يـاسعــود اطـلـع

[Aaziz]

السلام عليكم ورحمة الله و بركاته


موضوع راح اكتبه ولا راح ارد عليه . اما يحذف اما تتفاعلون معاه .


------------- الموضوع متعلق باحد برامج تلفزيون قطر الجديدة ----------


شاهدت برنامج للطبخ كان عباره عن جمعة بنات صغار و فيهم سيده فاضله سمرا (جدا ممتازه و مره ثقيله الله يوفقها)
الحاصل ان البرنامج فيه شاب اسمة سعود ،،، وجود هذا الشاب لا معنى له بالبرنامج نهائيا بل بالعكس وجوده غلط و قمه الاحراج .

كيف البنات كلهم قاعدين على طاوله الطعام و هو يجيب المواعين الي فيها الاكل اكثر من مره رايح راد يقدم لهم الاكل على الطاوله .

يا جماعة هل هذا هو وضع الرجل المتعارف عليه في بيته ؟

قسم بالله اغاضني المنظر جدا .

ارجوكم يا القائمين على تلفزيون قطر انتبهو لمثل هذي الامور .

لا يختلط الاحابل بالنابل ،،، لا نحاول نقلد مشيه الحمامه و في الاخر نضيع مشيتنا ولا نظبط مشية الحمامة .

الصح صح و الخطا خطا .


للعلم انا جدا مبسوط على التغييرات الي حصلت في التلفزيون ، بس ننتبه لهذي الامور .

والسلام عليكم ورحمة الله

[PRINCESS]

ماشفت البرنامج

بشوف البرنامج ووضع سعود وبرد عليك
ولي عوده:)

[بن غيث]

عزيزي .. أنت بنفسك قلت .. : برامج تلفزيون قطر الجديدة
وهذا هو الفكر الجديد المراد أدخاله في عقول أطفالنا .. وفي الحقيقة ليس بجديد ..!!

[intesar]

ما شفت فما أقدر أحكم..

[عيون الدوحة]

أنا شفت البرنامج من البداية
الشاب سعود الكواري
خريج فنون الضيافة
الشاب حاب هذا التخصص وتخرج وحصل على الشهادة فن الضيافة

[بوحمد111]

لا تعليق على سعود وغير سعود

امنيتي الوحيده ان الله يوفق القائمين على تلفزيون قطر بحلته الجديده

[ريتويت]

مقدر احكم وانا ماشفت شي

[Ali A]

سعود وش جابه وسط البنات

[عطر فرنسي]

مقدر احكم وانا ماشفت شي

[Aaziz]

ما شفت فما أقدر أحكم..


مقدر احكم وانا ماشفت شي


مقدر احكم وانا ماشفت شي

قايل لكم اشهدو في المحكمه ، بتشوفون الي ذكرته في راس الموضوع ،، ايش بتشوفون يعني

[كازانوفا]

ما في داعي ان نشوف الموضوع واضح والاخ كلامه واضح
ايش جاب الشاب من بين البنات والا هاااي هي الحريه والديمقراطيه بالتلفزيون بحلته الجديده
وليش ما جابو بنت متخصصه في هذا المجال ومتخرجه من الجامعه وحابه تظهر لبني جلدتها ان العمل بهذا المجال مش عيب ولا غلط
في طرق كثيره لو بالفعل عايزين نوصل الصح للصح ...

[عطر فرنسي]

قايل لكم اشهدو في المحكمه ، بتشوفون الي ذكرته في راس الموضوع ،، ايش بتشوفون يعني

بنشوف الي قلته عشان نقدر نقول هل سعود مكانه اوكي في قلب الجلسه ولا لأ

وبعدين بالنسبه على كلامك ان سعود يجب الاكل وجهه نظري فقط مافيها عيب ابدا ان الشخص يكون في بيته ويقدم الطعام لي احد في البيت او عنده شهادة الضيافه ويقدم برنامج

[الكبير الله]

ومنا الى سعود ويش تسوي وسط البنات

[الزلزال]

انا شفت البرنامج اليوم ولاحضت الموضوع

بس اذا كان جاسم داخل تخصص الضيافة اعتقد مافيها شي

[باراكودا]

ومنا الى سعود ويش تسوي وسط البنات

أطلع .

[airbus]

المخرج عاوز كده

!!!!!!!!!

[اللوز]

سمعت البرنامج عبر الراديو
سعود الكواري شاب قطري
حاصل على شهادة فن الضيافة
والله يوفقه

[بوحارب]

سمعت البرنامج عبر الراديو
سعود الكواري شاب قطري
حاصل على شهادة فن الضيافة
والله يوفقه

يعني جرسون :omg:

او متر بالمصري :eek5:

[abdulla999]

استغفر الله بيخربون عيالنا باسم الانفتاح والحرية
نفس ماخربو الحريم وخلوهم يدرون في الشوارع كانهم الرجال

[Abdulraman]

أنا شفت البرنامج من البداية
الشاب سعود الكواري
خريج فنون الضيافة
الشاب حاب هذا التخصص وتخرج وحصل على الشهادة فن الضيافة

حاب التخصص ويقعد مع البنات ويجيب المواعين والله خوش تخصص السؤال هل سعود يخدم هله في البيت

اللي اعرفه فنون الضيافه ينفع في العلاقات العامه مهب في المطبخ

[Abdulraman]

يعني جرسون :omg:

او متر بالمصري :eek5:

نعم جبتها والله:nice:

[تاسيتوس]

انا اقول يفتحون تلفزيون قطر للشباب وتلفزيون قطر للبنات منعا للاختلاط.

[قلبي الطيب]

مشكلتنا نقبل شغالات للاجنبي ومانقبلها للقطري مع ان المفروض المبدا يمشي على الكل وسعود مثال لو كان اجنبي مثل شيف اسامة ولا رمزي ماكان حد علق وتلفزيون قطر بالرؤية الجديدة حاب يدخل عناصر مواطنة مادام يسوي شغله فمن حقة يطلع بالبرنامج خلكم واقفين مع القطرين بدال ماتكسرون مجاديفه

[ابوسعود]

افااااااااااااااا قرسون
على فكره حصل تغيير جذري اصبحت اداره شبابيه
والمذيعين مشاء الله شباب في تلفزيون قطر الجديد والاعتماد على ابن الوطن وهذا شي طيب
..............ولكن
مع كل شي حلو لازم تلاقي اشياء غريبه عنا مثل الازياااااء ..............وبرنامج سعود الله يهديه
ويهدينا جميعااااااا

[بوعمير]

يعني جرسون :omg:

او متر بالمصري :eek5:

دامة جرسون، اجل بالله ياسعود نفر مندي وحبه دجاج شوية، وعجل علي ياسعود.

[الحاقول]

فعلا كان وجوده بين البنات غلط

[(بوطلال)]

يعني جرسون :omg:

او متر بالمصري :eek5:


وشفيها جرسون او متر مب شغله شريفه ؟. الله يشفيك بس

[امـ حمد]

ياإخوان انا شفت الحلقه والله مايجوز شاب مع البنات
الله يصلح الحال

[ابوسعود]

وشفيها جرسون او متر مب شغله شريفه ؟. الله يشفيك بس

الله يشفي الجميع ويهدي الجميع

بس ... بس يابوطلال

لكل مقام مقاااااااال :nice:

ولم نناقش الحلال والحرام

[بـارود]

شاهدت جزء من البرنامج
وما أقول الا حسبنا الله ونعم الوكيل

[asd111]

فريت عن القناة اول ماشفت هذا الشي
يا سعود تعال ويا سعود اقعد شئ ماله لازم ولا سنع

[ارين]

ومثل ما قال الأخ عبدالعزيز .. الصح صح والخطأ خطأ

يا سعود اطلع والله يستر عليك ...

[باراكودا]

ومثل ما قال الأخ عبدالعزيز .. الصح صح والخطأ خطأ

يا سعود اطلع والله يستر عليك ...



مهب راضي يطلع ومعطيكم الأذن الصمخة .

[الكواري 1972]

تو النهار توا

الله يستر من اللي جاي

والزين مايكمل

[العريق]

انا شفت البرنامج تقريباً ربع ساعة و ابداً ما عجبني سعود بين البنات و لا عرفت ايش محلة من الاعراب و حتى لو هذا تخصصه مش حلو يطلع بهذا الشكل لان مش من عاداتنا و تقاليدنا و عجبتني مبدئياً ام طلال الي طبخت و اقول مبدئياً لأن يمكن ابدل الرأي بعدين لأني ما شفتها الا شوي .
بس يا ليت سعود يطلع منها و يخليها حق البنات يكون افضل له و لنا

[العريق]

مشكلتنا نقبل شغالات للاجنبي ومانقبلها للقطري مع ان المفروض المبدا يمشي على الكل وسعود مثال لو كان اجنبي مثل شيف اسامة ولا رمزي ماكان حد علق وتلفزيون قطر بالرؤية الجديدة حاب يدخل عناصر مواطنة مادام يسوي شغله فمن حقة يطلع بالبرنامج خلكم واقفين مع القطرين بدال ماتكسرون مجاديفه



طبعاً الكل ما يستنكر لا الشيف اسامه و لا الشيف رمزي بل بالعكس وجودهم أكيد بيعطي البرنامج قوة ما نستنكرهم لان هذا الأمر عادي عندهم و مهنة يمتهنونها و لا غريبة على مجتمعهم اما احنا القطريين و مجتمعنا فهذا غريب علينا و لا نقبلة ابداً :anger1:

[بوحارب]

وشفيها جرسون او متر مب شغله شريفه ؟. الله يشفيك بس

خل دعوتك لك دامها بالطريقة البايخة ذي :omen2:

والله يشفيك انت دامك راضي ان رجال طول وعرض يقدم الشاي والقهوه للحريم:tease:

[Locale]

ياجماعه انا شفت الحلقه ربع ساعه
واللي اتذكره ان سعود ضيف البرنامج
يعني ماراح ايكون موجود بالحلقات الجايه
بس الحركه ان يقدم للنسوات اعتقد المقصود ان هذا تخصصه ويمارسه لهم والله اعلم
ولو انها حركه مب حلوه في حقه

[حميداني]

ما عندكم رابط

[Aaziz]

ياجماعه انا شفت الحلقه ربع ساعه
واللي اتذكره ان سعود ضيف البرنامج
يعني ماراح ايكون موجود بالحلقات الجايه
بس الحركه ان يقدم للنسوات اعتقد المقصود ان هذا تخصصه ويمارسه لهم والله اعلم
ولو انها حركه مب حلوه في حقه

انا شفت جزء بسيط من الحلقه و اتمنى فعلا ان الاخ سعود كان ضيف و مايطلع مره ثانيه الا ببرنامج يرفع راس كل شاب قطري . و ان شاءالله سعود كفوء لذلك .

[راشد محمد]

ماشفت البرنامج

[حراير قطر]

ما شفته

ممكن اسم البرنامج ووقت العرض ...

[La Bella]

ما شفته

ممكن اسم البرنامج ووقت العرض ...

في الضحى
الساعة 10 صباحاً

[حراير قطر]

في الضحى
الساعة 10 صباحاً

يعني ما راح اشوفه طول عمري باكون في الدوام :secret:

[العربية نت]

في الواقع ماشفت البرانامج بس بناءاً على ما تم ذكره فالتلفزيون ماشي على نهج جديد قد لايعجب الكثير منا لكنه مستمر وهذي بدايته اما مايتعلق بسعود ارى ان البيئة يمكن لها تأثير في ارتباطه لتلك المهنه :eek5:

[برشلوني قطر]

ماشفت البرنامج..بشوفه وبعدين بحكم











































وقعت فالفخ كنت بسوي مثلهم :nice:






قايل لكم اشهدو في المحكمه ، بتشوفون الي ذكرته في راس الموضوع ،، ايش بتشوفون يعني

ههههههههههه صادق بوسعود..


افااااااااااااااا قرسون
على فكره حصل تغيير جذري اصبحت اداره شبابيه
والمذيعين مشاء الله شباب في تلفزيون قطر الجديد والاعتماد على ابن الوطن وهذا شي طيب
..............ولكن
مع كل شي حلو لازم تلاقي اشياء غريبه عنا مثل الازياااااء ..............وبرنامج سعود الله يهديه
ويهدينا جميعااااااا

عجبني ردك بوسعود...فعلا تلفزيون قطر فيه الكثير من الكوادر القطريه وشي

الواحد يفتخر فيه...

وسعود اذا حاب الشغله وتخصصه ياخي يطلع ف برنامج بروحه ويشرح طبيعة دراسته..

مب عند حريم وتقديم:eek5:




خل دعوتك لك دامها بالطريقة البايخة ذي :omen2:

والله يشفيك انت دامك راضي ان رجال طول وعرض يقدم الشاي والقهوه للحريم:tease:

وسع صدرك يابوحارب...واسأل الله العظيم رب العرش العظيم ان يشفيك يااارب