لجنه طوارئ الامطار واشغال الله يعطيكم العافيه بس روحو بيوتكم

[غير البشر]

السلام عليكم ورحمه الله وبركاته

مبروك عليكم الحياا
اللهم لك الحمد اللهم اجعلها سقيا رحمه

من رحمه رب العالمين فينا ان المطر على قطر نادر
والا كان شفنا فريجنا ماربيا وفريجكم المارينا والفريج الي مناك فينيسيا
يا لجنه طوارئ الامطار ماذا فعلتو وشنو الي توصلتو له بعملكم الموكلين له من كم سنه

هل وجدتو الحلول ؟ هل توصلتو لنتيجه ؟

اكيد الاجابه لا والسبب ماشفنا شي على ارض الواقع
اذا ذهبو الي بيوتكم

اشغال كيف الحال هذا هو شغلكم الاساسي الدوله تعطيكم مليارات وين راحت سويتو شي على ارض الواقع ؟؟

طبعا لا
والسبب ماشفنا شي على ارض الواقع

اذا اذهبو الي بيوتكم


اناشد سمو الامير بحل لجنه طوارئ الامطار لعدم كفائتها
اتمنى من سمو الامير فصل اشغال عن البلديه
وظمها الى سموه مباشره او سمو ولي العهد او المكتب الهندسي الخاص
اتمنى الاتفاق وتوقيع عقود مع شركات عالميه لتنفيذ المشاريع ويكون توقيع العقد مباشره من حكومه قطر بدون شركات من الباطن التي همها فقط توزيع الكعك من تحت الطاوله
تعيين وانتداب خبراء في هذا المجال اجانب من الشركات العالميه المعروفه للتخطيط ومواجهه مشاكل الامطار والاستغناء عن المهندسين الموجودين حاليا من شرق اسيا ومن بعض الدول العربيه

اتمنى من سعاده عبدالله بن حمد العطيه رئيس هيئة الرقابة الادارية والشفافية بمحاسبه هذه الشركات والمسؤلين عن الاموال المهدره لهذه المشاريع الفاشله


والسلام ختام

[@north_star@]

كلامك سليم اخوي غير البشر لانه الشوارع صارت برك سباحة ومافي تصريف لمياه الامطار

[غير البشر]

كلامك سليم اخوي غير البشر لانه الشوارع صارت برك سباحة ومافي تصريف لمياه الامطار


اشكرك اخوي ستار نورث
رحت مناطق وسط الدوحه بصراحه يرثى لها
والزحمه لاتطاق من تجمع الامطار والناس تأخرت على اشغالها
وبعض الطلاب عليهم امتحانات ها الايام شفت زحمه مهب طبيعيه

[بـــــدوي]

أموت واعرف وين راحوا اللي كل يوم والثاني طالعين لنا في احد وسائل الاعلام ويتكلمون عن البنيه التحتيه :playball:

[نور الحور]

شكلهم ينتظرون مآسي مثل مآسي جدة عشان يبتدون يفكرون يوجدون حلول ..
من زمان واحنا نقول الوقاية خير من العلاج ..وحادثة فيلاجيو أبسط مثال على النتائج الكارثية ..مع إنهم يسمعون ويشوفون تجارب دول مجاورة ..
للأسف صارت الأمور للعلاج والطواريء فقط ..أما الوقاية فهي صفر على الشمال !

ومع ذلك ..مبروك عليكم المطر..اللهم اجعله سقيا رحمة لا سقيا عذاب

[بـــــدوي]

اشكرك اخوي ستار نورث
رحت مناطق وسط الدوحه بصراحه يرثى لها
والزحمه لاتطاق من تجمع الامطار والناس تأخرت على اشغالها
وبعض الطلاب عليهم امتحانات ها الايام شفت زحمه مهب طبيعيه

اي زحمه ياخوي صارت حوادث واتضح انها بسبب تفادي السائقين للمياه المتجمعه :mad:

[انت غير]

أموت واعرف وين راحوا اللي كل يوم والثاني طالعين لنا في احد وسائل الاعلام ويتكلمون عن البنيه التحتيه :playball:

اي والله صدقت

[دااانة قطر]

الله المستعااان

[× الجــوري ×]

من وعيت ع الدنيا وانا اشوفهم يحفرون ويشتغلون في الشوارع صرف ملاين بالهبل على التعديل والصرف الصحي واذا نزلت رشه مطر طلعت العيوب ماغير هالدناكر شغاله شفط بالماي مسببه زحمه ومحنى بقاصرين زحمه:(

[غير البشر]

أموت واعرف وين راحوا اللي كل يوم والثاني طالعين لنا في احد وسائل الاعلام ويتكلمون عن البنيه التحتيه :playball:


تصوير وشو بالجرايد انهم يشتغلون
ومكافأت نقديه وبس

[العلم]

غير البشر ،، تبي الصدق ،،، ماهم فاضين ينتبهون للبنية التحتية وينجزون معاملات عيال قطر ويبنون لهم بيوتهم ويطورن تعليمهم ويوفرون التأمين الصحي لهم ،،،


مشغولين طال عمرك باليوم الوطني والترتيب للمهزلة الي تصير فيه وتيسير سبل الفساد للشباب والبنات فيه وفي المجمعات التجارية ،،،،،



الله يرحمنا برحمته ولايغضب علينا ...

[غير البشر]

شكلهم ينتظرون مآسي مثل مآسي جدة عشان يبتدون يفكرون يوجدون حلول ..
من زمان واحنا نقول الوقاية خير من العلاج ..وحادثة فيلاجيو أبسط مثال على النتائج الكارثية ..مع إنهم يسمعون ويشوفون تجارب دول مجاورة ..
للأسف صارت الأمور للعلاج والطواريء فقط ..أما الوقاية فهي صفر على الشمال !

ومع ذلك ..مبروك عليكم المطر..اللهم اجعله سقيا رحمة لا سقيا عذاب



لا ماينتظرون المأسي لان الماسي صارت وخلصت
قولي فيهم عدم احساس بالمأسي
الدول المجاوره سبقتنا وعدلت بمبالغ اقل بدل المليارات الي تروح على الفاضي

[غير البشر]

اي زحمه ياخوي صارت حوادث واتضح انها بسبب تفادي السائقين للمياه المتجمعه :mad:


الله يرحمنا برحمته
مادري صارت ارواح الناس عندهم رخيصه
كله بسبب الطمع والجشع والفلوس وعدم الاهتمام بعظم المشكله

[Qt.1]

اي زحمه ياخوي صارت حوادث واتضح انها بسبب تفادي السائقين للمياه المتجمعه :mad:

والله سواها فيني واحد امس طق ابريك سريع وهقني لكن الحمدالله تفاديته , والله مشكله.

[Qt.1]

في الدول الاجنبيه ايطق مطر والامور سهالات ولا كانه صار شي يعني المطر عادي كل يوم ينزل ولاتشوف التجمع للمياه في كل مكان , لان التخطيط للتصريف صحيح في جوانب كل طريق اتلاقي منحنى او قروف علشان ايسهل نزول المياه , اما عندنا من ينزل مطر اشوي اتصير مستنقعات صوب ابيوتنا.

[MAZEN37]

شبيصير بحال استمر المطر اسبوع واحد مثل البلاد الاوربيه
حزتها بتصير كارثه بمعنى الكلمه
المشكله الثانيه انه الارض بها مياه
لازم تخطيط للمستقبل

[باراكودا]

يجب حل مشكلة المياة الموجودة في باطن الارض منذ ثلاث سنوات وهى تزداد بمرور
الوقت مما ينبىء بحصول كارثة قريبا اذا لم يتم تصريف المياه الى البحر بأسرع وقت
ممكن وبعدين يشوفون حلول دائمة من بنية تحتية وخلافه .

[غير البشر]

من وعيت ع الدنيا وانا اشوفهم يحفرون ويشتغلون في الشوارع صرف ملاين بالهبل على التعديل والصرف الصحي واذا نزلت رشه مطر طلعت العيوب ماغير هالدناكر شغاله شفط بالماي مسببه زحمه ومحنى بقاصرين زحمه:(


اي والله صدقتي
وبعضها شوارع جديده يحفرونها هم على بالهم الدناكر حل نفس ماقلتي تزيد الزحمه
والدنكر عشان يسحب الماس يبغيله وقت طويل
واعتقد ماعندهم حلول خلاص المخ عندهم يوصل حد معين ويجيم

[غير البشر]

غير البشر ،، تبي الصدق ،،، ماهم فاضين ينتبهون للبنية التحتية وينجزون معاملات عيال قطر ويبنون لهم بيوتهم ويطورن تعليمهم ويوفرون التأمين الصحي لهم ،،،


مشغولين طال عمرك باليوم الوطني والترتيب للمهزلة الي تصير فيه وتيسير سبل الفساد للشباب والبنات فيه وفي المجمعات التجارية ،،،،،



الله يرحمنا برحمته ولايغضب علينا ...




اووووه المهزله هذي موضوعها ثاني
حق المهازل ماشاء الله يطلعون فنانيين
لكن في الجد كأنه شي غريب عليهم
وموضوع الشوارع ازمه مستديمه اعتقد خلاص نرضى با الامر والاقع لان مالها حل

[Bozizoo]

احنا ماعندنا خطوط صرف للامطار
عندنا صرف صحي فقط
وعندنا soakaway بس
وهي عباره عن حفره على يمين الشارع
واظن من اسباب عدم وضع الصرف للمياة المطر
هو ندرة هطول المطر

[نوار قطر]

قطرتين مطر اعفست الدنيا علينا الله المستعان وصباااح الخير يا اشغال

[بوعلي2]

مشكله والله يالذيب

الله المستعان

[الزلزال]

أموت واعرف وين راحوا اللي كل يوم والثاني طالعين لنا في احد وسائل الاعلام ويتكلمون عن البنيه التحتيه :playball:

ههههههههههههههه بيطلعون بس اصبر لين يروح المطر

:nice:

[شيخ الديرة]

السلام عليكم ورحمه الله وبركاته

مبروك عليكم الحياا
اللهم لك الحمد اللهم اجعلها سقيا رحمه

من رحمه رب العالمين فينا ان المطر على قطر نادر
والا كان شفنا فريجنا ماربيا وفريجكم المارينا والفريج الي مناك فينيسيا
يا لجنه طوارئ الامطار ماذا فعلتو وشنو الي توصلتو له بعملكم الموكلين له من كم سنه

هل وجدتو الحلول ؟ هل توصلتو لنتيجه ؟

اكيد الاجابه لا والسبب ماشفنا شي على ارض الواقع
اذا ذهبو الي بيوتكم

اشغال كيف الحال هذا هو شغلكم الاساسي الدوله تعطيكم مليارات وين راحت سويتو شي على ارض الواقع ؟؟

طبعا لا
والسبب ماشفنا شي على ارض الواقع

اذا اذهبو الي بيوتكم


اناشد سمو الامير بحل لجنه طوارئ الامطار لعدم كفائتها
اتمنى من سمو الامير فصل اشغال عن البلديه
وظمها الى سموه مباشره او سمو ولي العهد او المكتب الهندسي الخاص
اتمنى الاتفاق وتوقيع عقود مع شركات عالميه لتنفيذ المشاريع ويكون توقيع العقد مباشره من حكومه قطر بدون شركات من الباطن التي همها فقط توزيع الكعك من تحت الطاوله
تعيين وانتداب خبراء في هذا المجال اجانب من الشركات العالميه المعروفه للتخطيط ومواجهه مشاكل الامطار والاستغناء عن المهندسين الموجودين حاليا من شرق اسيا ومن بعض الدول العربيه

اتمنى من سعاده عبدالله بن حمد العطيه رئيس هيئة الرقابة الادارية والشفافية بمحاسبه هذه الشركات والمسؤلين عن الاموال المهدره لهذه المشاريع الفاشله


والسلام ختام
كلام عدل