رجل المرور في مسيره اليوم الوطني

[كلاسيك قطر]

السلام عليكم ورحمه الله وبركاته

اخواني الحين الخرجي قال ممنوع في المسيرات انه الشباب يدورون مابين السيارات

وانا اليوم اشوف اكثر من واحد يدور مابين اليارات والشرطي يطالعهم

سوو شي امسكوهم او شي

[بوخالد911]

التصريحات شي

والواقع شي اخررررررررررررررررررر

[وطن]

ايه والله التصريحات شي
والواقع شي ثاني

انحبسنا في بيوتنا بسبب هالأشكال
رقص ورش ومسخره

الله يصلحهم

[كلاسيك قطر]

انزين شنو الحل الحين

ويرشون الرش ويطلعون من فتحه السياره

[لاجل QT]

هههههههه

لسان حالهم يقول خلهم يستانسون

بس هالمرة مافي اسفاف مثل الاعوام اللى طافت الحمدالله

لقيت نظرة من بعيد لبعيد ..

[WFM]

نفس الصورة تحدث في السعودية .. ولله الحمد ايامي الوطنية أقضيها في بيتنا .

[وحيد-الشوق]

عالم بلشتيه للأسف اغاني ورقص وخرابيط ومغازل والخ ويقولون وطنية !!!!!

[..er..]

الوطنيه ماراح تطلع وتبين على الرقص والهز .. إلخ

الوطنيه راح تنعرف ب اوقاتها ..

ف الاحسن اقعد في مجلسك وتابع بالتلفزيون ولا رح الله لا يهينك لـ العرضات اللي جنب نادي الريان :)

اشرف لك من الرقص والرش والخرابيط ..

[الزعفراني]

شخصيا ما أروح المسيرة .. من مراسليني هناك .. :tease: ومن بعض الصور اللي وصلتني على البلاك بيري ..

في بعض التجاوزات صارت لكن يقولون أخف من الاعوام اللي طافت

وبالنسبة لرجال المرور بيلحقون على من والا من .. صعب السيطرة بنسبة 100%

[تربوي]

اسمح لي ان اختلف معك
انا اشوف رجال الداخلية قايمين بالواجب وزيادة ومما رايت اليوم :
1- سحب علب الرش من الشباب
2- ادخال الناس المعلقين الى داخل السيارات
3- اخفاظ صوت الاغاني والدق
4- سؤال العائلات هل احد ازعجكم او تطاول عليكم ؟

اكثر من هذا ما المطلوب منهم ؟

اذا لم يستحي الشاب وتستحي الفتاة .... فما يصنع القانون ؟

[عيون الدوحة]

اسمح لي ان اختلف معك
انا اشوف رجال الداخلية قايمين بالواجب وزيادة ومما رايت اليوم :
1- سحب علب الرش من الشباب
2- ادخال الناس المعلقين الى داخل السيارات
3- اخفاظ صوت الاغاني والدق
4- سؤال العائلات هل احد ازعجكم او تطاول عليكم ؟

اكثر من هذا ما المطلوب منهم ؟

اذا لم يستحي الشاب وتستحي الفتاة .... فما يصنع القانون ؟

وكذالك سحب اقنعة المهرج بو شنب
بس شفتهم يسحبون هذا القناع والاقنعة الثانية مسموح
وش سالفة هذا القناع ?

[السكين]

بالعكس انا رحت ساعتين ، واللي لاحظته اول شي مافي هرنات ولا طاط وطيط نفس كل سنة ، الشرطة بين السيارات علب رش وأخذوهم من الشباب والمارة ، ناس عالسيارات نزلوهم وهددوهم بمخالفة فورية لو ما نزلوا ، رقص خلوا الشباب يركبوا سياراتهم قدامي ، والأهم الخطوط كانت ماشية أكثر من قبل بفضل الله ثم بفضل التشديد ..يعني مسخرة نفس كل سنة أبداً ما فيه .

بس شوية تصرفات شفتها اغلبها من البنات للأسف ولكن لا تقارن نهائياً بالعام الماضي وهذا الشيء يعتبر سلوك فردي صعب على الأمن أنه يحصره ويعاقبهم ..

اوالله يعيد هالأيام عليجميع على خير وأمن وأمان .

[غايه الطواش]

وش ذنب الخرجي اذا الناس ماعرفت تربي عيالها؟

[غايه الطواش]

وكذالك سحب اقنعة المهرج بو شنب
بس شفتهم يسحبون هذا القناع والاقنعة الثانية مسموح
وش سالفة هذا القناع ?


اختي في قناع وتيشرتات انتشرت الفتره الاخيره علي صوره شنب \
الناس تلبسها وماتدري ويش معناها

هي تمثل سرطان البرستاتا
بعد الشر عن من يعز علينا وعليج
نفس الربطه الورديه الي ترمز لسرطان الثدي

بس في ناس مع الخيل ياشقره

[Locale]

الله يعطيهم العافيه ماقصروا
وصاجه غايه اذا اهلهم ماربوهم شذنب الخرجي

[Rosso]

اختي في قناع وتيشرتات انتشرت الفتره الاخيره علي صوره شنب \
الناس تلبسها وماتدري ويش معناها

هي تمثل سرطان البرستاتا
بعد الشر عن من يعز علينا وعليج
نفس الربطه الورديه الي ترمز لسرطان الثدي

بس في ناس مع الخيل ياشقره

غلطان الشيخ
ماله دخل بالسرطان ولا البرستاتا بعيد الشر
من وين جبت هالمعلومه؟ :rolleyes2:

ابحث مره ثانية وبتعرف ليش في شوي تخوف من هالقناع :discuss:

[FIRE FLY]

والله اليوم كانوا مشددين وايد ..

من الشغلات اللي أيدتها ..
الرش كانو يسحبونه ..
والاغاني تتقصر واللي فيها ازعاج ،،
ما كانوا يخلون الناس يطلعون برا الدرايش عشان لا حد يطيح ..

بس اللي ما أيدتها ..
سحبهم للأقنعة !! والغريب انه كل واحد منهم له أوامره اللي تختلف عن غيره .. وبسبب الاختلاف طاروا مني اليوم 4 اقنعة :/
اول شي قالوا شيلوا الاقنعة لما تشوفوا رجال المرور .. قلنا مب مشكلة .. وكانوا رجال المرور متعاونين وتقبلوا الموضوع بابتسامة .. لشكل القناع
بعدين قالوا السايق ما يلبس القناع ، واللي وياه في السيارة عادي يلبسه بس ما يزعج حد فيه او يخوف احد فيه .. ومروقها لنا هالمرة ..

بس بالاخير .. انه الاقنعة محطوطين في السيارة على الطبلون وما حد لابسهم ولا حد مقرب صوبهم .. يجي واحد من المرور يوقفنا ويقول هاتوا الاقنعة !!! ليش خير ؟ قال هاتوها ممنوعة .. قلنا له انت شفتنا مب لابسينها ولا شي ومحطوطين بس .. والله ما نلاقيه الا اتصل بالضابط والضابط جا وقال تتصادر !!
وانه هذه اوامر ، قلنا لهم انه اللي قبلكم ما قالوا هالشي .. والقناع محطوط في السيارة من دون ما حد يلبسه او يزعج حدا او اي شي .. مجرد زينة !! سحبوهم وظلو ماشيين !!!

والقناع هو لفيلم اسمه v ما له علاقة لا بسرطان ولا بشي :)
والمشكلة انه يوم شالوا اقنعتنا .. مرت من جنبنا سيارتين كلهم لابسين اقنعة وطالعين من الدرايش .. ومر كم شب لابسهم ولا حد شال منهم شي !!

امنا بالله وقلنا مب مشكلة .. بدت الألعاب النارية واستمتعنا فيها وقلنا روقتنا شوي عن اللي صار ..

مشينا شوي والا وقفونا .. وقال شيلو العلم المغطي السيارة .. صفوا على جنب وشيلو .. والا نصف ونلاقي سيد كامل من السيارات الكل قاعد يشيلون الاعلام وكل شي وما يعطونك الليسن او الاستمارة الا لتشيل !!!!

مدري الواحد شيقول !! الاعوام اللي قبل كانت الامور فارطة على الاخير .. الا انه هالسنة كان التشدد كبير !!!!

صعب الامور تكون نص نص ؟؟ :/

[Dana’1]

بالعكس الا يعطيهم العافية ما قصروا

[سعود العمادي]

السلام عليكم
انا رحت المسيرة وطبعا زحمة لكن السيد يمشي يعني اشوي اشوي
لكن قبل اليوم الوطني قرينا عن القوانين الي هي منع الرش والرقص والمشي بين السيارات
وممنوع البنات يكونون بروحهم في السيارة
لكن انا شفت العكس شفت قدامي هاي الاشياء الرقص والمشي بين السيارات والرش والبنات بروحهم في السيارة واغاني والي اخره
ماقول لا في شباب لابسين زي مدني ياخذون الرش من الناس والشرطه بعد
لكن مانقصر في حقهم ماقصروا وجزاهم الله الف خير
لكن القوانين الي قالوا عنها ماتطبقت بالكااااااااااااااااااااااامل
لكن الحمدالله الامور السنه خفت عن قبل

[لمعة الالماس]

احسن شي التشديد

ما قصروا المرور قدروا يسيطرون على التجاوزات وبعض المصخرة

واللي انا شفته

ظ،- اعلام قطر كانت طايحه في الشارع وينزل الشرطي من سيارته بس عشان ياخذ العلم

ظ¢- يدخلون الشباب والاطفال اللي طالعين من الدرايش والفتحات :)

ظ£- ممنوع العلم يزحف او يغطي لوحة السيارة

ظ¤- الشوارع تمشي والشرطة معانا في المسيرة تدور احلى شي

وان شاء الله السنة الجاية يكون التنظيم والالتزام اقوى واشد

[كلاسيك قطر]

الف شكر لكم والله ويعطيكم الف عافيه

[ريتويت]

لاتعليق

[مشلاقي]

كل شي كان ماشي تمام وكنت ملاحظ فرق كبير عن الاعوام السابقه وفعلا شي يشكرون عليه وقبل الالعاب الناريه الكورنيش مع كثر السيارات الا ان الجو كان هادئ بغير عادت المسيرات واكيد الفضل يرجع لرجال المرور وتطبيق التعليمات واعطاء مخالفات للمخالفين وكل شي كان يسير بسلاسه الا بعد الالعاب الناريه قامو رجال المرور بتسكير بعد الطرق وتحويل المسارات بشكل غير مدروس ابدا ولا خطه واضحه مما تسبب في زحمه خانقه جدا خلت الصغير قبل الكبير تصيبه حالة نرفزه والذي تبين لي ان رجال المرور كان همهم الوحيد منع المخالفات فقط
واعتقد انه يجب تكثيف دورات لهم كيفية التعامل مع زحمة السير وليس بشكل ارتجالي بتسكير المسارات وارباك السير
الالعاب الناريه انتهت الساعه 08:10 وكان ممكن اكون في المنزل لو لم يغلق ذلك الشرطي المسار في تمام الساعه 08:30 ولكن للاسف دخلت المنزل الساعه 11:30 وبعد جهد وقطع ارصفه وكل هذا الوقت فقط في شارع واحد الذي بين الابراج
هناك عائلات وناس ليس لهم بالمسير واجبرو على المكوث مده طويله بدون سبب ومنهم المريض والضعيف فلماذا هذا
اتمنى من رجال الامن كما تعاملو مع المخالفين بحزم ان يكون لديهم الخبره الكافيه والخطط المدروسه في اغلاق المسارات وتحويل السير

[عنيــــد]

واضحه جهودهم الله يعطيهم العافيه اشتغلوا على مدار الساعه ،، من فجر اليوم الوطني و هم واقفين على جميع الدوارات و مداخل الدوحه من الشمال و الشحانية و غيرها ،،

نشكرهم جزيل الشكر ،، و نشد على ايديهم للاستمرار في ذلك كل عام ،،

الحمدلله عطونا فرصه نحتفل براحة بال امس

[شيوخه]

يعطيهم العافيه المرور ماقصروا صراحه انا كنت في المسيره وكانوا يسحبون الرش منهم ومايخلون حد يطلع من الفتحه حتى اللي مرفع الصوت يخلونه يقصره وبخصوص قناع الفانديتا هالقناع امنعوه في كل دول الخليج ايام المسيره لانه يرمز للثوره ضد الحكومه عشان جي كانوا ياخذونه منهم

[دلة الرسلان]

وضع الألعاب النارية في نفس مكان المسيرة خطأ جسيم نتمنى تداركه والبحث عن بدائل اخرى

بالنسبة لجهود رجال المرور كانت معدومة بالمرة لم نرى ألا دورياتهم فقط لغلق الدوارات

وتحويل المسارات وبدل من فك الخناق والتنفيس عن شارع الكورنيش المحتقن نتفاجىء

بغلق الدوار ورد السيارات لأتجاه معاكس ، وللأسف رأينا كيف فشلت الوطنية في أول اسرع

اختبار فكم من سيارة قطعت الجزيرة ودعست على العشب بين الشارعين ولم يوجد من يخالف

فكثر عدد المتلفين من مواطنيين ومقيمين .

ينطبق على رجال المرور هذه المرة مثل (نسمع جعجعة ولا نرى طحنا ) و( تسمع بالمعيدي

خيرا من أن تراه ) .

[doha1]

مثل مافي سلبيات في ايجابيات كبييره هالسنه وكلن لاحظها

لخويا والمرور بجميع افرادهم يخالفون السيارات لدرجة ان باركنات الكرك فالكورنيش صارت حق حجز سيارات فقط وكلها سيارات خليجيه ومحليه

وتصرفات ماننكر مخزيه في بعض الاماكن اللي ماحولها شرطه او وقفوهم بعيد بس واضح كلن له مسؤوليه

والافراد عندهم اوامر يطبقونها

شفت مواقف وقحه وقحه وقحه سواء من شباب وهم الاكثر او من بعض العوائل او البنات

والله يهدي الجميع ويارب يجي اليوم اللي يستوعبون فيه معنى اليوم الوطني وطريقة الاحتفاليه فيه

[غايه الطواش]

غلطان الشيخ
ماله دخل بالسرطان ولا البرستاتا بعيد الشر
من وين جبت هالمعلومه؟ :rolleyes2:

ابحث مره ثانية وبتعرف ليش في شوي تخوف من هالقناع :discuss:

دكتور بالجامعه قايل لنا هالمعلومه
وكان لابس التيشيرت

ممكن صوره القناع الي تتكلم عنه
لاني اتكلم عن صوره الشنب علي الملابس

[Abdullah_89]

على هالتصريحات اللي قريناها وقالوها

لم يتم تطبيق اي منها


كان الصابون فالكورنيش وكانوا يتمشون بين السيارات ويرشون على خلق الله

الحين طالعين بموضه جديده اللي هي مسدس الماي

الغريب فالموضوع ان على كثرة ماكانوا الشرطه موزعين عالكورنيش ماكانوا ملحقين على شي

كانوا فترة العصر يسحبون الاقنعه والصابون وغيره لكن من بعد المغرب صار الوضع ثاني

شفت يهال يتمشون ويرشون عالمواتر وبعد الهبلان يخربون ستكرات السيارات وبعضهم مشغول يدور له على حد فاتح الدريشة عشان يرش الصابون داخل

غير اللي كانوا بأقنعه ومتربعين فوق الموتر واللي يسويلي حركات واهو لابس قناع وينسدح لي فوق الموتر يعني شوفوني


بس ارد واقول : ان لم تستح فأصنع ماشأت

[NeverLand]

الاعتداء بالضرب على مواطن قطري في الكورنيش

شوفوا فيديو محمد الدوسري عاليوتيوب

صور نفسه بالمسيره!

www.you tube.com/watch?v=edGoAT0Ruck

افلعوه على راسه وانطق والدنيا كانت قمة بالفوضى

الله يلوع جبد هالتجمعات :secret:

الحمدلله اني ماروح هالاماكن ولا لي خص فيها

[العنيده]

بالامانه كانوا قايمين بالواجب سحبوا الرش حتى القناعات :eek5: ماعرف ليش

اخوي يقول ماخلوا حد وحاولوا ..

المشكله صعبه يسيطرون على الكل بس ترى احسن من كل سنه بانطباع الكل ..

وياريت يفهمون اللي يراكضون بين السيايير :anger1: ترى ريلك بتعورك على الفاضي على الاقل البس نعال وانتوا بكرامه :eek5::anger1:

احنا خذنا في فندق وقعدنا نطالعهم من بعيد :omen2: افضل من لاشي :rolleyes2:

[wadha-qa]

فانديتا رمز الثورة فانديتا” كلمة لاتينية تعنى الانتقام، والمعنى يتفق تماما مع دعوات المتظاهرين الشيوعيين أو الاشتراكيين الثوريين.

بدأت قصة القناع على يد “جاى فوكس” الذى حاول فى عام 1606 تفجير مبنى البرلمان الإنجليزى بالتعاون مع مجموعة من الثوار، فارتدوا أقنعة تخفى شخصياتهم.. تم اكتشاف فوكس وإعدامه قبل الهجوم على البرلمان. في سنة 2005 استلهم المخرج “جيمس مكتيجو” شخصية فوكس لإنتاج فيلم أمريكى شهير باسم v for vendetta


احنا الحمد لله ما نروح هالاماكن لان هذي مناطق تجمع البلشتيه المهم ان اغلب الشباب امعات يلبسون اقنعه ما يدرون وش معناها

مادري شلون يقولون وطنيه و هم يخربون و يوصخون بلادهم اليوم الساعه 6ونص اشوف بنص الشارع اعلام صغيره طايحه و بعض السيارات كلها مغطاه بالفوم و الرش !!!!

[راشد محمد]

بالعكس يعطيهم العافية ما قصروا

[La Bella]

اختي في قناع وتيشرتات انتشرت الفتره الاخيره علي صوره شنب \
الناس تلبسها وماتدري ويش معناها

هي تمثل سرطان البرستاتا
بعد الشر عن من يعز علينا وعليج
نفس الربطه الورديه الي ترمز لسرطان الثدي

بس في ناس مع الخيل ياشقره

وأنا عن نفسي أول مرة أعرف هذي المعلومة

[دانوو]

مافي تنظيم !!
طلعنا من البيت كنا نبي نصور الالعاب النارية اللي وقتها الساعة 8:00
تخيلوا من الساعة 7:15 لين الساعه 8:45 واحنا واقفين عند الاشارة اللي قبل دوار الدفاع المدني
الاشارة تبطل والناس ما تتحرك
من القهر رجعنا البيت !!
وين التنظيم وين المرور ؟؟؟؟؟؟؟؟؟؟

[عيون الدوحة]

مافي تنظيم !!
طلعنا من البيت كنا نبي نصور الالعاب النارية اللي وقتها الساعة 8:00
تخيلوا من الساعة 7:15 لين الساعه 8:45 واحنا واقفين عند الاشارة اللي قبل دوار الدفاع المدني
الاشارة تبطل والناس ما تتحرك
من القهر رجعنا البيت !!
وين التنظيم وين المرور ؟؟؟؟؟؟؟؟؟؟

وايد متأخرين طالعين أحنا طلنا الساعة 4 العصر ووقفنا السيارة في القرية التراثية وقعدنا في منصة الامير
مصلى ومتواجد
وحمامات وانتو بكرامة متواجدة
خذنا دلالنا واغراضنا معانا من البيت
وفي تطوع سويناه بنزل الصور بعدين
السنة الجاية جهزو نفسكم بدري شوي
:nice:واستانسنا وايد وايد وأحلى شي أنا كنا جالسين ومش مثل كل سنة في السيارة تحس بضيق وكتمة من الزحمة