الشيلات القطرية

[ذويبان]

الموضوع باين من عنوانه على قولتهم

طبعا الفرق الشعبيه القطريه تنعد على الاصابع
و في العرضات تبي لك فرقه فيها عالاقل 70 او 80 شخص

وطبعا مب الكل يقدر يوفر لك هالعدد ... و الكثير من القبايل يستعينون بالفرق السعوديه
لان الفرق وايد و اعدادهم وايد .. بس البعض يصادف مشكله ان الفرقه ماتكون حافظه الشيلات القطريه

حبيت انشئ هالموضوع كلن يشارك بالشله الي حافظها

(1)



بنت ياللي شوقها ذرب الفعايل
دوّري يوم الحرايب من تبينه

إعشقي يا بِنْت مِروين السّلايل
في نهارٍ فاز فيه المسْتحينه

الرّدي عوّد من الناموس فايل
ما حصل كود الفشايل والغبينه

إعشقي يا بنت ماضين الفعايل
والمراجل كلّ من تسبق يمينه

[R 7 A L]

من عقب ( بوصبار ) الشيبة
ماعاد عندنا فرق شعبية

[captin]

راحوا هل قطر اللي فيهم خير
راحوا هم وشيلاتهم .

الله يرحمهم ويغفر لهم

[ريتويت]

من عقب ( بوصبار ) الشيبة
ماعاد عندنا فرق شعبية

:nice::nice::nice::nice::nice::nice:

[بوحمد111]

الله يرحم شيبانا الاوليين واتذكر في عرسي جبت فرقة مبارك بن سعيد السليطي الله يرحمه وما عادت موجوده هذه الفرقه والحين يمدحون اللؤلؤه الله يعطيهم العافيه ودار التميمي حمد

تحياتي

[ابوحشر]

عادي اخوي ذويبان هناك حل

اللي يحجز الفرق من السعودية يطرش لهم الشيلات من وهل عشان يحفظونها وهنا اعتقد ماراح تكةن فية مشكلة

وهذا الحل الامثل

[بنت الاجواد]

راحـــــــــــوا الطيبــــــــــــــين

[qatarshark]

طال عمرك هذي شيلة الوالد سعيد البديد المناعي الله يرحمه

[الحريّه]

قودها يا شيخ ما به اقعادي
لي متى يا شيخ ترجي السوايا
قود قبٍّ بالنشاما ترادي
فوقها اللي كالضواري طنايا
فوقها يا شيخ سقم لمعادي
كل غَمْرٍ ما يهاب المنايا
مِنْوته لي ثار عَجّ الطرادي
في نهار الكون يروي الحنايا
بو حمد يا درعنا في العوادي
نتّقي به عند صَكّ الهوايا
مِدّب اللي ما درى وين غادي
بالهنادي و النضا و السبايا
قود جَمْعٍ مثل وَبْل الغوادي
أو كما بحرٍ زخر بالبلايا
وَهّقه من لا يعرف الجوادي
آزت اعلومٍ عليهم حكايا
ضايعٍ يمشي على غير جادي
مخْطرٍ ياطا بِسِمّ الحيايا

[بو طالب]

لاتقول السـر بيّـن ولانـي كاشفـه .. هيه لاتشره على العين واختك كاشفه

كل رجالٍ يشوف الرقم فـي كاشفـه .. والزمان يدور والدنيا علـى حالهـا

العراق يدك والعلم ينشر فـي القنـاه .. ودي اجاهد ولا في يدي سيف وقنـا

ما لإبن صهيون في بلادنا بحر وقنـاه ..ï»؟ والزمان يدور والدنيا علـى حالهـا

اليتيم احن له فاقـد اهلـه فأرحمـه .. مات عبدالله ولد عمي الله يرحمـه

عزتي لأبووه واخواته وامه وارحامه .. هوالزمان يدوور والدنيا على حالهـا..

http://ysv.me/88507

[vip-30003]

هاض مابي جمعكم يابني عمي

ياهل العليا الى ثار عكناني

جمعكم يجلا صدا القلب والهمي

في نهار صار للخيل ميداني

........

للمغفور له الشاعر صالح بن سلطان الكواري