيم هالمجمع مب مترقع من كثر ماتصير فيه هالبلاوي

[لـبـيـه]

زوجي كان هناك و طلع يقول الناس تركض والبياعين هدوا اللي في يدهم وكان في صوت يقول ارجو الاخلاء والناس طلعوا ، والحريم ينتظرون في المطر

الله يستر على الجميع

[ZURICH]

يالطيف الطف

اهم شي ماتكون هناك وفيات

[rawad]

الدفاع المدني يستجيب بشكل سريع لانطلاق جرس الانذار بالخطا في احد مطابخ مطاعم فيلاجيو ولايوجد حريق او دخان متصاعد

من تويتر وزارة الداخلية قطر

[rawad]

الرابط :

https://twitter.com/MOI_Qatar/status/280341650268626947

[وحيد-الشوق]

الحمدلله ماصار شيء

فيلاجيو صار مثل فلم الرعب :)

[R 7 A L]

الحمد لله
الله يبشرك بالخير
والله يحمي الجميع

[فلتة زمانها]

صار عندي فوبيا من هالمجمع

[بصمة قطرية]

من عقب حريق فيلاجيو
صرنا نتخوف من أي شي يصير
بالذات في فيلاجيو ،،

[مزعله النساء]

السلام عليكم ورحمه الله وبركاته

كنا بالسينما يوم ظرب الجرس (صوت متقطع واضاءه بيضاء) ظن كانه جزء من الفلم الاكشن الي تشوفه

طلعنا برع من مخرج الطوارئ ومطر قوي وبرد والعالم كلها برع يبون يعرفون ايش الي صار

حسب الي سمعنا التماس كهربائي فقط

[لـبـيـه]

اختلفت الروايات منها التماس ومنها انذار كاذب

اهم شي مافي ضحايا ولا حد تعور ان شاء الله

[بصمة قطرية]

اختلفت الروايات منها التماس ومنها انذار كاذب

اهم شي مافي ضحايا ولا حد تعور ان شاء الله

و منها حريق بسيط في أحد المطاعم
و تمت السيطرة عليه ..!!!!

[intesar]

نعم جرس انذار كاذب

[MAZEN37]

اكيد ماس كهربائي
من شوي كنت على خط الشمال وفجاءه صقعني الرادار مليون فلاش وقفت وحصله شغال الاخو فلاشات من المطر ضرب ماس
هههه
من كثر الفلاشات حسيت نفسي مشهور

[مساهم فنان]

من خبرتي مع فيلاجيو ، أقل نقطة مطر يخر كم مرة في نكست وزارا وفيرجن وغيرهم والسبب السقف الچينكو والكهرباء غير مظبوطة فيه من زمان ، يعني موب شي جديد عليهم .

[باراكودا]

يعني فلاجيو مهب احسن من العثيم مول فرع الحسا كل شهرين يحترق
خلا راعيه يحط لوحة كبيرة فوق المدخل الرئيسي كاتب فيها
تبارك الله ماشاء الله .

[حميداني]

يعني فلاجيو مهب احسن من العثيم مول فرع الحسا كل شهرين يحترق
خلا راعيه يحط لوحة كبيرة فوق المدخل الرئيسي كاتب فيها
تبارك الله ماشاء الله .

:nice: ههههههههه العين حق

[بوخالد911]

حريق بسيط

وتمت السيطرة عليه


فلا داعي للتضخيم

[بصمة قطرية]

اكيد ماس كهربائي
من شوي كنت على خط الشمال وفجاءه صقعني الرادار مليون فلاش وقفت وحصله شغال الاخو فلاشات من المطر ضرب ماس
هههه
من كثر الفلاشات حسيت نفسي مشهور

خخخخخخخخخخ :secret:
يحليله الرادار :tease:

[ريم 28]

هههه ضحكت على الرادار

المهم فيلاجيوا لازم انرش ماي مقري عليه في كل زوايه

بيخلونا انسويها هههههه

[بصمة قطرية]

هههه ضحكت على الرادار

المهم فيلاجيوا لازم انرش ماي مقري عليه في كل زوايه

بيخلونا انسويها هههههه

ريم متى نروح ..؟
عندي ماي مقري :secret:

[ريم 28]

ريم متى نروح ..؟
عندي ماي مقري :secret:

حتى انا عندي وجاهزه
اشرايج انرش من برا والا من داخل
واذا شافونا شنقول لهم :rolleyes2:

[بصمة قطرية]

حتى انا عندي وجاهزه
اشرايج انرش من برا والا من داخل
واذا شافونا شنقول لهم :rolleyes2:

برع وداخل :secret:
إنتي رشي و أنا بغطي عليج :secret:

[ريم 28]

برع وداخل :secret:
إنتي رشي و أنا بغطي عليج :secret:

اتفقنا :nice:

[SOUD.QA]

اكيد ماس كهربائي
من شوي كنت على خط الشمال وفجاءه صقعني الرادار مليون فلاش وقفت وحصله شغال الاخو فلاشات من المطر ضرب ماس
هههه
من كثر الفلاشات حسيت نفسي مشهور


ذبحتني من الضحك ذكرتني فاللي ثور على رادار خط الشمال من الحره

:tease:

[حسن]

نعم جرس انذار كاذب

يمكن فيلاجو مسكون يعني فيك سكن يعني جن
يبيله المطوع يقرا عليه وينك ياراعي
الجمس بوشعارات:telephone:

[خيالة قطر]

^
ههههههههههههههههه
والله حلوه تعليقاتكم

ان شاالله مافي الا كل خير

[زهرة بنفسجية]

الحمدلله مافي اصابات
ما زرت هالمجمع الا مرة وحده بعد الحريق و حسيت بكآبه
قاطعته نهائيا
صار عندي رعب منه
الله المستعان
احس ارواح الاطفال الابرياء اللي ماتوا في كل زاويه
مستحيل ادشه مرة ثانيه

[مرتبش]

زوجي كان هناك و طلع يقول الناس تركض والبياعين هدوا اللي في يدهم وكان في صوت يقول ارجو الاخلاء والناس طلعوا ، والحريم ينتظرون في المطر

هذا هو الاجراء الصحيح في حالة سماع صوت جرس الانذار ..وخروج الناس من المكان ضروري الى ان يتم التأكد من سلامة المكان من قبل القائمين على المكان.

عندنا في عملنا نسمع الجرس و 90% من الموظفين لايغادرون اماكنهم ..كسل واهمال وحتى تمرين الاخلاء الوهمي من قبل الدفاع المدني قوبل باستهتار من الموظفين للاسف

[الســـهم]

هذا هو الاجراء الصحيح في حالة سماع صوت جرس الانذار ..وخروج الناس من المكان ضروري الى ان يتم التأكد من سلامة المكان من قبل القائمين على المكان.

عندنا في عملنا نسمع الجرس و 90% من الموظفين لايغادرون اماكنهم ..كسل واهمال وحتى تمرين الاخلاء الوهمي من قبل الدفاع المدني قوبل باستهتار من الموظفين للاسف

كلامك عين العقل اخوي مرتبش , يجب الاخلاء حتى لو كان جرس الانذار وهمي ..

انا كنت موجود فالمجمع امس وقت ماشتغل الجرس , تصدق ان السكيورتي والموظفين فالمجمع مستنكرين رهبة الناس وخوفهم , ومب عاجبهم انهم غادروا المجمع وقاموا بالاخلاء , كانوا متذمرين ويقولون للناس انه انذار كاذب ويقولون لهم الوضع عادي لأن الجرس اشتغل وتوقف , وبعدها اشتغل مرة ثانية ولا طفى وتم مستمر والحبايب مب عاجبهم الحال .

اتمنى من ادارة المجمع تعيد تدريب موظفينهم وتحثهم على طلب الاخلاء من الزوار وهذي من اساسيات عمليات الانقاذ والاخلاء ونعرفها بالعقل , ترى ارواح الناس مب لعبة تاركينها بأيادي هالموظفين .

[كازانوفا]

حتى الاشاره اللى قدام قرية بروه بطريق الوكره علقت وصارت فوضى هالمطر سبحان الله طلع فضايح كثيره

[نسناس]

الحمد لله مافيه الا الخير