رايكم في هالشركة للرخام ؟

[dream~qa]

الشركة القطرية للرخام والزخارف الاسلامية :

من حيث نوعية الرخام وجودته عندهم ؟؟؟

[dream~qa]

:confused::confused::confused:

محد سمع عنهم ؟؟؟؟؟

[الســـهم]

إلا انا سمعت ..

من الشركات اللي تملك سمعة طيبة فالسوق ..

لي صديق مايتعامل الا معاهم في كل بيوته , حتى اللي بيركب الرخام عندي يثني على بضاعتهم وشغلهم ..

الواحد وده يتعامل مع هالشركات المحترمة , لكن اسعارهم تقص الظهر ياخوي ..

وعلشان تتطمن اكثر ويرتاح قلبك , خله ياخذك حق كم مشروع يشتغله حاليا وشوف شغله بعينك ..

بالتوفيق ان شاء الله ..

[dream~qa]

بالعكس أنا كلمتهم وانصدمت من السعر الكريما ماربل مع التركيب قالي ب 180 طبعا سادة من غير ديزاينات مع أن في المحلات الثانية أغلى .

وطمني قالي مشتغلين في فندق الماريوت والاوريكس ومحلات في اللؤلؤة .

ما ادري عن اسعارهم الثانية بس أنا صارت عندي قاعدة في الرخام أتعامل مع شركة محترمة ومجربة وتعيش عمر ولا اتوهق مثل ما صار معاي قبل .

جزاك الله خير .

[شموخ دائم]

,

,


مرحبا

مافي كريم مارفيل اسباني ب 180 ريال نهائيا
يمكن هو يقصد اللون الكريم وليس الكريم مارفيل الاسباني
حتى من مصانع اسبانيا هناك سعره اكثر من كذا بكثير

انا اتكلم عن مقاس 60×60
انا ما اعرف هذه الشركه حتى ما اظلمهم ولكني اعلم عن الكريم مارفيل وكم سعره في اسبانيا
وفي قطر يباع ب 280 الانواع التجاريه و300 ريال للنوع المختار من غير تركيب والوانه متشابهه العروق
اما الكريم مارفيل الدرجه الاولى فسعره ب 700 ريال من غير تركيب
ولايوجد في قطر لانه سعره غالي ومحد يشتريه الا بطلب خاص

رجاء الانتباه من الاسعار
سعر الرخام العماني 180 في السوق
وهو شبيه جدا من الكريم مارفيل الاسباني باللون


لو لقيت قلم كريستيان ديور اصلي سعره ب 1000 ريال
ولقيته في محل ثاني سعره 500 ريال
لازم اعرف انه ( غير اصلي ) وليس المحل الاول غالي
هذا التفكير السليم

,

,


اخوك


شموخ دائم

[dream~qa]

جزاك الله خير أخوي شموخ فعلا أنا ماسألته عن المصدر إذا كان اسباني أو عماني وزين هذي نقطة نبهتني لها

اللي صاير أن المهندسة اللي مسويه لي التصميم والتنفيذ قالت لي أنهم هم اللي بيجيبون لي الرخام مع التركيب ومن ضمن الشركات اللي يتعاملون معاها هذي الشركة .

[بن غيث]

جزاك الله خير أخوي شموخ فعلا أنا ماسألته عن المصدر إذا كان اسباني أو عماني وزين هذي نقطة نبهتني لها

اللي صاير أن المهندسة اللي مسويه لي التصميم والتنفيذ قالت لي أنهم هم اللي بيجيبون لي الرخام مع التركيب ومن ضمن الشركات اللي يتعاملون معاها هذي الشركة .

نصيحة .. أذا تحبون تأخذون بها أو أتركوها
من يورد لا يجب أن يركب

[dream~qa]

نصيحة .. أذا تحبون تأخذون بها أو أتركوها
من يورد لا يجب أن يركب

جزاك الله خير هذا شيء أكيد وهم اللي بيركبون أما الاختيار سيكون من أحدى الشركات القطرية بعد موافقتي أكيد . لذلك تم السؤال عن الشركة ؟؟

[حسن الاحمد]

نصيحة .. أذا تحبون تأخذون بها أو أتركوها
من يورد لا يجب أن يركب

بالعكس قصدك يمكن

[dream~qa]

حبيت أصحح معلومة رحت للشركة اليوم وشفت الرخام وفعلا واضح أن الشركة محترمة والنوعيات عندها جيدة بس الاسعار غالية

وكلام الأخ شموخ صحيح لأن الكريما مارفل لقيته ب 500 .

المهم النتيجة اللي حبيت أوصلها لكم أن أغلب الأعضاء يبحثون عن الكريما مارفل وأنا كنت مثلهم وبعدين يشتكون من أن الرخام تغير أو تحفر مع أني شفت نوعيات ممتازة وأكثر صلابة .عن نفسي هونت عن الكريما مارفل والبتتشينو لأنها أقل صلابة وما راح تعمر وايد .

[q6ryah]

انصحونا بنوع حلو
لقيت كريم مارفل عند نابينا اسباني او ايطالي
مش متاكدة أيش الأجود؟

[ابوعلي]

نصيحة .. أذا تحبون تأخذون بها أو أتركوها
من يورد لا يجب أن يركب

سبب هالنصيحه اخوي

لان الي بيورد لي وبيركب الرخام الذهبي

[قطري قديم]

للامانه شركه محترمه جدااا من واقع تعامل

[بن غيث]

سبب هالنصيحه اخوي

لان الي بيورد لي وبيركب الرخام الذهبي

السلام عليكم ورحمة الله

مرحب اخونا ابوعلي

سبب نصيحتي هذه .. كثرة ظاهرة الغش من معدومي الضمير

وتكررت عدة مرات مع اصدقاء لي

يتم توريد الرخام الى الموقع ونكتشف الاتي .. :

عدم مطابقة الرخام للعينات المختارة من حيث النوع والجودة وبلد المنشأ .. وجود عيوب لا تلاحظ بعد التركيب والجلي لكن تلاحظ بعد فترة زمنية بسيطة

لقد لاحظنا وجود رخام طبق الاصل للأيطالي ولا يستطيع معظم الفنيين التمييز بينهم من ناحية الملمس ..

لكنه معالج كيميائياً وسهل الكسر

حيث يتم اتباع طرق تقليدية في معرفة هذه الانواع للتأكد منها

[العنيد000]

زين ايش رأيكم في محل جلف ساتل حصلت عنده كريما مارفل المتر 240ريال

[ابوعلي]

السلام عليكم ورحمة الله

مرحب اخونا ابوعلي

سبب نصيحتي هذه .. كثرة ظاهرة الغش من معدومي الضمير

وتكررت عدة مرات مع اصدقاء لي

يتم توريد الرخام الى الموقع ونكتشف الاتي .. :

عدم مطابقة الرخام للعينات المختارة من حيث النوع والجودة وبلد المنشأ .. وجود عيوب لا تلاحظ بعد التركيب والجلي لكن تلاحظ بعد فترة زمنية بسيطة

لقد لاحظنا وجود رخام طبق الاصل للأيطالي ولا يستطيع معظم الفنيين التمييز بينهم من ناحية الملمس ..

لكنه معالج كيميائياً وسهل الكسر

حيث يتم اتباع طرق تقليدية في معرفة هذه الانواع للتأكد منها

بارك الل فيك اخوي بن غيث على هالرد والله يبعد عنا الاشخاص الي ما عندهم ضمير

ومشكلتنا نبي نخلص بأي طريقة وعلى هالاساس ننخدع بسهولة واذا بالامكان تنويرنا بموضوع عن الرخام وطرق كشف غش والاعيب البعض

وعساك على القوة اخوي

[بن غيث]

بارك الل فيك اخوي بن غيث على هالرد والله يبعد عنا الاشخاص الي ما عندهم ضمير

ومشكلتنا نبي نخلص بأي طريقة وعلى هالاساس ننخدع بسهولة واذا بالامكان تنويرنا بموضوع عن الرخام وطرق كشف غش والاعيب البعض

وعساك على القوة اخوي

موضوع طرق اختبارات الرخام فنية جداً وتحتاج لشخص على دراية وخبرة في هذا المجال .. لانه يوجد نوع من الاختبارات يجب ارتداء نظارات وقفازات لاستعمال احماض
وايضأ بالنظر الى الرخام ومعرفة العروق والدوائر والثقوب
واللمس بالاتجاهين .....
ولا تنسى ايضأ عيوب التصنيع والقطع والهالك من الشحن بكسر في الاطراف

لكن سوف أقوم أن شاء الله بأعداد تقرير مدعوم بالصور و الفيديو ايضاً لمزيد من التوضيح