سؤال عن الاسكان الحكومي : ماهي معايير تحديد ايجار الفيلا

[Ali A]

السلام عليكم ورحمه الله وبركاته

اخووكم ناوي ياخذ فيلا عن طريق الاسكان الحكومي

ولقيت فيلا مناسبه مساحتها تقريبا 600 متر

واتفقت مع الدلال على الايجار بالتنسيق مع المالك على الايجار

بس قالي الدلال ان الاسكان الحكومي مايعطون اكون من 12 الف او 13 الف

السؤال : ماهي معايير اختيار او تحديد ايجار الفيلا هل هي علي

التشطيبات ومستوى الفيلا من الداخل

ام على المساحه البناء او مساحه الارض

لان الفيلا معروضه على ب 15 تقريبا

وماهي اجراءات الاسكان الحكومي

افيدونا جزاكم الله خير

[almaf1a]

لاتوجد معايير
على مسؤليتي

[Ali A]

المشكله المالك يقول ظ،ظ¥ وانا اشوفه مبالغ في السعر وخايف ان الاسكان يرفض

يعني الاسكان كم سقفهم الاعلى في الاجار

[باتريوت]

في طريقة ثانيه اذا الفيلا عاجبتك وتبيها ممكن تتوصل إلى اتفاق مع المالك

يعني اذا تقيم الاسكان 13000 على سبيل المثال ولمالك مصر وطالب 15000

فيك تتفق مع المالك بحيث تدفع له الفرقيه المتبقيه 2000 من عندك وهذا حسب علمي حاصل وموجود في كثير من الحالات على حسب الاتفاق

[Ali A]

احد يعرف كم السقف الاعلى للاجار

[شموخ دائم]

,

,


مرحبا


اخوي الكريم

نعم اخوي نعرف السقف الاعلى

الاسكان عندهم ( لجنه ) تقييم المبنى ولهم حسبه معينه
وهي حساب المساحه في السعر
وايضا عمر المبنى وموقعه يضاف في الحسبه

والسقف الاعلى للفيلا 13 الف او 14 الف اذا هناك ( تكييف ) والبيت جديد
هذا اعلى سعر ممكن يحصل عليه المالك

هو حر في بيته يقدر يطلب 30 الف وهم بيعرضون عليه سعرهم ال 13 الف
وافق اهلا وسهلا ما وافق الله يسهل عليه مفاتيحه عنده
وفلوسهم عندهم

وانت عليك تختار بيت غيره
بهذا الطريقه والجديه هم يتعاملون تقدر تشوف بيت غيره بنفس المنطقه
عشرات البيوت فاضيه بتلاقيها بنفس المنطقه

اذا البيت عاجبك هذا ما يعني انهم يوافقون على سعر المالك
هم عندهم الحسبه مالتهم والمالك يوافق او يرفض السعر

الموضوع بهذي السهوله
لا تحتار ولا شي اذا غالي البيت اتركه وشوف بيت بحدود سعرهم

حتى لو دخل المالك على ( مدير الاسكان ) السيد مبارك العرابيد راح يرجعه على اللجنه


والله يوفقك يارب وتلاقي البيت الي يعجبك ويناسب سعرهم

,

,

اخوك

شموخ دائم

[Ali A]

شموخ دائم : بيض الله وجهك اوجزت ووضحت

[Ali A]

باتريوت : جزاك الله خير

[wadha-qa]

اطلب من الاسكان اللسته اللي عندهم و روح شوف هالبيوت اكيد بيعجبك شي منهم و خل الدلال لانه اكيد ما بتلقى سعر زين عنده

[وارث العز]

مافيه معايير ابدا

[النجلا]

وش الشروط المطلوبة للشخص اذا يبي اجار عالاسكان..؟

وهل للموظفين السنير فقط والا الجنير ...؟

[لاموشي]

الاخت النجلا : لازم الموظف يكون سنير وبشرط يكون متزوج

والاوراق المطلوبه

1- ورقه من جهه العمل بتخصيص سكن حكومه ra لكبار الموظفين

2- ورقه من بنك التنميه تفيد ان الشخص ليس لديه قرض من بنك التنميه

3_ ورقه من الاسكان ان الشخص ماعنده بيت او مو منتفع ببيت

4 - شهاده راتب -

وبعد ما تخلصين كل هالاجراءاات تروحين للاسكان الحكومي في المنتزه جنب السنتر

وتفتحين ملف عندهم

وعقب عندك خيارين الخيار الاول عندهم قائمه بفلل وبيوت شعبيه تختارين منهم

او انك تتفقين مع احد انك تستلجرين منه الفيلا ولاتنسين تاخذين المواصفات وصوره

سند الملكيه ورقم الكهرباء والماء وعقب يعطونك اوراق يوقعها الساكن والمؤجر

وعقب يتحول الملف للجنه تطلع وتعاين المكان وتحدد القيمه الايجاريه للسكن

واذا وافق المالك خلاص يتوقع العقد

والسقف الادنى 9 و الاعلى مايتعدى 14 الف حسب المناطق

[لاموشي]

نسيت اقولك لازم يكون ذكر الانثى ممنوع

او بالاحرى لازم يكون موظف الموظفه القانون يمنع

[النجلا]

مشكور اخوي جزاك الله خير

[براك]

بالتوفيق

[ww1000000]

الاسكان الحكومي لو فيه خير كان بدل ما يأجر بأسعار خيالية كان بإمكانة يشتري اراضي ويبنيها وينفع فيها الموظفين
كان يكون عندة خطة واضحة لو في خير
كان الأبدا ان يكون عندة تطوير واكتفاء ذاتي ويكون مسيطر
كان صادو المتلاعبين من عصابات العقارات

مثال
هندي في راس لفان يأجر من الملاك وهو بدورة يأجر لراس لفان بمبلغ مضاعف وعندة 30 بيت وكل بيت يستفيد منه 3000

3000*30 = 90000
في عصابات للعقارات منتشرين في البلد ولا حسيب ولا رقيب