ابي اشتكي على محل تأخر في تسليم البضاعة .... وين اشتكي ؟؟

[فويرط]

مرحبا

في محل فصلت من عنده كراسي .. وواعدني بعد اربع شهور بالكثير تستلمهم

المهم خلصت اربع شهور .. ورحت له قالي البضاعة ما وصلت وعطنا 45 يوم ويكونون عندك ... المهم الحين خلصت 45 يوم ... ومارحت له

في جهة رسمية أقدر اشتكي عندها ، ويتخذون اجراء ضد المحل ؟؟؟

بيني وبينهم فاتورة ومسجل عليها اربع شهور ، والفلوس اندفعت كاملة ... لازم ادفع كامل

ياريت تفيدوني وجزاكم الله خير

[بن غيث]

يفصل أم يستورد ..!!

أذا أتعرف واحد من ربعك في الفزعة أو العاصمة خله ينفظهم لك ويستدعيهم وتأخذ فلوسك أو يوقع على تعهد بأحضار البضاعة خلال مدة تتفقون عليها مع ذكر غرامة مالية يومية
تعادل 5 % من قيمة المبلغ الاجمالي
هذه الطريقة مجربة مع كثير من الاشخاص غير المحترميين

[ميلاف]

اخوي لاتعب نفسك ولا يحتاج تعرف احد في الفزعه ولا شي رح لاقرب مركز شرطه وقدم شكوى وبلاغ ( احتيال ونصب ) وقولهم هذا احتال علي ونصب علي لاتقولهم لا هو زين بس عيبه انه تأخر بيقولون لك رح اشتك فالمحكمة والمحكمة هالايام الله يعزك كنها بلدية الريان في الثمانينات كلها مصريين وصايره خربطه والقضاه مايتعدون عن عشره والقضايا فوق المليون يبيلك 4 سنين قول خذا فلوس وهذه وصلها والحين هذا احتيال ونصب والوصل معاك والحين يقولي كل يوم بكره لاهوب الى رد الفلوس ولا هو الى جاب البضاعه هم بينادونه بيحاولون يحلون الموضوع مانحل بيرفعونه للنيابه وهناك بيطلع بكفالة هذه الفتره بتخلية يتأدب عدل ويجيب لك اغراضك

[Chambray]

حماية المستهلك بيحلون الموضوع إذا عندك الفواتير والاوراق الرسميه ..

[khaldoon]

امن العاصمة حتى لو ما كان تخصصهم بس تليفون صغير منهم بيخلونه يتأدب معاك

[وارث العز]

كلام اخوي ميلاف سليم 100% سو الي قالك عليه اتوقع كراسيك تخلص ثاني يوم

بس انت بعد الله يهداك شلون تدفع له المبلغ كامل !!!!!!!!!! اكيد بيتأخر فلوسه

وعندة

[مشتاقة لقطر]

اشتك عليه العاصمة

[فويرط]

جزاكم الله خير

الكراسي وصلت الثلاثاء اللي طاف