للشريين فقط !!

[الرويـس]

بصراحة . هل في يوم انتقمت من أحد يا شرير ؟
:p

[بوحمد111]

انا مب شري ولكن قلت بشوف يمكن استفيد من الشريين وبأفكارهم الجهنميه مع اني مستحيل انتقم من احد واستعين بالله في كل اموري حتى في اخذ الحق اطلب من الله النصر والحمد لله كل اموري تحققت ورجع لي كل شي انسلب مني

الحمد لله

[ريتويت]

لا طبعا .. لو انا شخصيه محترمه وعارفه حدودي من الاول بتجنب المشاكل حتي لو الطرف الاخر غلطان مابفكر انتقم واغضب رب العالمين

[نور الحور]

اي ..انتقمت ..بس أنا مو شريرة .. انتقمت بمقالب لكن مو برد الصاع صاعين ..
يعني مثلاً حد سوا لي مقلب أقوم وأنتقم بعمل مقلب ثاني :)
وممكن بعد يكون انتقام مسالم (بارد) ..بتجاهل أو عدم تعاون مثلاً ..الخ

أما الانتقام الحاقد فالله يكفينا شره

[بن غيث]

حسب مجال عمل الشخص .. في مجال عملي يجب أن اكون شريراً بمعنى الكلمة ويجب أن يكون بين الحين والاخر كبش فداء لترهيب الاخرين سواء من العاملين معي او المنافسين الذين يكيدون لي

[الرويـس]

انا مب شري ولكن قلت بشوف يمكن استفيد من الشريين وبأفكارهم الجهنميه مع اني مستحيل انتقم من احد واستعين بالله في كل اموري حتى في اخذ الحق اطلب من الله النصر والحمد لله كل اموري تحققت ورجع لي كل شي انسلب مني

الحمد لله

:p
بوحمد شكلك ناوي عالشر

ابد طال عمرك احنا بس حبينا ندردش ونشوف اخوانا وخواتنا الشريين
والموضوع ترويح اكثر من انه ترويع

[الرويـس]

لا طبعا .. لو انا شخصيه محترمه وعارفه حدودي من الاول بتجنب المشاكل حتي لو الطرف الاخر غلطان مابفكر انتقم واغضب رب العالمين

:p
اختاه
عمتاه
بنتاه


مرات في انتقام لذيذ بين الاخوان
جربوه

[الرويـس]

اي ..انتقمت ..بس أنا مو شريرة .. انتقمت بمقالب لكن مو برد الصاع صاعين ..
يعني مثلاً حد سوا لي مقلب أقوم وأنتقم بعمل مقلب ثاني :)
وممكن بعد يكون انتقام مسالم (بارد) ..بتجاهل أو عدم تعاون مثلاً ..الخ

أما الانتقام الحاقد فالله يكفينا شره
:p

ابسلتلي مب شريره

ايش قصة المقلب لو تكرمتوا وبعدها نحكم :p

[الرويـس]

حسب مجال عمل الشخص .. في مجال عملي يجب أن اكون شريراً بمعنى الكلمة ويجب أن يكون بين الحين والاخر كبش فداء لترهيب الاخرين سواء من العاملين معي او المنافسين الذين يكيدون لي

:p
انا بحط ثقتي في هذا الفارس المغوار
بن غيث يخليك ربي عطنا شوي من شراستك في العمل
:p
المكرفون معاك ايها الشرير

[حسن]

بالنسبه لى لا ولا عمري فكرت بالانتقام ارمي ورا ظهري وروح
شوف يالرويس الانتقام اكثر شي بين النسوان

escape

[الرويـس]

بالنسبه لى لا ولا عمري فكرت بالانتقام ارمي ورا ظهري وروح
شوف يالرويس الانتقام اكثر شي بين النسوان

escape

:p
امسكووووووووه
هالولد شكله موجوع

[بوحمد111]

:p
بوحمد شكلك ناوي عالشر

ابد طال عمرك احنا بس حبينا ندردش ونشوف اخوانا وخواتنا الشريين
والموضوع ترويح اكثر من انه ترويع

سلامتك اخوي الرويس

بس من طرف المداعبه قلت هالكلام اما انا فمسالم لأقصى الحدود وتنازلاتي فاقت كل الحدود

[دااانة قطر]

الله يااخذ لي حقي

[الرويـس]

سلامتك اخوي الرويس

بس من طرف المداعبه قلت هالكلام اما انا فمسالم لأقصى الحدود وتنازلاتي فاقت كل الحدود

مابه شك يابوحمد
:p

مرحبا بك

[الرويـس]

الله يااخذ لي حقي

ونعم بالله

[المبرمج صلاح]

خاطري اصير شرير ولو لمرة واحدة كل ما بقرر اعمل شي شرير قلبي ما يطاوعني واحن عالطرف التاني

زمان كنت مسالم وحنون للدرجة الغباء بصراحة اما الحين طيب شوي وبفكر اكون شرير مع الشررين بس مش قادر اتعلم الشر قلبي ما يطاوعني

[الرويـس]

خاطري اصير شرير ولو لمرة واحدة كل ما بقرر اعمل شي شرير قلبي ما يطاوعني واحن عالطرف التاني

زمان كنت مسالم وحنون للدرجة الغباء بصراحة اما الحين طيب شوي وبفكر اكون شرير مع الشررين بس مش قادر اتعلم الشر قلبي ما يطاوعني

استهدوا بالللللللله

:p

[وطن]

يقولون عني اني مثل شرّي بو طير

بس ما قد انتقمت من أحد
اللي يضرني حسابه عند ربي

:)

[الرويـس]

يقولون عني اني مثل شرّي بو طير

بس ما قد انتقمت من أحد
اللي يضرني حسابه عند ربي

:)

ونعم بالله
بس عندي احساس ان انتقامج من النوع الفوري
:p
وأغلبه وانتي تسوقين على سبيل المثال :p
واللي يلف عليج أمه داعيه عليه :p


شكرا وطن والله يجزاج خير على احتسابج عند رب العالمين

[وطن]

ونعم بالله
بس عندي احساس ان انتقامج من النوع الفوري
:p
وأغلبه وانتي تسوقين على سبيل المثال :p
واللي يلف عليج أمه داعيه عليه :p


شكرا وطن والله يجزاج خير على احتسابج عند رب العالمين

هاهاهاهاهاها
لا بالعكس اللي يلف علي اقول له تفضل حبيبي
ما ارفع ضغطي معاه

بس اللي يخالف و يتجاوزني يمين
يا ويله
:anger1:

[غير البشر]

:p:p:p:p:p

[الرويـس]

هاهاهاهاهاها
لا بالعكس اللي يلف علي اقول له تفضل حبيبي
ما ارفع ضغطي معاه

بس اللي يخالف و يتجاوزني يمين
يا ويله
:anger1:

صدق حدسي
:p

ويبدو ان في شخصية شمشونيه صغيييره في داخلج

لا أراكم الله سوءا يا متجاوزين وطن من اليمين
:p

[الرويـس]

:p:p:p:p:p

انت سعود الهاجري
:p
مللتك والله اسمح لي

[غير البشر]

انت سعود الهاجري
:p
مللتك والله اسمح لي


الرويس :p للحين اتقول اني سعود الهاجري :pههههههه ونعم فيه :p
انا بقولك:p من بس لما اتقولي كم راتبك :p

[@north_star@]

ممكن أفكر بالانتقام بساعة الغضب بس لما أهدى أنسى السالفة

[Miss]

ههههههههههههه
انا انتقم الصراحه :secret: لاني لو ما انتقمت ما ارتاح كلش وتقعد في قلبي :rolleyes2:
بس وحده بوحده مثل ما يقولون :tease:
ولا تقولون شريره ههههههههه

[لاجل QT]

نو طبعا:)

الانتقام تاركتة لله تعالى:)

بس ممكن اخذ حقي في نفس اللحظة وخلصنا:)....بس هذا مايعنى انى شريرة:shy:

[معماري قطري]

عندي من سوالف الإنتقام والإنتقام الفوري وايد .. باقول أولها والعالقة في ذاكرتي من أيام ثالث إبتدائي.

على ذيك الأيام .. ما ادري هي وقت المعارف أو بداية وزارة التربية والتعليم علشان المؤرخين والمخضرمين يحددون عمري.. كان شيء عادي في الصف طلاب صغار وطلاب المفروض يكونون في ثانوي.

وكان معانا واحد كبير نسميه " الكساره " وكل اثنين يقعدون في كرسي واحد جدامهم طاولة وحده مرتبطه بالكرسي .. والكساره رفيجنا محد يحبه ولا حد يبيه يقعد عنده وبالغصب قعد جنبي .. وفكرت بطريقة تخليه ما يجي صوبي كلش وبتهور وبدون تفكير في النتيجة .. وكنت وقتها من أهدى طلاب الصف ولا يبين علي اني أسوي هالشيء .. بريت قلم رصاص زين وركزته في فتحة البرغي وجا رفيجنا مسكين بيقعد .. وقعد على القلم ومسكين من الألم نقز نقزه وضربت ريوله في الطاولة وطاح على الأرض يتألم ويصيح وثيابه من ورا كلها دم .. الله يسامحني إن شاء الله كنت ياهل وتفكيري سريع بدون حساب للنتائج .. المهم الكل اندهش من الوضع والمدرس بعد وانا كملت التمثيلية واندهشت معاهم ولا كني أدري شصاير، والظاهر المدرس فهم السالفه ونقله من جنبي ومرت السالفه بدون عقاب لي.

بس ألحين لو ألتقي هالشخص أكيد باتسامح منه.. وسامحوني يا اخوان هذي سالفة انتقام متهور من أيام الطفولة.

[بن غيث]

صدناك معماري .. عمرك من 42 الى 102 ههههههه

الله يعطيك الصحة وطوله العمر أن شاء الله

أنت ذكرتني بواحد يماني كنت متهاوش معاه وحنا صغار .. حظه الردي قعد جدامي .. طلعت الولاعة قلت أصخن راسه شوي .. شوي شفت راسه تشنه شعلة امسيعيد .. ترى الحبيب حاط كاز على راسه مشان القمل .. ويودت الكتاب وعلى راسه أحاول أطفي المصيبة هذه ..!!
أفصلوني أسبوع من المدرسة .. وأقول للمدير مهب مني رأسه شب بروحه..
يضحك ويقول .. : أشدعوه عنده أشعال ذاتي

[معماري قطري]

صدناك معماري .. عمرك من 42 الى 102 ههههههه

الله يعطيك الصحة وطوله العمر أن شاء الله

أنت ذكرتني بواحد يماني كنت متهاوش معاه وحنا صغار .. حظه الردي قعد جدامي .. طلعت الولاعة قلت أصخن راسه شوي .. شوي شفت راسه تشنه شعلة امسيعيد .. ترى الحبيب حاط كاز على راسه مشان القمل .. ويودت الكتاب وعلى راسه أحاول أطفي المصيبة هذه ..!!
أفصلوني أسبوع من المدرسة .. وأقول للمدير مهب مني رأسه شب بروحه..
يضحك ويقول .. : أشدعوه عنده أشعال ذاتي

آمين .. وربي يطول بعمرك إن شاء الله وتشوف عيال عيال عيالك.

طلعت بن غيث مجرم أكثر مني وولاعة في الإبتدائي :omg: لا عيل انا يحليلي عندك .. بس تعال جني أتذكر هاليمني اللي راسه مدور وشعره فلافل .. كنت في بو بكر أكيد .. يخي طلعنا فضايحنا للعالم.

انا بعد أذكر كنا في ثالث ثانوي والمفروض نكون عاقلين وكنت أول واحد في ترتيب الكراسي ومن المجتهدين الحمد لله بس وراي واحد مزعجني بسوالف وحشره، وفجأة قرار سريع بدون تردد وقفت واصفقه سطار طيرت غترته واحمر ويهه مسكين وهو قاعد للحين ما قام، ووقف يقول لي لا خوفتني .. وبس بدأ صج يشتعل الغضب عندي ويمسكوني عنه وانا اتفرط لين من التعب خلاص حسيت بالدنيا تلف بي .. وجا مديرنا غلوم الله يذكره بالخير هو كان حلال المشاكل بسهولة وهداوة وبدون محد يتضرر .. أتذكر يوم شربوني ماي حسيت براحه وبديت أهدى وقتها.

[غرِيبهـ]

ههههههه واي طلعتو شريرين
يالمهندسين معماري وبن غيث


مره كنت مع اخوي يسوق وواحد مافتحله الطريج بسرعه
المهم عديناه وتم اخوي جدامه و يخفف ويضرب بريكات كل شوي
ياربي شرير اخوي جننه مايسوى عليه


ومره طالعين من الاشاره وواحد لف علينا من اليمين الا هو يمشي جدامنا
بغى يطعمنا الا اخوي يقول خذي الرقم سجليه
سجلته وطرشه لرفيجه قال الا ادبه
طبعا هالمره مالحقه وجننه لان مامي معانا

كله يقول ودي بكلوزر قديم وفيه رمانه جدام و ورا وادعم كل من يغلط علي :shy:

[بن غيث]

لا.. في الخليج قبل لا تتحول أعدادي وعقب معهد ديني وعقب صاله القادمون وكان مديرنا الله يذكره بالخير .. الزمان

[معماري قطري]

لا.. في الخليج قبل لا تتحول أعدادي وعقب معهد ديني وعقب صاله القادمون وكان مديرنا الله يذكره بالخير .. الزمان

ألحين بتستوي سوالفنا حجة علينا عند عيالنا .. تعال شقصة صالة القادمون؟ كانت مدرسة ذي؟

[نور الحور]

ياربي .. سوالفكم موصج .. يا معماري و بن غيث .. شر وإجرام فطري ..طلع الوجه الآخر خلاص هههههه


أما أنتي يا غريبة فسوالف أخوج الخالق الناطق من واحد أعرفه عدل مدل .. ههههه

[معماري قطري]

ياربي .. سوالفكم موصج .. يا معماري و بن غيث .. شر وإجرام فطري ..طلع الوجه الآخر خلاص هههههه


أما أنتي يا غريبة فسوالف أخوج الخالق الناطق من واحد أعرفه عدل مدل .. ههههه

الحمد لله ألحين أتحكم في نفسي لو تعصبت وانسى الموضوع سرعه هذا ماضي تليد ورد اعتبار في نفس اللحظة .. بس سالفة القلم صج متحسف عليها مسكين نقز نقزه وضرب في الطاولة قوه طررربااخ تقولين فخوذه إنكسرت من قوة الضربة .. ولو فيه حيل ذاك الوقت كان غسلني عدل .. يعني العملية كلها مب محسوبه صح.

[mr.hamouda]

يب يب

مره جبت لواحد في عيد ميلاده ( فام )...أي هذا هو اللي في بالك

طبعا كنا عازمينه وفتحها في نص المطعم ( حطينها بكرتون عشان ما يشك )

صج انه تكفخنا بس ضحكنا ههههههه
مزح بين شباب موب انتقام بس شراني هع هع

[بن غيث]

بس أنا للأسف لازم أكون شرير فعلاً .. لآني أتعامل مع اذكى نوعية من البشر .. وهم فئة العمالة وبجميع جنسياتها وديناتها .. وأيضاً شركائي الايطاليين واليونانيين .. وهم أمكر وأخبث ما خلق ربي ..

[نور الحور]

الحمد لله ألحين أتحكم في نفسي لو تعصبت وانسى الموضوع سرعه هذا ماضي تليد ورد اعتبار في نفس اللحظة .. بس سالفة القلم صج متحسف عليها مسكين نقز نقزه وضرب في الطاولة قوه طررربااخ تقولين فخوذه إنكسرت من قوة الضربة .. ولو فيه حيل ذاك الوقت كان غسلني عدل .. يعني العملية كلها مب محسوبه صح.


سبحان الله وايد ناس مروا علي طفولتهم كانت تنبيء بشر مطلق ..لكن لما يكبرون يصيرون ملاك رحمة ههههههه
شكلك لو تشوفه بتقعد تستبيح منه هههه

[نور الحور]

بس أنا للأسف لازم أكون شرير فعلاً .. لآني أتعامل مع اذكى نوعية من البشر .. وهم فئة العمالة وبجميع جنسياتها وديناتها .. وأيضاً شركائي الايطاليين واليونانيين .. وهم أمكر وأخبث ما خلق ربي ..


والله صدقت .. أنا أبوي الله يعطيه العافية يردد جملة للحين في بالي .. يقول (أخبث) خلق لله الهنود والـ...(جنسية عربية) ..
يقول فيهم مكر وكذب وماهمهم إلا مصلحتهم ..
أما الايطاليين معروفين بصراحة .. الله يعينك عليهم ويكفيك مكرهم وشرهم .. واسال الله دايما خيرهم وان يكفيك شرهم ..

[غير البشر]

عندي من سوالف الإنتقام والإنتقام الفوري وايد .. باقول أولها والعالقة في ذاكرتي من أيام ثالث إبتدائي.

على ذيك الأيام .. ما ادري هي وقت المعارف أو بداية وزارة التربية والتعليم علشان المؤرخين والمخضرمين يحددون عمري.. كان شيء عادي في الصف طلاب صغار وطلاب المفروض يكونون في ثانوي.

وكان معانا واحد كبير نسميه " الكساره " وكل اثنين يقعدون في كرسي واحد جدامهم طاولة وحده مرتبطه بالكرسي .. والكساره رفيجنا محد يحبه ولا حد يبيه يقعد عنده وبالغصب قعد جنبي .. وفكرت بطريقة تخليه ما يجي صوبي كلش وبتهور وبدون تفكير في النتيجة .. وكنت وقتها من أهدى طلاب الصف ولا يبين علي اني أسوي هالشيء .. بريت قلم رصاص زين وركزته في فتحة البرغي وجا رفيجنا مسكين بيقعد .. وقعد على القلم ومسكين من الألم نقز نقزه وضربت ريوله في الطاولة وطاح على الأرض يتألم ويصيح وثيابه من ورا كلها دم .. الله يسامحني إن شاء الله كنت ياهل وتفكيري سريع بدون حساب للنتائج .. المهم الكل اندهش من الوضع والمدرس بعد وانا كملت التمثيلية واندهشت معاهم ولا كني أدري شصاير، والظاهر المدرس فهم السالفه ونقله من جنبي ومرت السالفه بدون عقاب لي.

بس ألحين لو ألتقي هالشخص أكيد باتسامح منه.. وسامحوني يا اخوان هذي سالفة انتقام متهور من أيام الطفولة.



اخوي معماري لايكون خلفوه الكساره ههههههههههه :secret:

[intesar]

يعني مو أنا الشريرة الوحيدة..
ياهووووووووو..

[نور الحور]

يعني مو أنا الشريرة الوحيدة..
ياهووووووووو..



اي .. الحمدلله الدنيا للحين بخير .. مليانة ولله الحمد :tease:

[بصمة قطرية]

خخخخخخخ
طلعت سوالف الأشرار :secret:
طلعت الفضايح :secret:
أنا كنت و مازلت خوش بنت
طيبة وحبوبة :shy:
أنتقم من عيالي :p
مرة ولدي كان يجنني يستعبط
و يرويني مواقف تخوف في اللاب توب
خرعني في موقف يدري خوافة
لين طحت ذاك اليوم على فيديو حلو
و في نص الفيديو فلم رعب :nice:
قلت أيووووووه
هو ده :nice:
و أصوت عليه و أقول له شوفه شرايك فيه
قعد على السرير
إندمج
إبتسم عجبه
فجأة طلع له البووووو و صرخ
ولدي من خرعته طار من السرير
و صرخ
و أنا ميته ضحك و أصوره :tease:

أدري إني شريرة :tease:

[معماري قطري]

اخوي معماري لايكون خلفوه الكساره ههههههههههه :secret:

والله الذاكره يا اخوي زين صادت اللقب .. خايف يقرأ ويعرفني ويدورني وأكون مطلوب حياً أو ميتاً

[معماري قطري]

خخخخخخخ
طلعت سوالف الأشرار :secret:
طلعت الفضايح :secret:
أنا كنت و مازلت خوش بنت
طيبة وحبوبة :shy:
أنتقم من عيالي :p
مرة ولدي كان يجنني يستعبط
و يرويني مواقف تخوف في اللاب توب
خرعني في موقف يدري خوافة
لين طحت ذاك اليوم على فيديو حلو
و في نص الفيديو فلم رعب :nice:
قلت أيووووووه
هو ده :nice:
و أصوت عليه و أقول له شوفه شرايك فيه
قعد على السرير
إندمج
إبتسم عجبه
فجأة طلع له البووووو و صرخ
ولدي من خرعته طار من السرير
و صرخ
و أنا ميته ضحك و أصوره :tease:

أدري إني شريرة :tease:

نبي نشوف صورته زين

[معماري قطري]

باقول لكم سالفه طرت علي

كانت ورا بيتنا حوطه " تكرمون " وفيها عريش وكنا في عز الظهر نلعب فيها ونركب فوق الطوفه ونركض ركيض خفاف وقلوبنا قوية ما نخاف، وعندي إخو مسكين خواف كان يركب يحبي وإحنا نستغل الفرصة نجي نركض ونشقحه ونضحك عليه ونعلق.

المهم مره انا سويت حبل مشنقه وعلقته في العريش، وحطيت تحته درام من المدورين الحديد، وقلت حق اخوي تعال حط رقبتك في الحبل بتحس بإحساس غريب، ومسكين صدق واقتنع ودخل رقبته وهو واقف على الدرام، وانا رفسه سريعه في الدرام ولا إخوي معلق من رقبته، وزين إشتغل العقل الشرير ومسكته من ريوله ورفعته وحظي إنه ضعيف، ومسكين رقبته عورته وحزها الحبل وإحمرت، وهديناه لأن مسكين عيونه تنافصت وبعد إنسترت السالفه ومحد من الكبار درى بها.

[Miss]

انا قد دزيت اختي في درام الماي لانها ضحكت علي يوم طحت :secret:

[بصمة قطرية]

نبي نشوف صورته زين

:secret:
لا ما يصير :secret:

[الرويـس]

الرويس :p للحين اتقول اني سعود الهاجري :pههههههه ونعم فيه :p
انا بقولك:p من بس لما اتقولي كم راتبك :p
:p
ليش تذكرني ياسعود


ممكن أفكر بالانتقام بساعة الغضب بس لما أهدى أنسى السالفة
:p
انسى اللي فااااااااااااات
ما ظن


ههههههههههههه
انا انتقم الصراحه :secret: لاني لو ما انتقمت ما ارتاح كلش وتقعد في قلبي :rolleyes2:
بس وحده بوحده مثل ما يقولون :tease:
ولا تقولون شريره ههههههههه

ودي اقول كلمة بس خايف احد ينتقم
:p
انصرف انصرف

نو طبعا:)

الانتقام تاركتة لله تعالى:)

بس ممكن اخذ حقي في نفس اللحظة وخلصنا:)....بس هذا مايعنى انى شريرة:shy:
لا ابد ..حاشا وكلا
:p

ردوا عليها .. مع طلب استدعاء ولي امر للضرورة
:p

[الرويـس]

عندي من سوالف الإنتقام والإنتقام الفوري وايد .. باقول أولها والعالقة في ذاكرتي من أيام ثالث إبتدائي.

على ذيك الأيام .. ما ادري هي وقت المعارف أو بداية وزارة التربية والتعليم علشان المؤرخين والمخضرمين يحددون عمري.. كان شيء عادي في الصف طلاب صغار وطلاب المفروض يكونون في ثانوي.

وكان معانا واحد كبير نسميه " الكساره " وكل اثنين يقعدون في كرسي واحد جدامهم طاولة وحده مرتبطه بالكرسي .. والكساره رفيجنا محد يحبه ولا حد يبيه يقعد عنده وبالغصب قعد جنبي .. وفكرت بطريقة تخليه ما يجي صوبي كلش وبتهور وبدون تفكير في النتيجة .. وكنت وقتها من أهدى طلاب الصف ولا يبين علي اني أسوي هالشيء .. بريت قلم رصاص زين وركزته في فتحة البرغي وجا رفيجنا مسكين بيقعد .. وقعد على القلم ومسكين من الألم نقز نقزه وضربت ريوله في الطاولة وطاح على الأرض يتألم ويصيح وثيابه من ورا كلها دم .. الله يسامحني إن شاء الله كنت ياهل وتفكيري سريع بدون حساب للنتائج .. المهم الكل اندهش من الوضع والمدرس بعد وانا كملت التمثيلية واندهشت معاهم ولا كني أدري شصاير، والظاهر المدرس فهم السالفه ونقله من جنبي ومرت السالفه بدون عقاب لي.

بس ألحين لو ألتقي هالشخص أكيد باتسامح منه.. وسامحوني يا اخوان هذي سالفة انتقام متهور من أيام الطفولة.

لاحول ولا قوة الا بالله
:p
حاولت اتخيل الموقف وفي كل مره اوقف عند مشهد الجلوس !!!
يعني لو قلنا مجرم ما تركب .. والاجرام الوان طال عمرك
:p
شباب اذا احد له طرف مع اخونا الكساره فليتقدم لإدلاء شهادته ..

انصرف انصرف
:p


صدناك معماري .. عمرك من 42 الى 102 ههههههه

الله يعطيك الصحة وطوله العمر أن شاء الله

أنت ذكرتني بواحد يماني كنت متهاوش معاه وحنا صغار .. حظه الردي قعد جدامي .. طلعت الولاعة قلت أصخن راسه شوي .. شوي شفت راسه تشنه شعلة امسيعيد .. ترى الحبيب حاط كاز على راسه مشان القمل .. ويودت الكتاب وعلى راسه أحاول أطفي المصيبة هذه ..!!
أفصلوني أسبوع من المدرسة .. وأقول للمدير مهب مني رأسه شب بروحه..
يضحك ويقول .. : أشدعوه عنده أشعال ذاتي

بن غيث
انا من قمت اقرا معلوماتك الجديدة الاخيره تيقنت ان الانتقام في عينك لا محاله
:p
احد مزعلك ؟ احد غلط عليك ؟ علمني عشان نوحد الانتقام
:p

[الرويـس]

شباب

ايش هالاجرام ؟
:p

[الرويـس]

اوجه دعوة خاصة لعضو اتصور انه استاذ في الانتقام
:p
تابعونا

[بنت قطريههه]

السلام عليكم أنا اكبر خواتي فكنت أمرهم ولازم الطاعه فمره أمرت أختي بحاجه فرفضت فسكت ما تكلمت أخذت عود كبريت وترسته قراريص وفتحته قليل وحطيته في مخبأ ها وبعد فتره قلت لها شوفي وقعدت تصرخ والا الان تخاف وطبعا أخذت ضربه محترمه

[معماري قطري]

لاحول ولا قوة الا بالله
:p
حاولت اتخيل الموقف وفي كل مره اوقف عند مشهد الجلوس !!!
يعني لو قلنا مجرم ما تركب .. والاجرام الوان طال عمرك
:p
شباب اذا احد له طرف مع اخونا الكساره فليتقدم لإدلاء شهادته ..

هههههههههه توني شايف التعليق .. لا صج صج كان مشهد صعب إنه ينسى.

ومره كنا صغار وفي عداوه مع جارنا الله يرحمه، ومسوين إزعاج في الفريج .. وكنا وقت الظهر في الشمس وهو موقف سيارته في ظلال البيت ناخذ كسرة مرايه ونعكس الشمس على ليتات سيارته .. وهي تعكس الشمس ونتخيل إن البطاريه بتفضي لأن الليت يشتغل ويجي هو بعدين ويشغل السياره ويروح وإحنا متعجبين ومقهورين إن خطتنا فشلت.

وجارنا بنى بيت جديد في حوش بيته وخلى البيت القديم اللي يعتبر عربي في طرف الحوش وجدران الغرف على الشارع مخزن، فقمنا بعملية هدم جرئية للحائط .. 2 يراقبون زوايا لفة الشارع وفريق يهدم شوي شوي لين سوينا فتحة يدخل منها الواحد وبدينا نسرق أغراض ما تفيدنا في شيء بس إنتقام، ودرى هو ثاني يوم وجاب عمال وبدأ يسد الفتحة وإحنا طبعاً أبرياء ومشاهدين، وأتذكر واحد منا سئله يبه من كسر طوفة بيتك؟ وهو مبتسم بخبث وفكر الشيبه شوي وقال ما فيه غيركم يالشريين وتم يلشطنا بالعقال ونشرد عنه ونضحك.

انصرف انصرف
:p



بن غيث
انا من قمت اقرا معلوماتك الجديدة الاخيره تيقنت ان الانتقام في عينك لا محاله
:p
احد مزعلك ؟ احد غلط عليك ؟ علمني عشان نوحد الانتقام
:p

:nice:

[غايه الطواش]

في قديم الزمان اول ماطلع الحنا السوداني النفش الكبير
كان وقتها عيد كلمت الحنايه واتفقت معاها تجينا حنايه سودانيه كانت
وجا اليوم الموعود قبل العيد بيومين
والبنات كلهم تجمعوا في بيتنا وينها وينها اتصل عليها جايه جايه
وعقب ماترد وعقب سكرت تلفون وخلتنا نولي ....... بعد تخليني اولي واتفشل جدام البنات
كفايه الكلام الي جاني منهم
واتصل لها عقب فتره من رقم ثاني وقلت لها حنا عروس مع13 بنت فالخور تعالي عند دوار الخور اليوم الفلاني
واسحب عليها ههههههههه
الله يسامحني الله يسامحني
لين الحين افكاري شريره لدرجه اقول لربعي لاياخذون رايي في مشاكلهم

[معماري قطري]

في قديم الزمان اول ماطلع الحنا السوداني النفش الكبير
كان وقتها عيد كلمت الحنايه واتفقت معاها تجينا حنايه سودانيه كانت
وجا اليوم الموعود قبل العيد بيومين
والبنات كلهم تجمعوا في بيتنا وينها وينها اتصل عليها جايه جايه
وعقب ماترد وعقب سكرت تلفون وخلتنا نولي ....... بعد تخليني اولي واتفشل جدام البنات
كفايه الكلام الي جاني منهم
واتصل لها عقب فتره من رقم ثاني وقلت لها حنا عروس مع13 بنت فالخور تعالي عند دوار الخور اليوم الفلاني
واسحب عليها ههههههههه
الله يسامحني الله يسامحني
لين الحين افكاري شريره لدرجه اقول لربعي لاياخذون رايي في مشاكلهم


تستاهل بعد توعد وتخلف زين سويتي