بالصور في العديد امس السيارات تطير في الجو حقيقه(وحادث امس)

[عنزي قطر]

السلام عليكم ورحمة الله وبركاته
قال تعالى :"وأنفقوا في سبيل الله ولا تلقوا بأيديكم إلى التهلكة وأحسنوا إن الله يحب المحسنين".




امس في العديد والله يهدي الشباب يارب العالمين لو احد قالك السيارة تطير في الجو تقول مستحيل .تابع الصور بدون اي تعديل :eek5::eek5:


البدايه ونااااااااااااااااااااسه نتابع النهايه

سيارات تطير في الجو <<<<

http://www2.0zz0.com/2012/12/22/12/110980963.jpg (http://www.0zz0.com)


وبعدين


http://www2.0zz0.com/2012/12/22/12/833137996.jpg (http://www.0zz0.com)

وبعدين
http://www2.0zz0.com/2012/12/22/12/656530450.jpg (http://www.0zz0.com)



النهايه

اكيد حادث او اعاقه او وفاه:(:( بس فضل من الله حاطين حزام الامان له دور كبير جداً في حالة الاصطدام او الانقلاب لاسمح الله
http://www2.0zz0.com/2012/12/22/12/659565676.jpg (http://www.0zz0.com)



النهاية ندم وحسره وخسائر بالمال <والمال محاسب عليه امام الله عزوجل الروح غاليه ياشباب
http://www2.0zz0.com/2012/12/22/12/466783011.jpg (http://www.0zz0.com)




والله ياشباب الاستعراض نهايته خطيرة خسائر في الارواح والمال
والتجمهر احد اسباب الاستعراض لدى الشباب والله يهدي الجميع

محبكم عنزي قطر ناشط توعوي

[بـارود]

طيش شباب الله يهديهم

[عيون الدوحة]

ااول صورة حلوة وتونس
والله لو الدولة او اي جهة تنضم المكان للشباب لا راح نشوف خساير بالمال ولا النفس
كيوتل او فودافون بنك قطر الوطني لوتشارك وتهتم بفئة الشباب ورغباتهم بس شوي

[عيون الدوحة]

الله يحفظ راعي اول صورة وماشاالله

[غزلان]

الله يهديهم
قلت لكم ماعندهم نيه يتعضون باشكال وانواع الحوادث الى تصير:(

[حميداني]

جزاك الله خير يا عنزي على هالمواضيع الطيبه , عساهي في ميزان حسناتك
كفو والله

ربعنا تراهي والله ما تسوى تنشل وتفقد احبابك الي معاك في نفس الموتر على لعبه

نتمنى انشاء تصريح خاص لمثل هالسيارات الي تبغي تستمتع بهذي الرياضه الخطره
ودعمها بوضع دعايم الحمايه داخل هالمواتر والتغريم على عدم لبس الخوذه وحزام الامان
ونشر الدوريات ورجال التحريات في هالاماكن

تبي تلعب , العب بمسؤوليه

[بوخالد911]

بعض الشباب
اغسل يدك منهم

لو تكلم ظوفة جان اسمعت لك !!!!!!!!!!!!!!

[نوار قطر]

الله يهيدهم والله محد ينحرق قلبه غير هالامهات ،،،

[الإكسير]

الصوره الاولى ماله حل :nice:

[R 7 A L]

الله يهديهم
وجودة في هذا المكان واستعراضهم لن يتوقف
بس ياليت يكون فيه ترتيب ومنظمين حتى لو متطوعين من اصحاب الخبرة
في هذا المجال
الان جاء وقتهم

[عنزي قطر]

طيش شباب الله يهديهم

اللهم امين يارب العالمين

[ريم 28]

الصوره الاولى حلوه الصراحه

الله يحفظهم
احنا عندنا اخو جعل ربي يحفظه
كانت هوايته هالامور الخطيره وحتى البطبطه يلعب فيها لعب ولا يسمع لامي


مسكينه امي اعجزت واتعبت كانت اتحلف عليه ولا في فايده يجيها مره راسه مشقوق ومره حالته حال وحادث

لكن الحمدلله الدعاء نفع وصار مطوع البيت الحين :nice: ربي يثبته يارب

[روز باريس]

اللهم امين
الله يهدي جميع شباب المسلمين

[بريق الماسه]

وااااو وناسه

ياليت يسمحون لنا نحضر استعراضهم :shy:

شي عجييييب

[نيساني]

مرحبا اخوي

يعطيك العافيه بس اخوي المفروض يكون هناك جهه منظمه اما نكتب في المنتدى من اليوم لين بكره ماراح يتغير اي شي

كنت في سيلين هالجمعه وشفت اكثر من حادث قدام عيني

ولد عمره في حدود ال14 سنه وانقلبت فيهم الرينو وانكسرت يده وخلع في كتفه

والبقي اللي منقز وطاح فوق الدراجه بالغلط

لازم تنظيم والله المستعان

[الاجوديه]

الله يهيدهم والله محد ينحرق قلبه غير هالامهات ،،،

:weeping::cry2:


صج والله ..

الله يهدي شبابنااا يارب

[.. الكاش ..]

الله يهديهم ويهدي جميع المسلمين ان شاءالله

[بوخالد911]

وااااو وناسه

ياليت يسمحون لنا نحضر استعراضهم :shy:

شي عجييييب

:anger1::anger1::anger1::anger1:

[نيساني]

وشي طيب انهم رابطين الاحزمه

تحياتي للجميع

[نسناس]

الانما السرعة جنون وبطر === ولايزال المرؤ منها في خطر
من مات منها مات اشنع ميتتةن == والنار موئلهو لاانه منتحر
ماذنب نفسك حينما تقتلها == تسرع وتنسب كل لشئ ن للقدر
الله عطاك المال منه تفضل ن == حاسب واشكر والمزيد لمن شكر
لاان تسبب في البلاد كوارث ن == او تستهين وتزهق ارواح البشر
كم ازهقت روح وشلت غيرها == وفي المشافي عبرت ن للمعتبر
احدن فقد عمره بريعان الصبا == واحدن اسير اعاقته طول العمر
ان كان عندك للسباق شجاعة ن == فاذهب الا الرالي ونافس وانتصر

[بوحارب]

يا اني ادمنت على العديد في الفتره الأخيرة لكن اروح في حالي وارجع مالي في هالجنون اللي يصير بس اتفررج

وسوالف العديد وحوادثها تعودت عليها العالم كل اسبوع يصير حادث تقريباا

بس الشباب الله يهديهم ما يتعضون

نسأل الله السلامة للجميع

عنزي قطر جهز نفسك يوم الجمعة بنروح في موتري @!@

[حسن]

ياريت يالعنزي توصل الكلام للمسؤلين المفروض مايكون هناك اسعاف لمثل هذه الحوادث ولا تحظر دوريات الشرطه هناك
وشلكم فيهم تركهم ابرك
تكفي وصلها للخرجي

[عنزي قطر]

ااول صورة حلوة وتونس
والله لو الدولة او اي جهة تنضم المكان للشباب لا راح نشوف خساير بالمال ولا النفس
كيوتل او فودافون بنك قطر الوطني لوتشارك وتهتم بفئة الشباب ورغباتهم بس شوي

عيون الدوحه شكرا لك على المرور والاقتراح

[المتفرج]

جزاك الله خير على هالنصيحه

والله يهدينا ويهديهم ان شاء الله

[الصغيره]

ما كذبت ياخوي

هذا برمل وفي سيلين والعديد لكن ياخوي وش تقول بشرواعنا وبموضوعي الاخير اللي كتبته عن الباصات الطايره

هذه حقيقه لكن للاسف كان المورور وادارة المرور عندنا ماعليهم كلام لكن السنه المنصرمه الصراحه دورهم ما يذكر

[المالكي]

عنزي قطر بارك الله فيك وفميزان حسناتك ان شاء الله الله يهديهم هالشباب على كثر مايسمعون ولايتعضون وفعلا محد بينحرق قلبه غير الامهات

[ولد شرق]

بعض الشباب
اغسل يدك منهم

لو تكلم ظوفة جان اسمعت لك !!!!!!!!!!!!!!

ايه والله
وخصوصا اللي يقول اوووه اول صورة تونس

سبحان الله ولا جنه قاعدين نتكلم عن خطورة الوضع...

[عوآآآآشـي]

الله يهديهم ان شاء الله

الله يصبر قلب الام تدعي يرجع ولدها بالسلامه

[بنت الاجواد]

الله يهداهم ويحفظ الجميع

[آنا غيــر]

خلصوا الشباب كلهم ماتوا من جذي ماعندنا حد نتزوجه -_-

[قطريه ماركه]

لا حول و لا قوة الا بالله

الله يهديهم

[AL-MAYSTRO]

شفتهم ع الطبيعه الجمعه

الله يستر قلت ومشيت عنهم خايف يصير شي

الله يهداهم بس

[الإكسير]

خلصوا الشباب كلهم ماتوا من جذي ماعندنا حد نتزوجه -_-

ههههههههههههاي هذا الي همكم الزواج،،،،، الله يوفقكم بالزوج الصالح

[7llo]

بعض الشباب مايتعضون ,, صدق اني اروح العديد بس عمري ماتجمهرت او قفت عشان اشوف واحد خبل يطير بسيارته دوم اروح اتمشى واقعد واوسع الصدر
بس الله يهدي شبابنا

[الـخـالـدي]

الله يهديهم ويحفظهم ويتوب عليهم

[نوفة قطر]

للاسف

يروحون على اساس وناسه ويفجعون قلوب اهاليهم بحوادث متعمده نقدر نقول !

لان اللي يقط عمره غصب بهالحركات .. شنقدر نقول عليه ؟

الله الهادي

-

[AL-MAYSTRO]

ولاتلقوا بأنفسكم الى التهلكه

[doha1]

الله يهدي الشباب والاستهتار بنعم الله

واستصغار مثل هالمزح او عدم الانتباه

والقوانين اللي مخليتهم يلعبون ع راحتهم هناك

[المدريدي]

السبب ادارة المرور واهمالها للشباب القطري

المفروض المرور يوصلون للعديد واي سيارة تقوم بمثل هذه التصرفات يرمونها في شبك بوهامور 3 اشهر

وتغريم صاحبها 20 الف للحد من مثل هذه الامور

[Miss]

الله يهديهم :(
لازم تكون هناك جهه تمسك هالموضووع ، ما يقدرون يمنعونهم لان صعب جدا ، ان منعتهم من العديد راحوا خط الشمال واستعرضوا ،لكن جهه تمسك الموضوع وتحط شروط وقوانين لممارسة هالشي ..

[بومحمد المطاوعه]

الله يهديهم يارب

والله يضعون انفسهم في التهلكه

ولا صوره احلى من الثانيه

وكلها خطره والله

الصراحه ياخوي عنزي كل جمعه قبل كنت اروح واشوف اشياء تعور القلب

يسرع يمكن تقريبا 120 ويضرب الطعس

شي خيالي الصراحه

ولا يخافون ولا يقولون عندنا ام بتحزن علينا

الله المستعان

[GENIUS]

أذكر من أربع سنين كانت في حملة قوية من قبل تحريات المرور ولخويا وأمن الجنوب و كان اي موتر ملغم او مخالف او مغبر النمرة ينحجز على طول .

اتمنى يعيدون هالحملات من جديد لوقف نزيف الدم والأرواح لأن الإستعراض الحين صار بجهالة وعبط..

[بومحمد المطاوعه]

أذكر من أربع سنين كانت في حملة قوية من قبل تحريات المرور ولخويا وأمن الجنوب و كان اي موتر ملغم او مخالف او مغبر النمرة ينحجز على طول .

اتمنى يعيدون هالحملات من جديد لوقف نزيف الدم والأرواح لأن الإستعراض الحين صار بجهالة وعبط..

موجودين طال عمرك

ويسجلون الارقام لليوم

اكثر الي يضربون الطعس مغطين لوحاتهم

قبل اسبوع رفيجي الله يهديه كان يستعرض فالعديد

وجاله مسج يرجى مراجعه التحريات

[شموخ]

الله يهديهم ويصلحهم هالشباب الحركات هذي اللي جالسين يسوونها يسمونها انتحار مو استعراض بس يبغون يحرقون قلوب أهاليهم عليهم والمشكلة مافي رادع لكن ما أقول غير الله يحفظهم ويخليهم حق شبابهم يارب..

[لاجل QT]

السؤوال

ليش مايغرمونهم اللى يطعسون بغرامة 10000

وانتهى موضوع الطعوس للابد..

[بومحمد المطاوعه]

السؤوال

ليش مايغرمونهم اللى يطعسون بغرامة 10000

وانتهى موضوع الطعوس للابد..

اختي مب سالفه غرامه

ياما مواتر بدون استماره

ياما شباب مغطين اللوحات

ياما سيارات مب مسجله فالمرور

وفي مواتر تسوى 10 اللاف ريال بس مزوده ب 3500 ريال ويطعس فيه

ويقطه ف العنه داخل خيمه ولا اي مكان

يعني لو تخالف اخر الموسم بيحذف الموتر ولا هامه

الله المستعان

[عنزي قطر]

الله يهديهم
قلت لكم ماعندهم نيه يتعضون باشكال وانواع الحوادث الى تصير:(

بالعكس الله الهادي سبحانه النصيحه والدعاء والردود منكم فيها الخير والبركه ان شاءالله .

[بريق الحق]

المشكلة الف واحد يضرب في نفس الوقت

[عنزي قطر]

جزاك الله خير يا عنزي على هالمواضيع الطيبه , عساهي في ميزان حسناتك
كفو والله

ربعنا تراهي والله ما تسوى تنشل وتفقد احبابك الي معاك في نفس الموتر على لعبه

نتمنى انشاء تصريح خاص لمثل هالسيارات الي تبغي تستمتع بهذي الرياضه الخطره
ودعمها بوضع دعايم الحمايه داخل هالمواتر والتغريم على عدم لبس الخوذه وحزام الامان
ونشر الدوريات ورجال التحريات في هالاماكن

تبي تلعب , العب بمسؤوليه


جزاك الله خير هذا واجب على الجميع نشر النصيحه .وجهة نظرك وفكرتك تحترم

[الجوكر90]

ماشاء الله الشباب يطامرون ع الطعوس
تصدق فيوم من الايام كنت افكر اخذ لي موتر حق الطعوس واطامر نفسهم بس دعاء الوالدين كان سبب اني اترك هالسوالف
الله يهديهم

[معماري قطري]

خلصوا الشباب كلهم ماتوا من جذي ماعندنا حد نتزوجه -_-


:secret:

[معماري قطري]

موجودين طال عمرك

ويسجلون الارقام لليوم

اكثر الي يضربون الطعس مغطين لوحاتهم

قبل اسبوع رفيجي الله يهديه كان يستعرض فالعديد

وجاله مسج يرجى مراجعه التحريات

ههههههههه خوش صيده .. علمنا شبيسون فيه ووين سيارته بتكون.

[بريق الحق]

اخوي مروري اذا المرور يبون يوقفون الي قاعد يصير راح يتوقف غصب من طيب بس مخلينهم على راحتهم

[لبتونه]

هذا مش طيش شباب هذا يسمونه الاعاقه او الموت او التهلكه بيدك انت واختيارك انت

لو كل شاب يروح يلف بغرف مستشفى الرميله يشوف الشباب الي بلحظه طيش انتهت حياته مشلول او معوق

يقعد معاه يوم يشوف اشلون حياته تحولت في ثواني الى جحيم

الي بعمرهم كملوا دراستهم وتزوجوا وصار عندهم اعيال

وهو في المستشفي بين اربع طوف نفس الروتين اليومي كل يوم يتمني الموت ولا حياته

وين امهاتهم وابائهم واخوانهم ليش مايراقبون اعيالهم بس يشترون لهم سياير ويطلع من صبح لين ثاني يوم ولا حتى يعرفون ربعهم الي معاهم


المفروض دور الاب والام يكون قوي جدا خصوصا مع اي شاب من يبتدي السواقه والمراقبه

[بومحمد المطاوعه]

ههههههههه خوش صيده .. علمنا شبيسون فيه ووين سيارته بتكون.

الله كريم

يمكن حجز او تعهد

[عنزي قطر]

جزاكم الله خير للجميع على الردود والنصائح اسف على التأخير لي عوده ان شاءالله

[عنزي قطر]

ااول صورة حلوة وتونس
والله لو الدولة او اي جهة تنضم المكان للشباب لا راح نشوف خساير بالمال ولا النفس
كيوتل او فودافون بنك قطر الوطني لوتشارك وتهتم بفئة الشباب ورغباتهم بس شوي

جزاك الله خير يجب تكاتف الجميع :anger1:

[qatarman8008]

خلصوا الشباب كلهم ماتوا من جذي ماعندنا حد نتزوجه -_-


:nice::nice:

[Aaziz]

السلام عليكم


انا نفس ابوحارب اروح اتفرج بصمت و ارجع بصمت .

وانت ياخوي عنزي قبل كم اسبوع و الحين حاط صور الاستعراض و حادث غير خطر نهائيا بهذي الطريقه تعمل دعايه و الي يسمع بالعديد و الاستعراض شافه من صورك .

لاحظ محد علق على الحادث اغلب الاعضاء انعجبو بالصور ... وبعض البنات ودهم يروحون بعد ؟؟



اعتقد ان الوضع ماله حل ينهيه ،، الحلول الممكنه هي ان الحكومه تقنن الموضوع و تحط شروط للسلامه و خلافه .

[عنزي قطر]

الله يهديهم
قلت لكم ماعندهم نيه يتعضون باشكال وانواع الحوادث الى تصير:(

اللهم امين يارب العالمين والصور للعبره الاستعراض نهايته خطيره

والله يحفظ الجميع

[ولد البدر]

اذا الواحد ينصحهم ما يتقبلون النصيحة ، ما يعرفون قيمة النصيحة إلا إذا وقعت الفأس بالرأس للأسف الشديد ، جزاك الله خير

[الـجـنـاحـي]

الله يهديهم

[نورهان88]

وناسة الصورة الأولى ماشاءالله عجيبة

الله يحفظهم جميعاً يارب ويخليهم ويهديهم



:victory::victory::victory:

[بنت الشمال]

:omg: