الكرستال لزينة السيارات واسعار الصدام المبالغ فيه!!!

[بوحارب]

السلام عليكم

معروف عندنا مؤخرا بأنه تم السماح بتركيب الصدام الصب ( فيبر )

وما ان تم الأعلان عن السماح الا ان الكرستال وضع اسعار خيالية لهذي الصداديم تصل الى 4000 للصدام الواحد !!!!

وفي الدول المجاورة سعر الصدام الفيبر في حدود 1500 الى 2000 ريال ان كثر


وين حماية المستهلك عن هالأسعار المبالغ فيها .؟

[قطر70]

الكريستال اكبر حرامي في قطر

هالانسان ماعنده لاذمه ولا ضمير

طايح قصب في الشباب واسعاره نار من 10 سنوات مب من اللحين

اذا تبي صدام صب سمعت ان فيه محل في سوق الخميس والجمعه اسعاره ممتازه

[بومحمد المطاوعه]

الله يهديه كريستال

الصراحه انا مادري شلون العالم طايحين عليه

لا اسعاره حلوه

ولا اسلوب حلو

ولا شغل عدل

بس مفوشر الناس

والله صابغ في الكريستال

خف علينا يالي تفوشر وايد ترى تقط فلوسك على الفاضي

بوحارب يالذيب لاتركب عنده ترى مب شي كلش

اخبر قبل ب 2500 يفصل صدام صب

بس الحين رفع لأن شباب المفوشر طايحين عنده ومخابيهم مشقوقه

[بـارود]

بصراحة لاعب لعبته :anger1:
مادام مافي لا حسيب ولا رقيب

[راشد محمد]

دوروا غيره

[mE mYself & i]

كان نفس سعر الدول المجاورة عند كريستال قبل لا يتم تصريحه

[رجل الجزيرة]

دوروا غيره

أي والله دوروا غيره.

[Aaziz]

دواء الشيء تركه :thumbup1:

[فارس قطر333]

عادي انت في قطر

[بوخالد911]

هلا

س : وشفايدة الصدام الصب ( فيبر )؟

ممكن صورة له

والله مالي بذي الامور

[بومحمد المطاوعه]

هلا

س : وشفايدة الصدام الصب ( فيبر )؟

ممكن صورة له

والله مالي بذي الامور

هالصدام فيبر اخوي وتفصيل
بس للشكل ماله اي فائده

http://www.qatarspeed.com/forum/imgcache/5883.png

اما هالصدام اصلي وصبه حديد مب فيبر

حتى يكون ثقيل مب خفيف

وشركه معروفه
http://www.nissan-arabia.com/vb/images/imgcache/2011/09/6.jpg
http://l.yimg.com/qn/uaesm/up/uploads/e5b0cdd103.jpg

http://www.4wdservice.com.au/images/bull%20bar.jpg

[حسن]

ياجماعه لاتضلمون بختكم
انا اول من ركب صدام صب على النيسان الجديد
مسكين والله العظيم ماخذ مني ريال
والله على ماقوله شهيد

[وحيد-الشوق]

صدام صب والله شكله دفش ويخرب الموتر

مادري شلون تركبون هالسوالف مع احترامي للجميع :)

[7llo]

كريستال من زمان غالي
مره رحت له عشان يعدل لي طعجه صغيره في الرفرف الي ورا الطعجه جنك مدخل صبعك في البدي بالقو ماتبين قالي بشفط لك اياها ب600 وممكن تضبط وممكن لا قلت له لا مابي ماراح اموت لو تمت هل الطعجه وطنشت وحركت ماسويتها

[aldeem1]

يحقله يرفع اسعاره،،

يعني من بين كل الكراجات في الدوحه، لازوم تروحون كريستال؟
طنشوه شهر ولا شهرين وبيعرف شلون يرفع اسعاره.

يعني ما يصير تتشكون من سعر شي وتروحون تاخذونه

[ابو صقر]

انا اشوف صداديم الوكاله احسن .. واذا بتركب صب .. ركب الحديد احسن
على الاقل في فايده

[aldeem1]

انا اشوف صداديم الوكاله احسن .. واذا بتركب صب .. ركب الحديد احسن
على الاقل في فايده

الحديد ممنوع

[حمد بن سعد]

الكريستال اكبر حرامي في قطر

هالانسان ماعنده لاذمه ولا ضمير

طايح قصب في الشباب واسعاره نار من 10 سنوات مب من اللحين

اذا تبي صدام صب سمعت ان فيه محل في سوق الخميس والجمعه اسعاره ممتازه



والله الحرامي في نضري اشرف منهم

[vxr 5.7]

والله محد يقهرني الى السورين الى ف الكرستال نصابين وينصبون عليك وانت تشوف والعيب ف بعض الشباب ياخذلى فكسار او لكزس 2012 وعالطول يروح صوبه يركب ويدفع عادي وماحد يكاسره

[اللوز]

المشكلة في المسئول اللي حاطينه ( خ) رافع خشمه ومتكبر ويكلمك بخياس نفس
وكانك تشحت من عنده !!

[ZURICH]

الكريستال كان شغله ممتاز بعماله الفلبنيين

اما اللحين عماله نيباليه والشباب مايمدحونه

غالي ع الفاضي

[اللوز]

مشكلته مغرور

[fahed]

والله أنا اقول زين يسوي. ناس عندهم فلوس و يهايطون واجد ليه ما اقصبهم؟ حن اللي مستاهلين اللي يسوونه فينا كرستال و غيره. ولا لو نبي التغيير كان قاطعناهم مقاطعه صح. و خل أغراضهم تخيس عندهم. لأكن من اللي يصمل. أنا عن نفسي من سنتين مقاطع اي واحد يرفع سعره بدون مبرر.

[بوحارب]

والله أنا اقول زين يسوي. ناس عندهم فلوس و يهايطون واجد ليه ما اقصبهم؟ حن اللي مستاهلين اللي يسوونه فينا كرستال و غيره. ولا لو نبي التغيير كان قاطعناهم مقاطعه صح. و خل أغراضهم تخيس عندهم. لأكن من اللي يصمل. أنا عن نفسي من سنتين مقاطع اي واحد يرفع سعره بدون مبرر.

انا قاطعته قالي الصدام ب 4000 وطلعت من عنده ورحت المحل اللي في سوق الخميس والجمعه وفصلته ب 2200 واحسن من شغل الكرستال بعد

:)