محتاجه عاملات لمحل ملابس افيدوني

[الطيبة كلها]

مرحبا العنوان واضح اخواني تعبت ادور ابغي فلبينيات حطيت اعلان بالجرايد الانجليزيه وحصلت وحده فلبينيه بقطر على فيزا ابوها والراتب زين واعتذرت وبعين دورت وايد وسالت الفلبينين حصلت كم مره فلبينيات جايين زيارة لقطر ويدورون شغل بعد ما اتفق معاهم يعتذرون سالت كم مكتب وكله يقولون مافي طلبات صبري ومحلي جاهز حرام بس يبغيله عاملات لان الاجار ادفعه كل شهر


تعرفون وين احط اعلان واحصل عاملات او مكتب او حد عنده تاشيرة بقطر ساعدوني الله يخليكم:anger1:

[captin]

مرحبا

اللي موجودين في الدوحة كثر لكنهم يتخيرون اماكن معينة
ويفاضلون بين اكثر من وظيفة وعرض واكثرهم يدورون العمل في مكاتب
أو فنادق أو هايبر ماركت.

الأفضل أنج تطلبين تأشيرة لفلبينية أو هندية وتجيبينها مباشرة
من بلادها وتكون عارفة طبيعة عملها والراتب من البداية وموافقة عليها.

[الطيبة كلها]

شكرا اخوي طيب وين ممكن اسكنهم وبكم حد عنده خبرة خاصه بمنطقة العزيزيه

[النهار]

صراحه طلبك صعب الموجودين كلهم يشتغلون ومكفولين اخاف تتطيحن في وحده شارده من كفيلها
قدمي فيزاء او اعاره من احد شركات التنظيفات او مكاتب الضيافه

[الطيبة كلها]

لا ما فهمت قصدي وايد فلبينين يجون قطر عن طريق اهلهم كزيارة وبعدين يدورون شغل ويحولونهم على كفالتهم

[تغلبية]

اعلني او اسالي في موقع Qatar living وان شاءالله تلقين من يفيدج هناك

[الطيبة كلها]

شكرا اختي بجرب

[wadha-qa]

اختي ابوي عنده فلبينية مسيحية يبي ينقل كفالتها من جات وهي في المكتب ماخذاها و جات قبل القرار الجديد راتبها 900 في الورقه
اذا تبينها قولي لي في الخاص بعطيج رقم المكتب و اسم الوالد عشان تنقلين الكفاله

[xtreme]

راجعي الخاص ..
ممكن اوفرلك بائعات ملابس من مصر

[Qtrـطر]

هلا اخوي / اختي بالنسبه للعزيزيه عندي واحد من الشباب عنده فيلا للاجار . وفي العزيزيه ومكانها زين ؟

وهو مبتلش مايبي هنود وحاله . فبالنسبة للاجار فيه مكان موجود بالعزيزيه بالاتفاق بين الطرفين

[Qtrـطر]

بالنسبه للسعر بين 16 لين 18 الاجار بالنسبه للفلل اللي بالعزيزيه وعلى حسب المكان بعد الفلل اللي حولي تتاجر على 19 وفيه ب 15 و 14 كلها ملك الربع ومأجره

[البحار]

السلام عليكم
كم الراتب الشيخه واذا تبين من تونس تجبينهم بشوف لج
شكرا