ممكن توضيح يا إدارة المرور ؟؟ بخصوص حجز اليوم الوطني

[خليدان]

السلام عليكم ورحمة الله وبركاته

شحالكم ؟؟

أمس في كورنيش الدوحه تم حجز بعض المواتر لأنهم مخالفين

وتم حجز الجيوب الصينيه بحجة إن ماعندنا ليسن دراجه :eek5:

ألحين الجيب لازم له ليسن دراجه !!!!
الدراجه غير والجيب غير الجيب مثل السياره ؟؟

وشي ثاني ومهم ليش في ناس مرخصين لهم الجيب وناس مسجلين لهم الجيب فقط من غير ترخيص سواقة فالشارع !!

أنا إنسان شاري الجيب للشارع ومتوفره فيه كل متطلبات السلامه

يعني ألحين ودي أعرف أنا توني ماخذ الجيب ودافع فوق ال34 ألف عشان أصفه فالبيت !! وفالمقابل في ناس رخصوا لهم الجيوب :secret:

والله الواحد مايعرف شيقول !!! راجعتهم أكثر من مره وبكره بعد براجعهم والله كريم ،،

[بوحارب]

غريبة !

الربع عندهم جيوب ويتمشون في كل مكان ولاحد كلمهم !!

[بوعلي2]

على حسب الي يوقفك

[المتألم]

تبيع بعشرين ؟!


:nice:

الله يسهل امورك اخوي

[bo_s3ood]

غريبه انا رفيقي عنده وحده وعليها لوحه وتامين بعد ويتمشيً فيها علي راحته

[مبرمج QA]

زين سوو في كل مخالف ... لو انا بمكان مدير المرور وبعد توجيهات الشيخ تميم
كنت حجزت كل سيارة مخالفة وعرضتها على المزاد . والفلوس تدخل في ميزانية الدوله .. حتى يكون عبرة لمن يخالف توجيهات سمو الشيخ تميم

[خليدان]

زين سوو في كل مخالف ... لو انا بمكان مدير المرور وبعد توجيهات الشيخ تميم
كنت حجزت كل سيارة مخالفة وعرضتها على المزاد . والفلوس تدخل في ميزانية الدوله .. حتى يكون عبرة لمن يخالف توجيهات سمو الشيخ تميم

نعم وأنا معاك في كل مخالف

لكن الجيب مثل السياره ليش ليسن دراجه ؟؟

ع العموم أنا عندي تراي يوم الإثنين بإذن الله :discuss::nice:

وإن شاء الله انجح :anger1:

[الزعفراني]

كان سألتهم احتمال عندهم تصنيف للدراجات والسيارات .. يعني اتوقع تصنيف الجيب نفس البانشي او البولارس .. يعتبر دراجة بحكم الحجم والمواصفات ... إلخ

عموما الله يعينك على المخالفة .. ونتمنى من إدارة المرور التجاوز عن هالشيء خلال هالفترة على ان يتم التطبيق بعد التوعية في هالموضوع .. عشان الفئة المعنية تكون على علم بالشيء

[المتألم]

زين سوو في كل مخالف ... لو انا بمكان مدير المرور وبعد توجيهات الشيخ تميم
كنت حجزت كل سيارة مخالفة وعرضتها على المزاد . والفلوس تدخل في ميزانية الدوله .. حتى يكون عبرة لمن يخالف توجيهات سمو الشيخ تميم

عسى ما شر
الشيخ تميم ما راح يرضيه مثل هالتعصب لتوجيهات .
تنحجز وتنباع وينأخذ ثمنها . يا ساتر

[tradesman]

اول مره اعرف ذي الشي

يعني الحين انا عندي بولاريس مرخص لازم ليسن دراجه عشان اسوق فيه بالشارع ؟؟؟

وهو يختلف عن الدراجه العادية

وشي ثاني بعد هل لازم تامين لان الي عندي بدون تامين

[كبير المتداولين]

حاجزين موتري عشان اليهال كانو يرشون على سيارتي.

يعني الي يمشون برجولهم وراشين على العالم من يحجزهم

[بوخالد911]

الجزاء من جنس العمل

[بوخالد911]

غريبة يا خي

تخيل 1 طاف الاشارة حمرة ويجي يقول ليش تخالفوني !!!!!!!!!!!!!!!!!!!!!!!!

اللي يخالف يتحمل الجزاء

[عنزي قطر]

مساء الخير شكرا لك على الموضوع

لاتعب نفسك وانت جالس في مكانك راسل ايميل ادارة المرور على traffic@moi.gov.qa وخذ الرد الرسمي منهم افضل